من هو الذي يقرر لعبة السنة !!!

[Rare Games]

السلام عليكم

سؤال بديهي لكن فعلا يحتاج اجابة

ماهو المعيار الذي يحدد لعبة السنة كل عام

هل هي اللعبة الحائزه على اكثر عدد من جوائز المواقع ! طيب هل فعلا فيه احد قادر على احصاء عدد مواقع الجيمز الفعلية اساسا او الاعتماد على مواقع معينة مثلا المتعمدة ب ميتاكريتيك !

شاركونا ارائكم

 

[شيطون]

انا

 

[Majeed]

البسيمي.

 

[The Last Lombax]

بعضهم يعتد بجائزة Game Awards حق جيف كيلي وبعضهم يعتمد مواقع تعد الجوائز كلها مثل هذا:

Game of the Year - Award Tracker

Here you can see the awards for the best game of the year according to different media

goty.gamefa.com

 

[はる]

@Dark_N11 و @Ria

 

[ahmed-xd]

انا اللي احدد اللعبة اللي اشوفها لعبة السنة

 

[AzureFlame]

أنا والقلة اللي أثق بذوقهم .

 

[YazeedVx]

مو نقص بالشباب اللي فوق ردي لكن بكل حيادية المفروض انا

 

[Invader Zim]

انا

انا اللي احدد اللعبة اللي اشوفها لعبة السنة

مو نقص بالشباب اللي فوق ردي لكن بكل حيادية المفروض انا

ذول

أنا والقلة اللي أثق بذوقهم .

مش ذا ويعرف ليش (&)

 

[MOSU]

الاعبين مو حفل الرقص التافه الي هو عبارة عن اعلام وضجة

 

[Eye]

الجودك

 

[Raulioo]

أنا والقلة اللي أثق بذوقهم .

اكيد تقصدني...وابشرك بختار فف١٦ لانها الوحيدة الي ختمتها @@

 

[Veeto]

ماهو المعيار الذي يحدد لعبة السنة كل عام

كل موقع ليه آليته الخاصة

هل هي اللعبة الحائزه على اكثر عدد من جوائز المواقع ! طيب هل فعلا فيه احد قادر على احصاء عدد مواقع الجيمز الفعلية اساسا او الاعتماد على مواقع معينة مثلا المتعمدة ب ميتاكريتيك

فيه مواقع تحسب كل لعبه كم مرة فازت بلعبه العام
جوجل ما يقصر !

 

[Crazy Diamond]

الاعبين مو حفل الرقص التافه الي هو عبارة عن اعلام وضجة

اسمع الكلام هذا دايم ولا افهمه بصراحة (سالفة ان حفل الجوائز اختياراته كلها هراء)

يعني خلنا ناخذ نظرة سريعة على الالعاب الفائزة بالسنوات الاخيرة..

دائما ما اسمع ان حفل الجوائز متحيز للغرب ولكن بشكل غريب في 2022 و 2019 فازت العاب يابانية!

بتقول انه مايهتم لالعاب الاندي الصغيرة ويختار العاب سنمائية كبيرة؟ 2021 فازت ات تيكس تو

في 2018 فازت لعبة خطية على لعبة عالم مفتوح في وقت العاب العالم المفتوح هي النوع الرائج بالسوق

ومش المفروض انهم يدعمون الشذوذ واستقلالية المرأة وغيرها من الاجندات؟ بشكل ما.. في 2020 فازت قوست اوف تسوشيما على ذا لاست اوف اس 2

الاختيارات ممتازة ومرضية بصراحة ومش كأنها اختيارات شاطحة وماترضي اللاعبين بس يعني لو مصر مره وتبي اختيارات اللاعبين.. ترا السنة الماضية فازت قنشن مدري سونيك فرونتيرز بلعبة السنة من اختياراتهم ^^

 

[ahmed-xd]

