هل تخجل من ممارسة الالعاب قدام الناس ؟

[إحساس]

بالعكس .. النظره في مجتمعنا تغيرت كثير واصبحت افضل من الماضي .. حاليا لما تلعب العاب الفيرست بيرسن شوتر او تلعب العاب الفايت او تلعب العاب كرة القدم فـ راح تلقى اعداد هائله من اللي يفهمون لـ هذي الالعاب ويلعبون معك .. كثير من الناس بالوقت الحالي يلعبون كول اوف ديوتي مثلا .. كثير من الناس يلعبون فيفا 11 .. كثير من الناس اعرفهم يلعبون سوبر ستريت فايتر .. كثير من الناس يلعبون تكن 6 .. بالعكس .. هالشي اصبح افضل وافضل في جيلنا الحالي الحمدلله ..

قبل كنّا نستحي اننا نقول [ انا شريت جهاز الالعاب الفلاني ] .. نظرة المجتمع قديما حول جهاز الالعاب كانت نظره طفوليه .. وكان كل شي يتعلق بـ جهاز الالعاب يعتبرونه شي طفولي .. وكانو ينتقصون من حق الرجل علشانه شرى جهاز العاب .. لكن هالنظره تغيرت كثير ..

وهذا الشي طبيعي لأن المجتمع ماراح يتقبل اي شي بسهوله .. يبيله وقت طويل علشان يتأقلم وعلشان يظهر جيل جديد ويحب هذي الاشياء ويعتبرها شي عادي ومافيها اي عيب .. وهالشي تحقق بشكل نسبي ..

يمكن الشي الصعب واللي اتفق مع الجميع انه صعب جدا وهو نظرة المجتمع حول الالعاب الطفوليه [ شكلا ] .. يعني مثل العاب الاربيجي اللي يكون ابطالها 5 وكلهم على عمر 16 او 17 سنه .. هنا نظرة المجتمع لازالت متحجره ..

لكن الفرق بالامر انهم لما يشوفونك تلعب هذي الالعاب يقولون لك [ العب العاب على قد عقلك ] < وهذا الشي يبين التغير الواضح في مجتمعنا .. مجتمعنا صار يتقبل الالعاب بشكل عام .. وهذا يعتبر شي جيد ..

 

[The Blue King 9]

عند اهلي العب الي ابي ماعندي مشاكل الحمد لله ومتفهمين ان بعض الالعاب ماتصلح للصغار واخوي الصغير ابو 7 سنوات اذا بيشتري لعبه مع الوالد ولا الوالده الله يحفضهم مايشترون له لعبه اكبر من عمره
واحياننا الوالد يتحمس مع بعض الالعاب اذكر كان متحمس مع ميتل جير اذا شافني العب يسألني ليش تسوي كذا وهذا ايش وعجبته القصة لوول
لكن احياننا تمسك معه غلط اذا شافني العب ماريو مثلا او اي لعبة لعبة بلاتفورم يقول هذا كبرك تلعب العاب بزران .! حتى اذكر كنت العب ماريو جالاكسي 2 اول مانزل في لندن وكنت ساكن عند عايلة بريطانية جاني الشايب قال ليش تلعب العاب صغار .!! يعني مو بس السعوديين حتى برا عندهم شيبان نفس التفكير. لكن التعامل سهل بس قلهم حنيت للطفولة ولا عطهم اي تصريبفه لأن مستحيل يقتنعون

لكن الي يرفع الضغط اذا جاك واحد كبرك ولا اصغر منك ويقعد يتفلسف .! ومهما تحاول تقنعه ما يقتنع بس الهدف انه يرفع ضغطك انا وقتها يرتفع ضغطي بقوة مع اني عارف ان الافضل طريقه لهم هي التسليك لكن انا احياننا ما اقدر امسك اعصابي مع اني مشهور ببرودة الاعصاب خخخخ

 

[PS]

بنسبه للوضع في البيت كانو يفكرون أنها فتره وبتعدي, بس يوم شافوا أني تقدمة في العمر و دخلة الجامعة و أستمر في شرائي للأجهزة و الالعاب و غيرت اللغرفة من غرفة نوم الى غرفت لعب فيديوا,تم تفهم الوضع أن هل أشياء مش للأطفال.

