وش اللي يشجعني اشتري PS4 في هالفترة

[ABUALI]

السلام عليكم

انا كل ما أنوي اشتري ps4 يجي في بالي ان الالعاب حاليا اللي فيه ما تشجع الواحد ينتقل للجيل الجديد عدا ميتل جير5 وهي قصيرة

في كفة ثانيه الps3 عندي اخترب من لاست اوف اس لذلك احس روحي خسران الفترة هذي من الجيل السابق وللحين بصراحه ماشبعت من الps3 ويجي في بالي حيره بين الps4 والps3

الآن اللي ابغيه في هالموضوع نصيحه بخصوص.... اترك كنوز الجيل السابق وادخل في الجيل الحالي من الآن او اصبر سنة وامشي روحي بالجيل السابق واخسر تجربه mgsv بال60 fps?

 

[lightq8]

Infamous هالشهر وهي اهم لعبه نكست جن حقيقية

 

[khalid-xs]

وللحين بصراحه ماشبعت من الps3

الجيل الجديد ملحوق عليه

 

[سامح عصام]

احسن شي استنا العاب the order و MGS5 ولما ينزل بندل توفيري وتوكل على الله لانه ال PS4 ما يتعوض

 

[منتقي]

اممم

أنا سبب شرائي لــ Ps4 هو فيفا 14 للجيل الجديد

لكن إذا فيه سبب تشري الجهاز عشانه الحين هي لعبة ميتال جير جراوند زيروز خاصة ان الكوليتي مختلف عن باقي نسخ المنصات الاخرى

 

[ifahadx]

اكبر سبب هو انفيموس وتجي بعدها كيلزون اذا كنت من لاعبين الاونلاين
لكن حتى البلاي3 اشوفة مع العاب البلص القوية اللي نزلت الفترة الاخيرة صار لازم ترجع وتلعب فية

اذا كان لازم تختار واحد فاختار البلاي3 لكن لا تشتري اي لعبة من العاب الملتي وخليها بعدين اذا اشتريت البلا4

 

[Don JoKer]

ما يبغالها سؤال .. بس3 طبعا!

الجيل الجديد لسة ماطلع كل الي عنده, وبالمقابل تنتظرك روائع كثيرة في الجيل القديم
فـ ليش الاستعجال ؟ الجهاز مو طاير في النهاية

 

[YazeedVx]

مع واتش دوقز في 27 مايو راح يكون وقت حلو اشوف

 

[Veeto]

انا في حالة مقاربة .. بس البلاي 3 تبعي للحين حي يرزق .. فما افكر بالانتقال للجيل الجديد الا مع سيستم سيلر حقيقي - في حالتي ميتال جير -

اول سؤال تساله نفسك .. انت من اي نوع من الجيمرز .. اللي يحب الالعاب الحصرية .. او تحب العاب الملتي
اذا تبي البلاي 4 علشان العابه الحصرية والعاب استوديوهات سوني .. انتظر لين ما تشوف مستوى انفيموس و ذا اوردر ودرايف كلوب
هذولا بينزلون من شهر مارس الى مايو تقريبا .. اما اذا انت من محبي ومشتري العاب الملتي بكثرة .. فحاليا البلاي 4 خيار مناسب
كون كل العاب البلاتفورم .. نسخها الافضل .. على البلاي 4

يعني لو انا من محبي وعشاق كود او فيفا او اساسين كريد او باتلفيلد .. 100 % .. كنت بشتري البلاي 4 بوقت اصداره

 

[No Longer Human]

ps3 أكيد
الحق على نسخة slim قبل ما تنقرض

 

[L.O.R.D]

اذا تبغى تفكر تأخذ اي شيء للجيل الجديد..فكر بهذه الطريقة :
انك رح تخليه المنصة الرئيسية لك
اي اذا كانت هناك لعبة من جيل سابق وموجودة على الجيل الجديد..خذها للجيل الجديد
بالنسبة لي...مافي اي شيء يجبرني على شراء الجيل الجديد...إلا التضحية بالجرافيكس

 

[S n A k e]

انا شاري PS4 من عشر ايام ولا فتحت الكرتون حقه .. .مافي اي لعبة حصرية محترمــــــة تخليني العب فيه ... مافي الا انفيموس اللي بتنزل في 21 مارتش ... وغموض كامل عن الحصريات القادمة مثل انتشارتد وذا اوردر اذا بتنزل السنة هذه او لا...

