الموضوع الرسمي The Last of Us | البقاء حياً هو خيارك الوحيد

[Nasser]

^

مافي أحد يبي يقنع احد. لكن لما الواحد يقعد يحشّر نفسه بين كل ردين لناس تقيّم اللعبة بـ 10 ويقول ياخي انتوا ليه تخافون .. اللعبة ما تخوف ، ياخي انا عديت اللعبة تبقيس بأبو فطر و 64% تسلل و 45% شقلبة و 85% هياط ..

فوقتها طبيعي الناس تستنكر رده ويفقد مصداقية تقييمه عند الكل.

 

[www]

^

مافي أحد يبي يقنع احد. لكن لما الواحد يقعد يحشّر نفسه بين كل ردين لناس تقيّم اللعبة بـ 10 ويقول ياخي انتوا ليه تخافون .. اللعبة ما تخوف ، ياخي انا عديت اللعبة تبقيس بأبو فطر و 64% تسلل و 45% شقلبة و 85% هياط ..

فوقتها طبيعي الناس تستنكر رده ويفقد مصداقية تقييمه عند الكل.

انت اكبر متعصب شفته في المنتدى بدون مبالغه

 

[Nasser]

ههههههههه ؟ ايش دخل بالله ؟

 

[kiryu]

تمنيت لو اللعبة فيها كو أب بخرائط عشوائية مثل اللي بأنتشارتيد 3
تختار شخصية من الشخصيات اللي باللعبة (جويل-أيلي-تيس-بيل-سام-هنري-دايفيد...)
و نلعب بأسلوب تاور ديفينس ضد الكلكرز
راح يكون شيئ أسطوري

 

[Anaxiroshe’lir]

شباب مافي حل لمشكلة ال Overheating

 

[Wild Fox]

مش ممكن اطلب أكثر من كذا !
اقولها و بكل صراحه اللعبه سدحت معزه MGS بالزباله !
رتم اللعبه خرافي .. جيمبلاي بالهبل ، قصه في وقتها ، أحداث ولا اروع ! اوست أسطوري ! تمثيل صوتي خورافي!
لعبتها و أنا مسكر كل شئ و كنت على أعصابي طول الوقت ..مرت أوقات و أنا أقول في راسي ذخيره ذخيره ذخييييره .. نوتي دوج رفعت البار لكل الألعاب القادمة . ما أتوقع نشوف شي بحلاوتها لفتره طويله ..
عيب واحد بس في اللعبه ... أنها تخلص
11/10

 

[Veeto]

ولكموني معكم يا عشاق ناوتي دوج .. لحظة صمت طويلة .. يا الهي ما هذا الذي تقدمه ناوتي دوج
توي بادي في اللعبة خلصت ما اعتقد انه اول مهمة .. الرتم البطيء للعبة البيئة ورهابتها كل غرفة كل منطقة بتفااصيل ادق من الدقيقة
تقديم قصصي خرافي جدا ..

محتوى مخفي: سبويلر

رسالة بنت جول اليه عن عيد ميلاده فطرت قلبي

:cryy:

شكرا ناوتي دوج شكرا سوني .. يا لها من تجربة

 

[Nasser]

^

فطرت قلبك وتضحك ؟ هههه .. حط سبويلر تاق

 

[dro]

^

يظنه سمايل بكاء ما يدري انه سمايل دمع من الضحك .. تصير مع احسن العوائل (&)

 

[Anaxiroshe’lir]

لعبت اول ساعتين - بالمناسبة يقال انها الاقل من اجمالي اللعبة-
من اللي لعبته مستحيل باي شكل كان اللعبة تنزل عن تقييم 9.5، الهيت ريأكشن والفيزيكس نكست جين وبقوة.... الانترو رهيب ومن الافضل على مستوى الجيل
الشخصيات متزنة وغير متكلفة او مصطنعة وتصرفات طائشة او غير منطقية، الحوارات جيدة وقرأت انها تتحسن بشكل كبير مستقبلا
وفوق هذا حس البقاء باللعبة عالي جدا وهذا توني ببدايتها

