الإعلام ينصف الوي يو و ينصح به في موسم الأعياد المجنون

[king zell]

قبل فترة كان في موضوع شارك فيه بعض الأعضاء اللي كانوا مستغربين كيف أنا و بعض الشباب ننصح بالوي يو على الأجهزة الجديدة في موسم الأعياد الحالي

في الواقع هالشي طلع له قبول أكبر، كثير من المواقع المعروفة جدا بدأت تدعم الوي يو إعلاميا بمقالات تنصح فيه في موسم الأعياد الحالي و تفضله على البقية أحيانا


Eurogamer
The strongest next-gen line-up from the unlikeliest source

Cnet
Xbox or PS4? Maybe that's the wrong question

TechnoBuffalo
Wii U: This Holiday’s Hidden Gem

Gizmodo
You Know What? I'm Getting a Wii U






رغم كل الجوانب السلبية للجهاز، أحسه ماخذ أقل من حقه بكثير، خصوصا لما يتعلق الموضوع بالألعاب (اللي هو صلب الموضوع)

 

[s3rorh]

والله كلامك و كلامهم سليم ... بس ننتظر و نشوف فيتو أيش بيقول :neutral_face:

 

[Awkland]

شي متوقع (بنسبه لي) لاني عارف من اول ان نينتندو كانت تبي تقتل الجهاز في بداية عمره , وبعد نزول باقي الاجهزه ويحتاروا الناس بين الاثنين , يلاقوا ان الوي يو الاكثر العاب بينهم و في نفي الوقت واعد بالعاب في 2014

 

[Mesharey]

الآن صارت مكتبته حلوة، لكن بالنسبة لي انتظر لعبة زيادة وباخذه ..

بشكل عام، بيكون أفضل بسنين ضوئية من الوي بالنسبة لذوقي على الأقل ..

 

[Gon freeces]

3 ألعاب زينة متوفرة صارت مكتبة محترمة؟ وت؟

 

[king zell]

3 ألعاب زينة متوفرة صارت مكتبة محترمة؟ وت؟

ايش تعريف "زينة" عندك؟

لأن اذا قصدك ألعاب حلوة و تساهل الشراء ففي أشياء كثير غير المذكورة فوق

مثل Zombie U و NSMBU و Lego Undercover و Monster Hunter 3 و Nintendo Land.... و ألعاب طرف ثالث مثل ريمان ليجيندز و باتمان و أساسن كريد و نيد فور سبيد و غيرها

 

[AAH3:16]

مع احترامي لكن حتى مع المقارنة بين اجهزة الجيل الجديد

الجهاز ماعنده الا ماريو وزيلدا
وباقي الألعاب متوسطة وفرعية

نحن نبي لاين متنوع وقوي اللي اشوفه مش كافي ابدا

 

[FAROOS]

^^^

على اي اساس بيكمين 3 لعبه متوسطه :: .

 

[Rare Games]

^^^

على اي اساس بيكمين 3 لعبه متوسطه :: .

المفروض السؤال يكون على اي اساس كل العاب ننينتدو متوسطة الا ماريو وزيلدا

هذا الي فهمته من رده

 

[SCREAMING_RAGE]

3 ألعاب زينة متوفرة صارت مكتبة محترمة؟ وت؟

ضربة تحت الحزام ..... أوتش..


فعلاً قائمة الوي صارت شوي رهيبه............ في انتظار امازون الجمعه الاسود.

 

[king zell]

مع احترامي لكن حتى مع المقارنة بين اجهزة الجيل الجديد

الجهاز ماعنده الا ماريو وزيلدا
وباقي الألعاب متوسطة وفرعية

نحن نبي لاين متنوع وقوي اللي اشوفه مش كافي ابدا

ما عنده الا ماريو و زيلدا؟ مع احترامي أخوي فتح عينك شوي و شوف اللاين كامل

وين راحت هذي الألعاب:

Deus Ex: Human Revolution - Director's Cut
Call of Duty: Black Ops II
ZombiU
Rayman Legends
Assassin's Creed IV: Black Flag


هذي أمثلة فقط، و اللاين أب متنوع جدا، و الأمثلة اللي فوق أنا ركزت على الألعاب الحصرية فقط

 

[The Doctor]

3 ألعاب زينة متوفرة صارت مكتبة محترمة؟ وت؟

بالضبط.
الكونسولز أعمارها مش شهرين و لا ألعابها بس في فترة اللنتش. إذا الواحد ناوي على أكثر من كونسول هالجيل، فطبعاً الوي يو خيار منطقي بسبب ألعاب ننتندو.
بس أغلب الناس تشتري جهاز واحد بس، و صعب الواحد ينصح به في هالحالة.

