افضل لعبة لعبتها في حياتي: The Legend of Zelda: Ocarina of Time !

[The Shark]

أخيرا محمد خلصتها !!! لازم تسوي حفلة و تعزمني عليها :laugh::

 

[Kotaro]

فيكسد

لا, في الواقع... انا متابع منتدى ترو جيمنج من فتره قبل مااسجل, واللي اشوفه بعض الاحيان هو عدم تقبل الاراء السلبية تجاة نينتيندو

Don't take it personally :w00t:

 

[G7Ga7]

بدون مبالغة افضل واجملEnding Credits

[youtube]0t272ikEwWc[/youtube]

قشعريرة , بكاء , فلاش باكس , شعور بالرضا ... تبا تبا تبا ..
وش سويت فيني خالد :cryy:

 

[G7Ga7]

لا, في الواقع... انا متابع منتدى ترو جيمنج من فتره قبل مااسجل, واللي اشوفه بعض الاحيان هو عدم تقبل الاراء السلبية تجاة نينتيندو

يمكن عند البعض ... القليل .. الشاذ.

بس مهما كان اذا كانت ننتندو اخطأت .. ما راح يُدافع عنها هنا مهما كان !! صدقني :

Don't take it personally :w00t:

:laugh:: . مسكين الي ياخذ اراء سلبية عن لعبة يحبها بشكل سلبي .. مسكين

 

[sogeking]

بعد عشر سنين أخيرا لقيت الحل :laugh::

أذكر إني شفت هالحركة ببيت جحجاح من زمـاان والى الحين الحل عالق بمخي :laugh::

والله اللعبة لها ذكريات لاتنسى :cryy::cryy:

 

[G7Ga7]

أذكر إني شفت هالحركة ببيت جحجاح من زمـاان والى الحين الحل عالق بمخي :laugh::

والله اللعبة لها ذكريات لاتنسى

الله يالدنيا :cryy:

 

[DeathKnight]

الي ما حبوا اللعبة كانوا يلعبونها غلط p:

اللعبة perfected كل عنصر ممكن يوضع في لعبة.

مر عليها 10 سنوات ... يا الله ..

في البداية كان اخوي (مبتعث من ارامكو لأمريكا) يدورها بكل محلات آريزونا .. اللعبة كانت SOLD OUT بشكل خراافي ..

ولما رجع خالي اليدين .. الى الان اذكر يوم رحت انا واخوي الكبير لمركز النسر (؟) في سوق الشعلة بالخبر (السوق احترق للاسف :crying .
شريتها بـ400 ريال .. وكانت ولا زالت افضل 400 ريال اصرفها على لعبة .

تصدق نفس حالتي بس ما كان أخوي الكبير مبتعث كان يدرس هنا المهم إني شريتها من النسر برضو ب 400 ريال أول مانزلت + أتذكر أخذت معاها Turok 2 أعتقد كانت ب350 مع التخفيض :laugh::

وأنا أعتقد برأي المتواضع إنو جهاز الـN64 من أفضل الأجهزة في تاريخ الفيديو جيمز

 

[Hwoarang]

أذكر إني شفت هالحركة ببيت جحجاح من زمـاان والى الحين الحل عالق بمخي :laugh::

والله اللعبة لها ذكريات لاتنسى :cryy::cryy:

الحركة عرفتها من ربيعي حتى قبل ما ألعبها
كنت أحس أنها شئ كوول من دون ما أشوفها ...

 

[kInGsIzE]

الله يا اوكارينا ..
اذكر كنت بصف سادس ابتدائي لما نزلت وكانت فتره امتحانات نهايه السنه او قربت الامتحانات ما اذكر بالضبط .. سعرها 400 ريال و ما وافقوا اهلي يشترونها لي الا اذا نجحت والحمدلله نجحت و شريتها ..

كان اسعد يوووووم بحياتي .. على فكره تذكرت حوار ظريف صار بيني و بين اللي يبيع المصري بطوكيو قبل لا اشتري وكنت اروح المحل عشان اتفرج عالغلاف الذهبي لول ..