واللي ساعد في هذا الشيئ أكثر أن أنا و عيال عمي و الربع من نفس عمري نتجمع في البيت ونلعب مع بعض.

 

[Khalid]

والبعض تفكيره غريب والله ( الكورة والسيارات للكبار والباقي حق أطفال :laugh:: )



ههههههههه دايم يقولون كذا مدري من وين جايبين الفكر العبقري ذا

اغلب الشعب هني تفكيرهم جذي .. قسم بالله تخلف : .. حتى ما فكروا يحاولون يقرون اسم اللعبه اللي يسمونها الدوري الياباني .. اغلب اللي بس يلعبون العاب الكره اغلبهم ما جربوا يلعبون اي شي ثاني متأكد

 

[JIN KAZAMA]

امممممممم من ناحيتي انا مااناقش اي حد شايب او ماله علم بالفيديو جيمز عشان لا اعور راسي (نفس جحجاح) من ناحية اللعب محد يقدر يقول كلمه عليا الا الوالد واللي هو متفهم لاخر درجه انها هوايه ومتعه فما في اي مشكله امارسها قدامه (بل بعض الاحيان العب قدامه )

 

[AS-HI]

امر غريب الوالدة متفهمه الامر 100% وعارفة ان الجيم حق كبار وصغار , فيه سالفة قديمة كنت طفل وقتها و العب ميتال جير , الوالدة شافت اللعبة قالت هذي ماتصلح لك ياولدي هذي حقت ناس كبار عمرهم 20 سنة , كذالك افلام الكرتون اللي كنت اشوفها اول تجي وتقول هذي ماتصلح لك هذي حقت كبار ياولدي , عكس ابوي اللي لمن يشوفني ادور على كونسل يقول ياولدي ماكبرت عن هالاشيا ؟ , اتوقع الوالدة تتفهم هالامر لمن تشوف ناس اكبر مني من زمان كانوا يلعبون اولهم اخوي اللي مايهتم بالجيم بس يلعب كيلزون وكوره فقط , طيب الحين لو ابوي بيدري اني بشتري وي وش تتوقعون ردة فعله ؟ , انا اتوقع انه بعد التخرج بيدورلي روضة اسجل فيها :laugh::.

 

[M.D.L]

تصير لي لما اللعب بوكيمون على الدي اس في الجامعه >.>

 

[Raziel]

مدري بصراحه يمكن اكثر الشباب الي ردو غير صاحب الموضوع اقل من 20 سنه

لاكن لما تكون ثاني او ثالث كليه

هنا بيكون الضغط عليك اكبر والأنتقاد اكثر

عمري 25 سنة ، ومستحيل استحي من هواية أحبها ..
الكلام اللي يقاد المفروض ما يهز ثقة الانسان بهوايته خصوصاً إذا كان جت من شخص "مُعلب -أو- بُوق لغيره"
فالح بس بتذكير الناس الأشياء اللي تلقاها/تعلمها من غيره من دون تفكير :tongue:

 

[Hironobu Sakaguchi]

مع نفسهم

 

[Noise Soul]

لا ما استحي ، وما همني من يقول مبزر ، لكن الحين المشكلة ماهيب ليش تلعب و العاب مبزر وكذا ، صارت مشكله اكبر ، اللعب ما ينفعك رح ذاكر ، هذي مشكلة عويصه قاعد اعانيها الحين ، حتى اذا قلتلهم ابي فلوس ابجيب لعبه ، بالموت يعطوني و اغلب الاحيان ، رح ذاكر ما نبي نضيعك ..إلخ من الخربطة المينينقليسيّه :sarcastic: ، مع اني العب اي شيء وما همني دراسه الا قبل الاختبارات :laugh::

موقف :
مره اول ماشريت البسب ، رحت اجيب لي لعبة ، شفت سونيك رايدرز ، وكان بجنبها ميدنايت ، يوم قلتله عطني سونيك ، قال ابوي اكبر خذ العاب سيارات واشياء كبار ( انا اقول له عادي عادي عادي ، يقول لا حقت مبزر -_- ) ، طنشته وشريتها :laugh::
بعد يومين اظن خلصتها ، وقلت قهر خلصت اللعبه ، قال ابوي محد قال لك تجيبها كان جبت السيارات ،
هالسالفة بـ 2008 يعني كان عمري تقريبًا 13 !

