E3 أكبر احباط بـ E3 2013 ؟

[Raulioo]

لأني احب الكآبة وافساد الجو وغمس اليد بالجرح..فايش أكثر خبر كان محبط لك بـ E3 ؟ ، سواء لعبة طلعت بشكل ما تمنيته او من مطورين ما اتمنيتهم "ريترو" او خبر سيء خارج نطاق الالعاب نفسها.
بالنسبة لي بدون شك ماريو لاند الوي يو -معوضة زيلدا الجديدة- ، الجهاز كنت ابحث عن سبب يقنعني اشتريه وللأسف أغلق الباب بوجهي بهالخبر خصوصا و بننتندو دايركت ككل عموما.العدس صار اكثر من كافي لي من اجهزة ننتندو بالفترة القادمة على الأقل
كنت بادي اشك ان وضع ننتندو الكارثي عالكونسول بيجبرها تنقل سلسلة بوكيمون عليه، واللي انكشف ان الاساسيات المتوقعة ما قادرين يلبوها حتى يفكروا بخطط جريئة بهذا الشكل :/

 

[Emirates]

الاخبار الزفته من مايكروسوفت

عدم اظهار العاب الويي يو بالشكل المطلوب والمتوقع

 

[Lawliet]

ماريو 3D أكبر إحباط بجدارة، لو الموضوع كذا كان خلوا جالكسي 2 للوي يو أصرف ! أصلاً ماريو وورلد طالعة كأنها لعبة وي عملوا لها ريماستر HD، وإلا المفروض يخلون هالجزء للعدس جداً مناسب، مالها داعي العجلة وكفاية الموجود

طبعاً مازلت بشتري الوي يو نهاية السنة عشان ويند ويكر (سحقاً للظروف القاهرة اللي ماخلتني أختمها) :\

 

[Sir Guts]

ممكن اقول Nintendo من بين الثلاثة مع انهم كشفوا عن العاب حلوة

 

[Dark Master]

للأسف صادق اتفق معاك
للأمانة اللعبة شكلها اكثر من رائعة ومتعوب عليها بس كنت متوقع شي ضخم زي جالاكسي عالأقل

اتمنى انها ماتكون THE 3D Mario game اللي تنزل كل جيل مرة ويكون سلسلة جديدة وبكدا بكون مبسوط جدا

 

[MaxPro]

- غياب The Last Guardian والطرف الاول لسوني كان شبه غير موجود في المؤتمر، وضيعو وقتهم مع الطرف الثالث كثير.
- ماريو الـ3D اقل من المتوقع وطالعة كأنها لعبة محمول.
- سعر الـXbone.
- الاونلاين صار مدفوع من سوني.

 

[Mr.Sora]

-اختفاء "الحارس الأخير"
-اختفاء شين ميجامي تنسي X فاير امبلم
-مشروع ريترو الجديد للوي يو كنت رافع آمال كبيرة صراحة
-مؤتمر مايكرو -لايخلو من الأيجابيات لكن سلبياته كثيرة-

لكن معرض E3 هذي السنة كان مرضي جدا بالنسبة لي .

 

[Raulioo]

وإلا المفروض يخلون هالجزء للعدس جداً مناسب، مالها داعي العجلة وكفاية الموجود

اللي يخليك تبي تربط قنابل وتفجر مقر ننتندو ان الغلطة هذه عملوها ولنفس السبب مع ماريو بروس وي يو ..فقط لأنهم مستعجلين عاللنش ويبون يكسبون فان بيس قبل صدور الـ PS4&X1، والحين يعيدوها بوضعية اصعب بدخول اجهزة النكست جنريشن بموسم الاعياد، وصار فعليا ما فيه اي سيستم سيلر هالسنة وبنفس اللوقت مجهودات فريق طوكيو الاسطوري تضيع هباء :/

 

[Rare Games]

باختصار نينيتدو كلها احباط مستوى ومظهر ماريو ثري دي وسماش مش قد التطلعات

مشروع ريترو كان احباط مافيه اي مفاجاة كلها اشياء كنا ندري عنها

 

[T u R k I]

ماريو 3D وورلد، والسبب:

محبط صراحه! كنت حاط آمل عليها.. يعني لو أنها لعبة محمول كان ممكن أنبسط لأن أسلوبها يناسب المحمول أكثر

لكن هذا جهاز كونسول قدراته أكبر من كذا، وبعد جالاكسي2 المعايير ترتفع، يعني انتظار 3 سنين وهذي النتيجة؟!!

