البلاي ستيشن3 والتعليقات؟ جهازي بدأ يموت؟؟

[Strife]

قبل فترة نزلت اخر ابديت من سوني 2.0 ..

ووقتها لاحظت ان الجهاز بدأ يشير/يهنق/يعلق/not responding الخ.. يعني احيانا بدون سبب.. واحيانا وانا العب... وما اقدر اعمل معاه اي شيء الا Power Off.. ما اقدر ادخل ال Sleep Mode او اطلع من اللعبة..

وحتى ادائه صاير ضعيف.. يعني لما افتح اي شيء... او لما احاول اعمل sign in.. الجهاز ياخذ له فترة طويلة وهو not responding بعدين يواصل..

وايضا هناك نقطة لاحظتها وهي ال upscaling لالعاب البلاي 2 .. احس ان ال upscaling تغير احد لاحظ؟ او انا اتخيل؟.... (الجهاز دايما مشتغل على ال 720p).

ما ادري هل هناك مشكلة في الابديت؟ احد غيري يواجه هذه المشكلة... او جهازي عمره منتهي؟

 

[SALAH]

نعم الجميع واجه هذه المشاكل ..

حلها ببساطة انك تطفي شريط الاخبار في الجهاز , كل مشاكل التعليق من تحت راسه هو ..

روح على Network واكبس على شعار الاخبار واختار Do Not Display

ورح تنحل مشكلة التعليق والبطئ ان شا الله

 

[JOE]

لاحظت مشكلة زي هذه ....

الجهاز تجيه حالات و يعلّق و ما تقدر تعمل معاه اي شئ (حتى Power Of ) إلا تتك سويتش الطاقة .

بس هل تعتقد انه لها علاقة بالابديت ؟

 

[Eario]

اوكي, اذا أنت منزل الأبديت من الكمبيوتر و نقلتة للبلايستيشن تأكد تماما إنة يوافق نام جهازك, ياباني اوروبي او امريكي (يفضل تحميل الأبديت عن طريق البلايستيشن)

طفّ الخدمة الجديدة (الشريط البرتقالي فوق ع اليمين) تروح عند الخدمة و مثلث (ديسبلاي)

عندي الجهاز 100%

 

[Strife]

نعم الجميع واجه هذه المشاكل ..

حلها ببساطة انك تطفي شريط الاخبار في الجهاز , كل مشاكل التعليق من تحت راسه هو ..

روح على Network واكبس على شعار الاخبار واختار Do Not Display

ورح تنحل مشكلة التعليق والبطئ ان شا الله

معقولة؟ الشريط الصغير هذا يسبب كل هذه المشاكل؟ بطفيه وبشوف..

بس هل تعتقد انه لها علاقة بالابديت ؟

اتمنى.. لان الجهاز مثل ماهو.. ماتغير فيه الا الابديت.. والثيمز.. يمكن الثيمز ياخذون ميموري اكثر او حاجة؟.. او الاسوأ من كل هذا مشكلة في الهاردوير.. اخاف سوني تعطيني 40 جيجا.. لاني رحت للوكيل وماكان عندهم الا موديل ال 40 :cryy:

اوكي, اذا أنت منزل الأبديت من الكمبيوتر و نقلتة للبلايستيشن تأكد تماما إنة يوافق نام جهازك, ياباني اوروبي او امريكي (يفضل تحميل الأبديت عن طريق البلايستيشن)

طفّ الخدمة الجديدة (الشريط البرتقالي فوق ع اليمين) تروح عند الخدمة و مثلث (ديسبلاي)

عندي الجهاز 100%

ايه متاكد.. جهازي اوروبي.. والابديت اوروبي.. بطف الشريط.. اصلا ماله فايدة.. لا اخبار عدله فيه.. ولاهم يحزنون..

 

[Tomb raider]

فعلا نفس الشي معاي كان بطيء قلت اكيد من RSS ، طفيته على طول وصار احسن ..

 

[The Doctor]

مثل ما قال صلاح... طفي شريط الاخبار، هو سبب هالمشاكل

المشكلة ان اصلاً ماله داعي... لو مشتغلين على الin-game XMB اصرف

 

[Humam]

شريط الأخبار من جد مال امه داعي سوى انه يبطئ أداء الجهاز..

عموما التعليقات داخل الألعاب موجودة أيضا.. في ناس اشترت انتشارتد واللعبة تعلق مناطق معينة, استبدلوا النسخ ونفس الشيء, المشكلة من الفيرم وير, سوني امس قالت ان الفيرم وير 2.1 راح ينزل قريب وراح يعالج هذي المشاكل.

