- تمثيل مايكل سي هول كان Outstanding ! من زمان ماشفت تمثيل متقن بمسلسل من بعد مايكل بـ بريزن بريك (اتكلم عن التمثيل) , حتى لو كانت الحلقه سخيفه والاحداث بارده يكفي شخصية ديكستر بالحلقه
- ديبرا وريتا كانو مميزين وتمثيلهم حلو , لكن باقي الكاست ماش ماعجبني مره
- استور تجيب المرض والهم ! يالله تنرفز بكل مشاهدها خاصه من السيزن 4 وفوق
وفيه شيئ بقلبي من السيزون 3 طيح المسلسل من عيني شوي !
ركزو معي زين , الحين من اول المسلسل وضحو لنا انه شغلهم دقيق جدا يعني كمثال كل تعاملهم مع البصمات والدي ان اي وبمجرد مايلقون شعره او سعبوله

وحده يقدرون يعرفون صاحبها وشسمه ووش يشتغل ومن ولده ومن خواله , وبينو لنا انه اي جريمه او مقتل يصير حتى لو انتحار يسوون تفتيش كامل للموقع لأي بصمات او ادله ويحللونها , واي جرح فالضحيه يقدرون يعرفون هو قبل او بعد الوفاه ويحددون موقع الضحيه وهي تنقتل بالضبط وكيف طار الدم ومن اي زاويه وكيف كانت الضربه...الخ.
إلى الان ماشين تمام ؟ طيب كيف بنهاية السيزون الثالث لما السكينر ربط دكستر بالطاوله وبعدين دكستر قام وذبحه ورماه من فوق محد حس انه السكينر مقتول ؟ معقوله مافيه اي اثار انه مقتول من قبل ان يطيح ؟ معقوله ماشافو بصمات ديكستر الي ممليه المكان ؟ اوكي لو فرضنا انه شكو انه مات منتحر , الطاوله المكسوره والفوضى الي فوق معقوله محد انتبه لها ؟ معقوله مخبأ سري لأخطر مجرم بالمدينه الي ذبح فيه ضحاياه مايفتشونه ويشوفونه وش كان يسوي بالضبط ويدورون على بصمات الضحايا السابقين عشان يعرفون هو الي ذابحهم او لا ؟ بعدين اصلا من البدايه ديكستر ليش هج خايف من وش ؟ السكينر مسكه وديكستر قدر يفلت وتضاربو وذبحه ديكستر مااشوف فيه شيئ يثير الشك خاصه انه ماهو اول ضحيه من مركز الشرطه !
توقعت انه بالسيزون الرابع راح يكتشفون انه دكستر كان هناك لكنهم تجاهلو الموضوع 100%
بس بالنهايه المسلسل رهيب ومن ارهب ماشفت والدليل المده القياسيه الي خلصته فيها ! واخيرا الحين اقدر اتابع كل حلقه بوقتها والله يصبرني بس على الاقل اقدر اتناقش باإلي اشوفه !