لكن ال Xbox One عندك FORZA 5, Dead Rising, Ryse, Titen Fall, وكيلر انستنت .. Plants VS zombie غير حصريات الليجند في فيفا 14 ودي ال سيات تنزل قبل على XB1 وغير حصريات اخر السنة اللي جاية .... ودعم مايكروسوفت بالابديتات ... ابديت مارتش وابديت فبراير وابديت شهر ابريل .. كل ابديت اضافات مميزات ... يعني الى الان انا راضي جدا عن اداء مايكروسوفت .. والمنافسة مطلوبة جدا ... وبما ان البي اس 4 مبيعات تعدى بمراحل على الاكس بوكس ون لكن هذا مايقلل ابدا من الاكس بوكس ون والعاب وحصرياته والدعم ...

 

[hussien-11]

و عليكم السلام

البلاي3 ما يسوى حالياً إلا اذا عندك اهتمام ببيرسونا5 و الـJRPG بشكل عام، كونك وصلت هالمرحلة مع الجهاز معناته لعبت كل شيء مهم و ما فاتك الكثير، للأمانة شراء الجهاز الجديد غالباً أفضل من شراء الجهاز القديم في رأيي، شوفلك طريقة تلعب فيها لاست اوف أس اذا ما خلصتها و روح للبلاي4 مع متل جير و انفيموس، عاجلاً أم آجلاً الكل بياخذه، واضح جداً انه بيكون جهاز الجيمرز الأساسي هذا الجيل.

 

[Raulioo]

الجهاز اخترب خراب نهائي؟ اذا كان مجرد اللمبات الصفر فحاول تصليحه، ما يسوى عليك تشتريه مرة ثانية عشان لعبة او اثنين..عالأقل حاول تكمل معه الى E3 القادم وشوف ايش القادم على البس4 لأن المكتبة الحالية شحيحة فعلا وجهازي مهجور من يوم شريته ومتعتي الوحيدة الفعلية كانت مع كيلزون، فحدد على اساس الالعاب اللي بتنعلن بالمؤتمر وموعد اصدارها اذا بتلتحق بالجيل الجديد او بتكمل مسيرة البس3 مع العاب مثل بيرسونا ودارك سولز ودراكنجيرد 3 واكيد الشركات اليابانية بتظل تدعمه لوقت متأخر
وزمان عنك يا فتى ::

 

[The Doctor]

الظاهر ما فاتك كثير ألعاب على الPS3؟
نصيحتي إستعير جهاز، إذا تقدر، و إنهي الكم لعبة اللي ودك تنهيهم، ما أحس تسوى تشتري جهاز على لعبتين و بعدين ما منه فايدة..
بالنسبة للPS4؟ إذا منت متحمس لشي معين حالياً، فما في سبب تشتريه، إنتظر لين ما تشوف شي ودك فيه.

