Solay

لول سليمان سالفتك مع كينجدوم هارتس سالفة :laugh:: الحين مب فتحت موضوع أو كتبت استفسار علشان كذا من قبل ؟؟ المهم انك مستانس باللعبة ..
امممم سالفة نصايح ما أدري وش أقول لك بما أني مالعبتها من سنين لكن الي مهم واذكره انك تلفل التحولات باستمرار قد ما تقدر .. التحولات الي هي الويزدم والفالور والفاينل فورمز .. كل واحد له طريقة بالتلفيل وموجودة بالـStatus على ما أذكر .. التلفيل فيهم مهم لأن فيهم قدرات حلوة بيكون أحسن لو اخذتها مبكر ..

جنقل بيت لعبت ساعة وشوي تقريباً وخلصت فيها خمس مراحل ما نقصت فيها ذرة من المتعة .. اللعبة حلوة بشكل ما يبين عليها .. ولا فيها تكرار ولا هالخرابيط .. والجرافيكس ماشي تمام ولا بتحس فيه ..

لول ردي طويل بشكل ..
استمتع ..

الله يرجعه بالسلامه

سليمان اذا جت لك فرصة وحبيت تلعب GOW2 انا موجود ...

سليمان وش الألعاب اللي تلعبها اونلاين ؟

اقصد X360 ...

أووووه, يالله بالصيف :laugh::

رهيب :rockon:

شوف, متى ما لقيت عروض رهيبة زي هذي لا تبخل علينا عاد

ثلاثين ريال ؟ شيييل وحدة لي يا عم
أهم شي امريكية بس !

واو !

انا لعبت كل النسخ (PS2,GC,Wii) عدا الـ PC , لأني بصراحه أشوف اللعب عليه مُتعب و مُب مُسلي أبدا ً طبعا ً عدا ألعاب الـ MMO !
افكر اشتري 2 و 3 , على الجيم كيوب , فيها إختلاف و لا مُجرد نسخ ولصق (بورت) !؟

قاعد تلعب اي جزء من RE !?

حاليا ً قاعد ألعب أمبريلا كرنكلز للمره الثانيه , لعبه مخيسه , لكنها ترجع ذكريات و تخليك تصيح شوي .

قبل مُده لعبة RE1:Remake , طبعا ً أفضل ريميك لعبته بحياتي ..

حلو حلو , انا قلت خلني أشوف الكوميك بوك بعدين الموفي !

على فكره راح أضيفك كـ صديق لأنك فان لريزدنت ايفل , لووول , امزح ترى .

والله واتشمين , الكوميك حقه رهيب و مُفصل أكثر بكثير عن الموفي ( ما شفته , بس كثير يقولون كذا ) !

الكتاب يتكون من 12 تشابتر , كل واحد أحسن من اللي قبله , للحين ما خلصته , تقريبا ً بالأسبوع أخلص نص تشابتر (ليزي ) لكن أنصحك فيه وبقوه بعد , واذا ما شفت الموفي أحسن لك بعد ..

أي سؤال أنا حاضر , و راح تحصله بامازون بسعر رخيص جدا ً ما يُقارب بـ 15 دولار !

وعليكم السلام ، أهلا سليمان.

بالنسبة للباتش ما جربته للأسف فمادري كيف يشتغل.

لووول دخلت على ملف شخصي مال واحد من الشباب و شفت تعليقك ، ما أذكر ملف أي عضو

بصراحة توني أدري أنك هو XD

مصادفة حلوة

سليمان ، أنت العضو ذا ليجند من منتدى المنتدى؟؟؟؟؟

و عليكم السلام.. هيه تقدر تلقاها في المكتبة اللي في دبي مول..

ما أعرف صراحة بخصوص ديث نوت اذا مختلف كثير عن الانمي.. بس تقدر تاخذ الفوليوم الاضافي 13 (فيه شابتر اضافي و كم شغلة للفانز).. و فيه المجموعة الكاملة (مع الفوليوم الاضافي) بوك كبير بـ400 درهم تقريبا..

ما متأكد صراحة بخصوص مانغا أعدادها قليلة و حلوة.. لكن تقدر تشوف COWA! (لتورياما) أو Hell Girl (رعب، كل شابتر قصة مختلفة).. ما متاكد من مستواهم، دور عليهم في النت أو اسأل عنهم على شان تتاكد اذا بيعجبوك.

