Death Note الآنمي [الموضوع الرسمي]

[NSider]

نهاية رهيبة.. كان ممكن تكون أفضل لكنها ما تزال رهيبة.

اللي يتفلسف ومسوي لي فيها أفهم من المانجاكا ويطلع لي أخطاء.. أعتقد عبدالله جينكو ما قصر واختصر كل شي في ردين.

إضافة وحدة على كلام عبدالله

محتوى مخفي

الـMU هو nothingness = العدم.. يعني ما في شي يورونا إياه لأن اللي يروح هناك ceases to exist.

 

[Ash]

نهاية فعلا خطيرة , التمثيل الصوتي حق كيرا كان ابداع .

و بلا فلسفه من البعض .

 

[Hero]

محتوى مخفي

انتحار ميكامي كان بعد هلوسة اكتشاف ان كيرا ما عنده سالفه، وان خلاص حياته انتهت لان التهمه راكبته راكبته. موته في المانجا كان مختلف، لكن ما أثر على النتيجه.

الي خلى لايت ينهزم هو ميكامي وليس نير، يعني اساسا هم قالوها في الانمي فمدري ليش قاعدين نناقش هالشيء؟ متأكدين تشوفون ديث نوت؟

وبخصوص ان "كيرا ليس كيرا الي نعرفه في ال36 حلقه الي فاتوا"، هذي من جد مضحكه، يعني وش تبيه يسوي؟ كل خطته خربت لان مساعدة فشل، ونير عنده اثباتات الى بكره انه هو كيرا، فأيش تبيه يسوي؟ الرجال تروع وقام يهلوس من الغضب على ميكامي، ويومه يتكلم عن العالم وانه كان لازم يسوي الي سواه لان العالم خربان فهو فكر بخطه انه يبعد عنهم ويكتب اسم نير، والي هو Nate Fiver (او River) والي كتب نصفه ثم اطلق عليه النار ماتسودا، عندي المانجا ولا اشوف فيه فرق كبير غير تكملة الاحداث، واضح ان في الانمي يوم راح في خلف المبنى وقال " لازم تثبت ان الدفتر حقيقي، لازم تقتلني" فهو واضح للمشاهد انه يجهز خطه، ويوم شفنا اسم Nate F مكتوب في الساعه عرفنا بأنه كان يفكر بقتله، فأيش الفرق في هالشيء عن المانجا؟ مو لازم كل شيء يكون بحذافير المانجا اذا كانت الفكره في النهايه نفسها، لان هنا يجي دور المخرج وانه يخلي الانمي جذاب للمشاهد. لكن الفرق الوحيد الي كنت اتمنى وجوده هو ماحدث بعد هالاحداث، كنت ابي اشوف التكلمه وايش صار لكل الشخصيات، مع ان هالشيء ما اثر كثير.

وبعدين مين الي ماكان متوقع ان كيرا بينهزم؟ انا اعتقد اني قلتها في صفحات قديمه (اول ما طلع نير) ان الحين في هالساجا بينهزم كيرا، لان اساسا لو ما انهزم فأيش فايدة وجود نير في القصه؟ اذا كيرا كان بيفوز على نير ويقتله، اذا نير كان راح يصير زي إل، يعني هالحلقات ال10 ماراح يكون لها فايدة البته! بل اعادة ساجا إل لكن بشخصيات وسيناريو مختلف، مما سيجعل الانمي بايخ وعقيم وبكل بساطه مخيس. فعشان كذا ظهور نير في القصه كانت رسالة واضحه ان هذي بتكون نهاية لايت، وعشان كذا انا مو مستغرب ابدا ابدا. بل متوقع هالشيء لكن كنت ابي اشوف كيف.

بخصوص النهايه بشكل عام ومستواها، فكنت مأمل اني اشوف وين راح لايت بعد مامات، خصوصا انهم قالوا شيء عن MU لكن كنت ابي اشوفها بالضبط. او على الاقل وش صار لكل الشخصيات والعالم بكبره زي ما ورونا في المانجا.

