أبحث عن إقتراحات إضافية لخلق أفضل ذكرى في مخ أخوي الصغير

[Colorization]

أول عنوان أكتبه يلخص الموضوع ككل :whistle:

بختصر قدر الإمكان.

25 يناير أخوي الصغير يخلص إمتحاناته. قلت له إذا يبت درجات عالية راح أشتري لك نينتندو ويي (عنده بي اس3 مع PES فقط). يحب الكرة وخليته يشوف فيديوهات Mario Strikers ومستانس منها. خليته يطالع فيديوهات NSMB Wii و حدّه يبي يلعبها. (ما خليته يطالع ميجامان بس غصباً على راسه يلعبها :sarcastic: )

السؤال هو؛

ماهي أفضل طريقة لصرقعته؟ :wow:

هو يعرف إنه الجهاز راح يوصل له، لكن شلون أخليه يتفاجأ؟

اللي فكرت فيه هو:

آنا أرجع من دبي تاريخ 24، هو يخلص إمتحانات 25. أشتري الويي من دبي وأحطها في دبة (trunk) سيارتي. يوم 25 لما يرجع من الإمتحان الأخير أقول له إلبس بوديك مجمع الرحاب ولما يلبس ونطلع من البيت أقول له تعال باخذ شي من الدبة و OMG الويي موجودة! :wow: :wow: :wow: :wow:

يعتبرني مثاله الأعلى بالدنيا لأني الوحيد اللي يعطيه ويه بالبيت وما يتردد يعبر عن مشاعره بكل صراحة معاي لذلك متوقع صراخ وحماس وفضيحة بالشارع :laugh:: (للحين ما قررت أوثّقها فيديو ولا صور)

هل من إقتراحات أفضل؟ :moneymouth:

 

[Majeed]

لول نايس محمد .. فكرتك حلوة ..
حالياً ماعندي شي .. ممكن الشباب يطلعون أفكار جهنمية :laugh:: ..

(للحين ما قررت أوثّقها فيديو ولا صور)

*يتذكر ولد الـ64*

فيديو فيديو :laugh:: ..

 

[king zell]

شرايك أول شي تبدأ في عملية إقناعه إن في إحتمال كبير إنه ما يحصل على شيء

لأن حسب ما أنا شايف ما راح يتفاجأة بشيء متوقع و مضمون :tongue:

 

[Id]

عندي فكرة بسيطة جداً

اشتري لعبة سيارات كبيرة من محلات ألعاب أو اي لعبة ثانية تعرفه ما يحبها أو خذ كرتونها من محلات الألعاب .. الكرتون يكون كبير طلعها من داخله وحط الـWii بداخلها ..

في البداية ارفع ضغطه شوي لأنه بيقول : محمد مثلي الاعلى سحب علي بهدية بايخه .. وبس يفتحها بيقول : أحبك محمد :$

 

[Lunar Poet]

حط الوي في غرفته (على سريره) عشان أول ما يرجع من الإمتحان و يدخل غرفته يشوفه

 

[Lunar Poet]

عندي فكرة بسيطة جداً

اشتري لعبة سيارات كبيرة من محلات ألعاب أو اي لعبة ثانية تعرفه ما يحبها أو خذ كرتونها من محلات الألعاب .. الكرتون يكون كبير طلعها من داخله وحط الـWii بداخلها ..

في البداية ارفع ضغطه شوي لأنه بيقول : محمد مثلي الاعلى سحب علي بهدية بايخه .. وبس يفتحها بيقول : أحبك محمد :$

ليش مصاريف، دور كرتون فاضي p:

 

[Colorization]

واو.

Mind-reading بقوة.

أقسم بالله إنه فكرة ثامر قاعد أفكر فيها الحين، وفكرة يوسف فكرت فيها بس بطريقة مختلفة شوي (يرجع من الإمتحان ينام، لما يقوم يلقى الصندوق. أحس بيطق نفسه طراق يقول يمكن حلم.)

جد واو :xd: :xd: :xd:

محمد... أخاف أكسر خاطره ويبجي :crying:

 

[Id]

لول أنا قلت ياخذه فاضي من اي محل اذا لقاه ..

 

[Lunar Poet]

لول إذا ما عندك مانع مصاريف زيادة حط شوي "بهارات" مع الوي. فيجرز ماريو و لويجي يمين و يسار الوي ♥_♥

 

[Burdegation]

اشترله بيضة كندر و قوله هذه هدية نجاحك

بعد مايزعل و يضيق خلقه يبطّل البيضه يلقى فيها ورقه "مبروك على النجاح ربحت wii من اخوك محمد" او شيء من هالقبيل, عاد انت و شطارتك شلون ادخل الورقه

نفس الفكره بس مع بطل بيبسي او وجبة اطفال من مكدونالدز

 

[Colorization]

لول إذا ما عندك مانع مصاريف زيادة حط شوي "بهارات" مع الوي. فيجرز ماريو و لويجي يمين و يسار الوي ♥_♥

:inlove:

مقططين كل مكان بالرحاب وبطريجي وآنا في دبي بعد.

