hits counter

Blue Dragon | المـوضـوع الـرسـمـي

بادئ الموضوع #1
بسم الله الرحمن الرحيم​





Blue dragon تأتي من تطوير ياباني 100% .. فهي من نوع نستطيع القول بأنه قليل الوجود في هذا الجيل و هذه هي البدايه الحقيقيه لإبداع و سحر JRPG Fans بهذه اللعبه الرائعه .. سوف اقوم بتقسيم الموضوع و جعله سهل للقرائه و سيكون هذا الموضوع الرسمي بإذن الله للعبه الى حين صدورها و مناقشه أحداث اللعبه و طرح المساعدات في هذا الموضوع ..​




~~~~~~~~~~~





"Blue dragon لعبة سحرت كل من شاهدها لأول مره .. فدعوها تسحركم أكثر .. "​





~~~~~~~~~~~




القصة


بطل اللعبه Shu مع رفاقة يسعون لوقف مخططات NeNe الشرير .. الذي بدوره يريد اعادة قوى سحرية قد اندثرت منذ قديم الأزل و استعمالها لنجاح مخططاته ..


*كما نرى قصة بسيطه ولكن الكلام يبدأ بقصة كل شخصية من شخصيات اللعبه و احداث اللعبه الرائعه من قرائتي لإنطباعات اللاعبين ..




~~~~~~~~~~~





"الأب الروحي للعبة Final Fantasy يترأس التطوير في هذة اللعبه "​





~~~~~~~~~~~







نقاط معلومات


1) اللعبة من نوع الRPG

2) اللعبه تتكون من 3 اقراص DVD

3) مدة اللعبه تتراوح ما بين ال45 ~ 60 ساعه

4 ) تم اصدار دنجن عشوائي للنسخة اليابانية بشبكة الLive كأضافة ولا نعلم ان كان متوفر في النسخه الأمريكيه أم لا

5) تستطيع في النسخه الأمريكيه جعل الأصوات يابانيه مع سبتايتل بالإنجليزي لضمان جودة صوت الشخصيات في اللعبه​

6) في عالم Blue Dragon البشر لديهم ظلال سحرية

7) يوجد في اللعبه 200 ظل سحري تستطيع تركيبة على شخصيتك .. حيث تختلف الظلال بنوعيتها عن الاخرى و تقسم هذه الظلال على خمسة مجموعات
.. dragon, minotaur, phoenix, bat and tiger ..

~~~~~~~~~~~


غلاف اللعبه الأمريكي



الناشر : Microsoft Game Studios
المطور: Mistwalker
موعد الإصدار : 2007\8\28 (النسخه الأمريكيه)




~~~~~~~~~~~


Credits​

Game Design Hironobu Sakaguchi
Character Design Akira Toriyama
Music Composer Nobuo Uematsu
Shu (Japanese Voice) Marina Inoue
Kluke (Japanese Voice) Ayako Kawasumi
Jiro (Japanese Voice) Kouki Miyata
Zola (Japanese Voice) Houko Kuwashima
Marumaro (Japanese Voice) Etsuko Kozakura
Nene (Japanese Voice) Norio Wakamoto
Szabo (Japanese voice) Tessho Genda
Shu (English Voice) Mona Marshall
Kluke (English Voice) Tara Strong
Jiro (English Voice) Steve Staley
Zola (English Voice) Cindy Robinson
Marumaro (English Voice) Nika Futterman
Nene (English Voice) Richard Herd



~~~~~~~~~~~







تقاييم اللعبه : http://www.gamerankings.com/htmlpages2/927950.asp





~~~~~~~~~~~




بعض من صور في اللعبة توضح ابداع الجرافكس فيها​







اخيرا و ليس آخراً .. اتمنى لكم الاستمتاع بأول مشروع RPG حقيقي في هذا الجيل ..



وشكرا على القرائة .. :)



السلام عليكم و رحمة الله وبركاته​
 
التعديل الأخير:

Solay

Double Jumper
#2
موضوع مرتب ماشاءالله وهاللعبه اكثر لعبه محتار اخذها وإلا لأ

إلا اقول هي تحتاج لغة؟؟ وللمعلوميه اظن ان هالغلاف موب الأمريكي أظن موب متأكد
 
#3
تسلم يوسف , حدي متحمس للعبه آر بي جي ترضي ذوقي لاني مو من النوع الي يلعب آربيجي بكثره بس القليل منها والي مستواه عالي , باقي تقريبا 19 يوم :) .
 
بادئ الموضوع #4
موضوع مرتب ماشاءالله وهاللعبه اكثر لعبه محتار اخذها وإلا لأ

إلا اقول هي تحتاج لغة؟؟ وللمعلوميه اظن ان هالغلاف موب الأمريكي أظن موب متأكد


اللعبه تحتاج لغة طبعا لأنها RPG ..