محتوى مخفي

1-ميكامي يمكن مايكون مات مثل "مانظن" يمكن نير يكون استعمله اهو يملك الديث نوت الحقيقيه ويقدر يسويها ويجيب ميلو والخ لكن مو هذي نقطتنا هذي مجرد نظريه قابله للصحه ومصداقيه نير صفر اصلا بعد ماقال ميلو اشتغل معي وبالنهايه بالمانجا في وايد نغزات للشي هذا وامور اخرى بخصوص هذا الموضوع

2-بخصوص ان كيرا مو الي نعرفه في ال36 حلقه شلي يضحك فيها هذا واقع واثباتات نير كلها فاشله لانها يظن ويحس وعنده ميكامي فقط الي ماقدر يثبت شي مجرد يقول كيرا قالي والخ ماعنده دليل غير قابل للنقاش مايهم شنو الي يقوله ميكامي لايت وضح انها خدعه وفخ والخ من نير وهذا نفس الي صار مع L حتى في لحظه مماته قال للايت THIS IS GOODBYE عارف ان بموت لكن ماوصل لدليل لكنه كان يعرف ان هذا كيرا نفس نير التاريخ يعيد نفسه ومعرفه واحساسك ان هذا كيرا مايكفي لازم دليل هم حاطين الممسك عليه يوم لايت قال this is my WIN يوم قال الجمله هذي خلاص كيرا انتهى وحصلو اعتراف والاعتراف سيد الادله وهي النقطه الي نتكلم عنها ان هذا مو كيرا الي عرفناه بال36 حلقه الي طافو اهو مايقول شي الا اذا تاكد منه شلون بيتاكد من شي هو نفسه ماله علاقه فيه ولا يقدر يشوفه او يتاكد "ميكامي" حتى لو تفرض ان كان لايت يشيك معاه على النوت والخ بالتلفون هذا ماكان يكفي لايت بال36 حلقه الي طافو لان ماشاف بنفسه وتاكد ممكن ميكامي يكون يجذب عليه واهو جذب اصلا وسوى اشياء من نفسه بالنهايه 36حلقه اشياء اصعب من هذي الف مره ماطافت على كيرا تطوف عليه الحين؟ حتى واهو متربط مع l عرف يطلع منها لول
هم طلعو كيرا بمظهر الشخص الغبي الساذج وان ماتوقه من ميكامي والخ شي غبي اصلا

3-الكل عارف تقريبا ان كيرا راح ينهزم محد معترض على مماته او لا لكن مو بطريقه سخيفه وغبيه ومالها اي منطق نفس الي صار واهني تجي اغلبيه ردود "نهايه غبيه ممله والخ" كنت متوقع يموت بطريقه ذكيه مثل مامات l

نهاية فعلا خطيرة , التمثيل الصوتي حق كيرا كان ابداع .

و بلا فلسفه من البعض .

محتوى مخفي

التمثيل الصوتي لكيرا فعلا كان 10/10
اذا النهايه عجبتك good for you
جاي تتفلسف على فلسفتهم "البعض" هذول ؟ واو على الفلسفه هذي :slant: اذا مو عاجبك الي ماعجبتهم النهايه او كلام البعض عن النهايه محد قالك اقراه او دش الموضوع شوف النهايه وخلاص طبيعي تلقه نقاش والخ في موضوع نهايه انيمي

 

[Mista Koo]

محتوى مخفي

من بداية ساجا نير كان فيه 2 ديث نوتس. واحد مع لايت الي اخذه في اول حلقه، والثاني حق ميسا. حق لايت كان معه طول المسلسل، حق ميسا هو الي صار مع الشرطه بعد ما مات إل، وهو الي اخذه ميلو من الشرطه، وبعدين عشان يرجعونه راح كيرا (الي هو لايت) ارسل للشرطه الديث نوت حقه عشان يستخدمونه لإعادة الديث نوت الاخر، اولا بأنهم ياخذون عيون الشينيجامي، وثانيا عشان يقتلون ميلو. لكن ايضا كان فيه سودو، الي هو الشينيجامي الي نزل الارض عشان يرجع دفتره والي هو حق ميسا والي كان مع ميلو في هالاثناء. فراح ابو لايت للبيت الي كان فيه ميلو واستخدم الديث نوت حق كيرا، لكن ما قتل ميلو لانه تردد. لكن في النهايه الشرطه حصلت على ديث نوت الي كان مع ميلو، وصار معهم 2 الحين، حق ميلو وحق كيرا، حق ميلو اعطوه لسودو، وحق كيرا كان مع لايت على اساسا انه جزء من فريق التحقيق ومحد شك فيه، وفي هالحاله استبدله لايت بدفتر مزيف، وارسله الى ميكامي، يعني اساسا ماكان فيه الا دفتر واحد اصلي، وليس اثنين، الي كان عند الشرطه مزيف، والي كان مع ميكامي مزيف ، والي كان مع نير هو الاصلي (هالكلام في اخر حلقه).