 

[AAH3:16]

ما عنده الا ماريو و زيلدا؟ مع احترامي أخوي فتح عينك شوي و شوف اللاين كامل

وين راحت هذي الألعاب:

Deus Ex: Human Revolution - Director's Cut
Call of Duty: Black Ops II
ZombiU
Rayman Legends
Assassin's Creed IV: Black Flag


هذي أمثلة فقط، و اللاين أب متنوع جدا، و الأمثلة اللي فوق أنا ركزت على الألعاب الحصرية فقط

محمد يعني تتوقع الناس بتترك نسخ البلايستيشن 4 والاكس ون

وبتروح تاخذ نسخة الوي يو ؟؟؟

نعم الألعاب الحصرية ككمية جيدة الا جيد جدا

لكن بصراحة الالعاب الممتازة هي فقط ماريو وزيلدا اما الباقي فمانقدر

نقول AAA

 

[Tomb raider]

محمد يتكلم عن قائمة موسم الاعياد، وانا اتفق تماما ان لاين اب الوي وي يو كموسم اعياد افضل من موسم اعياد النكست جين.

 

[king zell]

محمد يعني تتوقع الناس بتترك نسخ البلايستيشن 4 والاكس ون

وبتروح تاخذ نسخة الوي يو ؟؟؟

نعم الألعاب الحصرية ككمية جيدة الا جيد جدا

لكن بصراحة الالعاب الممتازة هي فقط ماريو وزيلدا اما الباقي فمانقدر

نقول AAA

مين قال للناس تترك البلايستيشن 4 و الإكس بوكس ون؟

ما في شرط أو قانون يقول لازم كل شخص يشتري جهاز واحد


الوي يو جهاز ممتاز حاليا و عليه مجموعة ألعاب ممتازة، و في الطريق ينتظره لاين أب حلو


و بعدين ليش تحصر على ماريو و زيلدا


ليش Pikmin 3 ما تكون لعبة AAA، ايش المعايير اللي انت تصنف عليها؟

 

[Zixmar]

محمد يعني تتوقع الناس بتترك نسخ البلايستيشن 4 والاكس ون

وبتروح تاخذ نسخة الوي يو ؟؟؟

نعم الألعاب الحصرية ككمية جيدة الا جيد جدا

لكن بصراحة الالعاب الممتازة هي فقط ماريو وزيلدا اما الباقي فمانقدر

نقول AAA

ياخي نكته انت، على أي اساس خليت بس زيلدا وماريو هم الـAAA على قولتك؟ قسم بالله ناس مدري كيف تفكر -ــ-

 

[Gon freeces]

ايش تعريف "زينة" عندك؟

لأن اذا قصدك ألعاب حلوة و تساهل الشراء ففي أشياء كثير غير المذكورة فوق

مثل Zombie U و NSMBU و Lego Undercover و Monster Hunter 3 و Nintendo Land.... و ألعاب طرف ثالث مثل ريمان ليجيندز و باتمان و أساسن كريد و نيد فور سبيد و غيرها

ألعاب زينة عندي : تسوى قيمة سعرها مهما كان سعرها, يعني زومبي يو مو تك ديمو زي ريد ستيل أيام الوي؟ ننتندو لاند كمان؟ ما قد لعبت ألعاب ليجو فما أقدر أفتي فيهم. أما عاد أشتري ألعاب طرف ثالث على أجهزة ننتندو و هي أصلا مو الجهاز الرئيسي بالتطوير (غير رايمان أظن) غير تكون فيها gimmicks ممكن تخرب عليك تجربة اللعبة. و مو للحين ألعاب ubisoft\ea تنزل على كل شي؟ زين اشتريها على الأجهزة اللي عندك.

كمية الألعاب اللي تسوى سعرها بأول نص سنة للجيم كيوب ضعف الوي يو بسنته الأولى. وهذا الجيم كيوب كان ق ح ط بالألعاب قبل أغسطس 2002.

