ألعاب تسبب لك Stress!!!!

[Arashi]

السلام عليكم ورحمة الله وبركاته

الموضوع نوعا ما يركز عالتجارب الشخصية، عن تجربتك مع ألعاب خربت أعصابك إما بسبب صعوبة وتعقيد الجيمبلاي، موسيقى مؤذيه، شخصيات مستفزه، اداء صوتي مزعج، اجواء بألوان تجيب الضيق...الخ، كلها حسب نظرتك للعبه وذوقك الشخصي لأن هالامور تختلف من شخص لآخر، ويمكن نحصل امثله اغلبنا يتفق عليها. من يدري؟


ماهي هذي الألعاب؟
ليش خربت أعصاب؟
هل قدرت تستمر فيها لفتره طويله؟ ختمتها؟
أو هل تغيرت نظرتك لها مع التقدم فيها؟ كيف؟

 

[Gavroche]

اول شيء جاء في بالي سلسلة فيفا، مرات ترفع ضغطي بسبب اسلوب اللعب و كل شيء ينقلب unfair بشكل غير منطقي ! ما اقدر احسب كم مرة صارخت و عصبت من القهر والغبنة كأن جيمبلاي scripted بطريقة معينة علشان يكون ضد اللاعب

بخصوص الاستمرارية اكيد استمريت في اللعب لأن الاحداث السيئة تصير في مباريات معدودة و اللعبة ادمانية بشكل غير طبيعي مع كمية الخيارات والمنافسة @@

 

[Arashi]

بالنسبه لي في ألعاب تسبب لي stress حتى لو ما ألعبها، يكفي اجوف احد يلعبها اعصابي تخترب واهرب من المكان. على سبيل المثال Dragon Quest 11 اللي اختي صار لها قريب السنه تلعبها، تصاميم الشخصيات مستفزه، الاداء الصوتي مزعج خاصة صراخ الشخصيات في القتال وايد مبتذل وكريه، الموسيقى تلوث سمعي، أصوات الوحوش أكثرها مزعجه، الجيمبلاي نفسه ينرفز وياخذ وايد وقت، اسماء الضربات سخصيفه مافيها جديّه zing وping ومادري ايش.. سموا اسماء عدله وواضحه >_>
حتى اختي لما تلعب ألاحظ فيها stress ان ما اقدر اكلمها الا لما تقفل اللعبه، فيها صعوبه مستفزه ووايد اماكن تنجبر فيها تكون قاعده تلعب متواصل لين تقدر توقف، ليش هالالعاب تلصق الواحد على كرسيه غصب؟ @@"


أما كتجربه شخصيه فلعبة A Plague Tale تجيب شوية Stress في بعض اللحظات خصوصا في الاماكن المليانه حرس لأني ما احب الـstealth ومجرد ما اعديها شوي أرتاح، الشي الثاني اللي ينرفزني حوارات بايخه بين الشخصيات احسني مفتشله منها والساللفه مب لي، الاجواء الغربيه خاصة الفرنسيه والاكسنت الفرنسي وصوت الكمنجه في الموسيقات تلوث سمعي بصري لولبي كل شي كل شي، لكن بما اني قاعده ألعبها على أيام متقطعه واحصل recovery كل كم يوم فماشي الوضع وقريب اختمها باذن الله دام قصيره، ما احب اوقف من النص.

 

[Arashi]

اول شيء جاء في بالي سلسلة فيفا، مرات ترفع ضغطي بسبب اسلوب اللعب و كل شيء ينقلب unfair بشكل غير منطقي ! ما اقدر احسب كم مرة صارخت و عصبت من القهر والغبنة كأن جيمبلاي scripted بطريقة معينة علشان يكون ضد اللاعب

بخصوص الاستمرارية اكيد استمريت في اللعب لأن الاحداث السيئة تصير في مباريات معدودة و اللعبة ادمانية بشكل غير طبيعي مع كمية الخيارات والمنافسة @@

