الموضوع الرسمي Persona 4 Golden : ريميك بوزن الذهب !

[Raulioo]

^^
تابعت الانمي كامل..هنا انطباعي المحشو بالسبويلرات للعبة @@
http://www.true-gaming.net/boards/showthread.php?t=24359&p=1128940&viewfull=1#post1128940

 

[Gamer-89]

واصل الدنجن الرابع وتحديداً عن البوس .. هو سهل لكن المشكلة لمن ما يبقى له شي يكون الإس بي والإتش بي عندي جداً نازل ويخلص عليه .. أي اقتراحات ؟

 

[ivision]

^
مافي طريقه معينه للبوسات عشان تهزمهم بتعتمد على استراتيجيتك
1- اهم شي تكون يوكيكو موجوده ضروري جدا تقوي علاقتك معاها (السكول لينك) بيجيك سكل اسمه divine يقوي الهيلنج بنسبة 50% ووسكل اسمه Midea هذا يعالج القروب كامل

2- البطل عنده سكلات جداً مفيده منها اللي يقوي الأستتمينت حقك زي الهجوم وأيضاً سكل اللي يضعف الدفاع حق البوس هذه الاثنين ركز عليها
هذه الخطه اللي دائماً أسويها وما قد واجهات أي مشاكل مع البوسات

 

[Dmck]

استمتعت جدا في قراءة انطباعاتك عن بيرسونا 4 جولدن يا صادق
وحمستني لنسخة الفيتا !! مع العلم في بداية ما كنت مقتنع فيها ( ما كنت عارف انة هناك 2 دنجن اضافية ونهاية جديدة !!)
اني انهيت نسخة بس 2
وهذي صورة تحزينتي
http://i214.photobucket.com/albums/cc229/dmcking2/20090121_004.jpg

اذكر في قتال الاخير اعتمدت كثير على بيرسونا loki انقذني كثثثير
,والبارتي اغلبة عجبني لكن اقل واحد حبيتة كان يوسكي
ويوكيكو اكثر شخصية عجبتني :inlove:
اتذكر اني كتبت انطباعات مفصلة اكثر في احد مواضبع بوقتها !!!
وبالنسبة لانمي بيرسونا 4
شفت حلقة الاولى فقط وما عجبتني !!1 ما حسيت في قيمة حوارت بقد ما في الجيم

وبالنسبة لبيرسونا 3
اني لعبتها بدايتها فقط وما قدرت اكلمها لانة سافرت بوقتها
لكن اخوي لعب نسخة بس2 وبسب
وعجبتة جدا
وراية مشابة جدا لخالد
بيرسونا 3 مظلمة وجدية اكثر من بيرسونا 4
واصصصعب !!!
حتى علاقات سوشل في بيرسونا 3 اذا ما تهتم فيهم تقل لفل لول

 

[Gamer-89]

أخيراً وصلت لدنجن الهيفين ، البوس مش بذاك الصعوبة لكن بعد فترة يصير الماجك جداً قوي ، في استراتيجية مناسبة عشانه ؟ ملفل لغاية 66 .

 

[zlatanovic]

^
البوس هذا يستخدم كل انواع السحر، وخصوصا انواع السحر اللي تضر شخصيتك الرئيسية ( على حسب البيرسونا ). ماله استراتيجية معيّنة بكثر ما يعتمد على اللفل.
+ نصيحة اكتشف فوائدها بنفسك : طوّر البيرسوناز اللي من رابطة judgment .
.
.
خلاص بقالي على البلاتينيوم كم تروفي .. وأغث تروفي بدون منازع هو حق الكتب >ـ> ، لازم اقرأ كل الكتب اللي باللعبة. وتروفي تجميع البيرسونا كملت فيه 97٪، الثلاثة بالميّة هذي مدري وينها! اعرف انه باقيلي بيرسونا واحد مادمجته للحين ( ويبيله ختمة جديدة ) لكن هل بيغطي الـ 3٪ الناقصة؟

 

[Gamer-89]

^

خلاص هزمته .. لقيت استراتيجية محترمة عشانه ، يوسكي وشاي فيزيكال أتاك ، شخصيتي الرئيسية ماجك ريفليكت وديفينس + يوكيكو للهيلنج .. سويت على الشخصيات كلها ريفليكت وباور شارج لشاي وضربة ماسف فيزيكال لها وليوسكي .. وهو سوا لي ضربة بالرياح .. الدور ذا لوحده كلفته تقريباً 3000 دامج لول وانا بدون اي ضرر ، من الحين حرفياً بيرسونا ثاني أفضل آر بي جي العبه ومن أفضل ما لعبت بحياتي كلها ، من لعبت ميتل جير 4 بـ 2008 ما أذكر في لعبة شدتني وخلتني العبها بهالشكل غير بيرسونا .

