أفكار وآليات لعب حبيتها جدا في الألعاب؟

[Nostalgic]

- في بلودبورن، عدائية وصعوبة أحد الزعماء تعتمد على كمية الإنسايت اللي تحمله شخصيتك.

- حركة النايل باونس في هولو نايت وكيف تعمل فارق كبير في مواجهة الأعداء وتجاوز الألغاز البلاتفورمية.

 

[شيطون]

بارفع الموضوع عشان اطبل لريفليشنز 2 &


فيها خاصية حلوة وهي ال evade cancel
هي دودج بس لما تسوي دودج بوسط الريلود فتلغي انيمشن التعشيق قبل مايتكمل وكذا تهاجم بشكل اسرع

الحلو انك ممكن تستخدمها لتكنسل الريكفيري اللي يحصل بين كل طلقة وطلقة وخاصة مع الاسلحة الثقيلة نفس الماجنوم والسنايبر
فبتهاجم بالاسلحة بشكل اسرع بكثير عكس لما تنتظر الريكفيري ليتكمل
غير انك بتهاجم وتدافع بنفس الوقت وتتجنب الهجمات اللي تحصل لك لما تواجه اكثر من عدو

ومرة مفيد ضد الاعداء اللي مايحصل ستن بسهولة نفس ذا الوغد

 

[shiro 8]

موضوع جميل وتم ذكر ميكانيكات ممتازة وبعضها مظلومة استحقت الذكر.
@The Last Lombax
توقعت اشوف رد منك باول التعليقات بخصوص...

ميكانيكس الصيد بالانالونج ممتعة و ابتكارية وسابقه عصرها.
بس شكله الاتحاد و ضغط الدوري، نسوك شوية عظمة ape escape بالميكانكس.
على العموم...
مبروك الدوري والبنز

 

[The Last Lombax]

موضوع جميل وتم ذكر ميكانيكات ممتازة وبعضها مظلومة استحقت الذكر.
@The Last Lombax
توقعت اشوف رد منك باول التعليقات بخصوص...

ميكانيكس الصيد بالانالونج ممتعة و ابتكارية وسابقه عصرها.
بس شكله الاتحاد و ضغط الدوري، نسوك شوية عظمة ape escape بالميكانكس.
على العموم...
مبروك الدوري والبنز

الربط عجيب بين الاثنين XD

 

[sixleggedcat]

Biotic charge من mass effect

Reflect من KH

wall merge من zelda

 

[Valtr]

قدرات زيلدا الجديدة جدًا أعجبتني. إقتباس من رد لي:
1 - الألتراهاند:

الألتراهاند تخليك تتفاعل مع كل غرض تشوفه، معادن، أخشاب، تفاح، لحم وأي شيء ثاني وفوقها تسمح لك أنك تجلس تبني مركبتك تقريبًا بالشكل الي أنت تبيه وعادي تلاقيني أقضي ساعات وأنا ما أتقدم لا بالمحتوى الرئيسي ولا الجانبي وكل الي جالس أسويه أني أركب وأجرب أي شيء يخطر في بالي. أنا من الناس الي ما كنت أحس أني منبهر من التفاعل في نفس البرية لكن الألتراهاند تخلي التفاعل مع البيئة حقًا ممتع وأفضل بكثير ويفتح باب واسع لأفكار كثيره ممكن تجربها مو بس ببناء مركبة تمشيك في هذا العالم بل حتى بتجاوز عقبات مثل أنك تجمد النهر وتركب المكعبات مع بعض عشان تبني جسرك الخاص، وهذا الشيء يذكرني بفيزيائية اللعبة والعناصر التفاعلية هذه حصلت على حقها بسبب القدرة هذي وما كان هذا الشيء ممكن مع نفس البرية. نقطة أحبها وأبغى أذكرها أن مع كثرة إستعمالك لقدرة الألتراهاند بتتعلم وتجمع خبرة ومعرفة عن طبيعة الأغراض وكيف أن كل شيء يتأثر بالفيزيائية ولازم تاخذ أشياء بعين الإعتبار مثل أنك ما تستعمل شيء ثقيل كأساس عشان تعبر نهر لأن بسبب وزنه راح تغوص للقاع ونفس الشيء وقت تركب مراوح عشان تطير لازم تنتبه في توزيعها حتى ما تميل، هذا كله يقدم تحدي رهيب وإحساس واقعي ممتع يخليك تفكر بالشيء الي جالس تركبه.

2 - الإسترجاع او الRecall:

قدرة الإسترجاع او "Recall" هو الصديق الصدوق للاعب لأن مع ضخامة العالم عاموديًا وكثرة المنحدرات ونسبة الخطأ لأبسط الأشياء الي ممكن تصير مثل أن مركبتك أو اي شيء تبغاه يطيح من مكان عالي، عندك القدرة هذي الي راح تساعدك أنك ما تضيع وقتك وتنزل تحت وتحس أنك بأمان وين ما كنت &
لكن جد وقت اللعب ومع مليون شيء يصير في العالم لاحظت قد أيش هذي القدرة رهيبه وتساعدني، ومو بس أنها تصحح من أخطائي بل حتى أن لها إستخدامات رهيبه ضد بعض الزعماء وإستخدامات أرهب وأرهب ومبتكره مع ألغاز المعابد.

3 - الدمج أو الفيوز:

الآن الأغراض عندها إستخدامات أكثر والقدرة تعطيك تشكيلة ممتازة من الأفكار الي ممكن تطبقها بسبب أن أغراض كثيره صارت لها قيمة أكبر من أنها تكون فقط للبيع أو الطبخ وتجميع الأشياء الي حولك صار يستاهل أكثر؛ حجر مثل الياقوت الأزرق غير أنك تبيعه بسعر ممتاز الآن له قيمة ثانية مهمة للقتال نفسه وهو أنك تدمجه مع سيفك ويتحول لعنصر الثلج، أو حتى أدمجه مع درعك وبيصير عندك أفضل دفاع وراح تجمد كل واحد يهاجمك وممكن تفكر بأشياء ثانية مثل أنك تجمد لحم وتدمجه مع درعك وتنزل من أي منحدر بشكل سريع وممتع.

4 - الصعود او Ascend:

قدرة الصعود أو "Ascend" ما كنت متأمل منها الكثير في أول مره أخذتها وأن الهدف منها التقليل من التسلق وما أدري ليه كنت مستصغر هذا الشيء لأن في النهاية أستوعبت قد أيش هذي القدرة جدًا مريحة ومن أفضل الأشياء الي شفتها في أي لعبة عالم مفتوح وإستخداماتها في اللعبة كان ممتع، يعني من كان يعتقد أن أفضل طريقة للخروج من أي مكان مغلق في العالم المفتوح سواءً منزل أو كهف هو أنك تبدأ تخترق السقف؟ هذا غير أن مرات تشوف شيء ما تقدر توصل له بالشكل الطبيعي فتبدأ تفكر أنك تجيه من تحت و تبحث وتحدد الموقع المناسب عشان تخترق السقف.

 

[Evil Ryu]

كل ما ذكرتموه في واد و نظام النمسيس اللي كان في شادو أوف وار في واد آخر تماما