هل تخجل من ممارسة الالعاب قدام الناس ؟

[Lord of Cinder]

السلام عليكم ورحمة الله

حقيقة قد صارلي اكثر من موقف لدرجة اني صرت ماالعب الا اذا كنت وحدي ، لانه غالبا يجيك واحد يقول " اووه واحد كبير زيك باقي يلعب " ، المهم الشيء ذا صار لي كثير مع الاسف ، وبكذا صرت ماامارس الالعاب الا لو كنت وحدي او مع اشخاص اعرف انهم جيمر ، في يوم الايام كنت قاعد العب فاينل فانتسي 10 وجا الوالد وشاف اللعبة " طبعا تعرفون كيف فاينل ، الشخصيات رسمها طفولي والوحوش خيالية شوي " فشافها الوالد وقال ياولدي اللعبة هذي ماادري ايش وايش وايش واحسن لك تبتعد عنها ، ولا مرة واحد من الاقارب شافني وانا العب وبدا يعطيني محاضرة في اخطار الالعاب وان الغرب يبغون يغيرون فكرنا ووو إلخ من الكلام هذا ، فعشان كذا مع الاسف صرت مااتكلم مع الناس عن الالعاب الا لو كانوا جيمر ، والسؤال هنا متى بتفهم الناس ان قطاع الالعاب صار قطاع ضخم وصارت الالعاب اكثر من انها تكون مجرد لعبة .

سؤال النقاش هنا ، هل تخجل يوم تمارس الالعاب قدام ناس تعرف انهم بينتقدوك ويعيبون عليك اللعب باجهزة الالعاب ؟ ولا هذا شيء عادي عندك ؟ وياليت تذكروا كم موقف صارلكم من هالشيء .

بالتوفيق ،،،

 

[awadnin]

بالعكس أهلي ينبهرون من الألعاب الي ألعبها مثل تحكم جهاز الـwii ورسم الاكس بوكس 360 أو تقنيات الـds

أذكر أن أبوي طاح بفترة يلعب معي wii sport لعبة البولينق وعمره 70 سنة الله يحفظة ويطول بعمره ان شاء الله :]

وأخوي الكبير وهو دكتور بالجامعة دايماً يزعجنا أنا وأخواني أن نلعب معه ماريو بارتي (اللعبة الوحيده الي يعرف يلعبها) ههههه

 

[TH3 PHENOMENA]

انا ما اخجل , افتخر اني امارسها .

 

[Painkiller Q8]

لا ... بل افخر وبشده للممارستي الالعاب امام الاهل والغرباء .. سواء كبير او صغير
من افضل المقولات الي عرفتها في حياتي:

الي يستحي .. مايعيش
Just be your self

 

[Lord of Cinder]

انا ما اخجل , افتخر اني امارسها .

لااقصد ماتتضايق يوم الناس تعايرك وانت تلعب بالعاب زي فاينل فانتسي ولا كينجدوم هارتس مثلا ؟

 

[N2N2]

اذا تتضايق العب بعيد عنهم و ريح راسك

فيه ناس ما يعرفون شي في الجيمنج وكبار بس يلعبون كوره ولا يخجلون

 

[Burdegation]

لا

 

[TH3 PHENOMENA]

لااقصد ماتتضايق يوم الناس تعايرك وانت تلعب بالعاب زي فاينل فانتسي ولا كينجدوم هارتس مثلا ؟

الحمدلله ما العب ذي اللعبتين , اياً كان من نوعية الالعاب ما اخجل .

 

[Al Pacino]

لا وألفين لا ! وكل من يفتح فمه بشي أناقشه وأحجر له .. ألا الوالد أي شي يقوله ( متى بتترك هالشغلات - ماتمل من هالشغلات ! ) أقوله أن شاء الله

 

[Naserano]

" اووه واحد كبير زيك باقي يلعب "

قاعد اعاني مثلك تماماً وعارف شعورك بالضبط :crying:

 

[ALONE]

مدري بصراحه يمكن اكثر الشباب الي ردو غير صاحب الموضوع اقل من 20 سنه

لاكن لما تكون ثاني او ثالث كليه

هنا بيكون الضغط عليك اكبر والأنتقاد اكثر

 

[Madainee]

في البيت كل شي عادي عندي لكن لمن اروح اشتري العاب ولا اشتري كونسل انحرج قدام الناس >_>

 

[Brewmaster]

غالباً ماراح اشبك البلايستيشن في الشارع وأقعد العب,دائماً أكون في غرفتي لول

 

[Hekari]

انا لحد الان الحمدلله ماتعرضت لمواقف مثل الي ذكرتوها .. غالباً في المدرسة اسولف عن القيمز مع الناس ولا الاقي اي مشكلة بالعكس
يجوا ينجذبوا بعضهم تلقائيا معنا للسالفة واحس نفسي رهييب لما العب لعبة ماحد لعبها واذكر انطباعاتي عنها واحمد الناس ليشتروها ^^"

 

[awadnin]

