hits counter

الموضوع الرسمي what remains of edith finch | سليبر هت السنة؟

بادئ الموضوع #1
السلام عليكم ورحمة الله وبركاته


PlayStation 4 / PC / Mac

اللعبة فيرست بيرسون يغلب عليها الطابع القصصي وشي شبيه بفايرواتش تقريبا، من تطوير جاينت سارو اللي أعطونا انفينشد سوان.

اللعبة طلعت فجأة من العدم وما كان لها ذاك الصيت بس التقييمات وكلام المراجعين عن اللعبه يبشرون بوحدة من أفضل ألعاب السنة!

تقييمات اللعبة:

Metacritic: 90 من أصل 26 مراجعة.

PSNStores: 100
TheSixthAxis: 100
GameSpew: 100
Push Square: 100
Guardian: 100
The Jimquisition: 95
Playstation Universe: 95
G** is a Geek: 95
Twinfinite: 90
PlayStation LifeStyle: 90
GameSpot: 90
Time: 90
Polygon: 90
Destructoid: 90
IGN: 88
Game Informer: 88


اللعبة جالس يجيها مديح من كل مكان! أحد لعبها هنا؟ أي انطباعات؟

أفكر آخذها بكرة أو بعده. جميل احساس اللعبه الممتازه اللي ما كنت مخطط لها.
 
#2
واو شفتلها مقطع ودخلت مزاجي جدا @@!
بس سمعت انه مدتها ساعتين بس :emoji_worried:
20$ كثيرة على ساعتين بس صراحة ... راح انتظرها ترخص واخذها ان شاء الله .
 
بادئ الموضوع #3
واو شفتلها مقطع ودخلت مزاجي جدا @@!
بس سمعت انه مدتها ساعتين بس :emoji_worried:
20$ كثيرة على ساعتين بس صراحة ... راح انتظرها ترخص واخذها ان شاء الله .
أعتقد أن اللعبه فيها ريبلاي فاليو عالي أو فيها محتوى خورافي بالنسبة لمدتها. لأن موب كثير اللي حطوا المدة من العيوب.
 
#4
انا ناوي عليها و على Little Nightmares الشهر الجاي من باب التغيير بعد موجة الالعاب الضخمة الي لعبناها هذه السنة ورا بعض.
 
#5
كل ما تقول خلاص تطلع لك لعبة ممتازة من العدم!

لعبت منها شوي، القصة ببساطة تتكلم عن بنت تكتشف تاريخ عائلتها و كل شخص منهم ايش كانت خلفيته و امانيه و حياته بشكل عام بمقاطع لعب بديعة للغاية و مختلفة عن بعض بسرد قصصي اقل ما يقال عنه فخم جداً و مبتكر. ما كملت فيها واجد لكن رائعة و ينصح بها.^^
 
#7
يالله ماغير اقول الا واحدة من افضل الالعاب اللي خلصتها في 2017 عبارة عن masterpiece بعد ماخلصتها جاني Goose bumps

وش اقول من قصة تخطف الانفاس وتشدني من مكان الى مكان وشخصية وراء شخصية قلت بجربها نصف ساعة وحرفيا ماتركت الجهاز الا لين خلصتها بالكامل

طريقة تقديم وسرد القصة مثل ماقال بندول فخم انا لو المطور قدامي قمت جبيت وعطيته قبلة على جبينه وراسه على التحفة الفنية

الارت ستايل خورافية وابتكاري حبيته وشدني كثير وانا ادخل غرفة وراء غرفة وجالس انبهر كل مرة اشوف

الموسيقى يالله عليها وطريقة تقديمها في القصة عطتني في تلك اللحظة احساس انا واقف قدام لعبة اندي اسطورية وانا عارف اني راح اندم اني راح اخلصها بسرعة

اللعبة باختصار شدتني من بدايتها الغريبة والرحلة الممتعة وطريقة السرد الابتكاري اللي خلاني مرة افرح ,ومرة اضحك واحيانا يصيبني الحزن

اللعبة راح تخطف الكثير من جوائز الاندي العام هذا وحاليا اعتبرها افضل لعبة اندي لـ 2017

هل تستاهل كل ريال يندفع عليها ؟ بالتاكيد وبقوة اضمن للجميع تجربة راح تكون خالدة خلال عام 2017


 

Solay

Double Jumper
بادئ الموضوع #8
يالله ماغير اقول الا واحدة من افضل الالعاب اللي خلصتها في 2017 عبارة عن masterpiece بعد ماخلصتها جاني Goose bumps

وش اقول من قصة تخطف الانفاس وتشدني من مكان الى مكان وشخصية وراء شخصية قلت بجربها نصف ساعة وحرفيا ماتركت الجهاز الا لين خلصتها بالكامل