اعتقد والله العالم اللعبة بطريقها لتكون الافضل بالجيل مناصفة مع ماريو جالالكسي بالنسبة لي

 

[Old Snake]

Fastest Selling New Software Title in the History of PlayStation(R)3, and Fastest Selling PlayStation(R)3 Title of 2013

TOKYO, July 9, 2013 /PRNewswire/ -- Sony Computer Entertainment Inc. (SCEI) today announced that the global sales of The Last of Us(TM) exceeded 3.4 million units(*1) as of July 3rd. This remarkable sales figure was achieved in less than 3 weeks since the global launch on June 14(th) . The PlayStation(R)3 (PS3(R)) exclusive title -- released to universal critical acclaim -- has surpassed all sales expectations to become the fastest-selling PS3 title of 2013(*2) .

The Last of Us delivers an evocative journey of survival in a world radically transformed, twenty years after a virulent pandemic of the cordyceps fungus has ravaged the human population. The rich story provides a realistic experience that explores the depths of humanity through main characters Joel and Ellie. Their journey is rife with emotionally charged moments as the narrative centers on themes of survival, loyalty, love and redemption.

"These sales figures are a testament to the blockbuster quality of The Last of Us," said Shuhei Yoshida, President of Sony Computer Entertainment Worldwide Studios. "The teams at Naughty Dog are true visionaries and their storytelling capabilities are second to none, this title is an undisputed demonstration of that. SCE continues to be committed to delivering unique gameplay experiences that redefine the interactive entertainment industry and The Last of Us is a perfect example."


*1 Including both Blu-ray(TM) disc sell-in number and download version
*2 As of July 3(rd)

أخيراً أعلنوا عن المبيعات، اللعبة تجاوزت الـ3.4 مليون نسخة فيزيائية ورقمية في غضون ثلاثة أسابيع فقط، برافوا نوتي دوج، تستاهل لعبة الجيل!!

 

[Sir Guts]

3.4 مليون في 3 اسابيع؟ كلام كبيييييييير!

اللعبة اصبحت اسرع لعبة مباعة على الـPS3 في 2013

في ناس ممكن تشوف 3.4 مليون شوي لكن بالنسبة لـNew IP هذا شي اكثر من ممتاز

يستاهلون Naughty Dog

 

[Def-yusuf]

خلصتها (على Normal) في جلستين.
17 ساعة و117 Collectible

 

[Veeto]

واااو .. ناوتي دوج .. فعلت المستحيل .. اللعبة خلابة بشكل مو طبيعي .. وانا العبها احس باحاسيس مختلفة
اول احساس .. احساس السيرفايفل .. المدينة و تصميمها .. يذكرني بايام عز ريزدنت .. كل منطقة كل غرفة .. ليها تصميم مختلف متميز عن الثانية
بعض البيوت .. تحس وكانها بيوت حقيقية لناس كانوا عايشين فيها .. فكرة النوتات .. جميلة تعطيك احساس عام بالعالم وشلون تعامل مع الاحداث اللي صايرة

كأنها التطور المنطقي المفترض لجينر السيرفايفل .. قبل ما تخرف كابكوم وتخسف نفسها بنفسها

ناوتي دوج .. قدمت لمساتها المعتادة من خلال الانتراكشن بين الشخصيات .. تحس فيه شي بينهم
القصة وهي تتقدم اليك تتقدم من خلال شخصيات حية تنبض حيوية وتفاعل

كل شي باللعبة رهيب جدا .. شح الرصاص .. التسلل .. مواجهة انواع مختلفة من الاعداء .. الرنرز الكليكرز والجيش بمسلحيه
باختصار .. هذي ثورة الجيل مو لعبة الجيل .. الــ 10 قليلة عليها !

 

[Sage]

لعبت 5 ساعات باللعبه.. واو, ابدا ما توقعت تعجبني جذي اللعبه!