 

[Contra11]

أشتري البلاي ستيشن 3 أحسن لك , مافي الا ألعاب قليله تسوى راح تنزل على البلاي ستيشن 4 من هنا الى نهاية السنة , فقط أنفومس شكلها واعد و أنشارتد الجديده ما تدري متى تنزل
أو إذا كانت ذا أوردر لعبة تسوى .. جراوند زيروس تعتبر ديمو مطور و بيكفيك نسخة هالجيل منها , و غير هذا كله إذا أنت مشترك بلس فتوقع كمية ألعاب ممتازة راح تنزل لك ببلاش على البس3
بينما على البس4 ما عندك الا ألعاب أندي للبلس و الله أعلم متى يبدؤون ينزلون ألعاب ريتيل هذا لو راح ينزلون أصلاً , هذا غير أن مكتبة ألعاب البس4 الحاليه تعبانه و حصرياته ما تسوى

 

[XORO]

يعتمد على عدد الالعاب اذا عندك العاب كثيرة للـ PS3 ما خلصتها اشتر لك PS3 الالعاب بتكفيك فترة طويلة الى ما تنزل العاب كافية للـ PS4

في العاب للـ PS3 تقدر ترقيها عشان تشتغل على الـ PS4 مثل كود واساسن كريد لو يعملونها لكل الالعاب بيكون افضل

 

[ABUALI]

مشكورين شباب... في النهاية انا راح اخذ الps4 علشان العاب الطرف الأول لكني بأنتظر علشان ما آخذ الجهاز واخزنه، باخذه مع أول حصريه قوية.. E3 يحكم لأن انفموس ما تجذبني لشراء الجهاز

وشراء ps3 جديد مايسوة، لذلك بشتري لي واحد مستخدم أمشي حالي فيه مع الالعاب اللي وقفت فيها والجديده اللي راح تنزل للجيل السابق

شكرا لكم جميعا، الجميع متفق ان الجيل الجديد للسوني فانز ما يصلح حالياً

البلاي3 ما يسوى حالياً إلا اذا عندك اهتمام ببيرسونا5 و الـJRPG بشكل عام، كونك وصلت هالمرحلة مع الجهاز معناته لعبت كل شيء مهم و ما فاتك الكثير، للأمانة شراء الجهاز الجديد غالباً أفضل من شراء الجهاز القديم في رأيي، شوفلك طريقة تلعب فيها لاست اوف أس اذا ما خلصتها و روح للبلاي4 مع متل جير و انفيموس، عاجلاً أم آجلاً الكل بياخذه، واضح جداً انه بيكون جهاز الجيمرز الأساسي هذا الجيل.

اي نعم انا لعبت كل اللي يسوة عدا كم لعبة منهم beyond two souls و GTA5 ما كملتها و باتمان و DLC لاست... ولاست اصلا ما شبعت منها :sweat_smile: .....

الجهاز اخترب خراب نهائي؟ اذا كان مجرد اللمبات الصفر فحاول تصليحه، ما يسوى عليك تشتريه مرة ثانية عشان لعبة او اثنين..عالأقل حاول تكمل معه الى E3 القادم وشوف ايش القادم على البس4 لأن المكتبة الحالية شحيحة فعلا وجهازي مهجور من يوم شريته ومتعتي الوحيدة الفعلية كانت مع كيلزون، فحدد على اساس الالعاب اللي بتنعلن بالمؤتمر وموعد اصدارها اذا بتلتحق بالجيل الجديد او بتكمل مسيرة البس3 مع العاب مثل بيرسونا ودارك سولز ودراكنجيرد 3 واكيد الشركات اليابانية بتظل تدعمه لوقت متأخر
وزمان عنك يا فتى ::

هلا صادق، الجهاز ودع وداع نهائي، صاده حادث مفجع كسر المذربورد...
وأخذتنا الحياة منكم يا رجل

 

[squall leonhart]

باسهل لك المعادلة .. اذا كنت تحب هيلو و مهتم بتايتن فال حذ ال الاكس ون .. في اي حالة اخرى ال ps4 و لا تفكر بجهاز منتهي زي الps3 خصوصا انك لعبت باهم العابه على الاغلب و ما فاتك شي

 

[Sir Guts]

البلي4 مايسوى حاليا يا رجل. لكن اذا انت من اكبر عشاق مجس، فيسوى و نص! لكن دام جهازك اخترب، حرام تشتري واحد ثاني ياخي و الجديد نازل. شوفلك PS3 مستعمل مشي حالك فيه لأن حرام تاخذ جديد الا اذا انت مثلي من النوع الي يحب يجمع اجهزة. انا حاليا املك الوي يو-الون-الفور و اقدر اقولك ان اغلب وقتي على الون بحكم ان عليه العاب اكثر. البلي3 يسوى في حالة وحدة فقط، ان عندك مكتبة العاب مالعبتها بس. اذا عندك اي اسئلة ثانية تفضل.