عموماً لاند أعجبتني وممكن تطلع لعبة مسلية بالأخير، لكن هذي مش ماريو اللي كنت أنتظرها.

 

[LegendaryK]

اهم شي ماجات زي جالاكسي كفاية جزئين ولو اني تمنيتها شيء جديد كليا او شبيهة 64 عالاقل

صحيح محبط بس مو ذيك الدرجة اللعبة راح تكون ممتعة بكل تاكيد

 

[Veeto]

لأني احب الكآبة وافساد الجو وغمس اليد بالجرح..فايش أكثر خبر كان محبط لك بـ E3 ؟ ، سواء لعبة طلعت بشكل ما تمنيته او من مطورين ما اتمنيتهم "ريترو" او خبر سيء خارج نطاق الالعاب نفسها.
بالنسبة لي بدون شك ماريو لاند الوي يو -معوضة زيلدا الجديدة- ، الجهاز كنت ابحث عن سبب يقنعني اشتريه وللأسف أغلق الباب بوجهي بهالخبر خصوصا و بننتندو دايركت ككل عموما.العدس صار اكثر من كافي لي من اجهزة ننتندو بالفترة القادمة على الأقل
كنت بادي اشك ان وضع ننتندو الكارثي عالكونسول بيجبرها تنقل سلسلة بوكيمون عليه، واللي انكشف ان الاساسيات المتوقعة ما قادرين يلبوها حتى يفكروا بخطط جريئة بهذا الشكل :/

مع اني ما احب اقول (( لقد قلت لكم ذلك )) .. لكني بقولها وبالفم المليان :laugh:: .. لقد قلت لكم ذلك
نينتندو تعاني وبشدة من التطوير على الـ HD .. وبدل ما كانت تعدل اوضاعها في فترة موت الوي .. ايواتا فشل في ادارة هالتحول .. والشركة بدات تعيش معاناة المطورين ايام 2006 مع النقلة
الحل اللي طلعوا فيه .. الرخص بالتقديم .. سواء ماريو 2 دي بالبداية .. او حاليا .. باختصار يبون يربحون من وراء الاسامي اكثر من جودة الالعاب نفسها

اكبر احباط بالنسبة ليي .. امممم .. عدم حصرية 15 .. وكينجدوم هيرتس .. عداها كان معرض شبه بيرفكت ليي .. أكد ليي حقيقة عمل سوني طوال السنوات اللي فاتت
سماع الجمهور يهتف باسمها .. شي تستحقه سوني على كل اللي تقدمه للاندستري

 

[Rare Games]

وش المحبط بعدم حصرية 15 ؟

شي غريب صراحة وش المشكلة لو كانت ملتي ؟

 

[hussien-11]

عدم عرض الحارس الأخير، واضح انها انتقلت للبلاي4.

ننتندو أحبطتني شوية، لكن اللاين اب لنهاية السنة جبار من ناحية الاسماء، مع ذلك مش عاجبني اللعب الآمن بزيادة من الشركة لأول مرة في تاريخها، اتمنى تتعدل مبيعات اليو و نشوف ننتندو على حقيقتها في السنوات التالية.

 

[Veeto]

وش المحبط بعدم حصرية 15 ؟

شي غريب صراحة وش المشكلة لو كانت ملتي ؟

ما تستفيد من قدرات البلاي 4 بشكل كامل .. مثل اللي صار مع 13 .. تضييع وقت وموارد - هذا رايي -

 

[7oSAM]

الفيتا
حرام جهاز بذي الرهابة يكون مصيره كذا
حرام عليكي يا سوني

الغاء حصرية فف فيرسز او 15

عدم ظهور لاست قاردين

 

[Lawliet]

اللي يخليك تبي تربط قنابل وتفجر مقر ننتندو ان الغلطة هذه عملوها ولنفس السبب مع ماريو بروس وي يو ..فقط لأنهم مستعجلين عاللنش ويبون يكسبون فان بيس قبل صدور الـ PS4&X1، والحين يعيدوها بوضعية اصعب بدخول اجهزة النكست جنريشن بموسم الاعياد، وصار فعليا ما فيه اي سيستم سيلر هالسنة وبنفس اللوقت مجهودات فريق طوكيو الاسطوري تضيع هباء :/

المصيبة ياصادق هذي مو أول مرة، ألعاب الـ 3DS ماكانوا بالمستوى، ماريو 3D لاند حبيتها بس ماكانت لذاك الزود أما نيو ماريو بروس 2 ما أدري ويش أقول بصراحة ! يعني حرفياً ألعاب ماريو البلاتفروم الأخيرة إحبااااااااااط، والمصيبة الكبرى تطلع الألعاب الرئيسية للجهاز (أو شبيهاتها) ومانشوف محاولات ثانية

