Pineapple
True Gamer
نصبهم على منو؟ محد ضرب يد المطورين ينزلون العابهم على ستيم ، عندهم الآن متجر أبو 88/12 يقدرون ينزلون العابهم عليه ، لكن هم المطورين يعلمون بقرارة نفسهم ان العابهم ما راح تجيب ربع الأرباح اللي يحصلون عليها من مستخدمي ستيم الدفيعة.مدري وش ذا الدفاع المتسميت على ستيم ونصبهم؟!
اشتراكات الاونلاين على أجهزة الكونسول المطور ماله نصيب فيها كلها تروح لجيب صاحب الجهاز ، فوق هذا صاحب الجهاز ياخذ نسبة 30% على كل لعبة يتم بيعها و نفس النسبة على كل المشتريات اللي داخل اللعبة لوت بوكس و مايكروترانزكشنز و غيرهم ، شركات تطور الصناعة و تدفعها للأمام؟ الحقيقة ما شفت شي منهم يدفع الصناعة للامام او يطورها ، كل اللي شفته اشتراكات اونلاين اللي المفترض تكون مجانية و متوفرة للكل و زيادة أسعار الألعاب في كل جيل الى ان وصل الى 70 و 80 دولار للنسخة القياسية و جعلها هواية للأغنياء فقط.الاشتراكات اللي ذكرتها كلها للمطور فيها نسبه اذا كانت العاب عليها. مصيبه اذا بتقارن شركات تطور وتدفع الصناعه ككل للامام بشركة ويب ستور وسيرفرات.
ستيم مو الوحيد اللي ماسك عملاءه حسب كلامك بالـ DRM ، أجهزة الكونسولز و الويندوز ستور و الايبيك ستور و بقية الستورات حاطين DRM يمنعهم من قرصنة اللعبة ، المتجر الوحيد اللي في الصناعة اللي يقدم لك العاب بدون DRM هو متجر GOG اللي كله ألعاب ريترو و قديمة.والمصيبه فوق ذا كله ماسك العملاء بDRM
مثل ما ذكرت لك اذا مو عاجبهم الوضع في خيارات ثانية لكن هم نفسهم يعرفون ان الخيارات الثانية ما تجيب لهم شي و ايبيك مثلاً ما راح تدفع لهم عقود حصرية مع ضمانات طول عمرها ، بعدين ليش انت مصدوم بالنهاية هذا بزنس للمطور الحق انه يلتزم فيه و في بنوده او يدور له على حلول و طرق ثانية لبيع ألعابه بكل بساطة.يعني كيف يجرؤون الناس اللي تعبو على اللعبه وقضو فيها سنين عمرهم بانهم ياخذون ارباح اكثر. ما ادري صراحه من الصدمه مو عارف وش اقول.
متجر أبو 88/12 موجود ليش يبيعون في ستيم و يعانون من "نصبه" ، كلامك كله عاطفي مع احترامي لك ، بنهاية الأمر انا كمستخدم ما يهمني كلام المطورين او صياحهم ، اللي يهمني كزبون يدفع من حر ماله اني احصل على خدمة ممتازة و كلاعب على البي سي فقط هذا اللي يقدمه لي ستيم ، غير انهم يسمحون للمطورين بانهم يبيعون مفاتيح العاب ستيم على مواقع ثيرد بارتي مثل GMG و غيرهم بأسعار أرخص ، غير خصوماتهم الدورية في كل سنة ، تخليني كزبون سعيد طول السنة.ولو فعلا المطور يقدر يحصل لقمة العيش بفتح موقع خاص ماكان اضطر لستيم ونصبه. بس انت وانا عارفين ان هذا كلام فاضي.