Arashi
Dragon of Heaven
يب انخفاض ضغط الدم اهو مسبب الدوخة بس الخمول مو متاكد لانه مرتبط بالغدة الدرقية اذا كانت خاملة او لا
اوكي عندي نصيحة انتي متاكدة انج كارهة هالاشياء كره العمى ولا احتمال ماجربتي منتجات مختلفة فتسرعتي بحكمج
كملح عندج الملح البحري واملاح تحتوي على اليود وفي ملح ايطالي
كشاي اسود او احمر عندج الفتلة او اكياس الشاي والبودرة هل حاولتي تجربين النوعين ؟
جربي براندات مختلفة للشاي اذا مو بالجمعية مثل احمد او ليبتون او ريد ليبل في محلات الشاي المختصة
ممكن انتي ماحبيتيه لانه حاجم ثقيل فلو انتي استخدمتي اوراق الشاي لاتخلينه في الكوب فترة طويلة يتنقع خليه 30 ثانية او دقيقة كحد اقصى وجربيه
الزيتون يعني لا الاخضر ولا الاسود تحبينهم في هالحالة مافي حل
الشاي الاسود عندي انواع وايد احبها وازيد تركيزها عادي لكن فكرة شرب شي فيه كافيين كل يوم هي اللي اكرهها، لأن المشكله يصير جسمك يتعود عليها ولما تتركها يوم او اكث تعاني من صداع ):
ملح بحري نستعمل في البيت بس بعد الملوحه مزعجه وتسبب لي عطش طول اليوم.
الزيتون أتقبل الاسود شرط مع البيتزا او سندويتش او باستا، لكن ماحبه لحاله وطبعا وجوده في الاكل شي نادر.
المشكله في البيت الكل اما معرض لارتفاع ضغط الدم او اولريدي يعاني من الضغط، احنا بس شخصين لنا قابليه ينخفض ضغطنا XD
بجرب النولدز الجاهز.. اندومي وربعه، سمعت انهم مليانين ملح ودام طعمهم لذيذ فليش لا @@
التعديل الأخير: