Gavroche
World history is a court of judgment
Stranger Things S4
بعد انقطاع كبير عن المسلسلات قررت ابدا بهذا وأتفاجأ مسوين حركة غبية انهم قسموا الموسم لكن بطريقة مدري... 7 حلقات الحين وحلقتين في يوليو المهم الموسم المفروض قبل الاخير وكثير متشعب بالاحداث حطوا تقريبا ثلاث اتجاهات تتحرك مع بعض وزادو من عدد الشخصيات بل اقول يمكن أضخم موسم من ناحية الميزانية، حتى الاخراج والتصوير أحسن من أي شئ قبل. يظل من الشخصيات الجديدة بعضها فيه كمية كرنج مستحيلة أعرف المسلسل يحاول يكون تشيزي أو كليشي ويرمي تروب مملة بس هنا اوفر؛ ذاك المحشش ابو شعر من أي قمامة طلع مدري اع.
كنت دائمًا أشتكي ان جانب الغرائب بالمسلسل ميه ولا فيه وحش شدني وكلهم مخنبقين، الموسم الرابع قرر يرد علي ويركز على الفيلين بشكل اساسي ويخلي قصته حتى ملحمية ومترابطة مع كل المواسم، فيه اقتباس كبير من شخصية فريدي من فلم كابوس شارع ايلم، من هنا طالع أحسن من المواسم السابقة، بس لو تتغاضى عن الشخصيات والبلوت الهبلة راح يكون كثير مسلي.
الحلقة السابعة بالذات تخليك تشقق حماس بالنهاية.
انطباعك يقول بانه احسن من الثلاث مواسم السابقة، انا شفتهم وتقدر تلاحظ بأن المسلسل موجهه لليافعين اكثر من الشياب نفسنا (&)
مادري اخليه عقب بعد شهر علشان اتابعه مرة وحدة وافتك من الكليف هانجر الشنيع الي وقفوا فيه