غالباً ماراح اشبك البلايستيشن في الشارع وأقعد العب,دائماً أكون في غرفتي لول

 

[Dark Master]

بسمع كلام من اهلي دايماً عن الموضوع
بس خلاص اتعودت

 

[alakafi]

اول ماقرأت اسم الموضوع جا في بالي ممارسة ال ****

المهم عادي جدا

 

[T u R k I]

لا .. وحتى لو قالوا لي شي مااهتم

والبعض تفكيره غريب والله ( الكورة والسيارات للكبار والباقي حق أطفال :laugh:: )

ولا مرة واحد من الاقارب شافني وانا العب وبدا يعطيني محاضرة في اخطار الالعاب وان الغرب يبغون يغيرون فكرنا ووو إلخ من الكلام هذا

ههههههههه دايم يقولون كذا مدري من وين جايبين الفكر العبقري ذا

 

[m5050]

اهلي معطيني جوي .. والعب عندهم بالـ ds بعد عادي :laugh::

 

[Super Shadow]

طبعا ما أستحي ، الي بيجي و يحتقرني بقرضه قرض :spy:

 

[iCrow]

مدري بصراحه يمكن اكثر الشباب الي ردو غير صاحب الموضوع اقل من 20 سنه

لاكن لما تكون ثاني او ثالث كليه

هنا بيكون الضغط عليك اكبر والأنتقاد اكثر

انا رجعت للفيديو جيم بعد ما دخلت الكليه :tongue:

شخصياً ما عندي مشكله انه احد يشوفني العب او اشتري شي له علاقه بالفيديو جيم
بس اكره الناس الي تفتي وهي ما تدري وش الطبخه في الالعاب زي الي يقول لك غزو فكري ... الخ
هو في سوق محترم هنا للفيديو جيم على شان يكون الغزو الفكري من خلاله

 

[HDNA]

والبعض تفكيره غريب والله ( الكورة والسيارات للكبار والباقي حق أطفال :laugh:: )

البعض إذا اللعبة مااعجبته صارت لعبة أطفال

 

[Painkiller Q8]

مدري بصراحه يمكن اكثر الشباب الي ردو غير صاحب الموضوع اقل من 20 سنه

لاكن لما تكون ثاني او ثالث كليه

هنا بيكون الضغط عليك اكبر والأنتقاد اكثر

أهي مجرد اختلاف في الــ Life Style الي كل انسان يعيش فيه .. انا عمري 28 واللعب قدام الاهل .. وحتى ابوي عمره بالخمسينات يجي ويشوف الالعاب .. وقبل كان يلعب العاب مثل PES + Ace Combat
واذا كان اهلك تفكيرهم (ان الالعاب وسيله للمتعه) وليست للأطفال .. فطول عمرك ماراح تعرف او تشوف الاحراج بين اهلك او حتى جماعتك المقربين !!

والله مافيها احراج ولاشي .. بس ماقدر احكم على احد لان نمط الحياه مختلف من شخص إلى آخر .. عن نفسي العب حتى في المجالس وخواني اعمارهم بالــ30ــنات ويلعبون معاي Kinect !!
عمري ماشفت النقد او الاحراج او حتى اني اخجل او اخفي شيء يتعلق في القيمز ...

ماني متخيل وجه ابو يقولي انت رجال متزوج وتلعب ؟؟ :sarcastic: والله فشلتني !!! لول لا الحمدلله بعيده !

 

[MAX9009]

مستحيل اخجل حتى بالدوام احيانا العب بي اس بي ومره جاني المشرف حقي وشاف البي اس بي اخذه مني وجلس يلعب لول .

 

[Xeon-Q8]

اخواني عادي .. لكن لو كنت في الديوانيه والشباب شبعو من الفيفا .. لما احط اي لعبه ثانيه .. انواااع الإنتقادات مثل" تلعب لعبه ورعان ؟ "
يعني العب كره وسيارات عادي .. قراند ثفت أو كود4-7 سهالات .. لكن اي شي ثاني "عيــــــب انت كبير"

بغرفتي محد يدري .. حتى لو العب eternal sonata او naruto

 

[Skull Town]