 

[xz995]

^^^^^^^^
بقوة:
لكن الواحد لازم يوعي اللي حولينه من الاهل و الاصدقاء انه مو كل الالعاب ل الاطفال

 

[Hekari]

لا ما استحي ، وما همني من يقول مبزر ، لكن الحين المشكلة ماهيب ليش تلعب و العاب مبزر وكذا ، صارت مشكله اكبر ، اللعب ما ينفعك رح ذاكر ، هذي مشكلة عويصه قاعد اعانيها الحين ، حتى اذا قلتلهم ابي فلوس ابجيب لعبه ، بالموت يعطوني و اغلب الاحيان ، رح ذاكر ما نبي نضيعك ..إلخ من الخربطة المينينقليسيّه :sarcastic: ، مع اني العب اي شيء وما همني دراسه الا قبل الاختبارات :laugh::

موقف :
مره اول ماشريت البسب ، رحت اجيب لي لعبة ، شفت سونيك رايدرز ، وكان بجنبها ميدنايت ، يوم قلتله عطني سونيك ، قال ابوي اكبر خذ العاب سيارات واشياء كبار ( انا اقول له عادي عادي عادي ، يقول لا حقت مبزر -_- ) ، طنشته وشريتها :laugh::
بعد يومين اظن خلصتها ، وقلت قهر خلصت اللعبه ، قال ابوي محد قال لك تجيبها كان جبت السيارات ،
هالسالفة بـ 2008 يعني كان عمري تقريبًا 13 !

+ 1 صح ذكرتني هذه اكبر مشكلة شائعة تواجهني بيني وبين اخوي الكبير لما اقوله اشتري او نزلت او انعلن او ختمت او حفظت كومبوات اللعبة الفلانية يقولي اخر مرة ختمت بلاك اوبس في يومين وشافني وقلت له عادي قصيرة اي واحد يقدر يختمها يقلي بدل ماتختم لعبة اختم لك كتاب وبدل ماتحفظ لك كومبوات احفظ لك قوانين الفيزياء والكيمياء وانا اطنشه ولا كاني سامع شيئ بس هههه فعصب واخذ معاه البس 3 ووداه معاه الشغل ليومك هذا صار لها اسبوعين ويقلي احسن عشان تركز على مذاكرتك بس ماهتم الحمدلله عندي البسب العبها بدلها فيها :laugh::

 

[Lord of Cinder]

شباب انا اقصد يوم تلعب بين فئة الشيبان او الناس اللي من 34 الى 60 ، اعاني مشكلتي مع الفئة هذي فقط ، اما الشباب فالحمد لله الاقي ناس متفهمة ، المشكلة ان فئة الشيبان يوم يشوفوني العب ار بي جي او شوتر يقولون " صار عقلك كرتوني " عاد انا عارف ان النقاش معهم مايفيد فاطنش

 

[Raziel]

شباب انا اقصد يوم تلعب بين فئة الشيبان او الناس اللي من 34 الى 60 ، اعاني مشكلتي مع الفئة هذي فقط ، اما الشباب فالحمد لله الاقي ناس متفهمة ، المشكلة ان فئة الشيبان يوم يشوفوني العب ار بي جي او شوتر يقولون " صار عقلك كرتوني " عاد انا عارف ان النقاش معهم مايفيد فاطنش

تبغى نصيحة مجربة ؟ حطه أمام الأمر الواقع .. أما تلعب معنا أو تسكت :laugh::