 

[Gamer-89]

سوحقاً .. أكلت سبويلير النهاية وأنا أدور عالجولدين إندنج :""،(

 

[Raulioo]

استمتعت جدا في قراءة انطباعاتك عن بيرسونا 4 جولدن يا صادق
وحمستني لنسخة الفيتا !! مع العلم في بداية ما كنت مقتنع فيها ( ما كنت عارف انة هناك 2 دنجن اضافية ونهاية جديدة !!)
اني انهيت نسخة بس 2
وهذي صورة تحزينتي
http://i214.photobucket.com/albums/cc229/dmcking2/20090121_004.jpg

اذكر في قتال الاخير اعتمدت كثير على بيرسونا loki انقذني كثثثير
,والبارتي اغلبة عجبني لكن اقل واحد حبيتة كان يوسكي
ويوكيكو اكثر شخصية عجبتني :inlove:
اتذكر اني كتبت انطباعات مفصلة اكثر في احد مواضبع بوقتها !!!
وبالنسبة لانمي بيرسونا 4
شفت حلقة الاولى فقط وما عجبتني !!1 ما حسيت في قيمة حوارت بقد ما في الجيم

وبالنسبة لبيرسونا 3
اني لعبتها بدايتها فقط وما قدرت اكلمها لانة سافرت بوقتها
لكن اخوي لعب نسخة بس2 وبسب
وعجبتة جدا
وراية مشابة جدا لخالد
بيرسونا 3 مظلمة وجدية اكثر من بيرسونا 4
واصصصعب !!!
حتى علاقات سوشل في بيرسونا 3 اذا ما تهتم فيهم تقل لفل لول

تسلم..اللعبة تجبرك تفضفض بكل مشاعرك عنها بكل خطوة p=
ترى حسين بجانب هالاشياء، فيه كم هائل من المحادثات والاحداث الجديدة والمرتبطة بالنهاية الذهبية، وفيه اوست يصعّب فراقك عن اللعبة باضعاف
اما الانمي، اذا حصلت وقت كمله، الحلقات الاخيرة عطوها حقها وفيه بعض التحريفات اللي اتمنيت اللعبة تاخذ مسارها، بس للاسف لا تتوقع ان محادثات يوسكي وتيدي بتجذبك مثل ما كانت باللعبة..قاطعين اغلبها
فايدة الانمي العظمى هي تجديد الذكريات للاعبين.

خلاص بقالي على البلاتينيوم كم تروفي .. وأغث تروفي بدون منازع هو حق الكتب >ـ> ، لازم اقرأ كل الكتب اللي باللعبة. وتروفي تجميع البيرسونا كملت فيه 97٪، الثلاثة بالميّة هذي مدري وينها! اعرف انه باقيلي بيرسونا واحد مادمجته للحين ( ويبيله ختمة جديدة ) لكن هل بيغطي الـ 3٪ الناقصة؟​

لول انا بدون الاهتمام بالتروفي قريت كل الكتب وبقى لي واحد فقط @@ ، اشتريهم كلهم واقرا كل واحد صبح ومساء لين ما يظهر التروفي واعمل لود جيم من اخر نقطة

أخيراً وصلت لدنجن الهيفين ، البوس مش بذاك الصعوبة لكن بعد فترة يصير الماجك جداً قوي ، في استراتيجية مناسبة عشانه ؟ ملفل لغاية 66 .​

ما شاء الله ليفلك عالي -انا كنت 58 واضطريت ارفعه لـ60 عشان افوزه- ..وأظن انك على النورمال ؟ المفروض امورك بمتناول اليد @@
آسف بخصوص الملف الشخصي، كنت خارج ترو وما قريت الرسالة الا الحين، كنت بنقذك من الوقوع بسبويلر النهاية الجولدن

 

[Gamer-89]

^

أكلت سبويلير عن النهاية وطلعت لي المعلومة مباشرة بعدها بلحظات .. ، جالس العب عالهارد : ^ . ، القصة جداً عميقة .. واصل للدنجن اللي بعد الهفن وتحديداً عند البوس ، ما اتمنى اللعبة تنتهي هنا لأني ماني حاس إن النهاية مرضية كثير .. وفي اشياء كثير باقي غير مشروحة ..