هممم والله لخبطتني ._. بس عموما أحب أقولك كلامك -إذا كان صحيح- فهو ناقص
نسيت

محتوى مخفي

لما ماتت رم تركت وراها ديث نوت.. صاروا 3 وإنت ما جبت سيرة الثالث

>.>

شكلي بأرجع للحلقات حلقة حلقة وأسوي Timeline لكل ديث نوت وأشوف وين صار 3=

 

[NSider]

هممم والله لخبطتني ._. بس عموما أحب أقولك كلامك -إذا كان صحيح- فهو ناقص
نسيت

محتوى مخفي

لما ماتت رم تركت وراها ديث نوت.. صاروا 3 وإنت ما جبت سيرة الثالث

محتوى مخفي

نسيت الشينيجامي اللي جا عشان يرجع الديث نوت لعالم الشينيجامي؟

 

[Mista Koo]

محتوى مخفي

نسيت الشينيجامي اللي جا عشان يرجع الديث نوت لعالم الشينيجامي؟

Ummm

محتوى مخفي

هذا ما له علاقة بالديث نوت الثالث.. هو أخذ الديث نوت الأول حق ريوك (اللي مكتوب عليه بالإنجليزي)

 

[dark]

ميستا كوو

محتوى مخفي

ردي كان واضح ومختصر
وعبدالله وضحه السالفه من البداية
أساس المسلسل كان تركيزه على ديث نوت لايت وديث نوت ميسا هو اللي كان يستخدمونه في الموسم الأول
دث نوت حق رام هي على ما اعتقد العصابه اللي اخذته (عصابة ميلو) .
الديث النوت اساساً كانوا اثنين عند الشرطة اليابانية في الخزنه أما حق لايت كان معه بكذا صاروا ثلاثه (أو تقدر تقول اثنين لأنه الثالث حق رام كان مظهر)
1- حق لايت (وريوك) هو اللي يستخدمه كيرا .
2-دث نوت ميسا كان موجود عند الشرطة اليابانية (في الخزنه)
3-الشينجامي الثالث اخذ ديث نوت رام اللي قتل فيه L.

وبكذا اتوقع انه كان عند الشرطة اليابانية 2 ديث نوت واحد اخذه ميلو وبعدين رجعته الشرطة واخذها الشينجامي الثالث
وهي حق رام وليس ريوك (هي اللي كان مكتوب عليها كلام) وديث نوت كيرا الأول موجود عند لايت وأعطاه ميكامي وبعدين استبدله نير . أما حق ميسا كان عند الشرطة اليابانية في الخزنه وطلب نير انهم ياخذونها معه.

ممكن تكون صحيحه وممكن تكون خاطئة لأني نسيت أحداث الموسم الأول وتفاصيله بس أتوقع انه صحيح
وأي واحد يقرأ ردي يتأكد من صحة كلامي

 

[Ginko]

محتوى مخفي

اوكي يبدو ان مو بس ميستا متلخبط

ركزوا معي يا شباب.

في اول المسلسل مافيه الا 2 ديث نوتس، فقط!
حق لايت، وحق ميسا.

عشان ما اعقد الامور، واحد من هالاثنين اساسا هو حق سودو. ويوم ماتت ريم ما تركت ديث نوت وراها، يعني مافيه ثالث، ماعمره كان فيه ثالث.

