Blue Dragon | المـوضـوع الـرسـمـي

[Super Shadow]

لووول ما شاء الله في ناس خلصوا السي دي الأول

أنا لحيني متأخر

بس اللعبة للمرة المليون أقول ابداااااااااااااااااااااااااااااااع :moneymouth: :moneymouth:

 

[m7tram]

بما اني سحبت على اللعبه لان الوحش الاخير الغثيث مو ناوي يموت مع ان كل شخصياتي طاقاتهم 999 -_- , ما يقهرني الا اذا اخذ 4 ادوار ورى بعض شالمصخره .. المهم طنشت اللعبه وقلت طاف لعبت هافلني سورد وخلصتها وقريب باخذ هيلو 3 فقلت قبل لا اخذها خلني اجرب حظي هالمره وعدت الوحش 3 مرات وبالنهايه فزت أخيراااااا وبالحظ لو ما صار Miss من شوو كنت للحين مو مخلصها , فأخيراً خلصتها واللعبه بشكل عام تستاهل واذا اي واحد يحب الاربيجي لازم تكون عنده التقييم الكلي .. 8,3 .

 

[Mario2]

انا سويت لها طاف من نص السي دي الثاني للاسف القصه ما تساعد ابد تكملها -_- .. وشكلها هيلو بتبعدني عن اللعبه اكثر .. شكلها سكيب مره وحده ..

 

[Suzuki Yu]

شباب كيف الواحد يقدر بوسع خانات الشادو لكلاس معين ؟؟؟؟

 

[Colorization]

فايز،

محتوى مخفي

لما تجي لك الشاشة اللي تقول "إختر كلاس جديد حتى تلعب فيه"، إختر الكلاس اللي لإسمه Generalist أو حاجة كذا. هذا كلاس فلة، تقدّم فيه شوية وراح يعطيك skill إسمه "Skill +3"، يخليك تحط 3 خانات إضافية. أنضحك تلفّل بهالكلاس مدة لكل شخصياتك، جدا ً مفيد

 

[Xeno]

أنا واصل الدسك الثالث وماكملت للآن, هيلو 3 وصلت أسرع مما توقعت.

فعلا اللي بيركز على القصة مابيتحمس, أنا أتحمس لاستكشاف المناطق الجديدة والموسيقى والباتلز بشكل عام, مش القصة هي اللي تخليني أرجع أكمل لعب صراحة.

ومبروك فيصل على إنهاء اللعبة, عقبالي.

 

[Colorization]

آنا من زمان ما لعبتها والله، من أول ما وصلت الدسك الثاني ما شغلتها. القصة مو هامتني كثير، صحيح إنها عادية لكني مونّس نفسي فيها (لأني عارف إنها عادية، والحماس عندي يكون بالتلفيل والكلاسز وهالأشياء). اتمنى أرجع لها بأقرب وقت >_<

 

[Super Shadow]

أنا بعد تركت اللعبة شوي بسبب هيلو

بس برجع لها طبعا بعد ما أمل من هيلو

لازم أحلل اللعبة :evil:

محترم

حظك خلصت اللعبة في الوقت المناسب

عموما مبروك

 

[Hwoarang]

OMG
شفتوا الداونلوديبل كونتينت للعبة ...

ما أدري بس من اللي فهمته أن فيه فيه مستويين صعوبة جداد + new game plus

يعني بكذا انحل أكثر مضايقني باللعبة وهو سهولتها

 

[Xeno]

اليوم خلصت اللعبة أخيرا, فـ40 ساعة تقريبا, بصراحة أعتبره انجاز انك تخلص أر بي جي فهذا الوقت بالذات, لازم اتفاخر شوي لول, هذي مراجعة مختصرة:

الجرافكس 8 من 10:

الرسوم ممتازة وتستاهل 9 صراحة, في كثير من النواحي من أفضل ماشاهدت على الـ360, لكن العيب القاتل اللي تم ذكره فالموضوع أكثر من مرة هو الفريم ريت, مايخرب اللعبة, لكن خطأ برمجي لايغتفر. (آرتون *^&*^&%11@)

الأصوات 8 من 10:

أنا طبعا اخترت الاصوات اليابانية, جيدة مافيها شي, بالنسبة للموسيقى تراكات كثيرة روعة ومن أفضل أعمال يوماتسو, اللي مايخليها 9 هو تكرارها حتى لو بريمكس, يعني في 15-20 تراك أساسي, الباقي دمج أو مكس الخ... لكن ممتازة جدا والله.