انا : كيف زيلدا؟
البائع : جميله جدا ..
انا : وش قصتها ؟
البائع يشيل العلبه و يطالع الغلاف من ورا ويرجعها و يلتفت علي : بنت اسمه ازيلدا .. وولد اسمو لينك بينقزو العالم ..
انا : هي ار بي جي زي فاينل فانتسي صح؟
البائع :ايوه ..
انا : يعني تتحكم بـ 3 شخصيات و بالدور تهاجم و و و و و ..
البائع : ايوه ..
انا : طيب احكي لي وش يصير بالقصه بعد << كان يموت بالسبويلرز :laugh::
البائع : حاجات حلوه ..

طبعن غسلت يدي من هذاك الانسان مدى الحياه بعد هذاك الحوار :wow: ..

اذكر كنت شاري مجله Game Pro .. وجا معاها حل خارجي لاوكارينا اوف تايم بس مو كامل كان من بدايه اللعبه الى الفورست تيمبل .. سبحان الله من بدايه اللعبه الى هذاك المكان كنت اعلق كثير .. بس لما عديته صرت امشي على طول .. طبعن باستثناء المكان الصعب الاسطوري الخورافي الخونفشاري الارستقراطي اللي جلست فيه شهر كااااااااااامل ... اكيد كلكم تعرفونه :


**
سؤال شباب .. قبل فتره لعبت ماستر كويست و انهيت يمكن 35% منها .. ما لاحظت اي فرق بينها و بين النسخه العاديه لا صعوبه ولا اختلاف في الدنجنز .. فين الفروق تحديدا ؟؟

 

[hussien-11]

شي طبيعي انها تكون افضل لعبة لعبتها في حياتك. انت بس تخيل ان لعبه بهذا الحجم والضخامه تلعبها في سنتها؟ كان شي اول مره تشوفه في حياتك. من قتال زعماء لالغاز لدنجنز لموسيقى... حاليا في 08 شفنا العاب زيلدا كررت نفس المبدأ حق OOT والعاب كثير ثانيه سوت كوبي بيست لنظام القتال الخ الخ .. بس لمن تلعبه لاول مره حبك للعبه بينختم في داخلك.

الي ما عجبتهم زيلدا هذا رأيهم طبعا. يمكن اللعبه مش لذوقهم من الاساس. يمكن لانكم لعبتوها متأخر؟ ما ادري، لكن لمن الاغلبيه تتفق ان اللعبه مو بس جيده بل تعتبر من افضل العاب الفيديو جيمز وقتها اذا انا كنت في مكانك اقول اكيد ما اعطيت اللعبه حقها او ما كنت متفرغ لها بالكامل. او يمكن كانت Outdated.

بدون مبالغة افضل واجملEnding Credits

[youtube]0t272ikEwWc[/youtube]

و في ناس ما حبوا اللعبة لمجرد انها تصنف كأفضل لعبة في التاريخ من قبل غالبية المصادر ، و هالشي يخليها بنظرهم ماخذة أكثر من حقها ( مثل ما في ناس مثلا بتكره أكثر مسلسل مشهور او اكثر أغنية مشهورة او اكثر فيلم فاز بجوائز و الخ الخ الخ ) ، هذي من الأشياء الموجودة بالطبيعة البشرية ..

الكريدتس ، أوست أوكارينا اوف تايم هو أفضل أوست لعبة عندي بالتاريخ

اوه صحيح

جيل الـPS1/64 أفضل جيل في تاريخ الفيديو جيمز

T____T

هو لأنو احنا كنا صغار شوي ؟ امم لا ، والله الألعاب كانت أحلى

 

[NSider]

لعبة رائعة، تحفة فنية ما لها مثيل. مبدعة في كل النواحي وصعب جدا أذكر لها عيب. ظلت لعبتي المفضلة لفترة طويلة (الحين ماريو جالاكسي طبعا).