طريقة تقديم وسرد القصة مثل ماقال بندول فخم انا لو المطور قدامي قمت جبيت وعطيته قبلة على جبينه وراسه على التحفة الفنية

الارت ستايل خورافية وابتكاري حبيته وشدني كثير وانا ادخل غرفة وراء غرفة وجالس انبهر كل مرة اشوف

الموسيقى يالله عليها وطريقة تقديمها في القصة عطتني في تلك اللحظة احساس انا واقف قدام لعبة اندي اسطورية وانا عارف اني راح اندم اني راح اخلصها بسرعة

اللعبة باختصار شدتني من بدايتها الغريبة والرحلة الممتعة وطريقة السرد الابتكاري اللي خلاني مرة افرح ,ومرة اضحك واحيانا يصيبني الحزن

اللعبة راح تخطف الكثير من جوائز الاندي العام هذا وحاليا اعتبرها افضل لعبة اندي لـ 2017

هل تستاهل كل ريال يندفع عليها ؟ بالتاكيد وبقوة اضمن للجميع تجربة راح تكون خالدة خلال عام 2017


اي نسخة لعبت؟

اذا نسخة البلاي 4 فصدق فيها مشاكل؟
 
#11
شغلتها لما شفت عندي ٣ ساعات فاضي قبل المراجعات والاشغال.

خلصتها بحدود ساعتين ونص .. لكنها كانت تجربه ساحره وقصتها مشوقه وتجذب واللمسات الي حاطينها شي فريد من نوعه.

الجرافيكس والتفاصيل باللعبة .. شي واو حبيت حيل دقتهم بالتفاصيل.. تجربة مميزة للي يبي يلعب شي مميز ويطلع من ايطار العاب الaaa .
 
#12
اي نسخة لعبت؟

اذا نسخة البلاي 4 فصدق فيها مشاكل؟
انا لعبتها على الـ pc وكانت جيدة بدون ادنى شك مو عارف اذا نسخة الكونسول تعاني للدرجة هذه لكن اذا فيه اخبار عن المشاكل انتظر شوي لاتفسد على نفسك تجربة رائعة
 
الإعجابات: Solay

Radical alias

Moderator
مشرف
#13
أنهيتها، تجربة للتاريخ.. اتوقع راح تكتسح جوائز الاندي هالسنة بالراحة. ما جربت شي مثلها قبل ابدا.

تجارب الاندي هالسنة ممتازة جدا، هذي و سكسي بروتايل و ليتل نايتميرز ارضتني و طلعتني من اجواء الألعاب الضخمة الي تستهلك ساعات كثيرة عشان تنهيها بتجارب قصيرة و مركزة و جمالية كثير.
 
#14
اللعبة تشبه everybody gone to the rapture او مختلفة ؟ اذا مختلفة أفكر أعطيها فرصة بأقرب وقت الانطباعات حولها تحمس صراحة @@
 
#16
اللعبة تشبه everybody gone to the rapture او مختلفة ؟ اذا مختلفة أفكر أعطيها فرصة بأقرب وقت الانطباعات حولها تحمس صراحة @@

يعتمد علي اي اختلاف انت تقصد

نوع اللعبة قصصي مثل (everybody gone to the rapture - firewatch) لكن السر والجمالية تكمن في ان طريقة سرد القصة تختلف بدرجة كبيرة عن الالعاب اللي ذكرتها سابقا

لعبة everybody gone ماكانت سيئة كانت جيدة لكن حسيتها basic ماكان فيها ابداع يخطف العقل والبصر لدرجة انها راح تكون عالقة بذهني لفترة طويلة عكس What Remains of Edith Finch

اللي يميز اللعبة طريقة سرد القصة المبتكر اللي يخليك ابد ماتشعر بالملل طريقة السرد تختلف من شخصية الى شخصية لدرجة ان حاولت بعد ماخلصت اللعبة ارجع مرة ثانية واشوف اذا فيه على الاقل

نسبة تطابق وتكرر في طريقة سرد الاحداث بين الشخصيات عجزت وتعب عقلي حرفيا وقررت اتوقف وبتلك اللحظة عرفت اني خلصت لعبة راح تكون عالقة بذهني لفترة طويلة

احيانا راح تشعر بغرابة سرد القصة وراح تكلم تفسك وتقول ايش انا جالس العب من شدة غرابة الاحداث ومرات راح يصيبك الذهول وفيه احداث راح تجعلك تضحك وغيرها راح يصيبك الحزن