 

[Lord of Cinder]

^

لول صعب تقول مثلا لعمك او خالك الكلام هذا ، ماتدري الا وهو فاصل الفيش وانا اقعد بها ..
زي يوم كنت العب احد الالعاب اللي مايمديك تخزن الا بنهاية المرحلة ، كنت العب لين وصلت لنقطة التخزين ، وهوبا انفصل الفيش ، عاد وجهي صار زي كذا :

 

[DEMON]

الحمد لله عندي الاهل والاصحاب والعائلة مليانة جيمرز, اعز شخص على قلب في هذي الدنيا جيمر , الوالدة تحب تلعب mario bros , وعمي (الشخص الي دخلني عالم الجيمينج واشترالي انواع الالعاب من يوم طبيت على الدنيا) كان يشارك هنا بالمنتدى وهو الي علمني علىtrue gaming , فالحمد لله ما اوجه اي مشكله من ناحية الاهل والاصحاب (ابداا) ,
المشكله زي ما قال جحجاح :

إذا انا عند شيبان, راح أتجنب أقول اني جيمر. مو لأني خجول, لكن لأن مالي خلق أدخل مع نقاشات مع شيبانّا الي دايم روسهم يباسة وما يمشي إلا الي رأيهم

بالنهاية (لا ) انا ما اخجل وطول عمري ان شاء الله لن اخجل

 

[BlackBird]

أنا ما أستحي من أحد يوم ألعب
وافتخر وأقولها لكل الناس أنا إلى الآن ألعب Pokemon عالـ DS و الـ GBA والـ GB Color
ومنتظر جزء Black و White من اللعبة

لكن أستحي مرة من الوالد إذا جا فاللعبة مشهد فاضح أو سب, وقتها ما أعرف وين أحط وجهي

 

[AHMAD PLUS]

مو بطلوها حركة "عيب .. الالعاب للصغار " ؟ >_>"

 

[chris]

انا ما انحرج ...... انا انقهر :spy:
لمن العب اهلي يجو يقولو ليا خلي اخوانك الصغار يتفرجو ويلعبو معاك ... يحسسوني كاني قاعد العب شي موجه فقط للصغار : ...

 

[T u R k I]

بس اكره الناس الي تفتي وهي ما تدري وش الطبخه في الالعاب زي الي يقول لك غزو فكري ... الخ

مثلي بالضبط .. لما الواحد بيتكلم عن شي المفروض يطلع عليه ويفهمه بالأول

شباب انا اقصد يوم تلعب بين فئة الشيبان او الناس اللي من 34 الى 60 ، اعاني مشكلتي مع الفئة هذي فقط ، اما الشباب فالحمد لله الاقي ناس متفهمة ، المشكلة ان فئة الشيبان يوم يشوفوني العب ار بي جي او شوتر يقولون " صار عقلك كرتوني " عاد انا عارف ان النقاش معهم مايفيد فاطنش

طيب لا تلعب قدامهم تتوقع انهم بيتفهمون ؟

عن نفسي ماأعاني من هالمشكلة لأني أحب ألعب لحالي بالغالب أو مع جيمرز .. ماأحب ألعب عند ناس مالها بالألعاب

يقلي بدل ماتختم لعبة اختم لك كتاب

هالجملة كرهتها من كثر ماأسمعها الوالد كان يرددها أول -_____-" لكن الحمدلله ألحين متقبل الوضع

مع انه ماشال فكرة "الالعاب للاطفال" حتى اخوي الصغير انا اللي انتبه له وش يلعب

عكس الوالدة عارفه ان فيه العاب ماتصلح للصغار

 

[hemo memo]

والله اني طالع كوفي بقابل اخوياي وماخذ الدي اس العب فيه والكوفي زحمه وكأنه العيد هههه شعلي من كلام الناس ,, صدقني بتتعب انا ابوي يشوفني العب دي اس ماتذكر نقد علي والوالده الله يحفظها لما كنت اوديها السوق وانتظرها تقولي خذ الدي اس يعني افهمها تراني بطول ههههههه

