الموضوع الرسمي Pokemon HG/SS

[Colorization]

لعبتها و لما وصلت لأول قتال تركتها و ما أتوقع إني برجعلها
اللعبة بطيييييييييييييييييييييييييييييييييييييييييييييييييييييييييييييييييييييئة،لازم يضيفون خيار يسوي سكيب للأنيميشن

أسرع من بلاتينيوم، وفي خيار سكيب للأنيميشن من سنين. شوفه بالأوبشن. آنا أحطه لما بسوي grinding لأنه أسرع بفرق ملحوظ.

إياد برد عليك برد ثاني أشرح لك كل اللي تبيه.

RARE GAMES اللعبة بـ18 حسب خبري أمس.

 

[snake eyes]

^
حمستني اياد

شباب بوكيمون وصلت جده ولا, كلمت العاب طوكيو في المدينه يقول ما وصلت :crying:

 

[Byakkino]

سين سؤال .. الملحق او القطعه العبيطه هذي اللي جت مع اللعبه

وش فايدتها ؟

بس ازيد لفلني وانا امشي ؟ ولا فيه شيء غيره؟
​

 

[Colorization]

الموقع الأمريكي فتح بشكل كامل :
Click

يلي للآن ما حصل على الـPikachu-colored Pichu بنسخ D/P يلحق عليه , باقي 10 أيام :
Click
(( الحصول عليه و نقله لنسخ HG/SS يفتح طريق جديد في اللعبة )) .

و ابتداء مع شهر 4 القادم حتى نهايته بيبدأ limited جديد حصري لنسخ HG/SS , التفاصيل :
Click

رجاءً يلي حصل على اللعبة , ممكن انطباعات بالتفصيل عن الـPokewalker .. ميزاتها , مدى التطور فيها , إيش ممكن تعمل باستخدامها , سلبياتها , هل يتطور البوكيمون اذا وصل لـLvl معين فيها , هل يحصل على هجماته يلي المفروض يحصل عليها عند وصوله لـLvl معين , الخ ..

حماس يا ناس :rockon:

خلني أصلح لك المعلومة الأولى:

لما تنقل Shiny Pichu إلى HG\SS، و تروح Ilex Forest مع Pichu، راح يصير موقف ظريف وراح تاخذ Spiky-eared Pichu (يعني بيصير عندك Shiny Pichu و S-E Pichu). الإختلاف اللي فيه إنه الـpose ماله مختلف عن الـPich العادي، وأذونه حلوة! سبايكي. وحركاته شوي غير عن الشايني. ما راح يطلع لك طريق جديد، بس تاخذ Pichu آخر.

الـevent الثاني يبدأ الأول من أبريل، هذا يفتح لك route (طريق) جديد حق البوكي-ووكر، كله بيكاتشيوز. شنو يعني راوت جديد بالبوكي ووكر؟ أوكي...

البوكي-ووكر هي قطعة شبيهة بالـTamagotchi اللي شريناه قبل 8 سنين وكنا نلعب معاه ونأكله ونسبحه. القطعة تحسب لك خطواتك (خطواتك الحقيقية، يب، قوم حرّك هالكرشة!)، وكل عدد معين من الخطوات يساوي one watt.

شنو هو الوات\واط؟ في شيئين تقدر تسويهم في البوكي ووكر. (1) تكتشف Items، و (2) تصيد بوكيمونات. عشان تلعب لعبة الآيتمز، الشي راح يكلفك 3 وات. عشان تلعب لعبة البوكيمون، الشي راح يكلفك 10 وات.

شلون تستخدم القطعة؟

حط أحد بوكيموناتك داخل الصندوق، إحفظ اللعبة، واعمل soft-reset (ستارت+سلكت+L+R). إختر من القائمة Connect to Poke-walker. راح يعطيك خيارات، إختر إنك تبي تنقل بوكيمون من أحد الصناديق إلى الجهاز. بالبداية، راح يكون عندك طريقين (ما أذكر أساميهم). كل طريق (route) تلقي فيه بوكيمونات مختلفة وآيتمز مختلفة. على سبيل المثال، الطريق الأول بتلقى فيه Nidoran male (وغيره)، والثاني Venonat (وغيره)، والثالث طريق صخري تلقى فيه Onyx و Geodude. هذا شي رائع لأنه Venonat و Nidoran على سبيل المثال ما تلقاهم إلا بالبوكي ووكر على حسب علمي. ومو بس جذي، لما تفتح طرق جديدة، راح تحصل على Kanghaskan و Elekid وغيرهم كثير. يعني مهي waste of time بالعكس مفيدة.