مدري عن ذوقك سليمان لكن اللعبة كل شي فيها حلو على ايامها جميله جدا ... فأنصحك تكملها وتعطيها فرصه لو تلعب الجزء الاول يكون افضل بالنسبه لي من افضل الالعاب اللي لعبتها .. الذكريات مع اللعبه مافي امل انساها .
ركز على الساوندتراك حق اللعبه!!!!!

braid بكم نقطة ؟

والله ريزي4 انا حالياً صارلي فتره تاركها و برجع لها و واصل الحين عند جابتر 4 .. حتى الآن اللعبه ممتازه و ممتعه ... لكن افضل لعبة بالتاريخ<<< اعذرني لااااء

فعلا.. احلى الايام..

وعليكم السلام ورحمة الله وبركاته. أهلين سليمان. أنا الحمد لله طيب. وانت كيفك؟
بالنسبة لـGTA فأنا مستمتع فيها الحمد لله, أحسن شيء إني كمان في هذي الفترة رجعت لـGTA IV بما إني تركتها قبل الاختبارات.
وبالنسبة لـRE DS فأنا لسا مابدأت فيها لإن وقتها نزلت RE5 وانشغلت فيها, لكن راح ارجعلها في يوم من الأيام . بس أول شيء خليني أخلص كومة ألعاب الـDS اللي عندي :xd:

لول XD

توني اقدر ادخل..طول هالأسبوع يطلع لي موقع مربع مادري شسمه :/

ذا إند سهل وأوفرريتد لول ، ومن ناحية القتال ما أتفق وياك ولكن في ميتل جير دائما قتال الزعماء له طعم خاص ، ولكن كنت فاقد اللمسة السحرية في أغلب زعماء الثاللث

معلييييش زعماء الثالث هم البايخين وبقوة وما لهم طعم مقارنة بالأول والثاني اللي كل واحد تحس أنك شايف فلم هندي لما تقاتله! ، ذا بين وإلا ذا فير تقتله ويصرخ وينفجر بوووم وبس لول .. أقول ما في إلا ذا فيوري وذا بوس أثروا فيي ، الحين وين راحت فورتشن ووين رايح سوليدوس ووين راح ليكود أوسلت ووين إلخ .. يكفيك مشهد الجسر حق فورتشن اللي لو أشوفه مليون مرة ما يفقد طعمه.

عموما .. اتمنى أنك تعيد النظر ، وبالنسبة للأول بالنسبة لي أفضلهم وبفارق ومن ألعاب المفضلة بشكل كبير ، عموما أنا سعيد بأنك تعرفت على سلسلة ميتل جير حتى لو متأخر.

مو ناوي تلعب الرابع ؟ متى أشتري بلاي3 بس : (

محادثات الكوديك في الجزء الثاني أفضل بكثير من الجزء الثالث اللي يفتقد من هذه الناحية وبشكل عام أفضله على الثالث كثيرا في أمور عدة ، ما أنسى أن أذكر أن الجيم بلاي أفضل وأكثر مرونة ودقة بمراحل.

هههه , ليش مو عاجبتك الصورة ؟ (مو أول واحد يشتكي منه على فكرة p=)
لا مو خطأ من النظام , في يوم من الأيام كنت "ذهبي" و حطيتها . الصورة تبقى مثل ما هي الحين بس ما أقدر أغيرها لـGIF ثاني (و هذا واحد من الأسباب اللي تخليني ما أغيرها لول)

ههههههههههه الف الف مبروك إنهاء ثلاث اجزاء من سلسلة لن تتكرر في تاريخ الفيديو جيمز!

برأيك بعد ما خلصت الان ثلاث اجزاء, هل تستحق ميتل جير 1 انها تفوز بلقب اضل لعبة في التاريخ هنا في TG ولا لا؟

و ايش رايك بشخصية البيج بوس؟ ما تحس انه مظلوم بزيادة من الفانز؟

و الف مبروك اجييييييييييييييييييييين :rockon:!

