أفضل 10 ألعاب ماريو عبر التاريخ

[NSider]

http://www.gametrailers.com/player/22754.html?type=flv

فيديو رهييييب.


الترتيبl :

محتوى مخفي

10. New Super Mario Bros.
9. Super Mario Land
8. Super Mario RPG
7. Dr. Mario
6. Mario Kart DS
5. Super Smash Bros Melee
4. Super Mario World
3. Super Mario 64
2. Super Mario Bros.
1. Super Mario Bros. 3

 

[Zero]

انتظر نزول ماريو جالكسي وتربعها على رقم 1 ، بصراحة مادري ويش أقول عن اللعبة .. هو الجرافيكس أجمل جرافيكس على الوي ومستغلة اللعبة قدراته بشكل صح .. الجيم بلاي لا يوصف .. البيئة لا توصف .. ببساطة ماريو جالكسي لعبة البلاتفوورم المثالية إن شاء الله ..

بالنسبة لـSuper Mario Bros. 3 رهيبة خصوصا لما تطير لووول !! هاللعبة 10/10 ..

 

[Khalid-S]

رقم اربعه المفروض بدل رقم واحد .. وبعدها اصير احب القائمة.

لووول ودي اعرف ماريو في كم لعبة طلع .. خشته في كم لعبة طلعت اجمالاَ.

 

[ZiZ]

كنت متوقع أنهم بيخربون اللستة... بس طلعت قريبة جداً من لستتي...

 

[NSider]

لووول ودي اعرف ماريو في كم لعبة طلع .. خشته في كم لعبة طلعت اجمالاَ.

ويكيبيديا يقول أنه طلع في أكثر من 200 لعبة (منها أوكارينا أوف تايم لول).

وأعتقد أنه playable في أكثر من 50، والشخصية الرئيسية في أكثر من 30.

 

[Khalid-S]

لووول بالله يوسف كيف طلع في OoT ؟ نسيت ..
احلى شي خشته طلعت في ميتل جير .. هو ويوشي وشخصية ثالثه لول. ماخلى مكان ما طلعه فيه .. حتى مع النيقرز طلع ... فله الايطالي.

 

[NSider]

لووول بالله يوسف كيف طلع في OoT ؟ نسيت ..

لما تقابل زيلدا لأول مرة في حديقة القصر، تقدر تشوف صورة له داخل وحدة من النوافذ.

 

[J.B.L]

تستاهل SMB3 والقائمة تكون ممتازة لو شالو رقم 7

 

[MALDINI]

رقم اربعه المفروض بدل رقم واحد .. وبعدها اصير احب القائمة.

احلى لعبتها الى الان :cryy:

***

 

[Mario2]

رقم واحد هي المشكله .. بنظري اشوف سوبر ماريو وورلد وبروس 3 متساويين والكفه تميل شوي لبروس 3 لانها اكثر لعبه لعبتها بحياتي اتوقع ..( سوري حسين p: ) ..

 

[Ash Storm]

بالنسبة لي ما احب العاب ماريو حتى اختار منها 10 لول ..
بس بالنسبة لي ماريو 64 هي التوب !!

 

[BioMario]

بالفعل ماريو 64 رهيبة .. المفروض تكون من الـ 3 الأوائل
وين ماريو سن شاين XD ..

 

[خالد 333]

بالفعل ماريو 64 رهيبة .. المفروض تكون من الـ 3 الأوائل
وين ماريو سن شاين XD ..

أهي موجودة بالمركز الثالث أساسا راجع القائمة مرة ثانية :slant:

 

[Gon freeces]

قائمة حلوة اذا 5 و 6و 10 مو موجودين (ميلي مو لعبة ماريو, ميحطون جزء ثاني من ماريو كارت احسن لهم , ولعبة 10 مهي بمستوى ألعاب ماريو الثانية , لو حطوا SMS احسن بكثييييييييييييير)

 

[Final Fantasy]

Super Mario Bros. 3 أفضل لعبة ماريو على الاطلاق .. مهما ألعب فيها مستحيل أمل .

 

[squall leonhart]

[
الثلاثي المفضل عندي 3- Super Mario 64
2-New Super Mario Bros. سبب شرائي لل DS باختصار و اكثر لعبه اقتربت من الاسطوره SMB
ما يحتاج كلام عنها .. ممكن اصنفها افضل لعبه بالتاريخ عندي 1-Super Mario Bros.

Super Mario Bros. 3 للاسف ما لعبتها للان .. انتظر لين ما تنزل على VC

 

[Andrew X]

مافي احد يعشق سن شاين غيري :cryy:

 

[q8 spy]

أهم سي سوبر سماااش


مشكووور انسايدر

 

[Futrus]

SMB3 فعلا افضل لعبة في التاريخ وتستاهل تكون المركز الاول

 

[m7tram]

دكتور ماريو ؟!! خخخخخ .