كل ما تمشي إنت قاعد تجمع watts، الـwatts اعتبره مثل الفلوس، لما يكون 33 وات، تقدر تروح لعبة البوكيمون 3 مرات (الوحدة بـ10 وات)، ولعبة الآيتم مرة وحدة (الوحدة بـ3). لما توصل عدد معين من الوات، راح ينفتح لك طريق جديد حق البوكي ووكر. يعني لما تبي تنقل بوكيمون من اللعبة إلى القطعة، راح يقول ترا إنت فتحت طريق جديد وتقدر تروح له. ومثل ما قلت، كل طريق بوكيموناته غير وآيتماته غير. شي حلو لاحظته: أحياناً البوكيمونات اللي تصيدها في البوكي ووكر تتعلم حركات usually ما تكون متعلمتها لو إنك لاقيها باللعبة.

سلبيتين: لو كنت حاط Cyndaquil داخل القطعة، وزاد لفل، ما راح يتطور. لو زاد لفل وهاللفل المفروض يتعلم فيه حركة، ما راح يتعلمها. يعني دير بالك لما تحط بوكيمون خلك عارف إنك ما قاعد تضيّع على نفسك شي. البوكيمون حده يزيد لفل واحد بس، يعني لما تحطه لا تحاتي، بيزيد لفل واحد بس. لكن لو هاللفل فيه حركة... راحت عليك. بس عادي، مو شي مهم عندي، لأني أعرف بوكيموناتي متى تتعلم حركاتها. وفي شي مهم، لما تخلي بوكيمونك داخل وتمشي فيه\تجمع آيتمز وبوكيمونات، راح يحبك أكثر لما ترجعه إلى اللعبة. وأحياناً راح تشوف بالبوكي ووكر علامة تعجب، لما تضغط الزر إما يكون جايب لك new item أو معطيك 50 وات أو مسوي لك شي حلو. 50 وات يعني 5 معارك بوكيمون، شي حلو.

(ما ودي أشرح طريقة المعارك في البوكي ووكر، لكنها خليط ما بين السافاري والقتال العادي. شوفوه بنفسكم بعدين!)

شلون البوكيمون يزيد لفل؟ كل خطوة = واحد EXP. لو تمشي 1000 خطوة، راح يزيد 1000 EXP. لكن لو زاد لفل راح يوقف، ما راح ياخذ EXP.

الفكرة الأساسية إنكم تحطون البوكيمونات عشان تاخذون items\new pokemons، مو عشان التلفيل لأنه سهل ومقدور عليه باللعبة، لكنه إضافة حلوة.

الأول من أبريل راح يتم توزيع new route حق البوكي-ووكر، عن طريق الـWiFi Connection. الطريق هذا راح يكون كله Pikachus، لكن ميزته إنه بعض البيكاتشيوز اللي تصيدها من هناك بتكون عندها حركات مختلفة (ما ممكن يتعلمها داخل اللعبة).

كل شي باللعبة متطور للأحسن، تقدر تركض من دون ما تضغط B (يس!)، المعارك أسرع، بوكيمونات البداية fresh وغير عن اللي متعودين عليه قبل (هذي كانت ميزة G\S\C عموماً).

بسهولة أفضل لعبة Pokemon. بسهولة شديدة.

 

[*legend*]

اخترت سيندا كويل كالعادة , بس لسة ما دخلت جو مع اللعبة ...
البوكيواكر لسة ما شغلته

إياد , شكراً عالتذكير ... لسة اخذت الشايني بيتشو

 

[Zero_IYAD]

^
^
حمااااااااس T_______T

- للتو عدلت ردي بعد ما تأكدت من الموقع قبل لا أقرأ كلامك .. صحيح مافي طريق جديد
- لول ما عندي كرشة "أبدأ" للأسف (&)
متحمس جدا اني أحمل القطعة معي كل يوم للدوام ..
دوامي في المستشفى أمشي و أفر فيه مئات الخطوات يوميا , يعني راح أكسح العالم 3:
(( أتمنى يكون في خيار أعمل القطعة silent )) .
- اخس , Lvl واحد ثم يتوقف .. سيئة ×__×
شخص مثلي يقدر يلفّل بوكيموناته 3-5 Lvls بالراحة بحكم دوامي .. حركة مفيدة جدا في تطوير بوكيمونات جانبية لاحقا .