الاعبين مو حفل الرقص التافه الي هو عبارة عن اعلام وضجة

انزاين أي نوعية من اللاعبين
اللاعبين في tg ولا اللاعبين الغربيين ولا اللاعبين اليابانيين ولا فانز kh ولا فانز سونيك ولا غيرهم

 

[Veeto]

ومش المفروض انهم يدعمون الشذوذ واستقلالية المرأة وغيرها من الاجندات؟ بشكل ما.. في 2020 فازت قوست اوف تسوشيما على ذا لاست اوف اس 2

لاست 2 هي اللي فازت

 

[Invader Zim]

لاست 2 هي اللي فازت

فازت بمعظم جوائز الحفل

 

[Crazy Diamond]

لاست 2 هي اللي فازت

تبا.. لسبب ما كنت متذكرها قوست اوف تسوشيما

 

[Arashi]

اللعبه اللي تستاهل تتسمى لعبة السنه هي اللي تسوّي ضجه كبيره بين اللاعبين من جميع انحاء العالم (ضجه ايجابيه).
مب شرط أكون لاعبتها او عاجبتني، لكن لما اجوف الكل يلعبها ومستانس فيها فأعرف انها هي لعبة السنه، حتى لو ما حصلت على جائزه وحده وكانت تقاييمها متواضعه.

 

[I B R A]

حفل الجوائز والمواقع اذا فازت فيها لعبتي المفضلة تعتبر مقياس

اما اذا لا .. تعتبر هرائات

نفس المراجعات بالضبط

 

[شيطون]

تبا.. لسبب ما كنت متذكرها قوست اوف تسوشيما

هي فازت باختيار الاعبين

ترا السنة الماضية فازت قنشن مدري سونيك فرونتيرز بلعبة السنة من اختياراتهم ^^

اذكر طلع خبر وحده منهم اعطت محتوى مجاني داخل بحال كسب جواىز بالحفل ؟

وعاد تصويت اللاعبين ملغم انواع الفانبويزم واللي يجيك مصوت بعشرين حساب
فبصراحة اختياراتهم مو مهمة

 

[Invader Zim]

ترا السنة الماضية فازت قنشن مدري سونيك فرونتيرز بلعبة السنة من اختياراتهم ^^

فازت Genshin رغم الbotting الي صار لسونيك

 

[MOSU]

اسمع الكلام هذا دايم ولا افهمه بصراحة (سالفة ان حفل الجوائز اختياراته كلها هراء)

يعني خلنا ناخذ نظرة سريعة على الالعاب الفائزة بالسنوات الاخيرة..

دائما ما اسمع ان حفل الجوائز متحيز للغرب ولكن بشكل غريب في 2022 و 2019 فازت العاب يابانية!

بتقول انه مايهتم لالعاب الاندي الصغيرة ويختار العاب سنمائية كبيرة؟ 2021 فازت ات تيكس تو

في 2018 فازت لعبة خطية على لعبة عالم مفتوح في وقت العاب العالم المفتوح هي النوع الرائج بالسوق

ومش المفروض انهم يدعمون الشذوذ واستقلالية المرأة وغيرها من الاجندات؟ بشكل ما.. في 2020 فازت قوست اوف تسوشيما على ذا لاست اوف اس 2

الاختيارات ممتازة ومرضية بصراحة ومش كأنها اختيارات شاطحة وماترضي اللاعبين بس يعني لو مصر مره وتبي اختيارات اللاعبين.. ترا السنة الماضية فازت قنشن مدري سونيك فرونتيرز بلعبة السنة من اختياراتهم ^^

انزاين أي نوعية من اللاعبين
اللاعبين في tg ولا اللاعبين الغربيين ولا اللاعبين اليابانيين ولا فانز kh ولا فانز سونيك ولا غيرهم

الاعبين الي اوثق فيهم هم الي يحددو لعبة السنة

 

[Omni-Doom]

الاعبين الي اوثق فيهم هم الي يحددو لعبة السنة

 

[Nostalgic]

الاعبين الي اوثق فيهم هم الي يحددو لعبة السنة

عندي أزمة ثقة.

