hits counter

الموضوع الرسمي Pokemon HG/SS

بادئ الموضوع #1



قبل كم ساعه نزل التريلر الرسمي للعبه المنتظره Pokemon HeartGold/SoulSilver
هذا اول تريلر رسمي للعبه ,, اللعبه تحدد موعدها الرسمي الياباني وهو 12-9-2009 ,, يعني بعد شهرين وكم يوم
اللعبه ريميك لجزئين Gold/Silver اللي نزلت قبل 10 سنين على جهاز القيم بوي كلر ولكن هالمره على جهاز الدي اس ,,
اكثر مايميز هالجزء هو لما تجمع جميع الاوسمه الـ8 وتروح للدوري وتخلصه تروح للجزء القديم وهي منطقة (( كانتو )) مالت Red/Blue/Yellow ,, وتجمع الـ8 اوسمه وتخلص الدوري ,, يعني بهالنسخه ماتخلصها الا لما تجمع الـ16 وسام ,,
وهذي اللعبه الوحيده لبوكيمون اللي فيها اكثر من 8 اوسمه


نتكلم عن التريلر ,, انا بصراحه كنت ناوي مااشوفه وايد ,, يعني مرتين او ثلاث او خمس اذا كثرت
بس ماقدرت لوول وشفته فوق الـ50 مره :p
بس الشي اللي مخليني اتفائل فيه وانتظره بفارغ الصبر اني مااذكر فيه ولاشي ,, الا بس كم مكان ,, مثل كهف سلوبوك ,, وبناية البيلسبروت ,, حتى الكانتو مااذكره وايد لاني خلصته مرتين بس ,, مره اول مانزل ,, والثانيه بالريميك ,, اما جزء روبي وسافير خلصته يمكن 6 مرات وجزء دياموند وبيرل 3 مرات ,, اما قولد وسلفر ماخلصته الا مره وحده فقط ,, وهذا قبل 10 سنين ,, والنسخه اللي كنت لاعبها كانت كوبي والترجمه كانت فان سب وخط كبير وكلها اختصارات وكلمات غير مفهومه وكان عمري وقتها 11 سنه :p


شرايكم بالتريلر ؟؟ ,, واللي يذكر شي يليت لو يحطه بتاق سبويلر لاني ماابي اعرف :p (( مع اني اعرف نفسي وراح اقرا المكتوب لوول )) بس ودي العب اللعبه وانا ماادري عن ولا شي فيها ,, لاني جربت لعبت دياموند وبيرل اول مره وانا اعرف نص المدن وايضا اعرف كل البوكيمونات ,, عشان جذي فقدت المتعه اللي بهالجزء ,,


[YOUTUBE]<object width="480" height="385"><param name="movie" value="http://www.youtube.com/v/6R2ib2qSiiI&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/6R2ib2qSiiI&hl=en&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>[/YOUTUBE]

هذا لنك للفيديو من الموقع الرسمي (( مافي فرق بس انا اشوفه اوضح من لينك اليوتيوب ))
Pokemon HGSS

 
#2
ما بظن التريلر بيحتاج موضوع جديد لحد ما أحد يسويلها الموضوع الرسمي قبل صدورها .
تعديل : التريلر هو نفسه الموجود بالموضوع السابق
 
التعديل الأخير:

Nintendo

TG editor-in-chief
#3
كان حطيته بالموضوع الثاني اخ رونالدو,, عموما اللعبة شكلها رهيب مع اني وقفت العاب البوكيمون بعد روبي وسفير.

الله يعينكم الين يصدروا النسخه الانجليزيه..
 
بادئ الموضوع #4
ادري انه التريلر نفسه اللي بالموضوع ,, وعنوان الموضوع ماتغير ,, يعني اكيد شويه اللي شافوه
فحطيتله موضوع عشان الكل يشوفه :)
 
#5
شعر البنت لما تناظر فوق أو تحت تحفةXD
مظهر اللعبة صار حلو خاصة الكهوف و المدينة الي فيها فصل الخريف و المكان الي فيه نار،غير كذا مافيه شيء جديد بالتريلر
خلوا هذا الموضوع للعبة لأن مقدمته أفضل من القديم
 
التعديل الأخير:
#8
أول مرة أشوفه

التريلر جدا رهيب :crying:

ما حددوا موعد صدور النسخة الأمريكية؟

سؤال حق الي خلصوا بوكيمون جولد و سيلفر

البوكيموات الثلاثة الرئيسية في الأجزاء القديمة ( بلباسور ، تشارماندر ، سكرويلر ) أقدر أحصهم و أمسكهم ببوكيمون سلفر؟ لأني ناسي اللعبة ><
 
التعديل الأخير:
بادئ الموضوع #9
سوبر شادو :rockon:

ليلحين ماتحدد ,, بس عالاغلب شهر 3 او 4
لان دياموند نزل شهر 9 باليابان ونزل بامريكا شهر 4
وبلاتينيوم نزل شهر 9 باليابان وبامريكا شهر 3
يعني بين 3 و 4 ,, مطول للأسف :sadwalk:

ايي تختار واحد منهم ,, هذا اللي اذكره :rockon:
 
#10
المؤثرات في القتال مازالت سخيفة مثل ما هي! ما في فايدة!
اللعبة مظهرها عادي صراحة, تمنيت اما جزء جديد بشكل جديد و متطور او ريميك محترم كمان بشكل جديد!
 
#11
سؤال حق الي خلصوا بوكيمون جولد و سيلفر

البوكيموات الثلاثة الرئيسية في الأجزاء القديمة ( بلباسور ، تشارماندر ، سكرويلر ) أقدر أحصهم و أمسكهم ببوكيمون سلفر؟ لأني ناسي اللعبة ><
لا ما بتقدر . لازم تبدلهم من أحد الأجزاء القديمة .
 
بادئ الموضوع #12
ash storm
اذا بتقيم الريميك لازم تقيمه على جزئه القديم اللي اهوا قولد وسولفر
واذا بتقارنهم مع بعض بتشوف الفرق وبتشوف انه ريميك محترم ,,
هذا مودفاعا عنه والله ,, بس انا برايي انهم مايغيرون طريقة القتال ,, لان اصلا هذا ستايل بوكيمون اللي تعودنا عليه ,, ومااتمنى انه يتغير
صدقني هذا ستايله ولو تغير بتتمنى يرجع نفسه القديم

سايلنت شادو

افاااااا !! خبري فيه تقدر تختار بينهم
حبطتني :crying:
 
#14
فيديو جديد من Pokemon Sunday بيعرض طريقة استخدام الـ Pokewalker وكيفية حسابها للخطوات وتأثيرها على البوكيمون
[YOUTUBE]Men1Wsz8TGs[/YOUTUBE]
كالعادة استحملوا هالمقدمين :(
 
#15
اللعبة على الds ?
(وسؤال .. شباب شو احسن جزء بوكيمون على الds? .. لان لها اجزاء كثيرة ومادري آخذ اي واحد)
 
#17
حماااااااس.. شكلها عجيييييب!!!!!!!
انزين البوكي ووكر، هذا نفس نظام الdaycare ان كل خطوة امشيها احصل one exp؟
اذا ايي اوووف ونااااسة احطه في مخباتي واركض بالنادي LOOOOL حدي بكون وقتها فريك بوكميون!! P:
 
#18
اللعبة على الds ?
(وسؤال .. شباب شو احسن جزء بوكيمون على الds? .. لان لها اجزاء كثيرة ومادري آخذ اي واحد)
ايه على الدي اس
أما أحسن جزء فيعتمد على ذوقك،لأن بوكيمون صارت ثلاث سلاسل , و كل وحده لها جيمبلاي خاص(Pokemon Dungeon و Pokemon Ranger و أجزاء بوكيمون العادية)
لو تبغى الجيمبلاي مثل أجزاء الجيمبوي خذلك بلاتينيوم
 
بادئ الموضوع #19
حماااااااس.. شكلها عجيييييب!!!!!!!
انزين البوكي ووكر، هذا نفس نظام الdaycare ان كل خطوة امشيها احصل one exp؟
اذا ايي اوووف ونااااسة احطه في مخباتي واركض بالنادي LOOOOL حدي بكون وقتها فريك بوكميون!! P:
هلاااا والله :rockon:

اعتقد ايي ,, لان بالفيديو عقب ماخلص من المشي وحط بيكاتشيو بالدي اس زاد لفله مرتين :rockon:
موووبس جذي !! ,, تقدر بعد بالبوكيووكر تصيد بوكيمونات بالبوكي رادار :lebb:
 
بادئ الموضوع #22
superx
شوف انا لعبتهم كلهم ,, بس ولاوحده خلصتها ,, اسمحلي بس بوكيمون حلاته بالار بي جي فقط
واذا ودك تغير يعني العب رينجر ,, الجزء الثاني توه نازل بامريكا ماصارلي جم شهر
لاتلعب دنجن ,, والله موحلو :(
 
#23
^
كل شخص وذوقه ، بالنسبة لي ألعاب Pokemon Mystery Dungeon هي أفضل ألعاب بوكيمون اللي لعبتها على الـ DS كتجربة جديدة قدمتلي قصة فريدة من نوعها بالسلسلة وصعوبة خلتني أعيد بعض الـ Dungeons فوق الـ ١٠ مرات .
 
