hits counter

أخيراً .. البحرين و السعودية :'(

Torpedo

Contributing Staff
يسري مفعولها بعد 30 يوما بدلا من الجواز

المملكة والبحرين توقعان اتفاقية التنقل ببطاقة الهوية

اليوم ـ واس ـ الرياض

534852_1-472.jpg

الأمير نايف ووزير الداخلية البحريني يوقعان الاتفاقية

عقد صاحب السمو الملكي الامير نايف بن عبدالعزيز وزير الداخلية جلسة مباحثات، مساء امس في قصر المؤتمرات،مع معالي الفريق ركن راشد بن عبدالله آل خليفة وزير الداخلية بمملكة البحرين،وقعا على إثرها على البيان المشترك لآلية تنفيذ التنقل ببطاقة الهوية (الهوية الوطنية) بين المملكة العربية السعودية ومملكة البحرين عبر المنافذ الرسمية للبلدين الشقيقين.حضر مراسم التوقيع صاحب السمو الملكي الامير احمد بن عبدالعزيز نائب وزير الداخلية ومعالي الامين العام لمجلس التعاون لدول الخليج العربية عبدالرحمن بن حمد العطية والوفدان الرسميان للبلدين. وأوضح مدير عام الجوازات اللواء سالم بن محمد البليهد في تصريح صحفي أنه سيتم وفق هذا البيان السماح لمواطني البلدين بالتنقل عبر المنافذ الرسمية لكلا البلدين بالبطاقة الشخصية (الهوية الوطنية) وفقا للضوابط الواردة بنظام وثائق السفر ولائحته التنفيذية، مشيرا الى أن العمل بهذا البيان والآلية سيدخل حيز النفاذ بعد مرور 30 يوما من تاريخ التوقيع عليه. من جهته هنأ العطية، خادم الحرمين الشريفين الملك عبدالله بن عبد العزيز آل سعود رئيس الدورة الحالية للمجلس الاعلى وأخاه جلالة الملك حمد بن عيسى آل خليفة ملك مملكة البحرين ـ حفظهما الله ـ بتوقيع بدليهما اتفاقية التنقل بالبطاقة الشخصية بدلا من جواز السفر بين البلدين.
مشيرا في تصريح لوكالة الانباء السعودية ان الاتفاقية تأتى تنفيذا لقرارات قادة الدول الأعضاء بدفع مسيرة العمل المشترك وترجمتها الى واقع ملموس يلبى طموحات وامال مواطنى دول المجلس. واعتبر العطية هذه الاتفاقية تتويجا للعلاقات الاخوية بين المملكة العربية السعودية ومملكة البحرين وحلقة مهمة في استكمال متطلبات السوق الخليجية المشتركة ولبنة تضاف الى انجازات العمل الخليجي المشترك.





====


أخيراً -_-" ؟
 

NSider

Contributing Editor
لازم بطاقة الهوية السعودية الجديدة؟
 

MR1

Hardcore Gamer
المفروض كل دول الخليج مسوين كذا من زمان -_- ...
السعودية و الإمارات الحين مسوينا من فترة ... لكن على حسب ماسمعت (منب متأكد) ...
أنك لازم توريهم الجواز علشان تعبر بس ما يختمونه ... وش الفايده >.<

إلى الآن أتذكر يوم رحت لإيطالي و مريت فرنسا، سويسرا، ألمانيا، النمسا، و بعدين رجعت لإيطاليا والله كأني أروح من مدينة لمدينة داخل دولة وحدة
 

NSider

Contributing Editor
لازم توريهم الجواز في منفذ الإمارات؟ أذكر واحد قال لي أنهم بس يسألونك إذا هو معك أو لا (لازم يكون معك).

جسر البحرين ما يختمون الجواز من فترة.
 

Bounty

True Gamer
بس شباب ما اعتقد واحد يطلع برى ديرته بدون جوازه .. احس صعبه لول ..


عالعموم الحين دول الخليج كلها بيكون التنقل فيها بالبطاقه
 

MR1

Hardcore Gamer
لازم توريهم الجواز في منفذ الإمارات؟ أذكر واحد قال لي أنهم بس يسألونك إذا هو معك أو لا (لازم يكون معك).

جسر البحرين ما يختمون الجواز من فترة.

زي ماقلت ... منب متأكد بنفسي ... أحد أقاربي قالي هالكلام =\
 

ABUALI

True Gamer
السعودية والبحرين مافي ختم جوازات، لكن يدخلون المعلومات في الكمبيوتر ويلهفون الفلوس..
و زين إن بتصير بالبطاقة، أحسن
 

pacino

True Gamer
لوول السفر بالبطاقه اظن بيطبق بكل دول الخليج ما عدا الكويت......والسبب معروف خخخ
 

iCon

True Gamer
اللي اعرفه ان السفر بين الامارات و السعوديه و الكويت بالهوية .. مب متأكد بس سمعت الكلام من واحد شغال في الجوازات .. انا عن نفسي من زمااااااااان ما استخدمت الجواز في الامارات .. كله اسافر و ادخل الدولة ببطاقة بوابة الامارات ... اتمنى لو يطبقونها في باقي دول مجلس ا لتعاون ..
 

Lunar Poet

True Gamer
أهم شي نقدر نمر ببطاقة الهوية العادية (القديمة)؟
 

Mesharey

True Gamer
السفر بين الكويت والبحرين بالهوية بس من زمان .. ما ادري عن الباقي
 

Justice

True Gamer
شباب الي يبغى البطاقة الجديدة لازم يغير جوازة
الجوازات ماتغير جوازك الابالبطاقة الجديدة ^_^ يعني بحصل على البطاقة الجديدة بعد ثلاث سنوات
لووول
 

Saadawii

True Gamer
أنا اللي اعرفه أن السفر بين عمان والامارات ببطاقة الهوية، بس عمان رافضة تطبق نفس الشي مع السعودية، باقي الدول ما عندها خلاف.
هم بيعممون هذا الشي قريب أتوقع عشان يدمجون المجتمعات والاقتصاد أكثر، عشان يطبقون حكاية مجلس التعاون بشكل فعلي.
مع أني مو متحمس لحكاية السفر للبحرين بالبطاقة، كذا بيروحون مراهقين كثار للبحرين بدون قيود وهذا مهو شي كويس.
 

Lunar Poet

True Gamer
مع أني مو متحمس لحكاية السفر للبحرين بالبطاقة، كذا بيروحون مراهقين كثار للبحرين بدون قيود وهذا مهو شي كويس.
السفر للبحرين -الى سن معين- محتاج لتصريح من ولي الأمر، ما أظن بيتغير شي..
 
أظن السفر للبحرين بجواز السفر أفضل ( تجنباً للمشاكل الغير متوقعة ) ..
 

The Shadow

Hardcore Gamer
يله ، ان شاء الله يتطبق في جميع دول الخليج ...
بس ياكثر اللي بيسربتوا الان من وراء ظهور اهليهم XD
 

Justice

True Gamer
لا لازم تصريح تحت سن الواحد والعشرين يعني بطاقة الاحوال وتصيرح
لكن برضو ماتفرق لو كان الاب كاتب في التصريح السفر لوحدة >_<
 
أعلى