بالنسبه للغلاف لا هو امريكي و رسمي 100% .. و شكرا :)



تسلم يوسف , حدي متحمس للعبه آر بي جي ترضي ذوقي لاني مو من النوع الي يلعب آربيجي بكثره بس القليل منها والي مستواه عالي , باقي تقريبا 19 يوم :) .

اي والله من زمان ما لعبنا لعبة RPG مستوى :( .. يالله هانت :yuck:
 
#5
إذا مادري ويش ماسوت لها هايب مادري ويش حنا نسوي لها هايب بلو دراجون << قريبا بتواقيع الأعضاء لبلو دراجون :p
 
#6
من فترة بسيطة كرهت اللعبة مادري اعتقد انها مملة او شيء من هذا القبيل ..
طلعت من تفكيري لوول ..

بس اول ما اعلنو عنها سحرتني بالفعل ..
تصميم الشخصيات فيها رهيب جداً و الجرافكس ابداع ..

يوم تنزل بشوف أراء الشباب افضل شي ..
شكراً على الموضوع ^_^ ..
 
#7
بالمناسبه اللعبه نزلت يقولون النسخه الأمريكيه منها بس كوبي !؟

صحيح هالكلام عشان نشتريها ونعطيكم الإنطباعات ^ـ^
 
#8
^ صح بس مو النسخه الامريكيه الي نزلت النسخه الآسيويه كلام ياباني بس في سبتايتل انجليزي يعني يمشي الحال :) .
 
#9
يعطيك العافية باونتي :) .
في انتظار انطباعات الشباب هنا ، اكيد أول ما أجيب الجهاز باخذ اللعبة معه .


وسالفة أنك تقدر تحط voice acting ياباني أحلى شي . حسب ما قريت من انطباعات الديمو أن التمثيل الصوتي الإنجليزي سيء!
 
#10
^ صح بس مو النسخه الامريكيه الي نزلت النسخه الآسيويه كلام ياباني بس في سبتايتل انجليزي يعني يمشي الحال :) .
تمام إذا رحت الرياض السبت الجاي إن شاء الله بحوس الرياض كلها وان لقيتها شريتها وعطيتكم إنطباعاتي مع تصوير كامل ^ـ^ !! صراحه متحمس لها !
 
#11
لول من زمان ما لعبت decent RPG. حتى الجيل اللي طاف كان سيء عندي، وعدت فف8 وبريث أوف فاير3 عشان أستمتع فيهم، ألعاب الـRPG مفتقدة الأوريجيناليتي بشكل كبير.. متحمس لها لكن باخذها متأخر، هالفترة هذي مزحوم حيل حيل :\

إذا مادري ويش ماسوت لها هايب مادري ويش حنا نسوي لها هايب بلو دراجون
ومن قال إنه بلو دراجون مالها هايب؟ شكلك بديت تتابع اللعبة من يومين.



وأخذوا award على الإعلان هذا.
 
بادئ الموضوع #12
لول من زمان ما لعبت decent RPG. حتى الجيل اللي طاف كان سيء عندي، وعدت فف8 وبريث أوف فاير3 عشان أستمتع فيهم، ألعاب الـRPG مفتقدة الأوريجيناليتي بشكل كبير.. متحمس لها لكن باخذها متأخر، هالفترة هذي مزحوم حيل حيل :\


ومن قال إنه بلو دراجون مالها هايب؟ شكلك بديت تتابع اللعبة من يومين.



وأخذوا award على الإعلان هذا.


هلا محمد نورت الموضوع والله ^^ .. و ثانكس على التوقيع :)


بالنسبة للي قلته اللعبه لها هايب كبير بين مقتنين الـ360 و الكل عارفها اكيد بسبب انجازاتها باليابان .. و جائزتها كأفضل دعاية الي تفضل الأخ محمد و حطها لنا ..

وكافي تواجدها الغير منقطع في مؤتمرات مايكروسوفت ..
 
#13
لول من زمان ما لعبت decent RPG. حتى الجيل اللي طاف كان سيء عندي، وعدت فف8 وبريث أوف فاير3 عشان أستمتع فيهم، ألعاب الـRPG مفتقدة الأوريجيناليتي بشكل كبير.. متحمس لها لكن باخذها متأخر، هالفترة هذي مزحوم حيل حيل :\


ومن قال إنه بلو دراجون مالها هايب؟ شكلك بديت تتابع اللعبة من يومين.