الجيم بلاي 8.5 من 10:

أعتقد من أقوى عناصر اللعبة, الباتل سستم ممتاز وممتع, والخيارات كثيرة جدا وتشبه ألعاب الـSRPG من ناحية الجوبز والحرية, التجول والاستكشاف جيد جدا, يعيبه عدم التوازن أو الشغل السريع فبعض الأحيان, يعني مثلا مستوى الصعوبة, اللعبة كلها سهلة جدا لين توصل آخر مكان فيها, تتعذب بالـlvling لو ماكنت جاهز.

البرزنتيشن 9 من 10:

فن والله, انتاج كلاسيكي مبدع جدا ومتقن فأغلب النواحي, للأسف كانت بتكون تجربة أر بي جي متكاملة لولا ضعف القصة والشخصيات فأغلب أجزاء اللعبة, القصة تبدأ بشكل جيد وتنتهي قوية "جدا" نهاية climax صراحة, لكن مابين البداية والنهاية في ملل يمكن يخلي الكثير يوقف ويفوت النهاية الممتازة جدا.


8.5 من 10 كتقييم كلي

اللعبة فيها ابداع قوي من ناحية وضعف برمجة (أرتوون) من ناحية أخرى, إذا قدرت تتغاضى عن بعض الأخطاء الفنية مثل الفريم ريت وسهولة اللعبة والقصة البطيئة, فباقي العناصر أكيد بتعطيك تجربة أر بي جي جيدة جدا, اللعبة فيها لمسات كلاسيكية أي أر بي جي فان قديم بيقدرها, بالذات فانز الجوتش, كذلك أشوف اللعبة مناسبة جدا للي بيدخل عالم الأر بي جي الياباني لأول مرة, سهلة و قابلة للتعلم بسرعة.

بعد مبيعات اللعبة الضعيفة فأمريكا اللعبة بتصير برخص التراب في غضون أشهر, أنصح على الأقل تعطيها فرصة قبل لوست أوديسي, حتى بتتحمس أكثر لأوديسي بعد ماتشوف حسنات بلو دراجون والسيئات اللي كان ممكن تجنبها بسهولة لو ماستعجلوا عليها أو كانت عملية التطوير فيد أمينة أكثر من أرتون, مع أنهم أدوا أداء جيد والله, لكن ساكاجوتشي مستوى ثاني, المفروض يتعامل مع فرق من مستواه حتى تطلع ألعابه متكاملة.

 

[Hwoarang]

أنا كنت مستغرب أن ولا واحد حط رأيه عن اللعبة بعد النهاية
حتى أني شكيت أنها تصير مو حلوة بالأخير ... طلع العكس أحلى شئ بـBlue Dragon الـDVD الثالث

حتى بعد النهاية في أشياء كثيرة ممكن تعملها, وزعماء سريين كثاااااار

أبي ألعبها مرة ثانية قريب, أشياء كثيرة تشجع للريبلي هذا غير الاتشيفمينت

 

[GreeN StorM]

أبي ألعبها مرة ثانية قريب, أشياء كثيرة تشجع للريبلي هذا غير الاتشيفمينت

الريبلي فاليو بألعاب الـ RPG بالنسبة لي 0% -_-"
عندي كم أقتراح المفروض يخلون الـ

محتوى مخفي

Mini Games

لها طور خاص فيها يعني لما تخلص اللعبة يصير بالقائمة الرئيسية

محتوى مخفي

Mini Games

، أحسن شي بالـ Dvd الثالث الـ

محتوى مخفي

Mechat ما أقدر أوصف كيف لما تتمشى بعالم اللعبة الرهيب إلي لعبت فيه 30-40 ساعة والمشورة وتقطعها بكل سهولة وسرعة بالـ Mechat ، شئ خورافي صراحة !

 

[Suzuki Yu]

المشكلة ان اللعبة حاليا عندي in hold من الزحمة

 

[Hwoarang]

الدنجن العشوائي موجود بالماركت بليس الآن
400 نقطة

اذا ما كنت غلطان الدنجن كان مجاني بالنسخة اليابانية
المهم
شكلي وراي سهرة اليوم ::

 

[Double T]

شكل راح تكون رفعة لموضوع جامدة خخخخخخ

قبل اسبوع خلصت اللعبة .. والله لعبة خطيره جدا جدا .. الباتل سستم حقها حلو و الجوب كلاسيس خطيرين .. المشكلة الوحيدة الي هي القصة

جبت 100 اتشبفمنت بس .. جبت الاكوبمنت هذي :