 

[BioMario]

شريط الأخبار موب هين ..
رح اعطل عملة .. بالفعل ماله اي فايدة اشوفه فقط منظر ..
رح اشيله وان شاء الله الجهاز يرد مثل اول و اتمنى الابديت الجديد يكون ممتاز و يصحح الاغلاط

 

[SALAH]

شريط الأخبار موب هين ..
رح اعطل عملة .. بالفعل ماله اي فايدة اشوفه فقط منظر ..
رح اشيله وان شاء الله الجهاز يرد مثل اول و اتمنى الابديت الجديد يكون ممتاز و يصحح الاغلاط

انا اللي اتمناه انه سوني مو بس تعدل التعليق والبطئ الناتج عن استعمال الشريط , بل انهم يعدلوه كله أساسا ...
أولا القراءة منه غير مريحة ثانيا ماشفت عليه ولا خبر مهم وأصلا الاخبار كانت نفسها يومين ورا بعض ..ياريتهم يعملوه مثل الويدجيتس الموجودة في ويندوز فيستا ..

يعني يكون شي شبيه بهذا :

هذا تحسه يحمل أقل على الميموري والقراءة منه أبسط و أسرع ..

 

[Strife]

Firmware v2.01 is a minor update that will improve the stability of PLAYSTATION 3.

http://blog.us.playstation.com/2007/11/16/firmware-v201-coming-soon/
صح! طلع الابديت الجديد بيصلح المشاكل..!

خخخ والله حالة.. بعد لازم انزل ابديت اكثر من 100 ميجا مرة ثانية.... لكن الحمدلله مب مشكلة في الجهاز..

 

[Nyx]

حسب ماقريت في جاف إنهم راح يوقفو الأبديتات كبيرة الحجم وتكون عباره عن باتش للأبديت إللي قبله إبتداء ً من الأبديت هذا , طبعا للي منزل الأبديت 2.00

ياليت يكون دعم الـDivx موجود فيه , مع إني ما أظن.

 

[Strife]

حسب ماقريت في جاف إنهم راح يوقفو الأبديتات كبيرة الحجم وتكون عباره عن باتش للأبديت إللي قبله إبتداء ً من الأبديت هذا , طبعا للي منزل الأبديت 2.00

ياليت يكون دعم الـDivx موجود فيه , مع إني ما أظن.

احلى خبر.. هذا اللي كان لازم يصير من زمااان <tgman>:laugh:

 

[Mr.3B]

الحمد لله جهازي من الي نجى هذي المأساة

 

[ASWD]

لوووول قرائة المواضيع للفوز..الخبر تم نشره بموضوع لستور*ابديت جديد بيحل هالمشاكل*+سالفة التعليق تم نشر الخبر المتعلق بيها في موضوع اساسينز..على الله مايتاخرو في اصداره..لان انا اواجه مشاكل التعليق فقط في الالعاب..ودي اكمل راتشيت وكود4

 

[Final Fantasy]

الحمدالله المشكلة ما واجهتني .. جهازي بالسليم

 

[Strife]

لوووول قرائة المواضيع للفوز..الخبر تم نشره بموضوع لستور*ابديت جديد بيحل هالمشاكل*+سالفة التعليق تم نشر الخبر المتعلق بيها في موضوع اساسينز..على الله مايتاخرو في اصداره..لان انا اواجه مشاكل التعليق فقط في الالعاب..ودي اكمل راتشيت وكود4

ما تابعت موضوع الستور لان لو كان فيه شي كبير كان لاحظته في العنوان.. وموضوع اساسنز ما اتابعه لاني اساسا ماكنت متحمس للعبة كثيراً وكنت بشتريها لو كانت تقيماتها ممتازة... وبعد التقيمات قررت اني ما اشتري اللعبة... فليش اروح لموضوع لعبة مب مهتم لها

واصلا هذا الخبر المفروض ينحط في الشريط مالهم.. مب يحطون لي عن الـghoulies وكرة القدم :sealed:

 

[iCon]

الحمدالله المشكلة ما واجهتني .. جهازي بالسليم

Me Too <tgman>

 

[M 7 L]

الحمدالله المشكلة ما واجهتني .. جهازي بالسليم

إية والله الحمد لله وأنا بعد ! أول ما نزّلت الأبديت كان الوضع مزري جداً وخفت على الجهاز وقلت شكلها راحت علينا بلاش مع الأبديت الغبي لكن من طفّيت شريط الأخبار الأهبل والوضع تمام التمام . . .

يمكن علّق الجهاز معاي مرّة وحدة أو مرتين بس ! في كول 4 " أون لاين مود "

إن شاء الله يكون ( Xvid ) موجود في الباتش الجاي .. .. ..

 

[Khalid-S]

جهازي كان يعلق مع PES قبل ما ينزل الابديت الاخير (2.0) . بس مع PES