أسئلة أخرى جانبية عن الـPokewalker :
ماذا عن البطارية , خيار التحكم بالصوت .

شكرا كولو , أتعبتك معي

 

[snake eyes]

البوكي-ووكر هي قطعة شبيهة بالـTamagotchi اللي شريناه قبل 8 سنين وكنا نلعب معاه ونأكله ونسبحه. القطعة تحسب لك خطواتك (خطواتك الحقيقية، يب، قوم حرّك هالكرشة!)، وكل عدد معين من الخطوات يساوي one watt.

:xd:

كلامك يحمس, فكره حلوه واضافه جديده, غير انها بوكيمون :smug:, ايش ابغى اكثر من كدى

 

[Zero_IYAD]

أحب أضيف ..
توّجه ذكي بصراحة لقتل الروتين يلي ماشية عليه السلسلة مؤخرا ..
إضافة الـPokewalker يلي الكثير ممكن يشوفها شي رهيب مع انها ما راح تكلف و بنفس الوقت عرفت nintendo تستغل وجودها صح
+
events و بوكيمونات حصرية بشكل شبه شهري
=
أهلا بـPokemon من جديد 3>

 

[Colorization]

البطارية ننتندو تقول تقعد 4 شهور تحت الإستخدام (يعني أكثر لأنه محد بيستخدمها 24\7 لمدة 4 شهور لول، كونها مثل بطارية الساعات، وبطارية الساعات تقعد مدة طويلة). "لو" خلصت البطارية، روح حق مصلح الساعات وقول له غير لي البطارية!

و يس، تقدر توطّي الصوت درجة، أو تخليه سايلنت.

القطعة معاها clip (مثل الآيبود شفل الجديد) عشان تعلقها على بنطلونك وتنساها وانت تقضي أشغالك. آنا بحكم إني أسوي ريجيم فالقطعة خلتني بالواقع أرجع أمارس رياضة المشي بس عشانها لول... شي عجيب.

أحلى شي لما يطق مطر باللعبة، وتكلم بوكيمونك اللي يلحقك، ويقولون لك إنه زعلان من المطر وقاعد يغطي نفسه بالحشيش! بوكيمون 3>

 

[hussien-11]

فكرة البوكي ووكر مدهشة ، لا بل مبهرة !

ننتندو تثبت عبقريتها مع كل منتج جديد تطرحه ! و يقولولك ليش ألعاب ننتندو تبيع .. يعني مثلا انا ما كنت متحمس للعبة و الان صرت بشتريها علشان إضافة البوكي ووكر فقط ، أعتقد أختي الصغيرة راح تسوي حفلة علشانه .

ننتندو = الحب .
​

 

[Colorization]

فكرة البوكي ووكر مدهشة ، لا بل مبهرة !

ننتندو تثبت عبقريتها مع كل منتج جديد تطرحه ! و يقولولك ليش ألعاب ننتندو تبيع .. يعني مثلا انا ما كنت متحمس للعبة و الان صرت بشتريها علشان إضافة البوكي ووكر فقط ، أعتقد أختي الصغيرة راح تسوي حفلة علشانه .

ننتندو = الحب .
​

فكرة بسيطة (كعادة ننتندو) لكن رائعة جداً وتحمس حيل. صار لي 3 شهور قطعت رياضة المشي بسبب قصر الوقت لكن الحين حتى بالدوام قاعد أمشي. أمس مشيت ساعة كاملة بالدوام (عندنا ساحة فاضية برا المبنى اللي آنا فيه لول). والحين بنزل أمشي ساعة منها أهضم الأكل + أكسب watts زيادة عشان أفتح طريق جديد وأمسك بوكيمونات جديدة.

ونسيت أقول إنه packaging اللعبة أفضل شي حصل بالسلسلة، بوكس كبير لماعي مظهره حلو، ولما تفتحه تشوف البوكس الأصلي مال اللعبة (آرت الخلفية غير ما بين الصورتين) والبوكي ووكر. وتصميمها 10\10.