Ultimate Weapon Bracelet
Final War Necklace
Dragon Bracelet <<<< خطيييييير مرة .. Shu مركبة صاير قوي
في كمان Item يخلي الواحد اتوماتيك يضرب مرتين اذا سويت اتاك

محتوى مخفي

( زي سكل الDouble Attack )

.. يجي من Shuffle Dungen

الShuffle Dungen خطييير و هو الي مخليني اكمل العب حتى بعد ما خلصت اللعبة ... خلصت الدنجن مرتين و جاني رئيس الله لا يوريكم .. قوي مرة ( لفل الشخصيات و الجوب كلاسيس 68-71 ) و هو الي اعطاني اخر item

الشي الغريب عندي خلفية للعبة حاطها على الجهاز فيها تقويم معلم على 7 December .. في اي شي راح يصير بذا التاريخ ؟!؟!؟! اكسبانشن ؟!؟!

تعديل : شكل قصدهم تاريخ صدور اللعبة .. بس ليش حاطينه مع 2007 خموني

 

[m7tram]

Shuffle Dungen بس جيم بلاي مافيه عروض بسيطه ؟

وبالنسبه لتوقيعك قمه الابداع ليش ناوي تعذبنا .

 

[Double T]

الدنجن مافيه عروض .. في باتلز صعبين .. وحوش تزيد قوة الي معاهم دبل او تربل و هاتك تصفيق .. في وحده من الغرف يكون في رئيس اخير للدنجن يتغير كل مرة تهزمه فيه و الظاهر كل مرة يصير اقوى طبعا .. احلى شي ان الأيتمز تقدر تستخدمها خارج الدنجن ( الا بعضها )

بالنسبة للتوقيع .. الحال من يعضه خخخخخ .. ما حطيته الا انا متعذب خلاص .. لعبة و شخصيات ما تنسى ابدا ابد

 

[hyuga neji]

شباب ادري الموضوع صارله فتره وتوني رفعته

ودي اعرف اذا احد الحين يالعب اللعبه بالمنتدي؟

اتوقع بس فايز ويليت لو يرجع يكملها كينجي ومبروك للي خلصوها

انا الحين واصل ال ديفيدي الثاني عندPachless Town وصارلي 24ساعه وللعلم ثاني لعبت ار بي جي العبها بحياتي يعني نوب بالمره بالنوعيه هذي من الالعاب:cooool: تصميم المدينه عجيب والله حرام اللعبه ماتنلعب وتطوف

عروض ال سي جي روعه وبعض المرات ماتفرق بينها وبين الريل تايم الجرافيكس يعطيك حماس والله العظيم بعض المرات اقط الكنترول بس اشوف روعه المكان او المنظر وبنتظار لوست اودوسي مورمور عجيب يطيح بمواقف غلط واجد:yuck:

بس ودي اعرف كم شغله متي اقدر اطلع سمون بنهايه ال ديفيدي الثاني وللحين ماطلعت سمون :cryy:

وانشاءالله بحاول اخلصها قبل الجمعه لان بسافر^^

 

[Super Sonic]

شباب ادري الموضوع صارله فتره وتوني رفعته

ودي اعرف اذا احد الحين يالعب اللعبه بالمنتدي؟

اتوقع بس فايز ويليت لو يرجع يكملها كينجي ومبروك للي خلصوها

انا الحين واصل ال ديفيدي الثاني عندPachless Town وصارلي 24ساعه وللعلم ثاني لعبت ار بي جي العبها بحياتي يعني نوب بالمره بالنوعيه هذي من الالعاب:cooool: تصميم المدينه عجيب والله حرام اللعبه ماتنلعب وتطوف

عروض ال سي جي روعه وبعض المرات ماتفرق بينها وبين الريل تايم الجرافيكس يعطيك حماس والله العظيم بعض المرات اقط الكنترول بس اشوف روعه المكان او المنظر وبنتظار لوست اودوسي مورمور عجيب يطيح بمواقف غلط واجد:yuck:

بس ودي اعرف كم شغله متي اقدر اطلع سمون بنهايه ال ديفيدي الثاني وللحين ماطلعت سمون :cryy:

وانشاءالله بحاول اخلصها قبل الجمعه لان بسافر^^

محتوى مخفي

يطلعلك عداد فوق الشخصية ... لمن يتملأ حيقلك Ready to go
طبعا كل ما تخلص فايت العداد هذا يتصفر .. اسم العداد Tension ان ما كنت غلطان

 

[Colorization]

-_-

لعبت من بداية الدسك الثاني إلى الأندرجراوند دنجن بمدينة العمالقة (نسيت إسمها)، عند الـboss حشت واير الجهاز بالغلط وطفى. مقهور، ساعتين grinding راحوا عالفاضي.

