hits counter

أبي رايكم يا أخوان

  • بادئ الموضوع بادئ الموضوع q8 spy
  • تاريخ البدء تاريخ البدء

q8 spy

True Gamer
السلام عليكم ورحمة الله وبركاته


كيف الحال يا جماعه

إن شاء الله مرتاحين

المهم

أبي أشتري تلفون سوني أريكسون جديد

وأبي رايكم

شنو أخذ

اللي عندي 170 د.ك

وأبي أخذ واحد حلو وقوي

غير الــ K الجديد​
 
أوكي أنا سوني اريكسون فان وراح أنصحك

K850i غالي وأكثر من القيمة اللي طرحتها ، وبشكل عام أجهزة سوني رجعت للغلاء الأسطوري بعد ما كانوا أجهزتها رخيصة في السنة ونصف الفائتة .

نصيحتي : زيد على فلوسك شوي وانتظر الأجهزة الجديدة اللي بتنزل بنصف السنة تقريبا .
وبعدين ويش المواصفات المطلوبة لو كنت مستعجل ؟

عموما هذه بعض الهواتف المتوفرة والجيدة
T650i : جهاز نحيف جدا وجودة تصنيعه عالية ، شاشته ممتازة لأبعد الحدود وتصويره الفوتوغرافي وصوته ممتازين .
W910i : اوكي سعره أكثر من ميزانيتك ، شاشته كبيرة وممتازة 2.4 انش وما تنخدش وشكله جميل جدا جدا عيبه أنه فاضي من ناحية المميزات مقارنة بسعره المرتفع ولا أنصحك فيه .
K770i : نفسه T650i بتطويرات طفيفة .
W890i : غالي بالنسبة للمميزاته ولذلك لا أنصح فيه أيضا .

نصيحتي أجمع لك شوية فلوس ولو تخلي ميزانيتك 190-200 دينار أفضل ، أنصحك بانتظار W980i أو W760i أو G900i .

www.gsmarena.com لو حبيت تشوف صور الأجهزة وتتعرف على مواصفاتهم ، يمكن تعجبك أشياء غير اللي ذكرتها وتعزم على الشراء .. عموما لو عندك أي سؤال عن سوني اريكسون لا تتردد .
 
التعديل الأخير:
ما شاء الله عليك زيرو

صج فان :D

أنا عجبني الــ W910i
و الــ T

بــس أي واحد اللي فيه وايرلس ؟
 
اللي فيه وايرلس P1i المفروض وصل سعره 1700 ريال ، نظامه قديم وبتنزل الأجهزة الجاية بنظام جديدة ، نظامه سيمبيان مو جافا وفيه كيبورد كامل وهاتف ذكي .

اللي أنصح به فعلا هو G900i بينزل آخر السنة ، شاشة 2.4 لمس مضادة للخدش وتعمل بالقلم والأصبع ، كما أن الجهاز يحتوي على أزرار كاملة بالعربي استخدمه زي ما تبغى ، نظامه جديد وكاميرته 5 ميجا بيكسل مع فلاش وأوتوفوكس وفيديو 30 إطار بالثانية مقاس Qvga وفيه واي فاي ، الجهاز صغير بالحجم بالنسبة لإمكانياته وبصراحة أشوفه جهاز بيرفكت واللون الأحمر رهيب جدا .

لو حبيت تشتري W910i أو T650i الأمر راجع لك ، لكن نصيحتي انتظر G900i لأن الصبر جميل .
 
طبعا هذا هو الـG900i ، اللون الأحمر يدخل القلب

se-g900-00.jpg


se-g900-01.jpg
 
وعليكم السلام ورحمة الله وبركاته

هلا حجي محمد احنى بخير دامك ويانا حبيبي :D

والله ياطويل العمر انصحك بلـW960i تلفون عجيب حده!


sony_ericsson_w960_zoom.jpg
 
سنيك الـW960i أكثر من القيمة اللي حددها سنيك ، أساسا لو ما حدد كان نصحته به .
 
الــ W960i

سعره بــ 170 دينار

يعني نفس القيمة اللي عندي وأقدر
أشتريه

بالعربي تنصحوني أخذه ؟
 
لو تخلي فلوسك على جنب وتزيد عليها شوي وتنتظر G900i أفضل ، لأن W960i السابق .
 
أنا أبي ألحين إذا خليت فلوسي راح أصرفهم


والــ G راح ينزل اخر السنه يعني مطول شوي

ماكو إلا اني أخذ الولكمان

يعطيك العافيه أخوي زيرو على النصحيه :)
 
الG ينزل نصف السنة المفروض ، عموما مبروك الووكمان مقدما :) .
 
شريت الK770i قبل عدة أيام و مرتاح معه، أنصحك به و بقوة.
 
سنيك الـW960i أكثر من القيمة اللي حددها سنيك ، أساسا لو ما حدد كان نصحته به .

الــ W960i

سعره بــ 170 دينار

يعني نفس القيمة اللي عندي وأقدر
أشتريه

:)

بوحميد توكل على الله حجي واخذه مابتندم صدقني

وذا بتنطر الـG بقولك من الحين ترى الـ170 دينار الي عندك بيستوون دينار اذا مب 0 بعد :yuck:


شريت الK770i قبل عدة أيام و مرتاح معه، أنصحك به و بقوة.

شكلك ماقريت الموضوع الرجال يقولك يبي شي غير الـK:smile:
 
عودة
أعلى