محمد يتكلم عن قائمة موسم الاعياد، وانا اتفق تماما ان لاين اب الوي وي يو كموسم اعياد افضل من موسم اعياد النكست جين.
​

أوه كذا منطقية أكثر. غير إن بصراحة ما تسوى كلهم. إلا إذا إنك تبي تلعب ماريو الجديدة فالحين هو أحسن وقت قبل لا تبدأ زحمة ألعاب ننتندو ي2014

 

[Tomb raider]

[COLOR=#333333]أوه كذا منطقية أكثر.[B] غير إن بصراحة ما تسوى كلهم[/B]. إلا إذا إنك تبي تلعب ماريو الجديدة فالحين هو أحسن وقت قبل لا تبدأ زحمة ألعاب ننتندو ي2014[/COLOR]

اذا مسئلة ذوق في الحالة هذي...

 

[Black JK]

No Metroid = No Wii U

من جد لحتى الآن مستغرب من نينتندو ما أعلنت عن اي جزء جديد لسلسلة ميترويد، شوي ونكمل اربع سنوات من Other M

ميترويد هي السيتم سيلر بالنسبة لي

 

[king zell]

ألعاب زينة عندي : تسوى قيمة سعرها مهما كان سعرها, يعني زومبي يو مو تك ديمو زي ريد ستيل أيام الوي؟

طيب دامك ما تعرف ليش تتكلم؟

زومبي يو لعبة كاملة حصرية للوي يو، و ما في شي اسمه لعبة تيك ديمو، أنا هذي ما سمعتها الا مؤخرا من بعض الشباب لما كانوا يصرفون تقييمات كيلزون

ننتندو لاند كمان؟

ننتيندو لاند لعبة بارتي ممتعة تستغل قدرات الجهاز بشكل ممتاز

و فيها أطوار و مراحل كثيرة و جلست عليها بالساعات مع الشباب

ما قد لعبت ألعاب ليجو فما أقدر أفتي فيهم.

مرة ثانية ليش تتكلم و كأنك تعرف، خذ خلفية أول عن الموضوع اللي بتتكلم فيه بعدين أبدي رأيك، المسألة مش توقعات و تخمين

أما عاد أشتري ألعاب طرف ثالث على أجهزة ننتندو و هي أصلا مو الجهاز الرئيسي بالتطوير (غير رايمان أظن) غير تكون فيها gimmicks ممكن تخرب عليك تجربة اللعبة.

في شي اسمه مراجعات، النقاد جربوا نسخة الوي يو من أكثر من لعبة و مدحوا استخدام التابلت فيها، و كثير من ألعاب الطرف الثالث عالوي يو حصلت على تقييمات عالية

و مو للحين ألعاب ubisoft\ea تنزل على كل شي؟ زين اشتريها على الأجهزة اللي عندك.

طيب هل كونها تنزل عالـPC مثلا و بنسخ أفضل يعني إنها الغيت من مكتبة ألعاب الأجهزة الثانية؟

الموضوع بإختصار بسيط، أنا بس أبي أعلمك إن هذي خيارات متوفرة على الجهاز، و ما لك حق تحذفها لمجرد إنها تنزل على أجهزة ثانية أو إنك مش متعود تلعبها على أجهزة ننتيندو

 

[ayman1825]

للأمانة حاليا مكتبة ألعاب مقبولة بس المشكلة أنها لعشاق نينتندو فقط , يعني مش منطقي أن جماهير playstation او xbox تأخذ الwii u, و هم عارفين أن دعم الطرف الثالث شبه معدوم و البنسبة للline up جيد بس برضوا مقارنة البالجيل القادم يعتبر ضعيف خصوصا أن في لاين أب جبار في السنة القادمة , the witcher 3, infamous second son, the order, uncharted و غيرهم, فأذا ألعاب اللنش للجيل القادم ضعيفة ما في مشكلة أوفر فلوسي الى أن تأتي ألعاب جبارة و مثل ما أعطي الوي يو فرصة لازم نعطي الجيل القادم برضوا فرصة.

 

[R E M i X E R]

بعيدا عن الدراما اللي حاصلة و اللي حتحصل !

أنا في يو 20فبراير 2013 وبعد اعلان البس4 رسمياً و انه حينزل رسميا في نهاية عام2013 , على طول خصصت ميزانية من راتب نوفمبر أو ديسمبر انها تكون للكونسول الجديد من الجيل الجديد و اللي هو البس4 ! بعد مؤتمر سوني في E3 تحمست زيادة و زيادة له و قلت خلاص أبغى أبدأ استعدادتي للجيل الجديد ! غيرت الشاشة الصغيرة اللي ضعفتلي نظري أكثر ماهو معدوم من الأساس و لحقت على عروض عالم سوني و أخذتلي مسرح منزلي و ضبطت كل أموري ! و قلت خلاص أخذ البس4 في يوم الإطلاق و معاه فيفا14 و ووتش دوغز و انفميس و درايف كلااب مجانية "حسابي بلص"!!