تبي العاب كوره صج unfairs؟ ارجع لألعاب كابتن ماجد القديمه ومشتاقتها افففففف ظلم ظلم ظلم لين النهايه، مادري شلون الواحد يختمها هذا ان كان في احد ختمها ذاك الوقت؟ XD

 

[Daud]

ألعاب معينة صراحة مافي ببالي الحين .. الا العاب السولز نظرا لصعوبتها ..
بس بشكل عام الألعاب القديمة للي مافيها خرايط او نظام تتبع مهمات واضح لما اضيع والف وادور حوالي نفسي ومش عارف فين اروح الموقف دا بسببلي ستريس

 

[YAHiA]

ألعاب البوليت هيل


بس أجد نفسي ألعبهم لسبب ما

 

[Pineapple]

Death Stranding
اجزاء Dark Souls كلها.

 

[AzureFlame]

أي لعبة فيها تحدي Time Limit

 

[Gavroche]

أي لعبة فيها تحدي Time Limit

ذكرتني ببعض اجزاء atelier -_- خيار التايم ليميت ماله داعي في عالم الالعاب كأنك تسابق الزمن وما تستمع بالمحتوى جيدا..

 

[Zhuge Liang]

سكيرو ( corrupted monk )

 

[bits]

اخر وحدة كانت pubg خصوصا لما اكمل للنهاية مع آخر شخصين او ثلاثة وعامل بث لجروب كله منتظر يتشمت في اذا خسرت .

 

[Turtle.Knight]

اعرف ان كثير من عشاق السلسلة بينزعجو من الي بقوله
بس Darksiders 3 من اكثر الالعاب المستفزة الي لعبتها في حياتي.
انا عاشق لل rougelike ولكن في دارك سايدرز العالم كبير ف كل مرة تموت فيها تحس بقهر

 

[Arashi]

بس بشكل عام الألعاب القديمة للي مافيها خرايط او نظام تتبع مهمات واضح لما اضيع والف وادور حوالي نفسي ومش عارف فين اروح الموقف دا بسببلي ستريس

حتى ما يقول لك وين تروح، اكثرها "دبر نفسك" لا احد يدليك ولا tutorial يعلمك عالجيمبلاي

ألعاب البوليت هيل


بس أجد نفسي ألعبهم لسبب ما

على صعوبتها والاعصاب اللي تسببها عشان تتفادى الطقات (الشاشه كلها نقط متناثره في كل مكان) بعد كان لها طعم خاص وتحس بفخر لما تنهي مرحله صعبه لو ما تختمها

أي لعبة فيها تحدي Time Limit

تذكرت Crash، كل تحدياتها تلعب بالاعصاب

 

[لُقمَان]

بما أني أمتلك جسد أكبر من عمري بسنين، أتنرفز بشكل سريع جدًا وأحيانا القولون عندي يثور مع ألعاب الأرواح،
وممكن بعد الضغط يرتفع، مع ذلك شعور النشوة بعد التغلب على الأعداء ليس له مثيل.

 

[Veeto]

ولا شي يقرب لالعاب فروم سوفتوير

 

[ABUALI]

دارك سولز الأولى لما الواحد أول مرة يجرب ألعاب السولز.
على بالك تدخل وتحلل المنطقة بكبرها وتتفاجئ بمناطق خياس وموارد ما تكفي للإسراف اللي كنت متعود عليه... أذكر أول ما دخلت منطقة الأشباح، اللي تحتاج فيها أداة تشبه الكف علشان تتمكن من قتل الأشباح... من زود ما متت وتصطرت خلصت المخزون اللي عندي من الأداة كله... وخذ لك عيد التخزينة من جديد

 

[*RA!N*]

ستريت فايتر 5 اونلاين اكون على اعصابي طول الوقت
اوفرواتش اتنرفز من فريقي نفسي افك المايك عشان اصرخ عليهم بس مااسويها
العاب السولز بسبب الصعوبه و الرخص اللي فيها .