من جهة اخر الارت ستايل والموسيقى عبارة عن جملة بسيطة (امامك تحفة فنية) وراح تتسائل بينك وبين نفسك انا امام ايش مطور محترف او كاتب او حفلة موسيقي كلاسيكية ايش فريق العمل المتميز هذا

في النهاية الامر يرجع لك المسئلة عبارة عن (القيمة = المحتوى ) انت انسان عندك استعداد تدفع مبلغ معين عشان محتوى فاخر لمدة ساعتين او تهمك القيمة في الوقت الحالي

من ناحية شخصي بعد بداية عام مليان العاب وعناوين ضخمة جاني ملل شوي منها وحبيت اغير جو والحمد لله كانت لعبة What Remains of Edith Finch موجودة في الوقت المناسب

اللعبة بدون جدال راح تكون منافس قوي وراح تكون معيار قوي لكل العاب الاندي القادمة اللي راح تتبع النظام القصصي وطبعا راح تحصد الكثير من جوائز العام الحالي اذا ماكان لها منافس
 
التعديل الأخير:
#17
يعتمد علي اي اختلاف انت تقصد

نوع اللعبة قصصي مثل (everybody gone to the rapture - firewatch) لكن السر والجمالية تكمن في ان طريقة سرد القصة تختلف بدرجة كبيرة عن الالعاب اللي ذكرتها سابقا

لعبة everybody gone ماكانت سيئة كانت جيدة لكن حسيتها basic ماكان فيها ابداع يخطف العقل والبصر لدرجة انها راح تكون عالقة بذهني لفترة طويلة عكس What Remains of Edith Finch
مشكلة everybody gone ان فكرتها مثيرة لكن التطبيق مرة سيء القصة ماكانت جذابة او مثيرة، حتى جانب الغموض فيها مع الوقت يختفي وبشكل غير منطقي
ايضا يعطوك مساحة كبيرة ومقيد ماتقدر تركض! قرار تصميمي عبيط وسيء جدا



عموما كلامك حمسني جدا لازم اعطيها فرصة قريب ان شاء الله @@
 

Solay

Double Jumper
بادئ الموضوع #18
أنهيتها، تجربة للتاريخ.. اتوقع راح تكتسح جوائز الاندي هالسنة بالراحة. ما جربت شي مثلها قبل ابدا.

تجارب الاندي هالسنة ممتازة جدا، هذي و سكسي بروتايل و ليتل نايتميرز ارضتني و طلعتني من اجواء الألعاب الضخمة الي تستهلك ساعات كثيرة عشان تنهيها بتجارب قصيرة و مركزة و جمالية كثير.
علي معليش بس احتاج اسألك مرة ثانية بما أنك انهيتها.

قابلت اي مشاكل تقنية تذكر وممكن تأثر على التجربة؟
 

Radical alias

Moderator
مشرف
#19
علي معليش بس احتاج اسألك مرة ثانية بما أنك انهيتها.

قابلت اي مشاكل تقنية تذكر وممكن تأثر على التجربة؟
ما قابلت مشكلة تذكر ابد، يمكن نسخة البي-سي أفضل مظهر و اداء لكن نسخة البس4 كويسة و ما فيها مشاكل من تجربتي.
 
الإعجابات: Solay
#20
شنو هاللعبة.. خيال هو اقل وصف لها

امدح الموسيقى ولا الاخراج ولا التفاصيل ولا السكربت ولا الاضائة الي تتغير كل خمس دقايق ولا اللحظات الي عشتها بلعبي لهالتحفه؟

انصح بلعبها بشدة، لاتطوفكم، تجربة فخمة وعميقة وراح تكون بذاكرتي للأبد

لعبت نسخة الPS4 على البرو .. بأول خمس دقايق تلاحظ مشاكل الفريم ريت بعدين كل شي بيرفكت الى ان نهاية اللعبة
 
#22
ما كنت أدري أن لها موضوع رسمي..

اللعبه ما انتبهت لها الا قبل لا أشتريها بكم ساعه ( اشتريتها قبل كم يوم ) و ما قدرت أتركها الا لما خلصتها.

جد شنو ممكن أقول عنها؟

الأفكار و طريقة تغيرها مع كل قصة بشكل عبقري؟ الستوري تيلينج الي ماراح أنساه طول عمري؟ الجيرافيكس و التفاصيل المدهشة بكل مكان؟ الموسيقى الي تتلاعب بعواطفك بشكل مبكي؟

اللعبه تحفة تحفة تحفة وجب لعبها من كل شخص يقدر الستوري تيلينج و مدى أهميته في الصناعه.

فاجأتني تماما اللعبه و تركتني بحالة صعق!
 
