Sami1996
True Gamer
والله لوّاتك كثيرة اخوي سامي، لو ماهذا كان صار هذا
لو لوكاكو نجمهم موجود كان حسموا التأهل بعد
لو اسلاني ماكان اناني وناول بآخر هجمة كان حسموها
مافيه ايه تبرير للخروج على حساب الانتر، عشان اكون صريح معك. تراهم المركز السابع في الدوري الايطالي
اي سكواد محترم بيحسم التأهل من بدري، الريال في النسخ السابقة ابسط مثال. مع ان الانتر كان افضل من الان
يعني من المجموعة كاملة ما اخذت الا نقطة وحدة لو استثنينا فكتوريا بلزن
4 مباريات سلبية كلها حظ؟ مب معقول. المجموعة سهلة حتى لو انظلمت بلقطة او لقطتين المفروض تتأهل
انت قاعد تقتص الحقيقة تعال معي مباراة مباراة راح تشوف ان البرسا كان افضل من الانتر في الثنتين وكذلك كان افضل من البايرن في الذهاب الظلم التحكيمي الي تعرض له البرسا ليس شماعه بل حقيقة وواضحه ويمكن اكبر حدث تحكيمي جدلي في اخر ثلاث سنوات ف الابطال لما تغير القوانين قبل بداية البطوله وتخطر الانديه بذلك وبعدين في اول حاله تكتشف ان الحكم مش عارف اي قوانين مطبقه الجديده او القديمه ؟ ذي كارثه وفضيحه تستوجب الوقوف عندها مع ذلك البرسا في مباراة الاياب كان ممتاز على الشق الهجوم لكن الشق الدفاعي كان كارثي وهذا حقيقة ان الانتر استفاد من هالشي كثير وهذا حقه لما تدافع بالطريقه الفاشله تلك راح تتعاقب لكن تعال للتفاصيل من كان خلف كل الكوارث ؟ تجدهم مدافعين الفريق الاحتياطي الرابع والخامس المدافع الاول اراوخو انصاب بعد 13 ثانيه ف التوقف الدولي وبعده كوندي بيوم ومباراة الذهاب كريستينسن الفريق نحره التوقف الدولي حرفيا هذا كان عنوان الحظ السئ وكذلك المجموعه هي اقوى مجموعه في الابطال مدري كيف صارت ضعيفه ..
هناك اخطاء ارتكبها تشافي واللاعبين اكيد . كذلك لا ننسى الجدول الطاحن في الدوري الي توافق مع جدول الابطال الصعب اتحدى اي فريق يلعب كل ثلاثه ايام مباراة مهمه وكبيره لا ريال ولا بايرن ولا سيتي ولا غيره والجدول مبني على قرعه والي يعني حظ . كذلك لا تنسى ان هالفريق كان يحتاج وقت للانسجام اكثر وزيادة القوة البدنيه والذهنيه قبل ان تخوض اي مباراة كبيره مهمه وللاسف الفريق لقي نفسه بثاني شهر بالموسم امام مواجهات ناريه فعليا هذا سوء طالع غريب .