انا اقصد , لو ان شاء الله الوي فيها 3 او 4 العاب بس قوية ... ممكن تشتري الجهاز عشانه .... بس كمية الالعاب الموجودة حاليا في الجهاز ممتازة جدا ... يعني عند 3 من العاب زيلدا و3 من العاب ماريو و4 من العاب ميترويد والعاب ثانية كثيرة من سلسلة رزدنت ايفل, سايلنت هيل, ديد سبيس وغيرها ... فيلي حول 4 سنوات برى البلد ... فاسال واحد عايش هناك ... وحتى اقامتي في السعودية تكنسلت
الموضوع ما له دخل بايش احسن جهاز ... بل على الالعاب المتوفرة ... حاليا الوي يشغل جهازين ... كيوب ووي .. يعني انت كأنك اشتريت جهازين .. وبخصوص التحكم لازم تشتري ايادي كيوب مع الميموري تبعه عشان تلعب بالعابها
مو ضروري يرجع كيتشيرو توياما (الاب الروحي) عشان نشوف قصة ممتازة، عندك هيرويوكي اواكو كاتب قصة الجزء الثاني
انسان مبدع جداً، هو وماساهيرو و اكيرا لو يجتمعون رح يسوون لعبة عظيمة، لكن يظل هذا حلم مستحيل يتحقق ):
الآن كل الآمال على شينجي ميكامي ولعبته الجديدة، ان شاء الله تحقق نجاح ضخم وتخلي ألعاب رعب البقاء ترجع بقوة للساحة
اشتري الوي ... الوي يشغل العاب الكيوب ...
لا تضيع على نفسك العاب الوي والكيوب .. فيها مكتبة العاب ممتازة جدا ...
زيلدا 3 اجزاء ( ويند ويكر - توالايت برنسس - سكاورد )
العاب ماريو ( سن شاين - جلاكسي 1 و2 )
العاب ميترويد ( 1-2-3- اذر ام )
رزدنت ايفل ( زيرو - 1 - امبريلا كرونكلز - دارك سايد كرونكلز )
هالالعاب كفاية تشتري الجهاز عشانهم .. يكفي تشوف تقييماتهم ... ( طبعا بعضها العاب كيوب )
بس طبعا فيه العاب ثانية غيرها .... زي دونكي كونج, بيكمان وغيرها من لالعاب ..
صدقني طبعا كنت نفس وضعك قبل ما اشتري اجهزة نينتندو ... وكنت كاره لشي اسمه نينتندو .. بس اول ما لعبت البوكيمون صرت اتعاطف شوية ولما اشترينا الكيوب ( اخوي اشتراه ) عجبني الالعاب ( عاشق لسلسلة رزدنت ايفل ) ...
صحيح، اخر شي سمعته ان كوجيما ناوي يسوي سايلنت هيل جديدة، انتظره بس يخلص من ميتل جير ونشوف اذا فعلاً رح يسويها
ماساهيرو اظن انه ما يشتغل لشركة معينة، فممكن نشوفه من جديد هو وبقية العناصر القدامى
الله لو يرجع تيم سايلنت!! هذا حلم بالنسبة لي T_T
انا طلعت من الادارة قبل سقوط الموقع .. بس الموقع عموما صار فيه اهمال كثير .... زواره نقصوا وبعدين صاحب الموقع ( المايسترو ) قال ان كل بيانات السيرفر انحذفت ... طبعا الحقيقة مش بهالبساطة لكن الموقع راح وما ودنا ندخل بالتفاصيل كثير ونظلم بعض الاطراف ... بس الموقع طاح بسبب اهمال واخطاء بشرية .. انا طبعا كنت كمان مهمل ( استقلت في الحقيقة وقتها لأني خلاص شفت نفسي ما اقدر اقدم شي ) لكن بقيت فترة يمكن 3 شهور في الادارة ...
تصدق مالعبت ولا وحدة من العاب الرعب القديمة، ما عدى بارسايت ايف الاولى ولا كملتها
وحالياً صعب جداً العب بقية الألعاب لأن وقتي صار ضيق، الفضاوه حقت ايام زمان خلاص راحت ):
الآن يادوب الاقي وقت عشان العب الالعاب الجديدة
فريق سايلنت هيل حزنت عليهم كثير، كلهم تشتتوا
بعضهم ترك صناعة الألعاب وبعضهم راح لشركات فاشلة زي اكيرا
والظاهر ان سايلنت هيل انتهت تماماً ولا فيه امل ترجع زي اول
ذيك الأيام ماكنت مهتم بالنقاش، قرأالردود وامشي xD
في البوابة كنت اشارك كثير بس مؤخراً صار منتدى سيء جداً وقلت وقلت مشاركتي فيه
بالنسبة لألعاب الرعب، انا بديت مع رزدنت ايفل الاولى ولعبتها لين الجزء الخامس وتركتها لانها انتهت بالنسبة لي
اما سايلنت هيل بدايتي الحقيقية معاها كانت مع داونبور واللي كان يمشي الحال بس لما شفت كيف الفانز يمدحون
الثلاثية الأولى جربتها وكانت اروع تجربة، السلسلة هذي مختلفة عن بقية العاب الرعب
لها نكهة مميزة، المدينة المهجورة. الضباب الكثيف والإحساس بالعزلة فيها والاهم من هذا كله هو الموسيقى
الموسيقى هي اللي فعلاً حمستني العب سايلنت هيل
و انت بصحة وسلامة (:
عارفك من ايام منتدى المنتدى، كنت اتابعنقاشاتكم انت والشباب عن العاب الرعب ولما دخلت ملفك لقيت الكل يناديك والتر
فقلت مو معقولة هذا نفسه والتر اللي من المنتدى!! اسمي كان S.agent وبعدين غيرته لـC O N A N بس ما رح تتذكرني لأني ماكنت اشارك في قسم الألعاب
سايلنت هيل٢ هي اللعبة رقم ١ بالنسبة لي 3>
و برضه صحيح اسمي هنا كان dro غيرته قبل فترة قريبة لـ Xord .. هو نفسه dro لكن با العكس مع X ... هههه انا ذوقي منوع با الالعاب لكن صحيح ممكن اكثر شي اتكلم عنهم الـ RPG و ميتل جير .. لكن صدقني احب انواع اكثر xD ... رعب قتال بلاتفورم فيجول نوفل هاك اند سلاش الخ
و النعم عمر اكيد اتذكرك 3> .. جد سعيد اشوفك هنا =)
أنا كنت قارىء كذلك لفترة ليست بالبسيطة قبل ما أسوي العضوية... ياااااه أيام يا أخي
الشرف لنا خيو، كثير أعضاء هنا بالأصل من أعضاء منتدى المنتدى، محمد زيل و عمر ننتندو من الجيل الأول هناك، و فيه غيرهم كثير مثل Veeto.