حلو؟ اوكي. الحين واحد من هالاثنين راح مع ميلو، وواحد مع كيرا، حلو؟ ثم كيرا ارسل واحد للشرطه، وراحوا واخذوا حق ميلو، حلو؟ معهم كم الحين؟ مع الشرطه الحين 2 ديث نوتس! اعطوا واحد لسودو، وباقي معهم واحد، وهذا الي باقي معهم استبدله لايت بواحد مزيف، ومحد شك فيه لانه كان جزء من فريق التحقيق، ويوم اخذ الحقيقي ارسله الى ميكامي، والي في الخزنه مزيف. وهذا كل الموضوع.


يوسف انا عارف، قرأتها في الفاصل، لكن كنت ابي اشوف هالnothingness، لان لو تدقق في اغنية البدايه يجيبون مقطع منها ولايت واقف في مكان فااااضي يناظر حوله، واضح انه تصوير للMU.


اما هيرو، صراحه مع احترامي الشديد لك، لكن اسلوب نقاشك من نوعية "الي غصب انا صح"، فماراح اتعب نفسي واتعبك معي في شيء ما اشوف منه فايده.

 

[Mista Koo]

جينكو.. هذي اللقطة تسلم عليك (حلقة 25):

محتوى مخفي

 

[Ginko]

من كثر ما اقطع عن الانمي اختفت عن بالي. اجل فعلا غلط علي.

اوكي اوكي لها تفسير.

محتوى مخفي

يعني صار مع لايت 2 في هالحاله، وواحد مع ميلو، يعني 3 مجموع. ارسل كيرا للشرطه واحد عشان يستخدمونه لاعادة الي مع ميلو، ثم صار مع الشرطه 2، واعطوا واحد لسودو، وباقي معهم واحد حطوه بالخزنه، والثالث الي هو في اللقطه الي حطيتها هو الي كان يستخدمه في هالاثناء وهو الي ارسله لميكامي. سهله.

 

[Khalid-S]

محتوى مخفي

ميكامي موت نفسه عشان يعطي لايت فرصه انه يقتل الباقين او يهرب (هو سوا الاثنين لكن الي بعد لقطه موت ميكامي اي وحده فيهم نسيت) .. بمعنى ثاني .. مو لايت كان مسدوح على الارض ويقول لميكامي ساعدني .. هذاك طعن نفسه عشان يصرفون النظر عن لايت وهو يسوي الي يبي بسرعه .. وفعلا قام واتذكر هرب وطلع ..

محتوى مخفي

عموما انا ما عجبتني نهاية ان لايت يموت من متسودا .. يعني كان غيروها باي شي .. نير يموت لايت ... او واحد من جنوده .. اي شي .. لكن متسودا الغبي الاهبل يموته هذي بحد ذاتها اهانه للايت .. غير طبعا اهانه هزيمته.

 

[NSider]

محتوى مخفي

عموما انا ما عجبتني نهاية ان لايت يموت من متسودا .. يعني كان غيروها باي شي .. نير يموت لايت ... او واحد من جنوده .. اي شي .. لكن متسودا الغبي الاهبل يموته هذي بحد ذاتها اهانه للايت .. غير طبعا اهانه هزيمته.

محتوى مخفي

متسودا أصاب لايت بالرصاص لكنه ما مات.. ريوك هو اللي كتب اسم لايت في النوت وقتله. في المانجا صار شي مختلف تماما وأنصحك تقرا آخر كم تشابتر.. لكن الزبدة هي أن ريوك هو اللي قتل لايت

 

[Khalid-S]

محتوى مخفي

ولو يوسف ... لو مستودا ما طلق كان ما مات لايت ... كان ريوك ما كتب اسم لايت وموته .. لان هذا ما بيكون قدره ..

 

[NSider]

محتوى مخفي

واضح من كلام ريوك في نهاية الحلقة أنه كان بيقتل لايت anyway لو أنه انمسك، حتى لو أنه ما كان مصاب. لأن وضعه ميؤوس منه.

أنت شوف نهاية المانجا وركز على كلام ريوك وبتعرف السبب.

 

[Mista Koo]

محتوى مخفي

يعني صار مع لايت 2 في هالحاله، وواحد مع ميلو، يعني 3 مجموع. ارسل كيرا للشرطه واحد عشان يستخدمونه لاعادة الي مع ميلو، ثم صار مع الشرطه 2، واعطوا واحد لسودو، وباقي معهم واحد حطوه بالخزنه، والثالث الي هو في اللقطه الي حطيتها هو الي كان يستخدمه في هالاثناء وهو الي ارسله لميكامي. سهله.