 

[MOSU]

حفل الجوائز والمواقع اذا فازت فيها لعبتي المفضلة تعتبر مقياس

اما اذا لا .. تعتبر هرائات

نفس المراجعات بالضبط

ردك بحتاج موضوع كامل للرد عليه يعني حفل الجوائز شفته عمرك يقولك ليش اعطى الجائزة الفلانية لا بكل بساطة يعطيها وهو ساكت والسالفة كلها علاقات واعلامية بحتة
يعني الاخ

بتقول انه مايهتم لالعاب الاندي الصغيرة ويختار العاب سنمائية كبيرة؟ 2021 فازت ات تيكس تو

اصلا it takes two مش لعبة اندي عادية
العبة بايعة عشرة مليون وعندها شعبية جارفة وصارت مضربة وحتى بين النقاد تقيماتها عالية جدا وبايعة عشرة مليون وفيها قيمة انتاجية مش بسيطة ولا نتسى جوزيف فارس يعني انت حط كل هذي العوامل في مخك ولاتنسى 2021 كانت تعاني من فراغ من الاالعاب الضخمة

 

[Omni-Doom]

عندي أزمة ثقة.

ما تنلام دام مؤمل يشوف سيكيرو لعبة سولزية (&)

 

[بوسيف39]

أشوف الموضوع ممكن نقسمه لثلاث أنواع:

1. الاختيار الذاتي
2. الاختيار الاحترافي
3. اختيار الجمهور

طبعا ذي تسميات من عندي طلعتها الحين عشان استعرض الفكرة لا أكثر، لكن النوع الأول تختار اللعبة الي تشوفها الأفضل، الي تركت معك لحظات أجمل، الي تناسب ذائقتك أكثر، الزبدة هي اللعبة الي يشوفها المتحدث أي كانت منهجيته الأحسن، فيه اعتماد كبير على الذائقة والتجربة الشخصية، هذيلا ما يحتاج أعطي مثال عليهم لأنهم كثر رمل اليم.

النوع الثاني وهذا ما أشوفه كثير يسأل سؤال ويش أحسن لعبة؟ ويحاول يجاوب بشكل محايد/عقلاني، وعشان يسوي كذا تلقاه يحاول يلعب أكبر كمية من ألعاب العام عشان ينتقي واحدة، عادة ينتقيها بناء على عنصري الإبتكار والإتقان، مارك براون ما يقول لعبة العام لكن يسوي شي مشابه بسالفة اللعبة المبتكرة.

النوع الثالث صح اسمه تصويت الجمهور بس أقصد هنا النوعين، اللعبة الي تاخذ أكثر تصويت من عموم اللاعبين أو اللعبة الي تاخذ أكثر جوايز من عموم المواقع، تصويت يعبر عن الرأي العام ليس إلا.

لكن لو نرجع لسؤالك من يحدد أشوف؟ تنوع المناهج جاي من تنوع الأشخاص، عن نفسي أشوف أحسن نوع يحدد لعبة العام النمط الثاني، بس ممكن تشوف لا أحسن شي النوع الأول لأن شخصي وأقرب لك، فما أشوف لازم يكون فيه إنسان بعينه أو جهة محددة هي الي تحدد لعبة السنة، كذا يصير الوضع ممل لأن تنوع الأذواق والأشخاص وتحليلهم للألعاب هو الي يخلي نقاشها ممتع.

 

[MOSU]

ما تنلام دام مؤمل يشوف سيكيرو لعبة سولزية (&)

بس اشوفها حلوة وممتعة
الحين تثق فيني ولا ؟

 

[Omni-Doom]

بس اشوفها حلوة وممتعة
الحين تثق فيني ولا ؟

تشوفها أسطورية ؟ بصوت جفلمب