--
ارمز لعبه عميقة اكثر مما تبدو .. لعبك لابد ان يكون منوع وحتى اختيارك للارمز .. انا لساتني ما احب اخرج من ال comfort zone بس صرت اتجرا واقعد انوع بالاسلحة بحسب الخصم الي قدامي .. الخصم الي مثلا يستخدم سلاح المطرقة او اي سلاح ثقيل لو عانيت معاه حاول انك تلعب ضده بالاسلحه عندها رينج وبعد عنه قدر المستطاع ..
اسلحة التنين اي واحد لو عانا ضدها .. خلي لعبك دفاعي وانتظره يهجم بكل اليدين وبعدها اهجم او استخدم المسك كثير .. اسلحة التنين بطيئة وهذي احد عيوبها الكبيره ..
فيه خصم قابلته استخدم باليدين الارمز الي تعمل curve .. عانيت معاه جدا لحد ما اكتشفت ان المراوغه الاماميه والاسلحة الي تضرب في المنتصف مهمه لو قابلت ارمز من هذا النوع والعكس كمان لو عانيت من الاسلحة العادية .. اختار على الاقل سلاح واحد فيه ميزه ال curve !
اكثر خصم ابهرني بمين مين .. طبعا مين مين يدها اليسار تتحول تنين وتظل مشحونه لفتره طويله .. الانسان ذا اختار سلاح فيه ميزه الثلج .. حرفيا من بدايه اللقاء ضربني بيده اليسار وجمدني .. ظل على هذي الطريقة وانا ماني قادر اتحرك خطوة واحده لحد ما فاز :emoji_cold_sweat:
الاسلحة الي فيها ميزه الثلج بشكل عام قاتله لو عرفت تستخدمها بهدوء !
بالمناسبه الحلبات باللعبه ضروري تعرف تستخدمها .. بشكل عام دايما حاول انك تكون اعلى من الخصم .. حلبة السبرينج مان الي في الصوره فوق تقدر تعمل من حوافها دبل جمب وتضرب الخصم .. الطريقة هذي ممتازه !
حلبه ميكانيكا .. دايما استغل الافضلية انك تكون اعلى من الخصم هذا الشي مهم باللعبه .. انا افضل هنا تختار اسلحة عندها رينج لمسافات بعيده لان اغلب الخصوم لما يشوفك اخذت المكان الي بالاعلى وما قدر عليك يحاول يضربك من بعيد !
حلبة الروبين جيرل .. ممكن تكون مزعجة بس نفس النصيحة حاول دايما تصعد فوق المربعات الي تطلع بشكل عشوائي او حتى تضرب من خلفها .. ضرباتك تقدر تخترقها بدون ما يشوفك الخصم !
النيجارا .. لا تقع بالفخ وتبدا تهاجم وانت اسفل الدرج .. لو بدات هناك ضروري تاخذ مكان خصمك بالاعلى .. بس غالبا هذي الحلبة الصراع يكون في اخرها بمنطقة ضيقه !
حلبة مين مين .. نفس الكلام فوق انتبه تكون وحدك بمنتصف الحلبه .. ومره ثانيه لو الخصم كمان عارف افضلية الحلبة اللقاء غالبا ينتهي في منطقة ضيقه على حوافها خاصة لو واحد منكم ما عنده سلاح يوصل لمسافات بعيده !
اللاب .. حلبة المعاق :emoji_grin:
الحلبة هذي رهيبه .. تقدر تحمي نفسك بانابيب الزجاج من ضربات الخصم .. شيئين دايما اسويهم اضرب الخصم ومباشره ارواغ خلفها .. الشيء الثاني دايما اخذ الاسلحة الي تلتف واضرب الخصم وانا متخبي خلفها ..
مره لعبت ضد واحد بالنت .. جالس يكسر فيها من يوم بدا اللقاء .. انا احاول اضربه وهو يكسر .. طفشت ورحت اكسر معاه لين ما انتهى الوقت ههه .. بعض الناس فاضيين ..
حلبة الميمي .. لو مسكت الخصم باستمرار وضربت منتصفها راح تنكسر ويطلعلك زي الترامبولين .. القفز فيها بيعطيك افضلية بس نصيحة لا تحاول كثير .. الخصم هنا سهل يضربك لو ما ركزت على المراوغه بسبب ضيق الحلبة !
السينما .. حلبة تونتيل .. القفز على كبوت او شنطة السيارة بخليك تقفز اعلى .. الميزه هذي دايما تعطي الافضلية للي يستغلها .. اقفز على السيارة واضرب مباشره لو الخصم ما قفز معاك !
حلبة بايت وبارك .. نفس ميزه اغلب الحلبات .. الحواف ضيقه هنا ونصيحة لما يسقط الخصم استخدم المسك مباشرة اول ما يقوم .. مرات كثيره بتصيده خاصة على الزوايا لو حشرته !
اخيرا حلبة الكوبرا .. اذا حاولت انك تخوض اللقاء بدون ما تستخدم المنصة عكس الخصم اعرف انك بنسبة كبيره جدا راح تخسر .. في هذي الحلبة اول شي حاول باي شكل من الاشكال انك ما تسقط من المنصة .. وتعرف تتحكم فيها لا تققز مرتين لانك كذا بتخرج منها !
الشيء الثاني خلي هدفك انك تسقط الخصم من المنصة .. واذا سقط اقفز مباشرة لمنصته عشان تحرمه منها .. صدقني بهذي الطريقة الفوز مضمون .. ضروري تستخدم اسلحة سريعه وهاجم بالسلاحين بدون ما توقف .. انا بعد ما قلت انها حلبة كريهة .. عرفت استخدمها وصار اغلب فوز فيها !
--
طبعا اغلب النصايح الي فوق ممكن ما تفيد البعض والبعض الاخر يفضل يركز على مهاراته اكثر من استغلال افضلية الحلبة .. تظل مهاراتك باللعبه اهم من اي شي ثاني .. عن نفسي انا كنت في رانك ٩ لفترة طويلة .. من يوم ما بدات انوع نوعا ما بالاسلحة وعرفت افضلية الحلبات .. بجلستين قربت من الرانك ١٣ !