نعم، بلا شك. هو الشخص الذي استقبلني و رحب بي في منتدى المنتدى، و أنا أدين له بالكثير، الله يذكره بالخير.
أهلاً بك بين اخوانك في تروجيمنج :) و الشرف لنا.
براسايت ايف 1 كانت بالنسبه لي احلى بدرجه من الجزء الثاني...الثالث بعد حبيته بس ااااااااااااخ من اللي صار في الاخير...ليلحين حاقده Y^Y
اينيكس فعلا دمار...بس المهم اجوف آيا U_U
سبب نشر هالالعاب هي اطوار الاونلاين فيها...لان دخلوا على عالم الالعاب اللي يسمونهم لاعبين "الكاجوال" وعددهم كبير وما همهم الا ان يفتحون المايك ويبربرون مع خلق الله اونلاين هههههه ومنهم زادت مبيعا هالنوع من الالعاب XD
الله يسلمك ^^
اففف انا بعد اكره التويتر...ملغ ومليان فلاسفه افلاطونيين وسقراطيين >_>
الشي الوحيد اللي استعمله غير المنتديات هو الانستغرام...صج مليان اغبياء بس مسالم P:
اتوقعها بتشارك مع اصدار TEW ليش لا؟ احس بيرجع نقاش نفس ايام تيم سايلينت Y_Y
وقت ما تناقش خبرني وانا بدخل في النقاش...هني صح نقاشهم جامد بس بعض الاعضاء يدخلون في تفاصيل مالها ام الداعي ويخترب جو النقاش (اقصد الجو اللي على مزاجي XD) ... بطبعي ماحب التركيز عالامور التقنيه بزياده في الالعاب ولا التسويق وهالسوالف...اهم شي عندي اللعبه ككل: قصه وجيم بلاي...بكل بساطه @@
لااااااااااااا لا تتأجل ×_×
انا مستعجله عليها...تخيل كان موعدها في اغسطس وكنت بستغل الفرصه انها تكون هدية عيدميلادي...قهر XD
اول مره استعجل على لعبه من بعد تقشف سنين...هاللعبه ومعاها كينجدوم هارتس3 متحمسه لهم...وفف15 مادري اتحمس ولالا...ذلونا عليها >_>
تقصد يامي؟ هههه تركت المنتديات وتحارب في التويتر XD
مع اني شجعتها تشارك هني او عالاقل تسجل بس ماتبي :|
بس يمممممممكن ترجع تشارك في المنتدى لما ننزل تكملة umbrella school باذن الله ^^
اظن الحين المشاركه مفتوحه للكل مافي اختبار قبول XD
جرّب تكتب شي في اي موضوع لاني اذكر ان حسين-11 كتب انهم كنسلوا التفعيل @@
ايييييه ومن زود الحماس قلت بمسك نفسي ولا اجوف فيديوهات زياده عشان اتفاجأ لما العبها...الحمدلله جدموا موعد الاصدار اسبوع Y_Y
دينو كرايسيس اشك ان كابكوم شغاله على جزء يديد...لأني سمعت ان الجزء الاول نازل في الستور والناس طايحه فيه لعب @.@
براسيايت ايف...اشتقت لآيا...مع اني ماراح اسامح سكوير على اللي سوته في الجزء الثالث )":<
وييييييييه عاد انا دم ضروسي العاب التوصيب اكره حتى اتفرج على احد يلعبها...مكرره وناشفه ومزعجه...عكس العاب الرعب الهاديه والاربيجي بموسيقاها الجميله U_U (لا تخلي اخوك يقرا كلامي XD)
لا تسحب بسرعه اصبر يمكن تتأقلم مع المكان 3:
والله حاولنا هناك نكتب شي بس الاعضاء الجدد -معظمهم مب كلهم- اموات وردودهم ثقيله لا نقاش ولا شي...ملل >_>
ما لاحظت العيوب بس دام خفيفه فالحمدلله ^^
حسيتها ما بين رزدنت ايفل وسايلينت هيل...جمعت احسن لعبتين رعب في لعبه وحده...متحمسه لها
حلفت ما اشتري البلاي ستيشن4 الا لما تنزل TEW @.@