 

[Raulioo]

فيه امر محبط ثاني نسيت اذكره
غياب اطلس بشكل فعلي الا بلعبة محد مهتم لها :/

المصيبة ياصادق هذي مو أول مرة، ألعاب الـ 3DS ماكانوا بالمستوى، ماريو 3D لاند حبيتها بس ماكانت لذاك الزود أما نيو ماريو بروس 2 ما أدري ويش أقول بصراحة ! يعني حرفياً ألعاب ماريو البلاتفروم الأخيرة إحبااااااااااط، والمصيبة الكبرى تطلع الألعاب الرئيسية للجهاز (أو شبيهاتها) ومانشوف محاولات ثانية

بعض الاداريين ما تعرف كيف يفكروا...حاس انهم معتمدين بنجاحها بشكل رئيسي عالملتي :/

 

[hussien-11]

انا مهتم لاترين اوديسي انتولد!

و لاند كانت بيرفكت لجهاز محمول

 

[Raulioo]

انا مهتم لاترين اوديسي انتولد!

انت ما محسوب لانك مهتم لاي لعبة عالعدس حتى لو كانت كود اوف برنسس 2 :spy:

 

[Naserano]

بديهياً غياب The Last Guardian.
Bayonetta 2 كذلك. كشخص قاعد يطقطق على الجزء الأول هاليومين، ما أحس إني شفت ميزة تخليني اشتري وي يو وفوقها لعبة ما تختلف عن اللي قاعد ألعبها حالياً.

Ryse كانت epic fail أكثر من إنها إحباط بمجرد ما شفت نظام القتال، ما أدري إذا تستحق الذكر ولا لا.

 

[hussien-11]

انت ما محسوب لانك مهتم لاي لعبة عالعدس حتى لو كانت كود اوف برنسس 2 :spy:

لوول لا لكني فان للاربيجي، مثلا ما شريت ماريو بروس2 و لا بيبر ماريو لانهم ما اقنعوني..ناصر جيب انطباعاتك المفصلة عن بايونيتا لنا!

 

[MaxPro]

Ryse كانت epic fail أكثر من إنها إحباط بمجرد ما شفت نظام القتال، ما أدري إذا تستحق الذكر ولا لا.

هاللعبة بصراحة اكثر لعبة ضحكت عليها في المعرض كله، كارثية :laugh::

 

[Nostalgic]

عدم ظهور The Last Guardian وتحويل لعب الأونلاين بفلوس في شبكة البلايستيشن 4، غير كذا ما في.

سعر الـXbox One كان مضحك أكثر من كونه محبط.

 

[Raulioo]

Ryse كانت epic fail أكثر من إنها إحباط بمجرد ما شفت نظام القتال، ما أدري إذا تستحق الذكر ولا لا.

كانت كنكت وصارت QTE .. ما أشوف كان فيها امل حتى تتحول لاحباط @@

 

[Naserano]

@حسين: ما أدري وش أقولك، الإضافات الجديدة ما تتعدى نوعية الإضافات اللي نشوفها في سيكولز هاليومين (باتمان اوريجينز وبلاك فلاق أمثلة سريعة). مجرد تحسينات -بالكاد تُذكر- على التوظيفة الأساسية.
الشيء هذا موب عيب في بلاتينوم جيمز كمطور (مع أني أشوفه متوسط أساساً)، معظم الألعاب صارت زي كذا الحين.

بالنسبة لي ما شفت لعبة تخليني أشتري كونسل علشانها مثل ما كنت متوقع.

 

[sadness]

بالنسبة لي Ryse.. اللعبة هذه تمثل بالنسبة لي كل شيء خاطئ في الفيديو جيمز
ماريو الثري دي بشكل أقل، برضو إحباط كونها ما جابت شيء جديد من إلي شفناه أو سكوب ضخم مثل ماريو64\سنشاين\جلاكسي.

 

[hussien-11]

لا اقصد انطباعاتك عن بايونيتا الاولى

 

[Raheem]

عدم ظهور لاست قارديان
سعر الاكس بوكس ون
الاونلاين في البلاي صار بفلوس

شباب احد يعرف وين لعبة ديب داون..؟

 

[Naserano]

لول معليش أجل

الجزء الأول من وجهة نظر شخصية هاك&سلاش الجيل.