 

[جون سيلفر]

Cc: @MH MD

 

[Invader Zim]

العاب الrts

 

[Yashiro]

العاب الrts

هذه تستلزم مهارة هائلة و خفة اليد بالكيبورد و استيعاب الاختصارات بالأزرار لمجاراة خصمك و كسب لعبة الوقت، هذا أصعب بكثير من التفكير بالاستراتيجية نفسها لول

جنرا الـRTS مع جنرا القتال هم أكثر تطلباً من اللاعب للعب على مستوى عالي، ضف عليهم Arena shooter، و للأسف هذا الثلاثي يعتبر أكثر الجنرات التنافسية التي شعبيتها منخفضة.

 

[Dark_N11]

القمامة فيفا

 

[Dark_N11]

العاب الrts

القيم بدأ في اول دقيقه
*منافسك الريدي بنى قاعدة المدراعات و بدأ بالهجوم*

 

[RE-load]

returnal
كنت اشيل هم لما العبها

 

[Dark_N11]

returnal
كنت اشيل هم لما العبها

اتذكرت لمن كنت ترسلي كيف ازود الهيلث بار و قلتلك انا ودعت اللعبة من ثاني مرحلة

الروج لايك ليس للفلاحين درس وتعلمته .

 

[RE-load]

اتذكرت لمن كنت ترسلي كيف ازود الهيلث بار و قلتلك انا ودعت اللعبة من ثاني مرحلة

الروج لايك ليس للفلاحين درس وتعلمته .

كنت بفكر اجيب فيها بلاتينوم
ختمتها ولا طالعت فيها بعد كدا
الصعوبة تزداد بشكل كبير بعد ثاني مرحلة

 

[Arashi]

اجواء البحر الميته وصوت الدلفين لما يتعور كأنه صوت حمار واغلب موسيقات اللعبه تنرفز، شلون تحملناها؟ احسن الموجود

 

[Suzuki Yu]

أي شي فيه صعوبة مبالغة أو أجواء كئيبة ومريضة تسبب الـstress لذلك ولا عمرها الالعاب هذي تكون مفضلة عندي حتى لو عجبتني حيل. (للمعلومية وعلى النقيض كثير من العاب ريزي ما تقع بالخانة هذي عندي لسبب ما)
ولو لعبت شي زي كدة أبغى بعدها فترة نقاهة العب فيها العاب joyful و uplifting أو كلها حياة.

آخر مثال لسه قبل كم يوم منهي TLoU2 واعتبرها ماستربيس باللي قدمته وافضل عمل انجزه نوتي-دوج لكن thematically مو الالعاب اللي افضلها.
ولازلت اشعر بشكل افضل بكثير لما اقضي وقت مع سلسلة انشارتد.

 

[wael_boss90]

موضوع رااائع بالمناسبة سعدت لما شفته لاني في خاطري العاب كثثير

1- أتفق معك في دراجون كويست و السبب بالنسبة هو أن اللعبة سعيدة بزيادة !ا ذكر صاحبي ضحك علي لما قلت هذا الشيء ههههههه لكنها الحقيقة شعور الفوز على الاعداء الاشرار معدوم هنا كيف بشعر بلذة الأنتصار و هذا عدووي ؟

و العالم كله أخضر وكل الناس سعيدة حتى الوحوش و الأغاني كلها سعيدة هذا جاب لي شعور قلق لأني بديت أشك في نفسي أنا ليش متضايق من كل هذي السعادة بس فالنهاية توصلت إلى أن السعادة المفرطة تأخذ متعة السعادة

2- hellblade

كل ما لعبتها يقشعر جسمي والسبب أني ماني مرتاح ابدا أني في شخص يتكلم في أذني بصوت واطي طوال اللعبة ولا أعرف كيف أحد ارتاح يكملها جدا كانت تقلقني حتى لو كلام عادي كل جسمي يقشعر

3- فيفا بجدارة تستاهل تكون من بين القائمة الحمد لله الي وقفت العبها لأنها كانت أدمان مضر , و العالم كلها شغالة تفجير بكجات و شخص مثلي وقتها كنت في الجامعة أخر حاجة كنت أبغاها أني أضيع فلوسي على اشياء وهمية ما وقفتها الا لما شفت أنها صارت تأثر على ردة فعلي و الحمد لله وقفتها إلى 5 سنوات

