اساليب الترخيص ( المكاسرة) مع المحلات !

Naif

Executive Member
بادئ الموضوع #1
بعد قراءة موضوع مستر تربل عن تقديم دروس و نشر الخبرات .. حبيت انشر هذا الدليل اللي بيفيد الجميع من اللي يتعرضون يوميا او شهريا و سنويا لنصب البتان - الهنود - الافغان ... البياعين في محلات الالعاب ..

اتمنى من الكل المشاركة و كتابة الاساليب اللي يستخدمها للمكاسرة و ترخيص الاسعار .. او اي شي ثاني خاص بمحلات الالعاب ( موقف ظريف صارلك في المحل او اي شي من هذا القبيل .. )

هذي بعض الاساليب اللي فكرت فيها (بعضها مطبقنها P: ) .. تقدرون تستخدمونها لكن كل واحد على مسؤوليته ^^'


- " و الله العظيم اني محصل هذي اللعبة بسعر ( ارخص) .." ( طبعا اقصد في هذا الشي amazon.com )

- " خلاص ما باخذها من عندك .. محصلنها في محل ( اذكر اسم محل قريب او له منافسه مع المحل اللي انت فيه هنا ) ارخص بواايد .. " و قرب من باب المحل اونك بتطلع .. اذا ما تاثر البياع و مازلت تريد تحصل على اللعبة روح للسيارة و خل اخوك ينزل و ياخذها لك ( على شان تحافظ على كرامتك بس :cool: )

- هذي الخطة تلزم مساعدة من احد معارفك يجيد تقليد صوت الهنود .. روح المحل و اسئله عن اللعبة اللي تريدها و طبعا بيقولك سعر غالي لها .. في هذي اللعبة قوله انك بتتصل لمحل ثاني تسال اذا ارخص .. اتصل حق اخوك و خل الصوت سبيكر و قوله كم سعر هذي اللعبة عندكم ..و خله يقولك سعر ارخص ..

- لا تبين للمحل او تخليه يعرف الالعاب اللي تنتظرها بشوق .. و لا تقعد كل يوم تتصل فيه تساله اذا نزلت اللعبة .. لانه هذا دليل على انه اللعبة مشهورة و بيغلي في سعرها يوم تنزل 100%

- لا تستوي عميل لمحل معين .. لا تبين له انك اذا ما اشتريت اللعبة من عنده ما بتشتريها من مكان ثاني .. يفضل بعد انك في فترات متباعدة على مدار السنة تساله عن اي لعبة موجودة عنده كم سعرها و بعد ما يقولك السعر تقوله انك خلاص شريتها ( و اذكر سعر ارخص) من محل ثاني ( يفضل يكون محل منافس او قريب له ) .. و من الاساليب اللي ممكن تستخدمها على شان ما تصير عميل لمحل معين هو انك كل يوم تييه بلبس مختلف ( مثلا في يوم تعال بكندورة .. في يوم ثاني تعالي بلبس سباحة و قص شعرك افرو P: )

- زور المحل في اوقات مختلفة و اعرف منو البايع اللي يبيع بالاسعار الافضل .. لا تزوره دايما في نفس الوقت .. على شان تدرس الحالة زين و تعرف منو (اضعف) بايع في مجال المكاسرة و جرب الطرق السابقة مع اكثر من واحد و شوف منو اكثر واحد تنفع معاه



هذي كل الاشياء اللي قدرت افكر فيها لين الحين .. اذا فكرت بشي جديد بضيفه ^^ اتمنى من الجميع المشاركة ( معا نحو (مكاسرة ) افضل .. P: )
 
#2
هههههههههههههههههههه .. والله عليك حركات مو هينه نايف!!
عموماً بالنسبة لي انا نادراً ما اكاسر :blush: ..


( على شان تحافظ على كرامتك بس )
اهم شي هذة .. LOL !! خوش فكرة .. بطبقها في الوقت القريب :cool: ..
 

we6fe

Hardcore Gamer
#5
تقريبا نفس الاساليب اللي استخدمها أنا ، لكن اذا عنّد معاك " تلّه " من ملابسة وعلي صوتك عليه بيخليها لك ببلاش P:
 
#10
..لووووول..فعلا ..الهنود والباكستانين محتكرين السوق كله ..ولازم تتصرف ..>>..