أكثر ما يميزها عن باقي ألعاب زيلدا بالنسبة لي هو الساوندتراك الرائع، ووجود نظام الlock-on الثوري (Z-targeting) اللي اقتبسته ألعاب كثيرة جدا من مختلف الأنواع.. GTA III مثلا. طبعا لها موضوع فتحناه من فترة لكن الظاهر آش ستورم نساه خخخ:

http://www.true-gaming.net/boards/showthread.php?t=13745

سؤال شباب .. قبل فتره لعبت ماستر كويست و انهيت يمكن 35% منها .. ما لاحظت اي فرق بينها و بين النسخه العاديه لا صعوبه ولا اختلاف في الدنجنز .. فين الفروق تحديدا ؟؟

اختلاف كبير جدا في الدنجنز.. أصعب بكثير! كمل أكثر وبتلاحظ الفرق (خصوصا لما تبدأ في الTemples).

 

[Solay]

شريت اللعبه من قبل شهر على الــ64 لكن للأسف تركت الــ64 لسبب خاص,وان شاءالله ابحملها على الوي بوقت قريب

عموما ليه نينتيندو مافكرت ولامرة انها تسوي لها ريميك.؟!

 

[BioMario]

مالعبتها للأسف ..
لكن أفضل لعبة لعبتها في حياتي إلي الأن

هم لعبتين : Zelda TP + Mario Galaxy

 

[kInGsIzE]

^^
ما لعبت اوكارينا اوف تايم .. ما لعبت فيديو جيمز

 

[Ace]

انا مع الاسف لعبت اللعبة في الصيفية اللي فاتت ما لعبتها على وقتها ويوم خلصتها ما فية على لساني الا كلمه: وااااااااو اللعبة اسطورية :wow: !!! اصبحت عندي افضل لعبة بالتاريخ :wow:!!

 

[Aia]

للآسف ما لعبتها و إن شاء الله أبلعبها !

يبيلي أشتري نُقاط على الـ Wii , بس يهمني وقت الساعات لأن وقتي ضيق جدا ً , كم ساعه يمديك تنهيها !؟

 

[D-w77]

للاسف الشديد لعبتها متاخر وايد (الصيف الراح بعد ما لعبت توايلات ووند ووكر) على الوي كانت اسطورية وما حسيت انها outdated بس بصراحة ما اقدر احدد من احلى جزء بالنسبة لي (ممكن لو لعبتها على وقتها رايي بيكون غير)

الووتر تمبل ما كان صعب لذيك الدرجة الفورست والسبيرت كانوا اصعب عندي

 

[Xeno]

مبروك انهاء اللعبة ومبروك أنك تعتبرها أفضل لعبة فحياتك مع أنك لاعبها في 2008.

لو أنا توني لاعبها مافي أمل أعتبرها أفضل لعبة فالتاريخ، بالذات لو لعبت توايلايت برينسس قبلها.

 

[Some1LoveNin]

للآسف ما لعبتها و إن شاء الله أبلعبها !

يبيلي أشتري نُقاط على الـ Wii , بس يهمني وقت الساعات لأن وقتي ضيق جدا ً , كم ساعه يمديك تنهيها !؟

أتصور من 30 - 40 ساعة "يمكن أكثر"

 

[Zero_IYAD]

ألف مبروك محمد

بدأت بلعبها بـ2003 , أمشي و أوقف أمشي و أوقف , استمريت على هالحال 4 سنين .
الى أن حطيت ببالي اني أخلصها و شديت فيها تمام .
خلصتها بـ2007 , و فعلا ما حسيت بالداونجريد الكبير .
مع ان تجربتي بعالم Zelda وقتها كانت مقتصرة فقط على The Minish Cap , لكن فعلا عشقت السلسلة عشقت اللعبة عشقت عالم Zelda من بعدها .

2007 كانت أفضل سنة بحياتي , خلصت فيها الاسطورتين OoT و FFVII (( و بكيت فيهم لشبعت ))

Edit : أيضا حسين من أهم الأسباب يلي خلتني أتطلع قدما للتقدم في اللعبة أكثر و أكثر .
زماااااااااااااااااااااااان في الماضي القديم أرسلي Gerudo Valley Theme .. أذكر ردة فعلي كانت "واااااااااااو :w00t: , هذا OST لعبة نزلت من *** سنة !! ما مرت معي باللعبة للآن !! " .
كان يقولي" كملها , راح تسمعها و تسمع يلي أروع منها لسة " .

 

[Lunar Poet]

للأسف للحين ما لعبتها

. لازم لازم أشوف لي طريقة ألعبها

.