بادئ الموضوع #24
ادري كل شخص وذوقه بس مايمنع اني انصحه
المهم
متمني شي ,, ودي لما اسوي surf يحطون شكل البوكيمون نفسه ,, مايكون كالعاده الظل الاسود
اووووف اما لو يسوونها :inlove:
 
#25
شي واحد ان ما صار ما راح اشتري اللعبة: خلوا اللعبة سريعة لما اشيل الأنيميشنز!!!

Zubat used Poison Sting
Pikachu is damaged
Pikachu is poisoned
Pikachu is damaged by the poison
Here comes the sandstorm
Zubat is damaged by the sandstorm
Pikachu is damaged by the sandstorm
The sandstorm is still hard

روقونا يا عالم. الله يعز دراغون كويست بس. بجد عقبها كرهت سيرة بوكيمون.
 
بادئ الموضوع #26
^

تقدر تشيل الانيميشن اذا مالك خلق :p
انا اشيل الانيميشن لما استخدم البوكي رادار عشان الشايني ,,
 
#27
بصراحة من العرض اللي أشوفه أشياء كثيرة كثيرة تغيرت وصارت والله إلى أحسن بكثيييير

المدينة الوسام الرابع حقت ال Ghost Pokemons تغيرت بشكل ال shrine حق Ho-oh تغير بشكل مو طبيعي صار جميل بشكل الخريف,,,حركة البوكيمون تمشي وراك قريت لها أثر أنا في منتدى Serebii ,,,وهذا شي حلو طبعا بالنسبة لي بوكيمونات الجيل الأول والثاني هي اللي أنا عشت معاها جو الثالث والرابع الصيفية هاذي ناوي بس بحق سول سليفر وهارت جولد شي ثاني لاصار ولا استوى ...

ولسا أبي أشوف المدينة حقت الوسام الثالث ...Normal Pokemons ...

حركة الجديدة هاذي بوكي وكر بصراحة يسلم لي عقلهم والله إنها تبي تفك أزمات مو طبيعيه من أول عشان ألفل لازم اتكي شرب شاهي مع الأقويا الأربعة ولا بعد مو على طول لما نعبي ال EV

بشكل عام,,,,راح يكون جزء مو طبيعي ومن الحين بستعد له معنويا ودايمونديا وبوكيمونيانا
 
#28
معلومات جديدة من مجلة CoroCoro عن طريق GAF
- You follow Entei, Suicune, and Raikou around Johto, just like in the original games. However, Eusine is stalking Suicune.
- Ho-Oh is in the Tin Tower and Lugia is in the Whirl Islands, both at Level 45.
- There is a new feature in the game called the “Pokeathelon,” which is a mini-game feature that uses the stylus.
- The Pokemon Gyms have various traps.
- Red Gyarados appears in the Lake of Rage at Level 30.
- The Kimono Girls are part of the storyline and you meet them many times.
- Dialga, Palkia, and Giratina each learn moves they could not previously learn - Metal Burst, Hydro Pump, and Shadow Sneak (respectively).
- There are 9 mini-games. One of them could be the racing game I saw at the early premiere of the Arceus movie.
- Eusine, a character from Crystal, is in the game.
- Latios and Latias are in the games at Level 30.
- Mewtwo is in the game - Possible Kanto confirmation if it turns out to be true.
- Lugia and Ho-Oh have a “hidden ability.”
المعلومات عن أماكن وجود الأماكن الأسطورية وضعتها بسبويلر تاج .
المعلومات عن الشخصية اللي راح ترجع بتقدروا تشوفوها هنا
بانتظار نشوف سكانات من هالعدد .
 
بادئ الموضوع #29
ترى حتى لاتيوس ولاتياس وميوتو بوكيمونات اسطوريه :p

اكثر شي حبيته شايني قرادوز ,, اما الباقي والميني قيمز عادي يعني ,, ناطر السكان