راح ينحفر هاليوم في باله

متحمس أكثر منه بصراحة :

أعتقد هني ينفع أحط جملة من أحد أفلامي المفضلة (الشاطر اللي يقول الفلم من دون غوو--- أوبس، استخدمت غووغل :-( )

Happiness only real when shared.

 

[hussien-11]

المسألة ما هي بالفيجر

الجهاز يظل بذاكرتك أكثر شي لما تبدأ معاه بتجربة عظيمة ، أول لعبة على الجهاز الفلاني دائما أمر لا ينسى

أنا أخذت الوي مع توايلايت برنسس و ما كان عندي ألعاب غيرها لفترة طويلة .. لحد الان أذكر هذي اللحظات و أتكلم عنها

لذلك انتقي لعبة مع الجهاز تعيش بباله على طول .. ماريو جالاكسي مثلا :
​

 

[Vorg Zangief]

قلت له إذا يبت درجات عالية راح أشتري لك نينتندو ويي

أعتقد لازم تنطر لين تطلع درجاته بعدين عطه الجهاز ..
مثلاً لو درجاته ماكانت جيدة . هو راح يعرف انه ما يستحق الجهاز . و هنا يأتي دورك . و تعطيه الجهاز بالإسلوب الي يعجبك و أكيد راح تكون صدمة كبيرة لأنه ما توقع انك تشتري له الجهاز . بدرجاته المتوسطة
-- --
و انا مع حسين يوم يقولك . أنك تشتريله ماريو جالكسي مع الجهاز .

 

[JOE]

لعبة سيارة كبيرة ؟؟ ليش كم عمره هو ؟ << حركة السيارة إلي جوتها الوي صارت عكسية و بنتيجة قاهرة لول

انا افضل انك تماطل شوي فيها و ما تخليها متوقعة ، جيب له الهدية المتعارف عليها بالنسبة لعمره و خليه يتفاجأ بيها و كل شئ ..... و دخل الوي في الآآآخر << قبل نقطة الإحباط بشوية ...

 

[Skull Town]

حطها في علبه حلوه وتفتح النفس اذا عندكم محلات متخصصه في التغليف راح يسونها له بشكل حلو
صور

صوره 1
صوره 2
صوره 3
صروه 4

او مثلاً اشتر له بطاقة هديه/بطاقة تهنئه ودبس فيها wii points عشان يشتري اشياء من ستور الوي اشكال البطاقات تفتح النفس اكيد عندكم محلات متخصصه في هذي الأمور بعد
صوره 2

صوره 3

 

[SCREAMING_RAGE]

الله يحفظه لك ان شاء الله

لا يحصلك مثل اللي حصلي انا مع اخوي الصغير, لأني اذكر مره شريت له لعبة ليجو باتمان على الاكس بوكس في الصيفيه, وانا اقول في نفسي, اكيد اللعبه هذه بتصلحله لأنها كلها الوان و مضحكه و بلاتفورمنج, وبعد ثلاث ايام بالظبط الولد رجعلي اللعبه وهو يقولي: اللعبه صعبه, واحتاج مساعدتك >_>*

عاد انا جاني انواع الاحباط............. وبعدها فتره بسيطه اشتريت له رزسستنس جزء الـ PSP, وقعد يومين بالظبط و بعدها رجعلي اللعبه وقلي, اللعبه مخيفه <_<*

و في النهايه شريت له على فورزا 3, و اللعبه عجبته مره, و اعتقد انها هي لعبته المفضله.

أصلاً انا كنت عارف من البداية انه هو يحب العاب السيارات, لكني حاولت شوي اسحبه الى العاب الشوترز و المغامرات و الاكشن, للكن للأسف, جميع المحاولات بائت بالفشل.

الموهم, حاول دائماً انك تعرف ميوله قبل لا ترسى على هديته, لأني اخاف تشتريله لعبه تعجبك انت شخصياً لكن هو لأ.

تقبل تحياتي ...

 

[Nyx]

محمد إنت رهيب

 

[MAX9009]

اتفق مع مدير المدرسه وقلو اول ما يخلص اختبار يزهمونه مكتب المدير بياخد انذار من شغله .. واول ما يدخل عند المدير تداااااا :wow:

 

[snake eyes]

^
من جدك احمد!! :laugh::

 

[Averroes]

اتفق مع مدير المدرسه وقلو اول ما يخلص اختبار يزهمونه مكتب المدير بياخد انذار من شغله .. واول ما يدخل عند المدير تداااااا :wow:

حرام عليك :laugh::

 

[Jonas]

لول ذكرتني بسالفة مع أخوي "الكبير" .. هو يحب الميوزك بشكل عام و يعشق الهيب هوب و الأشياء هذي
المهم انه دايماً يسألني عن DJ HERO و يقولي وش وضعها و هكذا.. أنا أساساً كنت أفكر في اللعبة بس ما اظهرت له هالشيء , و سويت نفسي اني مستحيل اشتريها لآن اللعبة بايخة و كذا .. (هو ما تفرق معاه سواء لعبها او لا لآنه ما يلعب جيمز كثير)..

المهم إني رحت اشتريت اللعبة بدون ما يدري :evil:: و قلت خلني افاجأه بطريقتي الخاصة :rockon: طبعاً جاتني افكار هبله استحي اني اذكرها ..
لكن بالأخير رحت الصبح و هو نايم و شريت اللعبة , و يوم رجعت للبيت فتحت سيارته و حطيت الكرتونة عند مكان دعاسة البنزين و الفرامل..

المهم لمن جاء يطلع لدوامه انا طلعت عند الباب أسوي نفسي ما ادري عن السالفة , يوم فتحت سيارته و يلقى الكرتونه تدااااااااا :wow: :wow: :wow: :wow:


هذا معناه اذا تبي تعطي هدية مثالية لازم تخلي الشخص الي بتهديها له ما يتخيل "ابداً" انك بتجيبها له , و لكن فجأة !!!!!!!!!! أعطيه الهدية و سوف تراه ينغمر بالسعادة و الابتهاج :rockon: :lebb:

 

[Jonas]

اتفق مع مدير المدرسه وقلو اول ما يخلص اختبار يزهمونه مكتب المدير بياخد انذار من شغله .. واول ما يدخل عند المدير تداااااا :wow:

هههههههههههههههههههههههههه
متأكد انك كنت بكامل وعيك يوم تكتب هالرد ؟

صنعت صباحي :laugh:: :laugh:: :laugh::

 

[Majeed]

اتفق مع مدير المدرسه وقلو اول ما يخلص اختبار يزهمونه مكتب المدير بياخد انذار من شغله .. واول ما يدخل عند المدير تداااااا :wow:

+1 على هالفكرة :laugh::laugh::

 

[Still Alive]

سوى فيه نفس الحركة الى سووها في الطفل الاسمر

http://www.youtube.com/watch?v=LV30Vd_CYqk

اعطيه كرتون الوي وجواته ملابس .. بعد ما يتحطم شوي قول له روح دخل ملابسك في الدولاب ، يروح يفتح الدولاب وOMG يلقى الوي في وجهه ..

 

[Saadawii]

انا ضد فكرة وضع الوي في علبة ثانية، أو شي ثاني في علبة الوي. أحسن شي تتركها في مكان يتفاجأ فيه. أو تحطه جنبه وهو نايم، بيعتقد لفترة طويله انه احلى صباح مر عليه.
أو، تقدر تسوي مسابقة بالاتفاق مع اللي بالبيت، توزون الجهاز في مكان، وتخلونه يدوره، يكون في مكان غير متوقع. بتكون زي الحفلة للبيت كله، بيشاركونه الفرحة.

تصير أخوي الكبير؟ :crying:

 

[Zero_IYAD]

أي اقتراح من المذكورين أعلاه يمشّي ..
لكن "لازم" توّثقها , راح تبقى ذكرى حلوة لك و له على مدى السنين

 

[Wild Fox]

اذكر و انا صغير عملوها فيا كنت ابا ميجا درايف ...
و جلسو يلمحو انو ما حيقدرو و انو صعب ... و قبلها بيوم اخواني يتيريقو و يذكروني انو ما في ميجادرايف:crying::crying:
و لما صحيت الصباح حصلته مشبوك على التلفزيون و جاهز
صح كنت صغير بس اتذكر اليوم هذاك كانو امس:crying:

 

[persona]

السيناريو يكون ..تشتريله الوي ، تحطه بغرفته ، اهو يرد ، تعطيه كرتون وي فاضي، عبه اي شي وتقول هذي الوي اللي تبيها(بشرط يكون بالصاله مو بغرفته) ، تبررله السبب وتزفه وتقول نسيت ليما كذا ، انسى اييبلك شي بعد هالسالفه خيبت ظني فيك وبالاخير ينصدم المسكين ، يروح غرفته يحصل الوي بسريره النتيجه انت افضل اخو في الدنيا ..

اذا اصر انه بيفتحها بغرفته ، حط الوي تحت سريره وخل يبطل الكرتون الفاضي ومثل ماقتلك ..

 

[Black]

الله يحفظه لك ويخليكم لبعض ..
الشباب ما قصروا بالأفكار لكن ركز على نوعية الألعاب الي تختارها .

 

[N2N2]

شرايك أول شي تبدأ في عملية إقناعه إن في إحتمال كبير إنه ما يحصل على شيء

لأن حسب ما أنا شايف ما راح يتفاجأة بشيء متوقع و مضمون :tongue:

احسن شي وحطمه في الدرجات بعدين خله يفتح الدبة :razz::