4- أخيرا العاب السولز كلها

تتشارك مع فيفا فالسبب المتعة لا قيمة لها عندما انرفز نفسي و أحرق أعصابي حتى الي يحبونها شايفهم ينتقدون لكن مكملفين عندهم صبر أيوب

أنا مع ريجي

 

[Good Hunter]

تعالوا اعلمكم معنى التوتر الحقيقي في المثال هذا.
أنت داخل نفق مظلم جداً، ما تدري اللي قدامك شياطين ولا وحوش ولا متحورات جينية ولا الينز ولا الخ. وفي ذيك الانفاق المظلمة مستعمرات بشرية، في كل زاوية منها حرب أهلية، الوحوش تلحقك تبغا تلتهمك من جهة، والطوائف البشرية الأخرى تسبك وتلعن فيك كل ما شافتك وهي الأخرى يتسابقون على قتلك.

وفوق هذا كله، انت تعيش في اللعبة على فلاتر هواء مؤقتة، لما تكتشف انها بدات تخلص وانك ما ادرتها بشكل جيد، اعرف ان قيامتك قامت وبس كل اللي تسويه هو انك تنتظر الموت خنقاً من الهواء الملوث.
وايضا، اسلحتك تحتاج الى شحن، يطاريتك تحتاج إلى شحن، فلترك الزجاجي ملطخ بالدم وانت تمسحه في كل ثانية علشان تشوف الطريق او تلصقه وتشرطنه.


وفوق كل هذا، ينتظرك مسخ داخل مكتبة، والمسخ هذا حتى الهروب ما ينفع معاه، لكن الحل الوحيد للنجاه منه انك تقرب منه وتطالع فيه وجه لوجه في عيونه.


كل المواقف اللي فوق ماهي سكربتد، هي مقاطع لعب قابلة للعب بالكامل.

ونختم ونقول، مع قول هذا، اللي ما لعب ميترو حتماً ما يعرف معنى التوتر والأجواء الخانقة والمشدودة في الالعاب.

 

[Valtr]

تعالوا اعلمكم معنى التوتر الحقيقي في المثال هذا.
أنت داخل نفق مظلم جداً، ما تدري اللي قدامك شياطين ولا وحوش ولا متحورات جينية ولا الينز ولا الخ. وفي ذيك الانفاق المظلمة مستعمرات بشرية، في كل زاوية منها حرب أهلية، الوحوش تلحقك تبغا تلتهمك من جهة، والطوائف البشرية الأخرى تسبك وتلعن فيك كل ما شافتك وهي الأخرى يتسابقون على قتلك.

وفوق هذا كله، انت تعيش في اللعبة على فلاتر هواء مؤقتة، لما تكتشف انها بدات تخلص وانك ما ادرتها بشكل جيد، اعرف ان قيامتك قامت وبس كل اللي تسويه هو انك تنتظر الموت خنقاً من الهواء الملوث.
وايضا، اسلحتك تحتاج الى شحن، يطاريتك تحتاج إلى شحن، فلترك الزجاجي ملطخ بالدم وانت تمسحه في كل ثانية علشان تشوف الطريق او تلصقه وتشرطنه.


وفوق كل هذا، ينتظرك مسخ داخل مكتبة، والمسخ هذا حتى الهروب ما ينفع معاه، لكن الحل الوحيد للنجاه منه انك تقرب منه وتطالع فيه وجه لوجه في عيونه.


كل المواقف اللي فوق ماهي سكربتد، هي مقاطع لعب قابلة للعب بالكامل.

ونختم ونقول، مع قول هذا، اللي ما لعب ميترو حتماً ما يعرف معنى التوتر والأجواء الخانقة والمشدودة في الالعاب.

توتر ميترو متعة مو حاجة تجيب الهم &
نادرا جدا جدا تلقى العاب تسوي ذا الشيء.