وأخذوا award على الإعلان هذا.
شفيك اتطنز ! :yuck:
 
بادئ الموضوع #14
شفيك اتطنز ! :yuck:


اذا كان قصدك عن سالفة الجائزه من هالأعلان ترى هالاعلان فعلا اخذ جائزه بسبب فكرته الحلوه و المناسبه لفكرة اللعبه "الظلال للشخصيات" .. يعني تفكر بالإعلان له اكثر من مغزى :::wink:::
 
#15
للاسف الديمو كان سيئ بالنسبه لي .. ممكن تقدم لي قصه وموسيقى بس كجيم بلاي انا ماعجبني ..احتمال المشكله من الديمو بشوف المراجهات بشكل اكبر + اراء اللي جربوها ..
 

dingo

Hardcore Gamer
#16
تسلم ادينك يوسف على الموضوع الحلوو والمرتب ...........

بلودراجون هذي من اكثر الالعاب اللي انا ناطرها ...حييييل...... وايد اتذكرني بدراجون بولز :p

متى اشوف اللعبة بين ايدي بس :)
 
بادئ الموضوع #17
للاسف الديمو كان سيئ بالنسبه لي .. ممكن تقدم لي قصه وموسيقى بس كجيم بلاي انا ماعجبني ..احتمال المشكله من الديمو بشوف المراجهات بشكل اكبر + اراء اللي جربوها ..


صدقني الديمو (مع اني ما جربته) بس حتى فانز اللعبه كرهو اليوم الي العبو فيه الديمو لأنه

- كله سبويلرز
- معطينك كل الشخصيات !!
- معطينك كل الحركات !!


و قاطينك بمكان بعيد وانت مو فاهم شنو الطبخه من الاساس ..


انت اخذت انطباع سيء من الديمو .. انطر اقرى مراجعات المواقع الكبيره و المضمونه و اسمع آراء الي العبو باللعبه الكامله و شوف التقاييم .. بعدين قرر .. وانا اضمن لك من الحين انها بتكون قنبله :yuck:
 
#18
انا العب اللعبة حاليا (ادري ... تبون الحق ما قدرت اصبر ماشي العاب ار بي جي!)

اللعبة ممتازة...سرد القصة حلو و نظام المعركة ممتاز

حتى بعد ما لعبت الديمو الديمو كان تقريبا كله جيم بلاي لا تنسون اهم شي فلعبة الاربي جي هو القصة.. القصة تجذب للحين بس بعد عشر ساعات... حاس ان القصة بعدها ما بدت و اتوقع صدمات

انا من ناحيتي اللي شجعني العبها الحين هو التمثيل الصوتي الياباني الصراحة ممتاز.

اللعبة حلوة و اي حد يحب الاربي جي لازم يجربها على الاقل قبل لا يحكم(الديمو ما عجبني و كرهت اللعبة , جربتها الحين و انا حابنها)
 

Naif

Executive Member
#19
اللعبة حلوة و اي حد يحب الاربي جي لازم يجربها على الاقل قبل لا يحكم(الديمو ما عجبني و كرهت اللعبة , جربتها الحين و انا حابنها)
ممتاز.. طمنتني.. (كرهت الديمو)
 
بادئ الموضوع #20
انا العب اللعبة حاليا (ادري ... تبون الحق ما قدرت اصبر ماشي العاب ار بي جي!)

اللعبة ممتازة...سرد القصة حلو و نظام المعركة ممتاز

حتى بعد ما لعبت الديمو الديمو كان تقريبا كله جيم بلاي لا تنسون اهم شي فلعبة الاربي جي هو القصة.. القصة تجذب للحين بس بعد عشر ساعات... حاس ان القصة بعدها ما بدت و اتوقع صدمات

انا من ناحيتي اللي شجعني العبها الحين هو التمثيل الصوتي الياباني الصراحة ممتاز.

اللعبة حلوة و اي حد يحب الاربي جي لازم يجربها على الاقل قبل لا يحكم(الديمو ما عجبني و كرهت اللعبة , جربتها الحين و انا حابنها)


لول الحمدلله واحد لعب اللعبه الكامله و دخل معانا بالموضوع ..

نتمنى اذا عندك وقت و دخلت بعمق اللعبه تكتب لنا انطباعاتك بشكل مفصل بدون سبويلر .. وياليت بالتفصيل الله لا يهينك .. :)
 
#21
لول الحمدلله واحد لعب اللعبه الكامله و دخل معانا بالموضوع ..

نتمنى اذا عندك وقت و دخلت بعمق اللعبه تكتب لنا انطباعاتك بشكل مفصل بدون سبويلر .. وياليت بالتفصيل الله لا يهينك .. :)
حاليا ماقدر اقول انطباعاتي انا تقريبا في نص الديسك الاول من اصل ثلاثة يعني يا دوب 10% مخلص اللعبة.. لكن هذا اللي وصلتله الحين

اسلوب اللعب كلاسيكي (و شي حلو صارلي فترة ما لعبت جذي)

فيها وايد من عناصر فاينل فانتسي و هذا شي متوقع.. سرد القصة حلو و يجذبك

القصة حاليا شوي طفولية...يعني مافي شي جدي زيادة عن اللزوم للحين الوحوش مكررين اكثر من العادة بشوي.

