بوسيف39
True Gamer
ما عمري حبيت E3، ولا أي معرض ألعاب آخر لأن السالفة كلها تريلرز واستعراض جيمبلي للعبة لو كنا محظوظين وطبعا تصريحات صحفية أو مقابلات من المطورين، كلها تصب بهدف واحد عرض اللعبة وبهرجتها عشان اللاعب يهتم ويشتريها.
المطور مهما كان صادق بالنهاية هدفه يبيع، ما بيعرض لعبته بشكل محايد بعيوبها ومحاسنها وإنما بيمسك محاسنها ويضاعفها، ولو كان كاذب فما عنده مشكلة يتكلم عن أشياء ما موجودة باللعبة، ولا مرة اهتميت بلعبة بسبب هذيلا الأمور دايم اهتمامي يكون عن طريق الانطباعات والمراجعات لأنها في مجموعها استعراض أفضل وأدق لماهية اللعبة.
ومرات مجرد معلومة بسيطة تخليني مهتم ألعب اللعبة، ماريو وندر نزلت وما شفت لها أي شي، ليش أشوف أي شي؟ جزء جديد من 2D ماريو وليس من ضمن سلسلة New Super Mario Bros أكيد أريد ألعبه ما يحتاج نينتندو تحاول تسوق لي بتريلر او شي، وهذا الي صار خلصتها شبه عمياني، ونفس السالفة مع ألعاب يكوزا كل الي احتاج أعرفه فيه جزء جديد وبلعبه، يكوزا 7 بعد ما خلصتها لسبب ما شفت التريلر وطلع فيه حرق لواحد من الزعماء المتأخرين فزين ما شفته قبل عن ألعبها، Metaphor: ReFantazio مع أنه اسمها غبي بس يكفيني أنها لعبة فريق برسونا الجديدة عشان أكون مهتم ألعبها نفس المخرج ومصمم الشخصيات والملحن الي قدموا لنا برسونا 3-5، ما لعبت الثالث وانتظر الريميك بس الخامس بالنسبة لي ثاني أفضل لعبة ترن بيسد بعد كرونو ترجر -ويمكن أفضل وحدة وترجر الثانية- والرابع فيه أفضل بارتي بأي لعبة جربج، ما أحتاج معلومات زيادة عشان اهتم.
أما تبعات هذيلا السوالف بنظري تحفة ضياع الوقت، تحليل تريلر طوله دقيقتين أو محاولة إخراج القصة منه أو الأسوأ لما الحماس يصنع فانبيس للعبة بعدها ما نزلت، ويش نستفيد لو اللعبة غير موجودة والتحليل طلع صح؟ غير أنها لما تنزل المحلل يقول قلت لكم وأنا صح، لو صبر لين تنزل كل شي بيبان، ولو غلطان هو نفسه بينسى الي قاله، أما سالفة الفانبيس لشي ما نزل والمراهنة على الألعاب بعبارات مثل "هذه لعبة السنة" فالظاهر أننا نسينا تسويق سايبربنك 2077 الي صنع فانبيس لها وهي ما نازلة، ونسينا حالتها لما نزلت اللعبة، ونسينا كيف كانت
No Man's Sky والحماس عليها ووضعها لما نزلت، كلهم ألعاب تصلحوا بعدين، بس المفترض هذيلا يكونوا عبرة لكن ألا ليت قومي يعلمون.
ما أعرف كم واحد بيتفق معي بهذا الموضوع بس مع فوج إعلانات حفل الإعلانات قلت أظن هذا أفضل وقت لطرح هذا الموضوع، غالبا السالفة إني مشيب نفسيا وصاير عدو الحماس بس هذا وضعي من سنين، لو تحب الدعايات والنقاش حولها الله يقويك بس قلت أطرح وجهة نظري التي لا تلزم أحد إلا إيايي.
المطور مهما كان صادق بالنهاية هدفه يبيع، ما بيعرض لعبته بشكل محايد بعيوبها ومحاسنها وإنما بيمسك محاسنها ويضاعفها، ولو كان كاذب فما عنده مشكلة يتكلم عن أشياء ما موجودة باللعبة، ولا مرة اهتميت بلعبة بسبب هذيلا الأمور دايم اهتمامي يكون عن طريق الانطباعات والمراجعات لأنها في مجموعها استعراض أفضل وأدق لماهية اللعبة.
ومرات مجرد معلومة بسيطة تخليني مهتم ألعب اللعبة، ماريو وندر نزلت وما شفت لها أي شي، ليش أشوف أي شي؟ جزء جديد من 2D ماريو وليس من ضمن سلسلة New Super Mario Bros أكيد أريد ألعبه ما يحتاج نينتندو تحاول تسوق لي بتريلر او شي، وهذا الي صار خلصتها شبه عمياني، ونفس السالفة مع ألعاب يكوزا كل الي احتاج أعرفه فيه جزء جديد وبلعبه، يكوزا 7 بعد ما خلصتها لسبب ما شفت التريلر وطلع فيه حرق لواحد من الزعماء المتأخرين فزين ما شفته قبل عن ألعبها، Metaphor: ReFantazio مع أنه اسمها غبي بس يكفيني أنها لعبة فريق برسونا الجديدة عشان أكون مهتم ألعبها نفس المخرج ومصمم الشخصيات والملحن الي قدموا لنا برسونا 3-5، ما لعبت الثالث وانتظر الريميك بس الخامس بالنسبة لي ثاني أفضل لعبة ترن بيسد بعد كرونو ترجر -ويمكن أفضل وحدة وترجر الثانية- والرابع فيه أفضل بارتي بأي لعبة جربج، ما أحتاج معلومات زيادة عشان اهتم.
أما تبعات هذيلا السوالف بنظري تحفة ضياع الوقت، تحليل تريلر طوله دقيقتين أو محاولة إخراج القصة منه أو الأسوأ لما الحماس يصنع فانبيس للعبة بعدها ما نزلت، ويش نستفيد لو اللعبة غير موجودة والتحليل طلع صح؟ غير أنها لما تنزل المحلل يقول قلت لكم وأنا صح، لو صبر لين تنزل كل شي بيبان، ولو غلطان هو نفسه بينسى الي قاله، أما سالفة الفانبيس لشي ما نزل والمراهنة على الألعاب بعبارات مثل "هذه لعبة السنة" فالظاهر أننا نسينا تسويق سايبربنك 2077 الي صنع فانبيس لها وهي ما نازلة، ونسينا حالتها لما نزلت اللعبة، ونسينا كيف كانت
No Man's Sky والحماس عليها ووضعها لما نزلت، كلهم ألعاب تصلحوا بعدين، بس المفترض هذيلا يكونوا عبرة لكن ألا ليت قومي يعلمون.
ما أعرف كم واحد بيتفق معي بهذا الموضوع بس مع فوج إعلانات حفل الإعلانات قلت أظن هذا أفضل وقت لطرح هذا الموضوع، غالبا السالفة إني مشيب نفسيا وصاير عدو الحماس بس هذا وضعي من سنين، لو تحب الدعايات والنقاش حولها الله يقويك بس قلت أطرح وجهة نظري التي لا تلزم أحد إلا إيايي.