تقريبا مثل الي قلته ..لكن اتوقع انه اكثر الطرق للمكاسره انك تجيب واحد من اهلك حريف بالمكاسره..= يطلعون فايدة المحل 10% لوول..والله وحتى وهو في المحل يخاف البياع منه ..>>..يقعدله نشبه في حلجه ماتخلص ..
وفيه طريقه ثانيه تنفع معي دايما اذا مانفعت الطرق الي قلتها قول مش جايب السعر بالكامل واذا قالك تعال مره ثانيه قوله علطول الوصفه السحريه ..(بشتريها من المحل الفلاني والي دايما بينهم منافسه ..)..>>..مثل ماذكرت بالموضوع ..الحلو لما كنت اسير السوق طلع المحل الي قريب من بيتنا ارخص منهم على بعض والسبه اني ماشتريت من عنده وخصوصا لو طلعت اشاعات انك تشتري من محل اخر ..لكن اهم شي لاتخلي اي فرصه تكون عند البياع خصوصا لو كانت اللعبه اخر نسخه او عليها طلب ..قوله فيه مليون شريط بمحلات غيرك لوول..
فعلا ..كلام نايف صار معي لما تكون عميل عند محل معين الريال يعرفك من راسك لريلك ..حتى اساليب المكاسره الي تقولها ..بحفظك اياها عن غيب ..لازم مايعرفك كل المعرفه عشان مايدرس وضعك مثل ماقال نايف ..

موضوع حلو واذا تذكرت طرق كنت اسويها بضيفها للموضوع..شكرا نايف..^__________^..
 
#11
في طريقة ثانية ...

ادخل جم ( صالة كمال اجسام ) سنتين او اكثر

البس قميص ضييييييييج

روحله وانت نافخ صدرك

وشوف السعر ...
 
#13
أنا تعاملت مع بياع بحريني (قليلين جداً الهنود اللي يبيعون ألعاب في البحرين) معاملته زينه جداً وفر لي ألعاب كثيره خصوصاً القديمه اللي طلبتها والجديده يجيبه من دبي .. تركت التعامل معاه لأنه ما يقدر يوفر الألعاب إلا بصعوبه وبعد مده طويييله فمليت ،، من شهور طالب ff9 ولا حصلها للحين ولا راح أتعامل مع غيره لأن كلهم نصابين .. أساليب المكاسره ما راح تنفعني لكن إن شاء الله لما أروح دبي مره ثانيه راح أستخدمها :)
 

x-virus

مراقب سابق
#14
انا عشان اشتري الاكس بوكس تميت في المحل قرابه ساعتين -_-"
تم اشغله حتى يقولك خذها او اظهر له عدم الاهتمام باللعبه
 
التعديل الأخير:
#15
أنا قبل ما أشتري أي لعبة أدق على 3 محلات على الأقل وأشوف السعر...

بس غالباً آخذها من النسر لأنه يعرفني زين ويعرف أني أجيب له زباين ومربح المحل جداً ...
 
#18
لول موضوعك حلو ورهيب يا نايف...

عندي محل بيت الكمبيوتر ...دائماً اتعامل معه وبعض الاحيان يرخص الالعاب لكن على حسب الظروف...
 
#21
هممم

انا اتعامل مع بيت الكمبيوتر وعندي ملف او حساب مدري وش اسمه ويخفض لي والله شيء مو سهل..
ونفس الشيء النسر يعرفني واشتري منه اذا مالقيت عند بيت الكمبيوتر..
 
#22
لوووووووول .. موضوع روعة ;p

أنا طريقتي شوي مختلفه .. لما أروح مثلا محل علشان أشتري شي أقوم أخبئ فلوسي في جيب سري بالمحفظة .. و أحط بس فلوس السعر التقريبي يالي أبي أشتري فيه الشي .. و لما أدخل المحل و أبدأ أكلم البائع و أقوله يعطيني الشي الفلاني و يقولي أنه بالسعر العلاني ( و أنا حاطط حسابي أنه راح يكون أغلى من يالي أبيه ) أسوي نفسي استسلمت للأمر الواقع بدون ما أكاسره و أفتح المحفظة علشان أطلع فلوسي للدفع و بالأخير أمثل بوجهي تعبيرات مفاجأة ( --> :jawDrop:: ) و بعدين خيبة أمل ( --> :confused: ) و أوريه أن يالي عندي هو أقل من السعر يالي طلبه .. اذا رفض يعطيني الشغله أسوي نفسي تضايقت و أصكر المحفظة بتثاقل و أمشي لباب المحل بتثاقل و كأني مكسور الخاطر ( --> :cry: ) و بهاللحظة و في أغلب الأوقات ألقى البائع ينادني و يعطيني الشغله يالي أبيها بالسعر المنخفض على حسب يالي ظنه كل ما عندي .