10 ساعات باللعبة وبعدني بس خلصت وسامين. وايد أشياء تقدر تسويها! وايد! مالي خلق أكمل حتى ما تنهال علي أشياء يديدة أسويها. قاعد أطور فريقي على الراحة، وقاعد أصيد بوكيمونات يديدة (أحب Mareep و Bellsprout)، وقاعد أحاول أخلي Togepi يحبني عشان يتطور (حطيته بالبوكي-ووكر عشان يحبني زيادة ).

اللي لعب بلاتينيوم، ترا اللعبة فيها وايد تحسينات طفيفة، وايد. سالفة إنك تقدر تركض من دون ضغطة زر يخليها automatically أفضل لعبة بوكيمون :laugh:: والـMenu كله موجود تحت بشاشة اللمس، يعني تقدر تدش على Pokemons أو Bag أو حتى تحفظ اللعبة بلمسة وحدة على الشاشة، من دون الضغط على X والتحكم يدوياً بالمنيو. شي عجيب.

 

[Majeed]

الانطباعات تحمس بشكل خشرمائي !! إن شاء الله بآخذ اللعبة الاسبوع الجاي ..

لوجيا 3>

 

[SILVER]

سؤال ابي اعرف الفرق بين النسختين؟

 

[Colorization]

غوغل....

http://www.serebii.net/heartgoldsoulsilver/exclusives.shtml

 

[Colorization]

في أحد يلعب أو لعب الـTCG؟

اليوم وصلني booster box الإكسبانشن اليديد، مال غولد وسيلفر. طلع لي فيه أحلى كرت (كرتين بالواقع).

Ho-Oh Legend :0

اللي يعرف لعبة الكروت، Ho-Oh Legend (لأول مرة) عبارة عن كرتين، مو كرت واحد. تحتاج الكرتين حتى تحطه بالـbench أو تستخدمه. طاقته مثل ماهو واضح 140 وضربته 100. شكل الكرتين فوق بعض رهيب، كاميرا البلاك بيري ما تعطيه حقه.

طلع لي النصف الأول من Lugia Legend بس، حسافة. كنت أتمنى يطلع لي Red Gyarados لكن ماكو.

طلعوا لي كل الـPrimes، أفضلهم دونافان.

ما أعتقد في أحد يلعبها لكن يمكن نلقط واحد وإلا اثنين يلعبونها.

 

[Zero_IYAD]

^
أيام كنت ابن 13-15 سنة أدمنتهم بشكل جنوني , للآن مجموعتي موجودة في البيت في الرياض - حوالي 500 كرت - , لكن كلها كانت الجيل الأول من البوكيمونات .

طبعا ما أنسى لعبة الـGBC يلي كانت على الرغم من بساطتها قمة في المتعة على طريق السفر ..
ريميك و أكون ســـــــــــعـــــــــــــيـــــــــــــــــد ="(

 

[Super Shadow]

:rockon::rockon::rockon:

 

[C RONALDO]

واصل لي الوسام الخامس وتيمي فيه 4 بوكيمونات قاعد اقويهم وفي واحد داش راسي بس احس 5 وايد

طبعا البوكيمونات اللي يطلعون عجيبييين واحسهم شي يديد واغلبهم ماقويتهم من قبل وهذا احلى شي باللعبه

الحماااس تووووب والبوكييووكر فتحت الروت الخامس .. دفعتله 500 واتس

 

[Colorization]

آنا الوحيد اللي يدرّب فريق كامل؟ 6 بوكيمونات يبوي!

• Quilava
• Ivysaur (بيضة من صديق)
• Gible (بيضة من صديق)
• Togepi
• Vaporeon (نقلت Eevee من بلاتينيوم)
• مو متأكد، يمكن Pichu (الشايني، أو بو أذاني سبايكي)؛ يمكن Mareep؛ ما قررت

 

[slifer dragon]

بكرة توصل اللعبة محلاتنا

عموماً , بالنسبة للي يقول هو الوحيد الي يدرب فريق كامل , فأنا أصلاً ما أحصل على الوسام الثاني إلا معي مجموعة كاملة دائماً في كل ألعاب البوكيمون .
الاول أغلبه ب4 أو 5 حسب نوعية البوكيمونات الي أقدر أصيدها قبله .