فعلا الجزء الأول special بكل شي ، امممم طيب ما كلمتني عن باقي الأجزاء شو رأيك فيها و ايش ترتيبهم بالنسبة لك ؟

وعليكم السلام ورحمة الله
بخير الحمد لله انت شلونك ؟
ما يصير X3
في طور مهمات جانبية لقصة ثانية تقدر تلعب فيها بسنيك بس , ما أذكر اسمه ومفروض يطلعلك او يكون موجود أصلا .

حياك الله ^^
كل واحد له ميزاته الأول كلاسيكي بحت وتوين نظام لعب الجزء الثاني فالجيم بلاي يتفوق بشدة توين سنيك , التمثيل الصوتي أغلب الأحيان توين سنيك أفضل بس في لقطات كثيرة القديم احسن , ممثلة صوت مي لينج كان عندها لكنة صينية بالجزء الأول ولكن تغيرت بتوين سنيك . العروض خربوها شوي مثل ما قلت وخلو سنيك سوبر مان ولكن بشكل عام كل واحد له ذكرياته .

طولت وانت مصوب عليه تموت ؟؟ لا يكون نازل بالماي ؟ الماي فيه شي ما اذكر حمضي او شي المهم مضر . افضل طريقة انك تكون بعيد وطلع السنايبر وعطه هيد xD .

لما توصل حق التبريد والتسخين في إختصار يوفر عليك مسافة كبيرة جدا إذا وصلت له قول لي .

وعليكم السلام ورحمة الله وبركاته

بخير الحمد لله انت شلونك ؟

طريقتها مثل مجس2 بالضبط أول ما يكشفك يرميك بالرشاش ويحاول يبتعد عنك خطوات معينة وراح يستخدم اللاسلكي علشان يشغل الإنذار بهذه الفترة لازم تلحقه وتقتله او تخدره قبل لا يفتح اللاسلكي . إذا فتح اللاسلكي وهو قاعد يتكلم قتلته راح يأتي فريق يشوف شالسالفة وإذا وصلوا وشافوا الجثة راح يشغلون وضع الإستعداد .

الأوضاع كالتالي :

*الشك
- إذا سمع أصوات اقدام على أرضية صلبة أو ماء أو صوت الطرق على الجدار أو آثار أقدام يروح إلى المكان إلي طلع منه الصوت وإذا شافك طبعا مثل ما قلنا سابقا .
- إذا شافك من مكان بعيد (يختلف مستوى البعد على الصعوبة إلي إخترتها) راح يكون شاك ويقرب إلى أن يتأكد إنه يشوفك .

* التأكد
إذا شافك مباشرة أو إذا سمع صوت طلقة نارية عالية راح يفتح اللاسلكي ويطلق الإنذار مباشرة في هذه الفترة تقدر تقتل الجندي قبل لا يفتح الإنذار ولكن إذا كان يوجد أكثر من جندي وطلع صوت طلق ناري راح ينتفح الإنذار مباشرة .
(ملاحظة : تقدر تكسر اللاسلكي الي يحمله الجندي إذا كان معطيك ظهره بس صوّب على الجزء الأسفل من اللاسلكي وراح تشوفه يخترب وإذا كشفك الجندي راح يحاول يطلق الإنذار ولكن اللاسلكي خربان وتقدر تتوحد فيه أو إذا خليته راح يروح بنفسه خارج المرحلة ويطلق الإنذار) .

* وضع الإنذار الأول
إذا اللون أحمر فكل الموجودين يعرفون مكانك بالضبط ولازم تبتعد عنهم مسافة كافية حتى يخلص العداد الأحمر وإذا خلص الأحمر ما يعرفون مكانك ولكن راح يدورونك .

* وضع البحث (ماني متأكد منه)
اعتقد برتقالي ويدورونك فيه بالزوايا ويمشطون المكان كله بعدين يحول وضع الاستعداد .

* الاستعداد
راح يكونون القوات الخاصة الإضافية والجنود الموجودين بحالة إستعداد ويطول تقريبا دقيقة أو أقل إذا خلص العداد راح يروحون القوات الخاصة ويرجع الوضع طبيعي طبعا إذا أي احد شافك في خلال أي وضع من الأوضاع راح يرجع الوضع أحمر .

استمتع ^^

هههههههه التوقيع المفروض يكون Solayd Snake :laugh:: ،،