طبعا طول طريج الرجعة للبيت و أنا أتبسم لما أتذكر الحيلة كيف نجحت عليه .. و شوفوا عاد بشنو يفكر الناس عند الاشارات و هم يشوفوني جالس لحالي في السيارة أتبسم فجأة كل شوي ... لوووووووووووووووووووووووووووووووووول :razz:
 
#25
انا اذا رحت بشتري لعبة كيوب ، اكون ممتحممممممممممس جدا للعبة ، وما اقدر اصبر ثانية وحدة

يعطيني البياع سعر .. اقله " ليش .. وايد !! " ... يقول " لا هذا هو السعر " ... وطبعا ابي ارجع والعبها واخذ اللعبة بدون ما اكاسر من الحماس -_____-

اما اذا خذت جهاز جديد ... لازم اكاسر
 
#26
" خلاص ما باخذها من عندك .. محصلنها في محل ( اذكر اسم محل قريب او له منافسه مع المحل اللي انت فيه هنا ) ارخص بواايد .. " و قرب من باب المحل اونك بتطلع .. اذا ما تاثر البياع و مازلت تريد تحصل على اللعبة روح للسيارة و خل اخوك ينزل و ياخذها لك ( على شان تحافظ على كرامتك بس :cool: )





لوووووووول يا كثر ماسويتها و خلييك اخوي ينزل و يشتريها!!!:wink:


و من الاساليب اللي ممكن تستخدمها على شان ما تصير عميل لمحل معين هو انك كل يوم تييه بلبس مختلف ( مثلا في يوم تعال بكندورة .. في يوم ثاني تعالي بلبس سباحة و قص شعرك افرو P

خخخخخ لا في طريقه ثانيه بعد
رب لحيه و قصر ثوووبك و خذ سبحه و حط سجاده على كتفك و رح له


زور المحل في اوقات مختلفة و اعرف منو البايع اللي يبيع بالاسعار الافضل .. لا تزوره دايما في نفس الوقت .. على شان تدرس الحالة زين و تعرف منو (اضعف) بايع في مجال المكاسرة و جرب الطرق السابقة مع اكثر من واحد و شوف منو اكثر واحد تنفع معاه
:cool: :cool: فكره بنت لذيين..


الف شكر لك اخوي نايف على الطرحه الجميل

تحياتي
 
#27
أسلوبك يا فاينل بصراحة بطل

لكني جربته مع المحل إلي جمبنا بس ما نفعت الطريقة ( يمكن لأني ما أتقنتها )

لكن ما راح أيأس و راح أكمل المشوار <<<<<<<<<<< ( ارحم حياتك يا مشوار)
 
#29
هههههههه
وش ذي الاساليب P:
انا للافس زي عبدالله (اريكادو) -.- ما في راسي في المكاسرة !!!!!!!!
دايما استسلم للامر الواقع ... مرات افكر اقول وقتي اثمن فرقت على 5 ريال !!! (ايه فرقت >.>)


فاينال 7
P: لول هذي هي الحركة الوحيدة اللي صارت معي ... لكنها صارت من جد !!!!!!!! XD
كنت مفلس وقتها .. يعني نفعت واقعيا مو تمثيليا @.@
 
#30
والله اساليب مرة حلوة اخوي Naif

بس انا اشوف انو اذا صرت عميل عند احد ما حيغلي عليك السعر .... لأني انا مثلا متعامل مع واحد يعطني الشريط دايما رخيص

بس طريقة Final Fantasy 7 صراحة طريقة خنفشارية <<<<<<<<< يعني طريقة رائعة بس لساني عجز عن التعبير

تحياتي