نظام المعارك واظح من الديمو انه ممتاز و فيه شوي من الاستراتيجية(عداد الcharge تقدر تخليه كdelay لحركتك مثلا:الوحش مسوي charge لضربة قوية على فريقك تخلي شخصية تعالج و تسوي charge للدور اللي بعد الوحش من غير ان في زيادة بقوة العلاج)

اللعبة الdownside للحين هو طفافة القصة شوي لكن

اللعبة من تلعبها صعب تهد الجهاز :smile:
 
#22
جزاك الله الف خير اخوي باونتي على الموضوع الجميل اللي يفتح النفس للقرايه
جدا والله لولا الله ثما انت ما كان تغيرت نظرتي ل بلو دراجون ابدا من خلالا تقريرك وردود الشباب فهمت عدل الحين .

والله من كلام اخونا سانجي يان ان القصه تجذب الواحد والصوت الياباني غير مراا
والاحداث مشوقه هذا الامور كلها كافيه لتغيير رائي ناهيك عن الجيم بلاي.

احب اشكر كم اخواني انا رسميا شاري لعبة بلو دراجون.
 

NSider

Contributing Editor
#23
أنا شخصياً ما اهتميت كثير بسلبيات الديمو ومراجعة EGM السخيفة. في ناس أثق بكلامهم مدحوا اللعبة لما نزلت في اليابان.. وهذا يكفي بالنسبة لي.

وعلى فكرة يقولون أن القصة عادية مرة، يعني لحد يتوقع شي كبير. قوة اللعبة في الاستكشاف ونظام الباتل. فوق كذا الموسيقى ممتازة، والجرافيكس خطير.
 
#24
انا خلصت اللعبه

وكانت روعه بالنسبه لي

ما فيها اي تعقيد ... فيها ذكااء ... القصه حلوه .. باختصار اللي يحبون الار بي جي

لازم بيشترونهاا :laugh:
 
#25
انا خلصت اللعبه

وكانت روعه بالنسبه لي

ما فيها اي تعقيد ... فيها ذكااء ... القصه حلوه .. باختصار اللي يحبون الار بي جي

لازم بيشترونهاا :laugh:
توي قاعد أشوف بروفايلك, معقول انهيتها والاتشيفمينت 50 ؟

هذا لوحده شئ يحمس لأنه ممكن يعني أن اللعبة شغلات كثيرة لتعملها (أو بكلمة ثانية deep)
ذا الشئ يعجبني جدا بألعاب الـRPG
 
#26
متحمس جدا للعبة مع إترنال سوناتا :laugh: ..

اول مالعبت الديمو ماعجبنتي بالمرة وتركتها، لكن اليوم الثاني كنت ابي العبها وبعدها صار إدمان إلى ان مسحت الديمو غصب عشان لا امل منها ..

هاورانح
لعبة بيرفكت دارك إذا خلصتها تحصل على 10 نقاط اتشفمنت بس P:
 
#27
متحمس جدا للعبة مع إترنال سوناتا :laugh: ..

اول مالعبت الديمو ماعجبنتي بالمرة وتركتها، لكن اليوم الثاني كنت ابي العبها وبعدها صار إدمان إلى ان مسحت الديمو غصب عشان لا امل منها ..

هاورانح
لعبة بيرفكت دارك إذا خلصتها تحصل على 10 نقاط اتشفمنت بس P:
:cryy: .........
 
#28
بونتي يعطيك العافيه على هالتنظيم المميز :::wink:::


شباب أنا لعبت الديمو وضاق خلقي :(


لكن ماعليه ننطر اللعبه

ماراح أشتريها إلا لما أجربها
 
#29
توي قاعد أشوف بروفايلك, معقول انهيتها والاتشيفمينت 50 ؟

هذا لوحده شئ يحمس لأنه ممكن يعني أن اللعبة شغلات كثيرة لتعملها (أو بكلمة ثانية deep)
ذا الشئ يعجبني جدا بألعاب الـRPG

هوارنج اقرا الاشيفمنت على شان يشيب راسك ^_~
خخخ
 
#30
هوارنج اقرا الاشيفمنت على شان يشيب راسك ^_~
خخخ
الـSecrets وايدين ...
بس فيها شغلات حلوة

- أقتل الزعيم السري
- أحصل على أقوى سلاح وأقوى أداة
- max lv لكل الشخصيات

يعني اللعبة ماشية على الطريقة الكلاسيكية
كشخة ...