 

[hussien-11]

نيو سوبر ماريو بروس حرام حرام حرام تكون العاشرة ، على الأقل تستاهل الخامسة
و سوبر سماش مو لعبة ماريو ، لسه لو حطوا مكانها يوشيز ايلند الأسطورية أفضل
طبعا المركز الأول بالنسبة لي هو سوبر ماريو وورلد ، و أشوفها أفضل بكثير من بروس 3
​

 

[Colorization]

مثل كلام حسين، NSMB (مع إنها قصيرة ) لكن حرام تكون العاشرة، اللعبة outrageous
سوبر ماريو 3 روعة، موجودة عالـGBA للي يبيها، خراااااااااففففففففية وتستاهل المركز الأول!! هي أكثر لعبة ماريو لعبتها من أيام الفاميكوم (متى تنزل عالفيرتشوال كونسول؟)

 

[Mista Koo]

لستة ممتازة جدا.. وأتفق تماما مع الخمسة الأوائل
وأنا ملاحظ إن الترتيب مو بس عالجيم بلاي!
أوكي خلينا نحللها وحدة وحدة

Super Mario Bros. 3
أمتع ماريو بالنسبة لي وأروع وحدة.. تستحقها وبقوة!
Super Mario Bros.
ممتعة جدا.. وبإعتبارها الـOriginal وبداية السلسلة هذا يعطيها Extra Points
Super Mario 64
للأسف ما لعبتها على وقتها فما أعرف قيمتها.. لكنها روعة وِأعتقد إنها تستاهل بما أنها نقلة نوعية ناجحة
Super Mario World
اللعبة ممتازة لكن ما كانت بمستوى اللي قبلها بكل صراحة
Super Smash Bros Melee
اللعبة أكثر من ممتازة.. وعلى إعتبار أنها لعبة ماريو أشوف ترتيبها كويس
Mario Kart DS
صراحة نسخة الكيوب كجيم بلاي ومراحل أحلى بكثير.. لكن الأونلاين هو الورقة الرابحة
Dr. Mario
ما أحب ألعاب البزل اللي زي كذا وما أشوفها تستاهل.. لكن لها فانزها
Super Mario RPG
ما لعبتها.. لما أحصل Wii Points وأجربها أعطيكم رأيي >.>
Super Mario Land
ما لعبتها على وقتها وما وصلت فيها بعيد.. ما أقدر أحكم أبدا أبدا
New Super Mario Bros.
لعبة رائعة بكل معانيها وأكثر لعبة منتظرها من قبل لونش الدي الاس.. لكن بصراحة منقصينها حقها.. ما حسبوا إنها Best Original Comeback EVER وهذا يعطيها +10000

شكرا سكرو أتاك.. شكرا إنسايدر!

تحرير:

نيو سوبر ماريو بروس حرام حرام حرام تكون العاشرة ، على الأقل تستاهل الخامسة
و سوبر سماش مو لعبة ماريو ، لسه لو حطوا مكانها يوشيز ايلند الأسطورية أفضل
​

QFT..
بس معليش السطر الأخير مسحته P:

 

[AMOR]

وين بيبر ماريو ؟!!
وين بيبر ماريو 2 ؟!!
وين ماريو اند لويجي ؟!!
وين يوشيز ايلاند ؟!!

و فوق كذا اشوف ماريو كارت د.ماريو نيو سوبر ماريو سوبر ماريو لاند و ميلي (ماهي لعبة ماريو) -__-.
قائمة شخموطية.
و 64 تستاهل الاولى بالريوس.

 

[Hwoarang]

Super Mario World بعدي ألاقيها أفضل جزء لماريو

 

[hussien-11]

بس معليش السطر الأخير مسحته P:

السطر الأخير يضل رأي شخصي P:
رد الأخ Amor ذكرني بواحدة من أروع ألعاب ماريو على الإطلاق الي كان لازم تلاقي لنفسها مكان بهالقائمة ، ماريو ولويجي على الجيم بوي أدفانس
الله عليك و على روعتك يا ماريو ـ ألعابك لحالها مو قادرين نطلع منها أحسن عشرة ، تحس لازم عشرين
فعلا الملك ملك

 

[Colorization]

لو شايلين دكتور ماريو و سماش وحاطين مكانهم بيبر ماريو و Marui&Luigi وايد أحسن.
1) دكتور ماريو جيدة لكنها ما تغطي على بيبر ماريو ولا ماريو ولويجي!!
2) سماش ما أعتبرها لعبة لماريو، أعتبرها لعبة تجمع الهيروز حقت ننتندو مع شوية third party characters

 

[The Shark]

مادام ماريو RPG موجودة فخلاص القائمة حلوة ... لكن ألعاب بيبر ماريو و ماريو آند لويجي ليش مو موجودة ؟؟