ننتندو نزليها على الـDS :/

 

[Majeed]

للأسف للحين ما لعبتها

. لازم لازم أشوف لي طريقة ألعبها

.

ننتندو نزليها على الـDS :/

فيرتشوال كونسول ؟

 

[emperor-UAE]

آآآآآآآآه عل ايام....من بعد عشر سنين لعب لهاي اللعبه لازلت اذكر الشعور الذي لايوصف عند لعبك لها...تعيشك عالم ثاني...و فى وقتها98 كانت شي يفوق الخيال من جميع النواحي
بس للأسف إني ما أنهيت اللعبه....يمكن اكثر لعبه ندمان اني ما انهيتها فى الفيديو جيمز كله :crying:
و ما اعتقد اني راح ارجع العبها
بس تضل من روائع الفيديو جيمز الخالده
ما اتوقع فى اي شخص لعبها فى وقتها 98 و ما حبها....صعبه....إن ما كانت مستحيله

 

[Super Shadow]

اللعبة الأفضل بدون منازع و الي ما راح نشوف لها مثيل :crying:

 

[Andrew X]

هو لأنو احنا كنا صغار شوي ؟ امم لا ، والله الألعاب كانت أحلى

الا اكيد هذا واحد من الأسباب!! وقد تكلموا الظاهر الشباب عنه قبل..واللي هو انه لمن كنا صغار كنا نلعب اي شي وكل شي وكنا نتقبل اي شي عاااااااااااادي جرافيكس معفن جيمبلاي رايح فيها موسيقى MIDI تفقع طبلة الأذن وعادي مشي حالك حالك يمشي لول.. طبعا انا ماقصد زيلدا ولا اي لعبة ثانية مميزة على وقتها ..اللي افصده انا نحن زمان ماكنا ندقق في كل شي اهم شي نتسلى بس

على كل حال..انا لعبت اللعبة من سنة تقريبا على الوي..اللعبة ممتازة وقعدت فيها يمكن ثلاث اسابيع واكثر شي نشبت (خلوها مستورة احسن xD) اللي ابغى اقوله ان ماحد راح يقدر اللعبة مثل اللي لعبوها في وقتها ..ولا اقدر اعتبرها من الأساطير لأني لعبتها في وقت متأخر جدا جدا جدا..

اللعبة فعلا ممتازة ويعتبر مستواها عالي جدا..واكبر دليل ان اي واحد يلعبها يقدر يسمتع فيها حتى ولو بعد اربعين سنة من مدة اصدارها..لكن ماراح يقدرها غير الفان نفسهم واللي لعبوها في وقتها بذات راح يحس بالفرق والتميز في اللعبة

الموضوع فيه الكثير من الذكريات للكثرين للي لعبوها على وقتها..لكن للأسف الشديد

محتوى مخفي

(ذكريات الأمس الجميلة..ستبقى في الأمس فقط.)

:crying::crying:

 

[Aia]

أتصور من 30 - 40 ساعة "يمكن أكثر"

كويس, يمدي ألعبها أجل .

ثانكس !

 

[Rare Games]

جيل الـPS1/64 أفضل جيل في تاريخ الفيديو جيمز

T____T

هو لأنو احنا كنا صغار شوي ؟ امم لا ، والله الألعاب كانت أحلى

ثوره 3d وما تسوي اكبر ثوره بتاريخ الغيمز

 

[Nintendo]

افضل لعبة لعبتها في حياتي

بدون ادنى شك ....

 

[Purple Wind]

أخذت اللعبة على ال64 (النسخة الCensored) و كانت ممتازة (بإستثنا كهف الماء!) لكن شخصياً أنا أفضل Mario 64 عليها:razz:

 

[G7Ga7]

في موضوع يوسف , اقترح كل واحد يحط عيب شافه على اللعبة ..

واحد من اعضاء جاف ذكرني يمشكلة كنت اواجهها يوم اني كنت العب اللعبة (مو عيب أو سلبية , بس كنت اعاني منها):

:laugh:: مت من الضحك أول ما شفتها

الديفولت كان دائماً على NO على ما اذكر :xd: