انتوا متأكدين تستخدمون كاميرا جوالات؟
لأنه شايفة صور خرافية هنا @_@
ليش مستغرب؟ ترى الجوالات وخصوصًا اللحين مع الiPhone 11 صار aggressive مع التعديلات اللي يسويها لتحسين الصور بإستخدام الML. الiPhone 12 Pro جربته بشكل بسيط دامه عند اهلي 3 أجهزة كله انشب لهم بجرب بجرب وصراحة شيء جبار وصلت الجوالات.
الiPhone 12Pro لما يكون مع كفر فيه handle من ورا عشان يساعدك بيدك تثبت الجوال أفضل صراحة يعطيك نتائج متوحشة سواءًا بالتفاصيل او التصوير الليلي.
هذا الجانب التقني ولكن الجانب الفني الثاني هذا يعتمد على مهارة المصور و احساسه الفني ولو كان يتبع قواعد توجيهية بالتصوير، انا مثلًا جاتني فترة كنت مهووس بفكرة تطبيق قوانين الcompostion - مع تلقي انتقادات لاذعة من
@Anaxiroshe’lir - مثل الrules of thirds, golden ratio, vanishing point, leading lines وبشرحهم بشكل بسيط:
فكرة الrules of thirds انك تحاول تخلي الشيء اللي تبي عليه التركيز في الصورة يكون بأحد التقاطعات، أو الخطوط المستقيمة مع الخطوط هنا، النتيجة تطلع هي صورة متوازنة و ممتعة للنظر.
في الصورة اللي صورتها في بولندا حاولت ألف مفهوم القانون شوي إني اخلي الرجال و المرأة في مربع واحد.
طيب القانون الثاني حق الvanishing point هو انه يخلي المشهد او الصورة لشيء ما ينتهي أو طويل. زي مثلًا هذا المشهد من دارك نايت للكراج كيف الخطوط حقت الاضاءة تعطي ايحاء انه طويل جدًا
أو من الأسطورة و ملك التصوير كيوبريك و أفضل مخرج أشوفه بالسينما مهووس بالcompostion و كل أفلامه مليانه دروس فيها.
الleading lines هي انك تستخدم الخطوط أو الأشياء اللي تكون شبه خطية للإشارة للشيء الرئيسي في الصورة. أمثلة:
الgolden ratio هو عبارة عن تطبيق الخط الحلزوني لمتتابعة فيبوناتشي بالصورة، من أصعب الgrids اللي ممكن الواحد يطبقها صراحة لكن تعطي نتائج جبارة. ويمديك تستخدمها بكل زاوية من الصورة. أو تستخدم الخطوط المستقيمة المتقاطعة اللي تشبه rules of third
- فن فاكت علمي: عدد الأوراق في الورود عبارة عن أرقام من متتابعة فيبوناتشي -