رهيبه جدا! كنت خايف من نظام الكرافتنج لانه عادة ما احب هالسوالف بالالعاب لكن فاجئي ببساطته! مع انه الكرافتنج بسيط الى انه الـresource management مهم. ما اقدر اصنع هيلث باكس بالادوات كلها لاني احتاج نفس الادوات للمولوتوفز.. و ما اقدر اصنع مولوتوفز كثير لاني احتاج الادوات للهيلث باكس! و صارلي اكثر من موقف انه ما كان عندي الادوات عشان اصنع shiv و استخدمه عشان اقتل الكليكرز, فأضطريت اني اتسلل وراهم.. و طبعا احساس التوتر القوي.. >.>

اللعبه ضبطت عالم الـpost-apocalypse و العزلة بأتقان, تصميم العالم جميل و الـnotes اللي تلقاهم تحس انه لهم معنى حقيقي مو بس حاطينهم بدون سبب..

و آخر شي, اللعبه حرام تنلعب على النورمال.. احسها سهله

 

[Rain]

^
على ذكر النوتس .. في نقطة اعجبتني كثير وكانت موجودة بسايلنت هيل داونبور، وهي تعليق جول على بعض النوتات..

حركة رهيبة جداً و تخليك تتعمق اكثر بالشخصية .. تحسه بشر مثلي مثلك وله اراء و وجهات نظر ومبادئ..

خيارات موفقة جداً بالتطوير..

 

[Sage]

لقيت reference لـTwilight باللعبه ::::

 

[Nasser]

^

في محادثة عن هالأمر .. قدام وقت تلاقي قدامك مدرسة عسكرية اعدادية.

 

[MAS]

الموضوع بآخر صفحتين /:

.

 

[Sage]

كملت في اللعبه حوالي 9 ساعات (توني طالع من منطقة المجاري) و مستمتع باللعبه الآخر.. عالم اللعبه جميل جدا, كتبت من قبل عن النوتس لكن بكتب مره ثانيه..

محتوى مخفي: لا تفتح الا اذا عديت منطقة المجاري

خصوصا بالمنطقه اللي توني طلعت منها, النوتس اللي فيها (عن Ish و susan) شي رهيب.. لما تقرا النوتس و كيف انهم كانوا عايشين بسلام مع اطفالهم و عبالهم انه المكان آمن.. و بعد ما تمشي شوي تلقى غرفه كانوا يعلمون الاطفال فيها.. و تمشي شوي بعد و تلقى غرفه معزوله فيها شخص من العايله ميت و بجنبه نوت مكتوب فيها انه انعض و كان بيتحول.. و مكتوب على الطوفه "THEY DIDN'T SUFFER" و قصدهم عن الاطفال.. يا رباه.. و بعد ما اطلع من المنطقه و امشي شوي و استكشف البيوت, اقرا نوت ثانيه من Ish يشرح فيها شلون دشوا الـinfected و قتلوا العايله.. و كيف انه عيال الام ماتوا و الام قريبه من الجنون..

الصراحه ما توقعت نوتي دوج تصنع عالم بهالجمال و الاتقان. فعلا اثبتوا جدارتهم.. يستحقون الاحترام و خصوصا انه استديو تعلم من اخطائه بهالجيل و كل لعبه قدمها كانت افضل من اللي قبلها.

و لقيت reference ثاني و هالمره اتوقع ريفيرنس لفرقة the beatles ::::

 

[Nasser]

وجبنا البلاتنيوم

اخر تروفي طولت معاه هو جورني الفاير فلاي .. انشغلت الفترة الأخيرة وما امداني العب ملتي بلاير .. لكن انتهيت منه.

 

[www]

اوكي خلصنا السرفايفر

خلصتها في 11 ساعه و36 دقيقه
مستواها أصويعب , ها ها يعني فيها لحظات صعبه وفيها لحظات سهله كعادة اللعبه

طبعا النورمال مخلصها في 15 ساعه و39 دقيقه
الهارد مخلصها في 13 ساعه و10 دقائق

السرفايفر اسرع مره خلصتها فيها صج اني هاردكور

أحلى تختيمه كانت الهارد , استمتعت فيها جدا

 

[Rain]

وجبنا البلاتنيوم

اخر تروفي طولت معاه هو جورني الفاير فلاي .. انشغلت الفترة الأخيرة وما امداني العب ملتي بلاير .. لكن انتهيت منه.