 

[Super Shadow]

شباب حد يعرف وين أحصل البوكيمون الطائر بيدجي ؟

حصلته في مكان باللعبة بس ما أذكر وينه >< و كان لفلي عالي و جتلته قبل ما أمسكه

و الحين لما أريد أدوره في نفس المنطقة العشبية ما أحصله خير شر كله بوكيمونات غيره :confuse:

 

[*legend*]

بكرة توصل اللعبة محلاتنا

عموماً , بالنسبة للي يقول هو الوحيد الي يدرب فريق كامل , فأنا أصلاً ما أحصل على الوسام الثاني إلا معي مجموعة كاملة دائماً في كل ألعاب البوكيمون .
الاول أغلبه ب4 أو 5 حسب نوعية البوكيمونات الي أقدر أصيدها قبله .

اللعبة من الاثنين - اذا مو من الاحد - موجودة ببيت الكمبيوتر , 190 ريال


SUPER SHADOW

بيدجي ما تلقاه الا بالنهار , علشان كذا انت قاعد تتعب روحك و ما بتحصله بالليل !

 

[Zixmar]

اوكي حمستوني بكلامكم , انهي فف13 , واشتريها ان شاء الله

 

[Colorization]

Togepi تطوّر (شكراً للبوكي ووكر وإلا جان ما تطور بهالسرعة، البوكي ووكر يخلي بوكيمونك يحبك بسرعة). المشكلة... ما عندي الحجر اللي يخليه يتطور إلى Togekiss. أحد يقدر يساعدني؟

حركاته كلها خايسة (للنهاية) لكن Togekiss المفروض يتعلم حركات عجيبة عن طريق هذاك الشخص اللي يخلي بوكيمونك "يتذكر" حركاته القديمة. Togekiss عنده Sky Attack و Extreme Speed و Aura Sphere و Air Slash؛ كلهم عجيبين. بس بصراحة Extrasensory أليمة مالت Togepi، الحركة الوحيدة اللي نافعتني. 80\Psychic ويتعلمها أول ما يفقس من البيضة.

 

[Lunar Poet]

شباب جربوا حركة محمد (اللعب بيد وحدة :laugh: ركض أوتوماتيكي (بدون B) و فعل خيار L=A، بتدمنونها لول :laugh::

اليوم ما لعبت فيها عشان دوامي كان زحمة شوي، بس البوكي ووكر كان في جيبي طول اليوم! شي رهيب عجيب، نسخة مصغرة من اللعبة في جيبك طول الوقت! كل شوي أطلعها أشيك لو حصلت آيتمز جديدة 3>

حيل متحمس أكمل! ودي أصيد Misdreavous و أطورها إلى Mismagius في أسرع وقت! (من بوكيموناتي المفضلة)

 

[Colorization]

أوه نسيت أقول الطريقة بالمنتدى :laugh::

روحوا الأوبشن واختاروا التحكم يكون L=A. هذا راح يخلي زر L يكون مثل زر الـA (ما يستبدله، A و L يسوون نفس الشي).

شالفايدة؟

• تقدر تلعب اللعبة بيد وحدة، تتحكم بالأسهم وتختار بالـL
• اليد الثانية تقدر: تاكل muffin، تتعبث بالبوكي-ووكر، تتصفح نت (كلهم سويتهم بنجاح)

أحلى شي إني لما كنت أمشي بحوش البيت قبل شوي؛ يدي اليسار ماسكة الـDS أسوي grinding واليد الثانية ماسك فيها البوكي-ووكر أدوّر items وقاعد أمشي طول عرض الحوش! :laugh:: هذا تعريف الملتي-تاسكنج :

 

[The Doctor]

اللعنة!
تباً لكٍ ايتها الامتحانات!!

 

[Futrus]

انا اللي ما افكر ولا اهتم بسوالف البوكيمون حمسني هالموضوع , سويت لها بري اوردر على امازون البريطاني لأن ماحصلتها مع البوكي ووركر على الامريكي ، بتوصل بداية ابريل ، بتكلفني مع الشحن 22 د.ب ان شاء الله تسوى

 

[slifer dragon]

اللعبة من الاثنين - اذا مو من الاحد - موجودة ببيت الكمبيوتر , 190 ريال


SUPER SHADOW

بيدجي ما تلقاه الا بالنهار , علشان كذا انت قاعد تتعب روحك و ما بتحصله بالليل !

أفاااااا , أجل يوم الأحد يوم مريته طلع يصرفني :sarcastic:
قال لي يوم الأربعاء ( يعني اليوم ) .

 

[Nyx]

لحد يلعبها قبل النوم , نومي قلب :laugh::