هممم Makes Sense
بس

محتوى مخفي

اللي أرسله لميكامي هو حق ميسا.. والمفروض الثاني اللي في اللقطة الشرطة ما يدرون عنه!

 

[Hero]

محتوى مخفي

في اول المسلسل مافيه الا 2 ديث نوتس، فقط!
حق لايت، وحق ميسا.

عشان ما اعقد الامور، واحد من هالاثنين اساسا هو حق سودو. ويوم ماتت ريم ما تركت ديث نوت وراها، يعني مافيه ثالث، ماعمره كان فيه ثالث.

حلو؟ اوكي. الحين واحد من هالاثنين راح مع ميلو، وواحد مع كيرا، حلو؟ ثم كيرا ارسل واحد للشرطه، وراحوا واخذوا حق ميلو، حلو؟ معهم كم الحين؟ مع الشرطه الحين 2 ديث نوتس! اعطوا واحد لسودو، وباقي معهم واحد، وهذا الي باقي معهم استبدله لايت بواحد مزيف، ومحد شك فيه لانه كان جزء من فريق التحقيق، ويوم اخذ الحقيقي ارسله الى ميكامي، والي في الخزنه مزيف. وهذا كل الموضوع.


يوسف انا عارف، قرأتها في الفاصل، لكن كنت ابي اشوف هالnothingness، لان لو تدقق في اغنية البدايه يجيبون مقطع منها ولايت واقف في مكان فااااضي يناظر حوله، واضح انه تصوير للMU.


اما هيرو، صراحه مع احترامي الشديد لك، لكن اسلوب نقاشك من نوعية "الي غصب انا صح"، فماراح اتعب نفسي واتعبك معي في شيء ما اشوف منه فايده.

محتوى مخفي

بعد كل الي انت كاتبه بالرد هذا فوق جاي تقولي شنو الغلط وشنو الصح؟....لول والمشكله مع اهم نقطه الديث نوتس وساعه تفهم وتشرح شي للناس واهو بكبره غلط بغلط مجرد تذكر اني ماقلت شي "صح او غلط" من كلامي ومافرضت على احد كلامي وقلت انا غصب صح نفس ماتقول انا قلت الي شفته بالانمي راي لا اكثر ولا اقل وليس نظريه علميه ثابته مجرد منظوري للامور مع احترامي الشديد لك لكن اسلوبك من نوعيه "اذا انا غلط الكل غلط غصب" فماراح اتعب نفسي ايضا

 

[Mista Koo]

أوكي أخيرا لقيت الحل القاطع من موقع DG.org

محتوى مخفي

اللي يبي التفاصيل الدقيقة هنا http://www.deathgod.org/main.php?x=info/dnpass

 

[dark]

الصورة اللي حطها مستا كوو

محتوى مخفي

نفس كلامي الأخير بس نبدل الديث نوت 1 بالديث نوت 2 ويطلع كلامي في محله
والديث نوت الثاني بعد ميكامي يطلع نير
والديث نوت 3 لايت أعطى الشينجامي الديث نوت.
وكذا انتهت تساؤلات الديث النوت الثلاثه.

 

[Ayane]

انا متأخره حيل مع هالانمي .. و ابي طلب منكم لو تقدرون تساعدوني الله يجزاكم خير << شحاذه

ابي الحلقات من 27 الى 37 بس من غير ترجمه .. سويت كل شي بس كله حظي خايس >__<

 

[Ginko]

انا متأخره حيل مع هالانمي .. و ابي طلب منكم لو تقدرون تساعدوني الله يجزاكم خير << شحاذه

ابي الحلقات من 27 الى 37 بس من غير ترجمه .. سويت كل شي بس كله حظي خايس >__<

من غير ترجمه؟ يعني RAW؟


الصوره اعتقد حسمت الموضوع.