كم تاخذ رحلة الفاير فلاي و الهنترز؟؟
انا اعرف انها 7 اسابيع لكل وحدة ..

 

[Veeto]

وصلت الى الخريف .. مذهلين ناوتي دوج .. المدن والمناطق والاماكن والبيوت .. كلها تبدو وكأنها حية وتضج بالحياة
كل بيت فيه لمسة شخصية .. كأنهم صمموا المدن والمناطق قبل الفيروس وتخيلوا شلون راح تصير بعده

وهالشي نادرا ما تشوفه .. يعطي لمسة شخصية رائعة للعبة .. عدا النوتات .. تحسها لبشر عانوا من هالفيروس
كل منطقة مو بس تستكشفها علشان الادوات والرصاص .. لا الاستكشاف متعة بحد ذاته

اتذكر بقية الالعاب من هالجينر ما اظن انهم قدموا مثل هاللمسات الشخصية بهالطريقة
برافو ناوتي دوج .. لعبة من العاب الجيل .. ريد ديد حصلت منافس قوي بالنسبة ليي للعبة الجيل
ولحد الحين .. لاست اوف اس متفوقة !

 

[Nasser]

كم تاخذ رحلة الفاير فلاي و الهنترز؟؟
انا اعرف انها 7 اسابيع لكل وحدة ..

12 أسبوع كل وحده ، يعني 84 جيم للجورني .. 168 للثنتين لول.

 

[Sir Guts]

وجبنا البلاتنيوم

اخر تروفي طولت معاه هو جورني الفاير فلاي .. انشغلت الفترة الأخيرة وما امداني العب ملتي بلاير .. لكن انتهيت منه.

ودي اجيب اول بلاتينوم في حياتي مع هذي اللعبة لكن للأسف، البلي3 احترق و الشكر يعود للعبة و الآن حتى تخزينتي مو قادر اجيبها

 

[AMG]

اليوم بديت في الشتاء وصلت الى قتال ايلي و ديفيد

الى الان اكثر لعبة استمتعت بيها هذا الجيل

تفاصيل رائعة , اسلوب لعب متنوع جدا و كل موقف في اكثر من طريقة و طريقة للتعامل معه,

نوتي دوق صنعو لعبة الجيل

 

[AMG]

انهيتها على النورمال

لاست اوف اس لعبة للتاريخ , افضل لعبة لعبتها هذا الجيل بالراحة

اللعبة مع انها فيها اكشن و قتل و عالم منتهي لكن تحمل محتوى احساسي كبير خصوصا في المحدثات و الكت سينز و النوتس الي متوزعة على طول اللعبة تحكي قصص ناس و حياتهم و نهايتهم


نوتي دوق صنعو لعبة صعب اني العب اي لعبة اخرى بعدها , نوتي دوق صنعو لعبة الجيل


10/10

 

[Sage]

انهيتها اتوقع على النورمال.. لعبه رهيبه, فيها اخراج و مقاطع و character development بين Elli و Joel رهيبه جدا. من افضل ما لعبت من فتره, تغلبت على بايوشوك انفنت بالنسبه لي و بالراحه!

لكن هذا ما يعني انه اللعبه فيها اخطاء قويه و واضحه, اولها و اهمها الـAI الفاشل في معظم الاوقات.. و بعدين الكليكيرز don't make sense.. المفروض انهم "يشوفون" نفس الخفافيش لكن لما تكون واقف قدامهم (بدون لا تصنع صوت) ما يلاحظون وجودك!

8.5\10 او 9\10 اتوقع يعطي اللعبه حقها, لكن يظل رقم و مو مهم. لا تاكلوني. >.>

 

[Veeto]

المفروض انهم "يشوفون" نفس الخفافيش لكن لما تكون واقف قدامهم (بدون لا تصنع صوت) ما يلاحظون وجودك!

شفت نهاية دارك نايت .. نفس الفكرة .. يشوفونك بشيء مثل السونار .. فلما يسمعون صوتك يتحركون يعني هم يسمعون مو يشوفون