#24

وما أبالغ بهذا ابدا..يمكن لأني ما كنت باني اي توقعات قبل ان ابدأها أو ان تأثيرها بيقل مع الوقت بسبب الصدمة من مستواها..بس شي ما تشوفه بالصناعه كل يوم..تجربة اكثر منها لعبة..جورني ايفيكت لكن من نوعية أخرى، منعشة للنفس وفيها مزيج غريب وعبقري من السوداوية والبهجة بنفس الوقت، القصة مش عبقرية او شي ما حصل مثله بالافلام او الالعاب، ولحظات الجيمبلاي مش ابتكارية او حتى اورجنال وممكن مجرد سكربتات مسحوبة من النت..لكن السردد القصصي وطريقة توظيف كل ما ذكر من شخصيات وقصة وجيمبلاي ميكانيكس صنع منها تجربة خااالدة ومستحيل انساها وهي ساعتين فقط..وكلامي هذا مقارنة بمئات الساعات بالالعاب الاخرى..اللعبة درس كيف ان لدفع مبلغ مهما كان رقمه للعبة معينة لازم تحط الكواليتي هو المعيار وليس الكمية و عدد الساعات..اذا تبي تبحث عن تجارب تستخلص العبر والقيمة بساعتين منها اكثر من مئات الساعات المكررة والمعاد تدوير محتواها.
تم النجاح بالتحدي: سرد انطباع عن اللعبة بدون اي زلة سبويلر لأن هالشي يعج من الاعجاز @@
 

Grumpy

Hardcore Gamer
#27
انهيتها اليوم بجلسة وحدة مثل اغلب الشباب..

تجربة مميزة ما تتكرر كثير..
مثل ما قال صادق..القصة مب شي كبير..و لا ان الغيم بلاي شي ما شفناه..
بس السرد القصصي العبقري الي يشدك من قصة اول شخصية للنهاية..هني قوة اللعبة..

و الي حببني فيها اكثر هو هالتويست:

Melton هو بطل The Unfinished Swan..و الي لازم تلعب اللعبة عشان تعرف قصته..
طبعاً هالشي ما راح ينتبه عليه الا الي لعب TUS..مستواها اقل..و لكنها ايضا تجربة مختلفة..
انا من سمعت الموسيقى شكيت..عقب شفت الشنب عالدفتر و زاد الشك..الين ما اكدولي الشباب انها من نفس الفريق

العيب هو انها غالية للعبة "مرة وحدة" (الا اذا واحد بيقعد يدور تروفيات)

مع ذلك انصح الحميع باقتناءها..
 
#28
لعبة عظيمة ، قصة عظيمة ، تجربة عظيمة ، هذي اللعبة توي خاتمها الآن.. بدأت في اللعبة مباشرة بعد تختيمي لريد ديد ٢ وكون انها مجانية على البلس قلت خلني اطقطق فيها شوي مدام ان مالي خلق العب لعبة كبيرة ثانية من بعد ريد ديد لكن يارجال محتوى اللعبة القصصي عظيم وخرافي، تسلسل شخصيات اللعبة واتصال قصصهم ببعضهم البعض شيء ماله مثيل في عالم الألعاب .

مثل ماقلت سابقا هذا فايدة البلس اله يخليك تجرب تحف مدفونة مثل هذي ومثل child of light واله متوقع بدون البلس مادريت عنهم ولا عطيتهم وجه حتى خخ.

اذا عندك البلس لا تفوت ه التجربة العظيمة ولا تطوف ه الفرصة للعبها مجانا .
 
#29
لعبة عظيمة ، قصة عظيمة ، تجربة عظيمة ، هذي اللعبة توي خاتمها الآن.. بدأت في اللعبة مباشرة بعد تختيمي لريد ديد ٢ وكون انها مجانية على البلس قلت خلني اطقطق فيها شوي مدام ان مالي خلق العب لعبة كبيرة ثانية من بعد ريد ديد لكن يارجال محتوى اللعبة القصصي عظيم وخرافي، تسلسل شخصيات اللعبة واتصال قصصهم ببعضهم البعض شيء ماله مثيل في عالم الألعاب .

مثل ماقلت سابقا هذا فايدة البلس اله يخليك تجرب تحف مدفونة مثل هذي ومثل child of light واله متوقع بدون البلس مادريت عنهم ولا عطيتهم وجه حتى خخ.

اذا عندك البلس لا تفوت ه التجربة العظيمة ولا تطوف ه الفرصة للعبها مجانا .
هاذي اللعبة اشوفها حرام تنلعب مجانا على هالمحتوى العظيم
الاستديو يستحق كل فلس يدفع عليه..لعبة لا تتكرر