 

[zlatanovic]

سمعت معلومة بغيت اكسر الفيتا بسببها >ـ>
عشان تجيب البلاتينيوم لازم ترفع السوشل لينكز للاخير و تقرأ كل الكتب بختمة وحدة =( .. يا عمي استهبال الموضوع كذا! مستحيل تصير كذا لأن السوشل لينك حق اداتشي ينهي اللعبة مباشرة ولا يعطيك وقت اضافي ترفع السوشل لينكز الباقية!
بالله احد يأكد لي هالمعلومة =(

 

[zlatanovic]

اخيرا جبت البلاتينيوم بعد 127 ساعة لعب .. كان ممكن تختصر الى 109 لولا اني ما كنت ادري انه لازم تخلص السوشل لينكز والكتب بختمة وحدة عشان البلاتينيوم.
واحدة من الالعاب اللي خلتني اكتشف شي، اني خلاص بأقطع علاقتي مع الكونسولز ( الا ما ندر ) وابدأ مسيرتي مع المحمول كـ جهاز اساسي.
وهذي ايضا رفقة FFXII من اجمل ما لعبت في تاريخ الجيمز والاربي جي بشكل عام.
+ ملاحظة اخيرة شاطحة: انا كنت اعتبر التروفيز مضيعة وقت، لكن مع مرور الزمن اكتشفت انها تعطيني جوانب من اللعبة ما كنت ادري عنها. يعني لو مخلص على ختمتي الاولى بدون ما اشيّك التروفيز كنت مضيّع 40٪ من خفايا اللعبة واسرارها.

 

[Mesharey]

أول زعيم باللعبة الشادو الثالث، معلق عنده شخصياتي ضعيفة جدا مو قادر أوصله لنص طاقته حتى :'(
اللي أعرفه انه ضعيف بالثلج لكن بعدين يزيد دفاعه وماعندي نار -.-"

تعديل: خلاص فزت بالغصب xD

 

[lighting]

صادق اللعبه ماخذه انت فزيكال لو داونلود؟

 

[Raulioo]

@زلاتانوفيتش
كلامك صحيح وخصوصا بالعاب الربج، التروفيز الواحد يعتبرها مثل الحافز عشان تجرب خبايا اللعبة، من تبدأ فيها بتكملها لوحدك مع او بدون تروفيز، عشان كذا خاصية التروفي ككل دايما اعتبرها مهمة
ومبروك انت ومشاري كل واحد على انجازاته الخاصة p=

صادق اللعبه ماخذه انت فزيكال لو داونلود؟​

فيزيكال

 

[Mesharey]

شنو أفضل البيرسونا اللي تكون عندي بالفيوز ؟

ماسويت ولا واحد ومو فاهم الطريقة عدل ومالي خلق اتعبث ._."

الآن بنهاية مهمة حمام البخار >.>

 

[zlatanovic]

^
مافيه بيرسونا افضل من بيرسونا بالوقت الحالي والمنطقة اللي وصلت لها، لكن فيه بيرسونا يمتلك مميزات تحتاجها بأماكن معيّنة.
كثير من الشباب ينصحون بـ ose بحكم هجمومه الفيزيكال القوي. بربرس وجرّب تدمج اكثر من بيرسونا، الموضوع سهل مرة وبتتعوّد عليه من اول مرتين.
كمثال مبسّط:
عندك البيرسونا الاساسي ضعيف ضد الويند، وهجومه كهربائي. تقدر تدمج بيرسونا يكون من الاساس قوي ضد النار وهجومه ناري، ولأنك استخدمت البيرسونا الاساسي حقك اللي هجومه كهربائي في الدمج، تقدر تنقل ميزة هجوم الكهرباء للبيرسونا الجديد. فيصير عندهـ هجومين .. وكذا تدمج بيرسونا ثالث ووو الخ.
طبعا الطاقات هي اولا وهي المقام الثاني. واي بيرسونا تدمجه ما يروح عليك، تقدر تشتريه من الفالفيت رووم مرة ثانية. فـ ماراح تخسر اي شي بالتجربة.

