أيضا شي آخر وهو الخطيه .. زياده على التكرار العنيف في اللعبه اللعبه كانت خطيه أيضا بشكل مقرف جدا .. وهذا الشي اضاف ملل قاتل في اللعبه .. أضف الى ذلك أيضا اللعبه تمتلك عمر قصير جدا ..
هذه النقطه الأخيره اضافه الى النقاط الأخرى السيئه في القيم بلاي جعلت من اللعبه من اسوء العاب الجيل صراحه .. لعبه غرضها تجاري بحت وماكانت قد التطلعات نهائيا .. سكوير فشلت تماما في هذي اللعبه *_*
قسمت الرد لـ ردين لأن فيه حد معين بالنسبه لعدد الحروف لـ كل رد *_*
امممم .. ذكرت في البودكاست ان اللعبه تمتلك البوتنشل انها تكون لعبه ممتازه جدا في هذا الجيل .. اللعبه تمتلك قصه + شخصيه رائعه جدا + أفكار من الممكن انها تخلي اللعبه من أروع العاب الجيل [ اذا تم تطبيق الأفكار بالشكل الممتاز ] ..
اللي حصل في ذا ثيرد بيرثداي ان تطبيق الأفكار كان سيء جدا وغير متوقع .. تكرار قاتل جدا في مناطق اللعبه وتكرار عنيف ايضا في وحوشها والنظام القتالي فيها .. الأمر اشبه بأنك تلعب لعبه [ بدايتها ] مثل [ نصها ] مثل [ نهايتها ] بالضبط ..
أيضا شي آخر اضافوه لـ اللعبه [ واللي كان الغرض منه غرض تجاري بحت ] واللي هو الأباحيه .. فكرة ان شخصية آيآ مع كل ضربه تتلقاها تتأثر جسديا وتبدأ ملابسها بالأختفاء .. فكره سيئه جدا وتجاريه بحته .. صحيح انها أضافت واقعيه أكثر لـ اللعبه .. لكن مع ذلك ياما وياما شفنا ألعاب وسلاسل أسطوريه تميزت بأسلوبها القتالي وأصبحت ألعاب اسطوريه من دون هذي الواقعيه اللي اعتبرها واقعيه سلبيه أكثر من انها واقعيه أيجابيه ..
له له له ما هزا الكلام يا صديقي ، لاتخلي شوية انتقادات بسيطة تحبطك و تنفعل علشانها
لا تقول هذا الكلام مرة ثانية و كلنا مقدرين جهدك و تعبك في الموقع ، وتعيينكم انت و باقي الشباب ما شاء الله عنكم انعكس بشكل إيجابي جدا على الموقع .. فلا تكون سبب في التراجع بعد ما كنت سبب في التقدم و ترى حتى في المراجعات بتحصل انتقادات ، بالنهاية مستحيل كل الناس يتفقوا على شيء واحد P:
لكن لا تخلي كلام حد يحبطك يا عبد المحسن و ما حد قصد شي مثل هذا أبدا
صديقي .. بصراحة أنا أتفق مع عبد الرحمن في مسألة نشر الأخبار الضعيفة جدا
هو مع الوقت أساسا رح تقدر تميز الأخبار الصحيحة من الإشاعات بنفسك
لكن نصيحة ابتعد عن إشاعات n4g لأنه موقع مضروب بكل أمانة
في مصادر ثانية أفضل بكثير للأخبار و أكثر جودة و موثوقية منه
مون دايفر مملة من أول ستيج تخيّل
مأمل على هارد كوربس تكون ممتعة كو آب ، بس مب ناوي أسوي زحمة بألعاب البسن الحين لأن
عندي ألعاب مابديت فيها مثل الجزء الثاني من ديث سبانك (فيها كو آب محلي) وسوارم اللي منتصف فيها
وناوي أخلصها قريب ..
من ناحية الكو آب عز الله صدقت ، ياخي من 2007 والإكس360 عنده ألعاب تدعم الكو آب بشكل رهيب زي هيلو3
ولا يهون ألعاب الآركيد بعد ..
ههههههههه صنعت يومي ياعبدالمحسن أجل تحس لحالك بالعالم :laugh::
أمس لاعب Moon Diver و Rush'n Attack وكلهم يجيبون الهم على الأقل الأخيرة ممكن تنلعب
حسيت أني متخلف عن العالم وأعيش بمكان نائي ، شعور قبيح الله لا يوريك
المشكلة رحت ألعبهم عقب مشوار طويل على بالي بستانس ليتني كملت لعبي بـ Swarm
أو ألعاب الآيفون أصرف لي
علشان كذا يوم تشوفني متحمس للعبة نص ونص لا تلومني :laugh::
ياخي المشكلة إنت تقول ألعاب جبارة ههههههههههه مافي أي مجال لا أقارن في سرعة ولا بطيء
بس في سرعة الضربات اسرع من قلعة فينيا سيد الظل
ياخي الألعاب المغمورة هذي يوم تلعبها تحس انك لحالك بالعالم مدري شلون
عبدالمحسن خلك من المستوى , أنا أتكلم منا ناحية لعب سريع من الفيديوات أسرع من رجل الحرب وقلعة فينيا
أنا مُسلّم بأنها لعبة متوسطة بس مشتاق لهاش-إن-سلاش قبل ما أدخل في معمعة مورتال كومبات
قريباً بروح للسوق اللي تلقى فيها كل شيء "البطحاء" لول .. ناوي أضفضف كم لعبة مجهولة زي سلاي كولكشن
وإن بي آي جام ويمكن نايت كونتراكت إذا سعرها معقول ..
كويس يعني أم 7 من 10 ؟ أنا راضي عن مستوى زي كذا <-- ماكل هالفترة مقالب محترمة
مشتاق لهاش-إن-سلاش سريعة من بعد بايونيتا مالعبت شيء سريع ..
بس على الله ألقى اللعبة مالها وجود عندنا بالرياض ، كل اللي عندنا كم لعبة مشهورة "شيفت2 - دراجون ايج2 - ديد سبيس2 - كيلزون3 .. إلخ"
ألعاب مجهولة زي نايت كونتراكت "إنسى.gif"