انت لما تشرح للي ينقد عليك يقولك للحين تلعب ماكبرت مدري ايش قله لو الالعاب بس للصغار كان ماحطو تصنيف عمري صح او لا ؟؟ بعدين ثقافه (( انت بزر تلعب)) ترا تغيرت,, بس طبعا اذا جاك النقد من جدك او شخص كبير في السن ماراح تلومه لانه من جيل وانت من جيل

عمري 22 بعد شهرين بدخل 23

 

[Dark Fantasy]

أنا بالنسبة لي كد جاني نفس هالكلام ، بس شيء عادي ، و أنا أستقبله بكل برودة

الوالد ما يقول شيء بالجيمز فـ هذا اللي يهمني

أما أي أحد ثاني يقعد يلقي محاضرة يكون ردي استفزازي زي : أها .. أوف .. أوكي .. طيب ، و انا ما أكون ملتفت له أو حتى معطيه وجه أساساً ، يعني تقدر تقول أصرّفهم :laugh:: ، و تلقائياً ألقاهم زهقوا مني

 

[أماني]

كم مره تكررت هذه الأسئله بمختلف أنواعها
هل تخجل من ممارسة الألعاب ؟
هل تخجل من مشاهده الانيمي ؟
هل تخجل من لعب بالأماكن العامه ؟
هل تخجل من لعب بالألعاب و أخواتك الصغار يترجونك علشان يلعبون؟

الأمر بالنهايه بعالمنا العربي نحن نخجل من الألعاب و خاصه لو تلاحظ في الأماكن العامه لما يضعون xbox , ps للتجربه الناس الوحيدين يلي يلعبون هم الأطفال . بالنسبه لي لا أخجل سواء من متابعه الانمي و لعب الألعاب في البيت و الشارع و لكن أصعب جزء اصعب جزء بالنسبة لي مع الألعاب الذهاب للمحل الألعاب لشراء لعبه و كل الموجيدين شباب ، حتى أخي الكبير قال لي مره ما تستحين تروحين لمحلات الألعاب و تشترين منها >_<

 

[Acid Rain]

هو خلل اجتماعي تشكل مع الوقت
ولا يعالج الا زي ما قال رازيل !

انت عطه الكنترولر اياً كان اللعبة ولا تشرح له اي شئ .

إذا هذا الشئ الي اسويه للاطفال معناها انه سهل للغاية
بيحث ان الطفل الغير بالغ قادر على فهمه !

ورنا سعادتك كيف تلعب !

يا حبذا لو كانت لعبة اكشن اربيجي او فايت ! :laugh::

---------

لازم نفهم انه في ناس ما تؤمن ولا تدرك بوجود التعددية الفكرية و الاجتماعية
وان الانسان حر فيما يعتقده و يمارسه طالما انه ما ضر احد بذلك

الوالدة الله يحفظها شافتني العب بـ الدي اس في استراحة مطار جدة متجهين للرياض
قالت تلعب العاب اطفال ! , حطيته على الهولد و ناقشتها نقاش بسيط و قبلت الحجة !

الي يبي يقتنع من خلق الله بسلامته والي ما يبي يقتنع بعد بسلامته !

بس لا يشوف ان اعتقاداته هي الاصح و انه هو محور الكون !

زي (س ) من الناس يصر على ان راعي البر و المكشات
افهم في الحياة من الي يلعب فيديو جيم و يطالع انيمي !
​

 

[G4mer]

كلاسي في الجامعه 80% من الطلاب يشاهدون الأنمي ويلعبون الألعاب

صدق الي قال يوم بتدخل الجامعه بتشوف ناس تفهم :

 

[AS-HI]

^
:laugh::

 

[abu- naif]

الوضع الان تغير .. اغلب المجتمعات صارت متفتحه للجيمز اكثر .. طبعا بنظري هالشي

يعني اخوياي الي قبل .. مالهم بالجيمز .. صارو متفتحين اكثر خاصه الجيل هذا ..