المهم، كم ساعة تقريباً باقي لي حتى نهاية اللعبة؟ بختمها قبل لا آخذ لوست أوديسي حتى لو تأخرت بلعبها.

 

[ryo hazuki]

هل احد نزل الشفل دنجن ؟؟

و قدر يفتح الترجر الي فيه ؟

مااتوقع

 

[Hwoarang]

كولو
ما اذكر المكان اللي واصل له, بس الدي في دي الثاني والثالث أقصر من الأول بالـmain quest
مدة اللعبة كلها 30 ساعة وزيد عليها شوية ساعات ...

هل احد نزل الشفل دنجن ؟؟

و قدر يفتح الترجر الي فيه ؟

مااتوقع

داخل الدنجن نفسه فيه صناديق ما أعرف كيف تفتح للآن
بس خارج الدنجن فيه صندوق لوحده, اذا تقصد هذا فإيه فتحته ...
هذا اللي تقصده ؟

 

[Xeno]

ماباقي لك شي كولو, بس قبل لاتدخل آخر منطقة, سوي كم من سايد كويست وحاول تخلي شخصياتك لفلها على الأقل 50 حتى ماتتعذب داخل.

 

[Double T]

كولو
ما اذكر المكان اللي واصل له, بس الدي في دي الثاني والثالث أقصر من الأول بالـmain quest
مدة اللعبة كلها 30 ساعة وزيد عليها شوية ساعات ...


داخل الدنجن نفسه فيه صناديق ما أعرف كيف تفتح للآن
بس خارج الدنجن فيه صندوق لوحده, اذا تقصد هذا فإيه فتحته ...
هذا اللي تقصده ؟

كيف سويتها لأن ما كملت الدنجن ( الشريط مو حقي خخخخخخخخخ ) .. اذا كان الحل اني اكمل العب في الدنجن خليني اكمل .. اذا غير كذا قلي ؟

 

[Hwoarang]

كيف سويتها لأن ما كملت الدنجن ( الشريط مو حقي خخخخخخخخخ ) .. اذا كان الحل اني اكمل العب في الدنجن خليني اكمل .. اذا غير كذا قلي ؟

يس كمل لعب بالدنجن مرة بعد مرة إلى أن ...

 

[ShinShadi]

حلو الموضوع أترفع ..
أنا خلصت السايد كويست كلها و قاعد أطقطق على الأشيفمينت و ما أبغى أدخل على ناني .. السؤال هنا ..
* لازم أخلص اللعبة عشان أدخل الشفل دنجن ؟ ولا عادي أحمله و ألقاه في الخريطة دايريكت ؟
* لما أخلص اللعبة و أبداء بداية جديدة ( New Game Plus ) .. هل رح أحتفظ بحالتي ( الليفل - المال - الأدوات - إلخ ) ..

 

[ryo hazuki]

عشان الشفل دنجن عادي تنزلها اي وقت و بتطلع في الخريطه


و فيه حركه سهله عشان تلفيل الجوب

روح ل اليزر فيلد .... فيه مكان مغلق و الوحوش الورديه ماتخلص كله تطيح من فوق

البس الفيلد بارير و خلك في المكان هذا و على طول بتلفل 99

الفيلد بارير 3 احسن لانها لما تقتل وحش واحد تشل منك 1mp

 

[ShinShadi]

عشان الشفل دنجن عادي تنزلها اي وقت و بتطلع في الخريطه


و فيه حركه سهله عشان تلفيل الجوب

روح ل اليزر فيلد .... فيه مكان مغلق و الوحوش الورديه ماتخلص كله تطيح من فوق

البس الفيلد بارير و خلك في المكان هذا و على طول بتلفل 99

الفيلد بارير 3 احسن لانها لما تقتل وحش واحد تشل منك 1mp

بالنسبة لتلفيل الجوب .. شكلها حركة سهلة .. رح أجربها ( مع أنه ما بقى كثير ) ..
بس السؤال الثاني هذا كيف وضعه .. يعني رح أحتفظ باليفل تبعي مع النيو جيم ولا رح "يسحبوا" علي :suspiciou ..

 

[q8 spy]

توني خلصت الدي في دي الأول

بــ 14 ساعه

اللعبه عاجبتني حييل

 

[Snake-87]

توني خلصت الدي في دي الأول

بــ 14 ساعه

اللعبه عاجبتني حييل