طبعا في كل هذا الوقت و أنا أشوف الوي يو و اللاين أب المحترم جداً ! غير كمية الألعاب الهائلة اللي عمري ما لمستها من مكتبة الوي !! لكن أقول بنفسي يا ولد لا تتهور اللحين خلها بعدين :no_mouth:

مرت الأيام :: , و تأتي تلك الموجة من التأجيلات على أغلب ألعاب اللنش بالنسبة للبس4 ! رجعت فكرت في الموضوع و شفت انه بصراحة مايسوى انك تاخذه على اللنش مع لاين أب اللنش الضعيف هذا !! و قلت خلاص مادام خصصت الميزانية لكونسول من جيل الجديد لا ترجع بكلمتك :: !!

و تجي نينتندو بإعلانتها عن البندلز الجديدة !! زيلدا و بعدها نيو سوبر ماريو !! و بسعر 1125 ريال !! قلت يا ولد و جبت !!! و أخذ لي فرة في المواقع ما بين أمازون و اي باي و تويز أر أص و نيو ايج !! بعد ما انصدمت من سعر بندل زيلدا عندنا !! في جرير بـ 2100 !! و أحصله في ال اي باي بـ 1387 مع الشحن لحد باب بيتي !! و أطلبه و بالفعل . . . وصلني في يوم لنش البس4!

و أخذت معاه سوبر سماش براولز و ويي يو بارتي و وييموت !! و قررت اني أستمتع في لاين أب نيتندو المشوق + مكتبة الويي الضخمة اللي عمري ما جربتها + تأجيل البس4 حتى إصدار مجس5 :heart::heart:

 

[Ammar_R]

قريت مقالة يورو جيمر اول.. الصراحة االاين الحالي هوا ماريو.. زيلدا الريميك.. ( نسبة ليا على الأقل ) مو من المنطق تقنعني جيمز تنزل السنة الجية إن شاء الله على اكتر من جهاز- وقتها نقارنها بالأجهزة الجديدة التانية- أو جيمز نازلها على أجهزة الجيل الحالي - زي باتمان وماس ايفكت وغيرهم-
الجهاز مثير للإهتمام عشان زيلدا الجديدة.. مونوليث إكس.. زي ما الأجهزة الجديدة مثيرة للإهتمام عشان عناوينها اللي لسا مانزلت...

 

[Ammar_R]

بعيدا عن الدراما اللي حاصلة و اللي حتحصل !

أنا في يو 20فبراير 2013 وبعد اعلان البس4 رسمياً و انه حينزل رسميا في نهاية عام2013 , على طول خصصت ميزانية من راتب نوفمبر أو ديسمبر انها تكون للكونسول الجديد من الجيل الجديد و اللي هو البس4 ! بعد مؤتمر سوني في E3 تحمست زيادة و زيادة له و قلت خلاص أبغى أبدأ استعدادتي للجيل الجديد ! غيرت الشاشة الصغيرة اللي ضعفتلي نظري أكثر ماهو معدوم من الأساس و لحقت على عروض عالم سوني و أخذتلي مسرح منزلي و ضبطت كل أموري ! و قلت خلاص أخذ البس4 في يوم الإطلاق و معاه فيفا14 و ووتش دوغز و انفميس و درايف كلااب مجانية "حسابي بلص"!!

طبعا في كل هذا الوقت و أنا أشوف الوي يو و اللاين أب المحترم جداً ! غير كمية الألعاب الهائلة اللي عمري ما لمستها من مكتبة الوي !! لكن أقول بنفسي يا ولد لا تتهور اللحين خلها بعدين :no_mouth:

مرت الأيام :: , و تأتي تلك الموجة من التأجيلات على أغلب ألعاب اللنش بالنسبة للبس4 ! رجعت فكرت في الموضوع و شفت انه بصراحة مايسوى انك تاخذه على اللنش مع لاين أب اللنش الضعيف هذا !! و قلت خلاص مادام خصصت الميزانية لكونسول من جيل الجديد لا ترجع بكلمتك :: !!

و تجي نينتندو بإعلانتها عن البندلز الجديدة !! زيلدا و بعدها نيو سوبر ماريو !! و بسعر 1125 ريال !! قلت يا ولد و جبت !!! و أخذ لي فرة في المواقع ما بين أمازون و اي باي و تويز أر أص و نيو ايج !! بعد ما انصدمت من سعر بندل زيلدا عندنا !! في جرير بـ 2100 !! و أحصله في ال اي باي بـ 1387 مع الشحن لحد باب بيتي !! و أطلبه و بالفعل . . . وصلني في يوم لنش البس4!

و أخذت معاه سوبر سماش براولز و ويي يو بارتي و وييموت !! و قررت اني أستمتع في لاين أب نيتندو المشوق + مكتبة الويي الضخمة اللي عمري ما جربتها + تأجيل البس4 حتى إصدار مجس5 :heart::heart:

صراحة شي كويس.. انا سويت شي مماثل أيام الويي.. جزء من اللي خلاني أشتريه هوا الجيمز حقت الجيم كيوب.. ألعاب ممتازة ومنوعة.. مع الأسف ماتشتغل على الويي يو!
لكن عندك مجموعة جيدة - والأهم منوعة! - من الويي جيمز اللي بتزيلدك من الخيارات...

 

[king zell]

الاحظ تكرار أسماء ماريو و زيلدا كثر

ما أدري ليش الناس مباشرة تلغي بكمن 3 و W101


هاللعبتين من أفضل ما لعبت هالسنة، الواحد أحيانا بدون قصد يتجاهل بعض الأشياء اللي ممكن تعجبه بشدة

 

[Zesky]

طيب..

العاب الطرف الثالث.. مزايا الشبكة.. الاصدقاء.. هاردوير وسوفتوير ينتمي لـ2013.. ميتل جير.. وفاينل فانتسي وكينجدوم هارتس.. دستني وتايتن فال.. وغيرها الكثير.

الكلام..

انه اللي يحب ننتندو والعابها مفترض اشترى الجهاز من زمـان.. إلا لو عنده مشكلة فالثقة في ننتندو وقدرتها على اصلاح حالها.

اما اللاعبين العاديين.. ارى انه لسه المشوار اطول لننتندو حتى تثبت نفسها امامهم.

فالنهاية صعب أي شخص يتجاهل الصورة هذه...

بأنك كـ مالك للوي يو راح تحصل على العاب طرف اول متوسطة/ممتازه، لكن العاب طرف ثالث بتكون (درجـة ثانيـة) إن وجدت اصلاً.

هذا بغض النظر عن مستوى نظام التشغيل وبعض الامور.. اللي فالحالتين لازم تجبر نفسك تتقبلهم.

هذه اشياء في النهاية ما يغيرها تصريح عدة مواقع حول مشترى موسم اعياد.

 

[Zoda]

No Metroid = No Wii U

من جد لحتى الآن مستغرب من نينتندو ما أعلنت عن اي جزء جديد لسلسلة ميترويد، شوي ونكمل اربع سنوات من Other M

ميترويد هي السيتم سيلر بالنسبة لي

افضل فريق ممكن يستلم ميترويد ريترو وحليا هم الي يشتغلون على دونكي كونك , المفترض عندهم الان قابيلة انهم يمسكون اكثر من مشروع ضموا موظفين جدد ومبنى جديد
والصراحة افضل انهم يبدون مشروع جديد ودي اشوف اي بي جديد منهم اعمالهم المكنسلة تحزن

 

[Wild Fox]

جربت اغلب ألعاب الويي يو ..
بيكمن و ماريو و w101 بالاضافة لزيلدا "مشيت فيها شوي" هي الألعاب اللي تستأهل
زومبي يو سيئة جداً ، و ليجو اندركوفر ما قدرت أكملها من التكرار و الملل .
لفتره الأعياد افضل جهاز عليه ألعاب الويي يو ، لكن ما بيملي عيون احد خصوصا مع هايب الأجهزة الجديده .

 

[M 7 L]

بصراحة ابغى اجرب الألعاب الأربعة الموجودة في هالموضوع وهي الأهم بالنسبة لي

بالإضافة إلى بايونيتا .. ماعتقد راح اشتري الجهاز الآن ... لكن هي مسألة وقت بالنسبة لي

اذا شفت سعر الجهاز مخفض اكثر راح اخذه مو مستعجل عليه


الحين مخطط على العدس مع زلدا ... الوي يو بعدين :sweat_smile:

 

[Punished Noctis]

موسم الاعياد هذا عنده أفضل مكتبة. و في 2014 عنده أفضل Lineup. مشكلته فعلاً زي ماقال عبد الله مستحيل يملى عين أي شخص كجهاز رئيسي.