مدري بصراحه يمكن اكثر الشباب الي ردو غير صاحب الموضوع اقل من 20 سنه

لاكن لما تكون ثاني او ثالث كليه

هنا بيكون الضغط عليك اكبر والأنتقاد اكثر

عمري 22 سنه وانا كذلك افتخر اني العب حتى لو جالي انتقاد من كل الناس ولو بعد زدت عليهم الجن ما اهتم وما انحرج b:
بالعكس احس اني مميز لأني انا اتخذ قراري واحدد الشي الي يعجبي ويناسبني مب الناس الي تحدد او تفرض رايها علي الي مب عاجبته العاب او يشوفها للأطفال مشكلته طول ما ان الشي الي اسويه مافيه عيب فا مافي احراج ولاشي..
وعموماً ورى هذي العاب استديوهات كبيره ومبرمجين وملحنين ومهندسين.. الى اخره يحطون ميزانيه ماليه بالملايين وسوق له دخل بالمليارات احياناً يتحدى البوكس اوفس وحتى الشعوب المطوره مثل اليابان يلعبونها بل اني سمعت ان حتى في بعض المدارس في امريكا واليابان يتيحون العاب لأنها وسيله ممتازه لتعليم والتسليه وبعض الدراسات توضح ايجابية اثارها والعاب اصناف واعمار (اذا احنا نعرف هذي الحقائق ليش ننحرج المفروض الي يجهلها اهو الي ينحرج وعموماً في انسان حكيم قال - الناس أعداء ماجهلوا !- )
احياناً اذا شخص جادلني اشرح له الكلام الي فات اذا يستاهل اعطيه وجه وعنده اهتمام للنقاش وعنده اسلوب احترام للمناقش واتحداه اني اتحداه يثبت عكس كلامي وفي ناس مب حقة نقاش وما يغيرون تفكيره فا اطنشهم وما اهتم لهم.

انا على فكره غالباً اكون هادي وما اناقش وما اهتم شنو الناس تقول
بس احياناً ادخل في نقاش وبسبب الخلفيات الي نعرفها عن العاب نوهق الي يتهجم خخخ يعني مره مثلاً زوج خالتي شافني العب limbo فجا يتمصخر على العبه واهو يكره العاب بشكل عام
فقلت له انت تعرف كم الفتره الي شغالين عليها في تطوير هذي العبه؟ قال يوم ؟ او يومين ؟
قلت له لا.. اربع سنين والله العضيم تجمد.. ورجع قال طيب شنو استفادو
قلت له ارباح وشهره وجوائز وراح سكت ما قدر يضيف شي..

غيره في ناس انتقدوني وانا العب جيرز وقالو شنو ها التفاهات وقالو العاب اطفال فجاوبت اولاً العبه تصنيفها 18+ ثانياً ميزانية العبه بروحها فوق الـ 5 مليون دولار ثالثاً مردود الشركه الي انتجتها ملايارات رابعاً حاول تشوف لك شي يدخل مردود مالي احسن من هذي العبه الي تسميها تافهه وبعدين تعال ناقشني(اذا احد طرح سؤاله بأستخفاف اقدر ارد عليه بأسلوبه يبي نقاش بأحترام اقدر اناقشه بأحترام).

عموماً هذا الوجه فله لول

 

[Mute City]

غالبا لا يعتبر شي عادي جدا
صحيح الوالد لما يمر ويقولي يضحكون على عقولكم والوالده تقول إيش هذا بالله قتل ومقتول وللان ماسكه عليا موقف لما

محتوى مخفي: سبويلر ريزي 3

النمسيس يدخل عليك في مركز الشرطه ويكسر الزجاج ويلحق وراك انا رميت اليد وهربت عندها

وامارس اللعب بشكل عادي وطبيعي جدا =)

 

[just me]

لا أبدا .. لاني دايم لما العب اكون لحالي او مع قيمرز لكن احيانا ااذا قعدت اسولف في الالعاب مع واحد يلعب لكن قليل جدا وخبرته صفر .. احسه يقول بداخله اسكت يرحم والديك احسه يستحقرني ويقول ذا متى بيكبر ..
عموما النظره في مجتمعنا تجاه الالعاب مازالت طفولية .. االحل الوحيد هو التثقيف التثقيف التثقيف !

 

[Lord of Cinder]

ماادري بس يمكن البعض فهم غلط ، انا حالي مع باقي الالعاب عادي جدا لكن المشكلة يوم ناس تشوفك تلعب فاينل فانتسي برسومها الكرتونية شوي ، تلاقي الناس تستقعد لك وتقولك روح دورلك على شيء ينفعك بحياتك بدل البلا اللي قاعد تلعبه :laugh:: ، لكن مع باقي الالعاب ماالاقي اي انتقاد الا نادرا ً

 

[G7Ga7]

الحمد لله أهلي الآن الجيمنج مو بس للصغار. فما أشوف مشاكل منهم. لكن بالنسبة للأشخاص الثانين, يعتمد على عمرهم صراحة. إذا انا عند شيبان, راح أتجنب أقول اني جيمر. مو لأني خجول, لكن لأن مالي خلق أدخل مع نقاشات مع شيبانّا الي دايم روسهم يباسة وما يمشي إلا الي رأيهم. فمالي خلق وجع الراس. لكن لو أنا في مجتمع شباب (الجامعة - مقاهي..الخ) ما أخجل أبداً. لأن 1) أغلب الشباب من فئة عمري وعارفين ان الجيمنج أكبر من مجرد ألعاب أطفال. 2) مناقشة الشباب أسهل بكثير لأنهم في الغالب متفتحين أكثر وعايشين في بيئة مشابهة لبيئتك. فحتى لو ما اقتنع بالي قاعد أسويه, على الأقل النقاش معاه بيكون أفضل من النقاش مع الشياب.