 

[Wild Fox]

اشتريه .. ما عليك من قله الالعاب ، انت تشتري الجهاز و يعيش معاك سنين، و العاب الملتي افضل عليه

 

[alruqeishy]

شراء البس4 الحين هو استثمار للمستقبل خصوصا اذا انت ناوي على حصريات سوني، جهازي من يوم اشتريته العب عليه فيفا لما اجتمع على اخواني وكله بانتظار مجس5
ممكن تأجل العملية لو بتستغل قيمته في شيء اخر يفيدك
بخصوص البس3 مستعمل ولا استعيره افضل لك

 

[COOL&DANGER]

اشوف ان PS3 افضل بمراحل اولاً سعرة الان ممتاز وغالباً ان عندك العاب لسا ما انهيتها على الجهاز فخسارة تستغني عنها و الجهاز عندة سنتين يعيش بدون اي مشاكل + اذا انتقلت للجيل الجديد صعب ترجع للجيل السابق فحاول انك تخلص على الالعاب الي ما لعبتها قبل لتنتقل للـ PS4 بعدين ما فية شيء يحمس للـ PS4 حتى MGS5 بتصدرعلى PS3 اما العاب مثل انفمس فهي تجارب ملحوق عليها .

 

[Death Row]

بس اكلك هيج Infamous: Second Son :heart::heart:

 

[No Longer Human]

رجاء خذ جديد إذا الفرق بسيط بالسعر
ما تدري أيش يحصل بالمستقبل! ممكن تهب عاصفة ثلجية على الخليج والمكان الوحيد لتدفئة جهازك هو كرتونه
أو ممكن يكون اليف وما يتعود عليك

 

[The Praiseworthy]

InFamous بالنسبة لي سبب كافي جدا لاقتناء الجهاز الحين... أول تجربة نيكست جين حقيقية.

الجهاز شاريه شاريه سواء الحين أو مستقبلا, ليش ما تاخذه الحين و تستمتع فيه و بنسخ النيكست جين لألعاب الملتي؟

 

[s3rorh]

لو البلاي 4 كان يمديه يشغل ألعاب البلاي 3 بس

 

[Wind Rider]

اشتري 3 مستعمل مشي حالك فيه لان 4 حاليا ما عليه العاب و راح يجمع غبار لفترة طويلة

 

[الفيديو قيمز عالمي]

شوف نصيحه لاتصلح السوني3 مالك لانه اللمبه الصفرا يعني الجهاز ودع ولو صلحته شهر او شهرين ويرجع يخرب وافضل حل انك تاخذه مستعمل هذا اذا كان فيه العاب انت ودك تلعبها عالسوني3 بس اذا مافيه العاب خلاص الحين اخر لعبه تنزل عالجيل القديم هي دارك سولز2 وفيفا كاس العالم وبعد هاللعبتين اي لعبه تنزل راح تنزل على الجيل الجديد فقط الا بعض الالعاب اللي من الحين لشهر 8 راح ينزلون على كل الاجهزه امثال ووتش دوقز وذا ايفل ويذين

السوني 4 اذا كنت تحب الالعاب هذه كيل زون وكناك وانفيموس نصيحه اخذه من الحين واذا ماكنت تحب الالعاب هذه افضل فتره تاخذ الجهاز شهر 8 الجاي مع نزول لعبة ذا ايفل ويذين وبعدها راح ينزلون الالعاب الجديده نفس باتمان واساسين كرييد وذا اوردر وديستني الخ