 

[Dark and Light]

علقت في مكان ومحتاج المساعده العاجله ,, القصه وصلت لشي يحمس لكن ماقدرت اكمل ؟

محتوى مخفي: After Rise

سؤالي بعد ماحليت قضيت ريسي وانقذتها طلع الولد الغريب اللي يتحدى ,, الان بدت التحريات ماتركت احد ماكلمته أحس الأيام تضيع مني ع الفاضي وين اروح بالضبط عشان اقدر ادخل الدنجن ؟

 

[zlatanovic]

^

محتوى مخفي: Spoiler

- كلم كانجي بالريفر بانك
- كلم دوجيما بالشوبينج ديستركت قدام محل الكتب
- رح دوّر اداتشي بـ جونيز وقله انك بتعلّم دوجيما ( احتمال ما تلقاهـ بنفس اليوم، تعال بكرا )
- رح لمحل الستيك وكلّم راعيه ( اللي شمال محل النودلز )
- اليوم اللي بعدهـ بتلقى ولد واقف قدام محل التوفو، كلمه وخلاص.

 

[Dark and Light]

اشكرك يا صديقي ع الإجابه السوبر سريعه

 

[Mesharey]

بجرب أسوي كم بيرسونا الحين، بشوف شنو اللي اللاعبين مسوينه، Ose احتاجه شكلي ماعندي واحد قوي بالفيزكال ..
في لستة بعدد البيرسوناز اللي اقدر اخذها بنفس الوقت ؟ @_@

تعديل : أوكي حصلت :
8 بيرسونا بلفل 15
10 لفل 25
12 لفل 30

 

[zlatanovic]

^
دمجتهم والا بس شفتهم >ـ>
اللستة مفتوحة لعدد البيرسونا اللي تقدر تدمج، لكن ما تقدر تشيل معك الا عدد محدّد.
تقدر من ثاني خيار تشتري البيرسوناز اللي خسرتهم بالدمج، فـ جرب وغامر.

 

[Zone]

بدأت باللعبة من اسبوع مستمتع فيها , لعب متقطع :

محتوى مخفي: يوكيكو

انتهيت من انقاذ يوكيكو والآن رجعت ايضا بعد ما ارتاحت , الحين ابغا اسألكم ايش تنصحوني اسوي اشياء يعني اطورها او اجمع بيرسونا اعطوني نصائح اذا ممكن ؟

 

[zlatanovic]

^
استمتع بواحدة من اجمل العاب الجهاز ومن اجمل الالعاب على العموم. بالنسبة للنصائح فـ ما فيه نصائح فعليّة لكن اشياء ممكن ما تنتبه لها. عالعموم :

محتوى مخفي: Spoiler

- ارفع السوشل لينك لأعضاء فريقك اللي يحاربون معك. كل ما زاد السوشل لينك زادت مميزاتهم في القتال
- احرص انك تأخذ الاعمال الليلية واللي تقدر تسجل فيها من اللوحة في النورث شوبينج ديستركت ابتداء من 25\5 ( منب متأكد من التاريخ )
- ماري، البنت اللي في الفيلفيت روم ، لازم السوشل لينك حقها يرتفع للاخير قبل نهاية اللعبة عشان تحصل على الاضافة الخاصة بالفيتا
- اجمع بيرسوناز قد ما تقدر، حتى لو ما تحتاجهم او لفلهم ضعيف بالنسبة لك. بتحتاجهم بعدين.

تقريبا هذا المهم حاليا، لكن اهم نصيحة واللي لازم تسويها ابتداء من الحين، على بداية كل شهر create new save file احتياطا. واذا اللعبة سألتك ( تبي تسوي save )، سوّ save ولا تمسحه ابدا.

 

[Zone]

^

اوك شكرا حمستني يا ولد @__@

 

[Dark and Light]

" النجــــده " !!

محتوى مخفي: HELP

وصلت للدنجن اللي ستايلها " ريترو " البوس اللي هناك عقدني طويل ياخذ معاي وقت جداً طويل واوصل لين قريب يموت لكن المشكله اكون استنفذت كل المؤن اللي معاي في الايتم لأنه ياكل ال SP كثير واموت نفسي واعيده حاس ان فيه استراتيجيه افضل :: ابي افوز عليه بأقل الخساير فريقي يوسكي وتشي ويوكيكو وكلهم بالليفل 49

 

[Lunar Poet]

تقريبا هذا المهم حاليا، لكن اهم نصيحة واللي لازم تسويها ابتداء من الحين، على بداية كل شهر create new save file احتياطا. واذا اللعبة سألتك ( تبي تسوي save )، سوّ save ولا تمسحه ابدا.

ما يحتاج! أنا جبت كل النهايات في save file واحد.

 

[Gamer-89]

Dark and Light @

هذا الزعيم من اصعب مافي اللعبة ، ليفيلك نازل شوي .. اذكر إني لما هزمته كنت واصل 55 أو 58 .. شي زي كذا ، انزل للدور اللي قبل هذا ( اللي فيه الزعيم ) واجلس دور هناك لمن تشوف وحش بشكل قفاز .. روح له واضربه من ورا بالسيف وراح تخش معاه في معركة ، إذا هزمته يجيك قرابة 15 او 20 الف EXP و 20 الف ين ، قبل لا تواجه هالوحش ارجع للمدينة مرة وحدة واشتري لك من المتجر اللي يبيع لك آيتميز الهيلينج وعلاجات البويسين والديزنيز وخلافه ، اشتري منه آداة تقولك إنك تقدر توجه ضربة مقدراها 50 نقطة لكل الوحوش ، في عندك نار وجليد ورياح وبرق ، ناسي أي واحد فيهم لكن أعتقد الجليد هو اللي راح يأثر على وحش القفاز ، اشتري لك منها كذا 50 أو 60 وحدة وإذا تباريت مع الوحش خل كل الشخصيات تضربه بهالآيتيم ، ثمن كل ما هزمت وحش القفاز في الدور القبل أخير ارجع عن طريق ضغط مربع واختيار Move to next floor وبعدين روح للدور القبل أخير مرة ثانية واجلس دور على هالوحش وكل مرة كذا لمن تطور شخصياتك .

المهم هنا ركز انك تحصل على المستوى العالي من ضربة النار وحركتين ثانية اسمهم ( power charge ) و ( mind charge ) .. الأولى بتكون لشاي والثانية لشخصيتك الرئيسية وشخصيتك الرئيسية هي المفترض اللي تملك المستوى المتطور من ضربة النار ، ايضاً يكون عند شخصيتك الرئيسية قدرة ثانية اسمها Boost fire attacks by 25% وفي وحدة ثانية لكن 50% ، الأفضل تحصل الإثنين .. لا تنسى طبعاً بارتي ديفينس أب وبارتي أتاك أب كلهم مفيدين ، الحركات اللي فوق لشاي وشخصيتك الرئيسية تقدر تطلعها عن طريق تطور شاي وتطوير البيرسوناز لشخصيتك ودمجهم .. راجع صفحة اللعبة بويكيبيديا وراح تحصل الضربات والهجوم وخلافه ، المهم هنا إن ضربات النار مفيدة مع الوحش لمن يبدأ يبني نفسه .. لمن تسوي ضربة نار بعد المايند شارج وضربة فيزيكال هيفي بعد الباور شارج تقريباً راح ينهار وراح تجيك فرصة لضربة جماعية ، بهالشكل راح تخليه يبني نفسه مرة وحدة فقط ولو بنى نفسه راح تقدر تهزمه في دورين أو ثلاثة ، أهم شي يوكيكو تركيزها يكون منصب عالهيلنج .

 

[Dark and Light]

اشكرك يا صديقي ، الحين الجارج مايند عندي واغلب اللي قلت عنهم موجودين بس يبي لي ألفل صح ،،

 

[zlatanovic]

^
لفلك قليل بالحيل، يبيلك اكثر من كذا.

ما يحتاج! أنا جبت كل النهايات في save file واحد.

صحيح، ما تحتاج الا تخزين واحد . لكن لو ناوي على البلاتينيوم فـ الافضل انك تسوي كذا. غير انك احيانا ممكن تغلط بأشياء غير مهمة لكن ودك تعدلها.
والاهم بالنسبة لي هو انك ممكن بالغلط تسجّل على new game+ على تسجيلك اللي طلعت فيه النهاية الخاطئة.