 

[Ayane]

من غير ترجمه؟ يعني RAW؟

اي اقصد RAW

 

[Hero]

اخر خبر :yuck:

محتوى مخفي

اضافه على الكلام الي قلته كبل والشكوك في شي جديد واضيفه على النغزات الي بنهايه "المانجا" نير كتب اسم لايت بالنوت وانه ماسنو يطلق عليه وينزف لايت حتى الموت وميكامي ينتحر وحل القضيه هههههههههه مو اذا عندك النوته تقدر تسوي الي قلته؟ شنو يمنعه :yuck:

 

[NSider]

محتوى مخفي

نير كتب اسم لايت بالنوت وانه ماسنو يطلق عليه وينزف لايت حتى الموت وميكامي ينتحر وحل القضيه هههههههههه مو اذا عندك النوته تقدر تسوي الي قلته؟

محتوى مخفي

لايت ما نزف حتى الموت، لكنه نزف حتى تعب لكن اللي قتله هو ريوك. أما أن نير كتب اسم ميكامي عشان يسوي حركته وينتحر.. ممكن جدا وتفسير منطقي لعصيان ميكامي لكلام لايت بخصوص النوت اللي في البنك.

 

[itachi]

شباب الحين باشوف الأنمي ... .....والله متحمس

 

[Kratos]

نهاية المانجا كانت أفضل ، ريوك تصرفه فيها كان جبار

أخبر شابتر نهايته كانت مفتوحة شوي تعطي الكاتب فرصه لو يبغى يكمل المانجا

 

[super buu]

Kuro-Hana is pleased to say that we will be subbing the Death Note Special at this stage.

For those that don’t know what the “Death Note Special” is, here is some information about it.

Death Note Special Information
The upcoming Death Note special broadcast, which was announced during the last episode of the animated suspense television series, will be a three-hour Death Note Director’s Cut: Compete Ending Edition special that airs at 8:03 p.m. on August 31 on Japan’s NTV. It will mainly be a compilation of the confrontations between the vigilante Light and the detective L, re-edited from the perspective of Light’s Shinigami (God of Death) Ryuk. All-new dialogue and soundtrack will be recorded, and scenes will have additional animation that could not be included in the original series. (Taken from ANN)

When will Kuro-Hana release this special?
After it airs on the 31st of August, expect it 2-3 days after.
What is the running time of the special?
As stated above, 3 hours. The length of around 5-6 Death Note episodes.

Does VizMedia have control over this special?
At this stage no, lets hope it stays this way?

Discuss this here or on our forum thread here.

Thanks & See you in a month!

محتاج أترجم ؟
لوَّنت لكم اللي أعتقد يهمكم بالأحمر
والله إشتقت لأيام ديث نوت اللي كنا فيها
ننتظر الحلقة ورا الحلقة TدT

 

[Bounty]

لول النهايه = عاديه


اكثر شي زهقني من المسلسل شخصية نير .. مادري احس داشه عرض بالاينمي (عشان جذي ما احب عبط اليابانيين الي يصير ملاقه ) ولا اشلون جاهل يلعب بالالعاب و يسوي كل هذا .. لول ما راح تصدقون بس كل ما اشوفه يضيق خلقي حيييييل

 

[Monster]

لول النهايه = عاديه


اكثر شي زهقني من المسلسل شخصية نير .. مادري احس داشه عرض بالاينمي (عشان جذي ما احب عبط اليابانيين الي يصير ملاقه ) ولا اشلون جاهل يلعب بالالعاب و يسوي كل هذا .. لول ما راح تصدقون بس كل ما اشوفه يضيق خلقي حيييييل

حرام عليك الحلقتين الاخيرة مره رهيييييبه والنهاية مره حلوه .

 

[Bounty]

حرام عليك الحلقتين الاخيرة مره رهيييييبه والنهاية مره حلوه .

خلاص اوكي نقول النهايه رهيبه .. بس شخصية نير ياخي زهقتني من المسلسل بشكل مو طبيعي بالذات الألعاب الي يلعب فيها لول تحس مادري شلون .. ما اقدر اوصف :yuck:

 

[Shot]

بالذات الألعاب الي يلعب فيها لول تحس مادري شلون .. ما اقدر اوصف :yuck:

معقد نفسياً ؟ :yuck: