hits counter

الموضوع الرسمي Fable 3 | رمم/دمر Albion

#32
اشتريت اللعبه البارحه وتقريبا لعبت 4 ساعات ، انطباعاتي حتي الآن:-

- اللعبه عدلوا فيها القوائم بس بعد تاخذ وقت شوي (كانوا يقدرون يخلونه سلس اكثر بدل ما تنتقل من منطقتك لمنطقه ثانيه)
- تحسن طفيف في السباحه (الجزء الثاني اتذكر اذا رحت تسبح الفريم ريت يطيح)
-نظام القتال شوي تغير (الMagicو السكلز تغير اسلوبها ، اذا بتغي تشتريهم لازم تروح منطقه تكون طريقه سريعه بس كان وايد افضل لو في قائمه بس تكون قائمه سريعه)
- شراء البيوت صار افضل (عن طريق الخريطه عكس الثاني اللي لازم تروح عند البيت او المحل عشان تشتريه)
- الموسيقى نفس الشي الا بعض المناطق (عالاقل ريميكس للمناطق القديمه)
- الجرافيكس ما اشوف في شي يذكر (مثل ما هو)
-مشاكل اللعبه التقنيه موجوده.
-بشكل عام حتى الآن اللعبه فيبل 2.5 (المفروض خلاص يحطون افكار يديده بدل سالفه البطل ويا الكلب اللي كثير من الاحيان يكون مخرف لول"لما يدور لك مكان يتقدر تحفر فيه، الكلب ياخذ وقت لين ما يفهم المكان اللي لازم تحفر فيه )
 
#33
مشاري معليش سؤال غريب شوي بس شلون الـOST <3 كالعادة لأنه في الثاني كان عادي و مو زي الاول ابداً ابداً ابداً!
 
بادئ الموضوع #35
مشاري معليش سؤال غريب شوي بس شلون الـOST <3 كالعادة لأنه في الثاني كان عادي و مو زي الاول ابداً ابداً ابداً!
ما ادري عنك بس بعد لعب 50+ ساعة بالثاني أقدر اقول ان الاوست كان ممتاز أيضا، عطه فرصته بيعجبك :innocent::
- الجرافيكس ما اشوف في شي يذكر (مثل ما هو)
في فرق واضح بين الثاني والثالث، جرب تحط الثاني وبعدين الثالث @_@

أحمد
مبيعات السلسلة قوية من زمان ^^


بعد لعب أكثر، اللعبة فيها XP لكن بطريقة مختلفة، تجمعه من قتل الوحوش أو التفاعل مع الناس ومنه تفتح صناديق تزيد من قوة الماجيك أو ضربات السيف أو الأسلحة ونفسها تخليك تفتح صناديق تخليك تشتري البيوت أو تفتح اكسبرشنز جديدة .. تخيل السفير جريد بفاينل فانتسي 10 لكن أنت تمشي فيه بالشخصية وتفتح اللي تبيه بمزاجك ..

بالمناسبة ماتقدر تنقل الsave من الثاني إلى هنا، المعلومة اللي قرأتها غلط، الشي الوحيد اللي ينتقل أنهم لما يتكلمون عن البطل للجزء الأول يذكرون Your father إذا كنت تلعب بذكر أو الأم إذا انثى بس ..
 
التعديل الأخير:
#36
لعبت تقريبا 5 ساعات

- اول شيء لفت انتباهي الانتقال بين المناطق سريع وافضل من الثاني بفارق سنين ضوئيه
- نظام القتال تحسن وخلوه شبيه باساسين كريد ( وهذا هو المطلوب )
- جرافيكس 2.5 صراحه الي شفعلها النعومه
- الاوست :inlove:
شباب ضحيتوا بمين ؟ انا ضحيت بالبنت :crying:
 
#41
انا حاليا في Bowerstone industrial المدينه كبيييييره وتعيشك جو الفقر الي عايشينه :laugh::

السيف لفل 3 وفي حركه حلوه بين كل لفل والثاني يتغير تصميم السيف .. الان تصميمه جبااااااار وياخذ من السيوف الدمشقية :rockon: .. البيستول و المجيك لفل 2

افضل كويست الى الان كويست الكتاب ، تدخل عالم خيالي بكل معنى الكلمه في المهمه

شباب في احد اشترى بيت ومعاه فلوس ؟ انا حاليا فقرااااان ومتكاسل اشتغل :annoyed:
 
التعديل الأخير:
بادئ الموضوع #42
بالنسبة لي جمعت 1500 وبعدها اشتريت ثلاث بيوت (عربات بالأحرى‏)‏ وأجرتها وصارت الفلوس عندي كثيرة وأجرت مجموعة عربات وبيوت بعدها ..

وظيفة الكيك ميكر سهلة ..
 
#43
بالنسبة لي جمعت 1500 وبعدها اشتريت ثلاث بيوت (عربات بالأحرى‏)‏ وأجرتها وصارت الفلوس عندي كثيرة وأجرت مجموعة عربات وبيوت بعدها ..

وظيفة الكيك ميكر سهلة ..
انا الان في Bowerstone Market لقيت درع عجبني بس غالي سعره بـ 13428 وانا رأس مالي 5053 :sadwalk: . قاعد اشتغل عند الحداد اجمع كم قرش ، ابغى اشتري كذا محل و اجرها الين ما اطلع قيمه الدرع
 

Zero

فريق الأنمي
#47
أنا توقعاتي حول هالجزء كانت: الشيء اللي كان المفروض تكون عليه الثانية، واللي حصل شيء متوقع للأغلبية على ما يبدو، الزبدة هي أكيد أفضل من الجزء الثاني.

الشيء اللي أنا مو مستوعبه هو أن الجزء الثاني صار له سنتين نازل؟ :surprised: ما أسرع مرور السنوات :annoyed:

على فكرة الcheat حق الفلوس ما كان يشتغل عندي في الجزء الثاني، السبب؟ جهازي المخرف (الله يرحمه) كان كل مرة أطفيه وأرجع أشغله يصفر لي الوقت والتاريخ :xd: هالكلام من أول ما شريته.
 
بادئ الموضوع #48
على فكرة الcheat حق الفلوس ما كان يشتغل عندي في الجزء الثاني، السبب؟ جهازي المخرف (الله يرحمه) كان كل مرة أطفيه وأرجع أشغله يصفر لي الوقت والتاريخ :xd: هالكلام من أول ما شريته.
هممم .. الاكس بوكس إذا ماكان شابك اونلاين يرجع التاريخ إلى 2005 .. انت شغل اللعبة واحفظها وارجع للداشبورد وغير التاريخ :razz::

حسب اللي اعرفه ان اللعبة تدعم الكنكت بلعبة ميني جيمز .. تحذف طماط P:
 

Zero

فريق الأنمي
#49
هممم .. الاكس بوكس إذا ماكان شابك اونلاين يرجع التاريخ إلى 2005 .. انت شغل اللعبة واحفظها وارجع للداشبورد وغير التاريخ :razz::

حسب اللي اعرفه ان اللعبة تدعم الكنكت بلعبة ميني جيمز .. تحذف طماط P:
شيء غبي بصراحة، لازم تعيد تضبيط التاريخ كل مرة؟ وأنا أفكر العلة من جهازي، لأنه تدري ويش؟ جربت أخليه أونلاين وما نفعت كمان :laugh::
 
#51
اصلا شي معروف ان ال360 ماتنضبط اعدادات الوقت الا لما تشبكه اونلاين ومجرد فصلك له راح يرجع للاعدادات الاوليه(2005 يكون التاريخ )
 
#52
اخيرا اشتريت الدرع :lebb:طبعا بعد ما اشتريت بيت و اجرته و كذا محل صغير (بسطه) قدرت اجيب القيمه الي هي 17526



في كويست رهيييييييب قبل شوي انهيته ماني فاكر اسمه >_>

تروح عند ثلاثه سحره يطلبوا منك تنقذ اميرتهم من البارون "الشرير" :laugh:: ويرسلوك لعالمهم الخاص او قصتهم الخاصه :laugh:: اول ماتدخل العالم بيقعدوا يخترعوا عشرين الف قصه عشان تنقذ اميرته + تعليقاتهم رهيبه وسط المهمه

لازم تلعبوه :laugh::
 
بادئ الموضوع #53
بالمناسبة المهمات الفرعية "كلها" تبقى ولا إذا تقدمت بالقصة بعض المهمات تختفي ؟

الدرع روعة .. يبيله P:
 
#54
لا أملك تجارب سابقة مع اي لعبة فيبل .. لكني احترق من الحماس هنا !! صبرا صبرا حتى العيد لأشتري الإكس و هذه ستكون أول لعبة معه ! اللعبة تبدو ساحرة بشكل غريب ... عموما سأبدء بالجزء الاول غدا
 
#55
بالمناسبة المهمات الفرعية "كلها" تبقى ولا إذا تقدمت بالقصة بعض المهمات تختفي ؟

الدرع روعة .. يبيله P:
ما ادري صراحه لان الان مطلوب مني اجمع من 100 الجيلد سيل عشان تكسب ثقه الناس في Bowerstone انا باقيلي 28 . كل كويست يعطيك عدد معين من الجيلد سيل
 
#57
كل شي رائع بس انا للحين ماقدرت استوعب ال map و الانتقال السريع

لما اختار اروح لمدينة من ال map يوديني مكان بعيد عنها ؟
غريبه .. انت سوي زوم على المدينه بعدها سوي فاست ترافل .

سرت ملك :cool:: في مهام رهيبه لما تكون ملك ، يكون عندك جدول مواعيد و مهام يوميه و تتخذ قرارات لصالح او ضد المملكه وعندك ميزانيه المملكه ترفعها او تنقصها على حسب قراراتك في مبالغ الضريبه على الشعب او على معونه الجيشك

انا الان مديون :laugh::
 
#59
بصراحة اول مالعبت فيبل 3 حسيت اني بصيح.

1- الجرافيكس مره معفنه. انا العادة ما اهتم بالجرافيكس كثير بس هالمره الجرافيكس جدا مخيسة, المودلز لعبة من الجيل السابقة, غير مشاكل الفريم ريت والسكرين ترينج شيء يهول. يعني احنا الحين في 2010 ارحمونا شوي ليون هيد.

2-سخصية البطل صارت تتكلم. صراحة هنا بغيت استفرغ.

3-متعودين احنا من فيبل 1و2 انك تبدا من الصفر, طفل صغير فقير تختار من تحب, تختار من تكره. بس هنا لا من الدباية ناس يحبونك وناس يكرهونك ويجبرونك تسوي اشياء مع ناس ما تبغى تسويها.

اول كم ساعة مع فيبل 3 كانت مخيبة للامل. في اشياء كثيرها حذفوها (اكتشفوا انها اصلا افكار غبية) واشياء كثير عدلوا عليها.

بس بعدين...

لما بديت اعدل على شخصيتي وقدرت اشتري بيوت واستثمر فيها, بديت استمتع في اللعبة ونسيت كل المشاكل, شخصيتك نادر ما تتكلم, الناس اللي اجبروك تكون علاقة معهم واحد مات والثاني ثار ابكم والثالث لسا معك بس هذاك رهيب, الجرافيكس لسا معفنة بس عيوني بدت تتعود على العفونة.
اللعبة على بعضها ممتعة بس تتوقع من استدو مدعوم بشكل مباشر من مايكروسوف انهم يأدو اداء افضل من الناحية التقنية.

ياليت لو مطور ثاني يطور لعبة فيبل القادمة ويستخدمون فيبل 1 كدليل لهم لان هذيك هي لعبة فيبل الصح اما العبتين الخيرة هذي نكتة (بس ممتعة).