مساعدة : رحلة إلى اليابان

[Moody]

السلام عليكم و رحمة الله و بركاته ،،

بأذن الله بشهر أوقست راح أطلع لليابان لمدة ١٤ يوم ، حجزت الفنادق بطوكيو و كيوتو ..
فيه عندي كم استفسار للشباب اللي سبق انهم زاروا اليابان ..

أولا :
بالنسبة للمواصلات أنا شخص قريت عن أنواع المواصلات هناك ( بالأخص القطارات و الصب وايز ) و أصابتني الحيرة صراحة:: ، ما أدري وشو أنسب طريقة للتنقل داخل طوكيو بالإضافة لأني ما عرفت كيف الواحد يقدر يتنقل عن طريقها ، أيضا و أنا اتصفح خريطة طوكيو ضيعت ( المخصصه للميترو ) و ما عرفت أختار المحطات الأقرب للوجهه حقتي :cold_sweat: ، فهل فيه طريقة معينة ممكن الواحد يستخدمها عشان يختار المحطات ؟

ثانيا :
بالنسبة لموضوع الفلوس ،، أنا صراحة شخص يخاف يتعامل بالكريدت كارد ( أخاف من تعطلها بأي لحظة) فهل تنصحون بأني اشيل معي الفلوس بشكل كاش ؟ + تحويل العملة هل فيه هناك أماكن عشان أصرف فيها العملة + وشو أفضل عملة آخذها معي (ريال/ دولار)..

ثالثا :
الأماكن اللي الواحد المفروض ما يفوتها باليابان ككل ( أنا بنزل بطوكيو و كيوتو و بنزل يوم بأوساكا و يوم بهيروشيما ) ؟؟

آسف عالأطالة و شكرا لتفاعلكم مقدما

 

[AlfreDo]

شوف هذا الموضوع يمكن يفيدك وبالتوفيق في سفرتك ::::

http://www.true-gaming.net/home/213656/

 

[DarK7WiZaRd]

لو مشا شفت هذا الموضوع اقراه ممكن يساعدك
http://www.true-gaming.net/home/213656/

 

[Moody]

يعطيكم العافية :heart:
بس اطلعت على الدليل هذا و أبي تجارب أخرى من باقي الأعضاء إن أمكن ذلك ..

 

[FAROOS]

أولا :
بالنسبة للمواصلات أنا شخص قريت عن أنواع المواصلات هناك ( بالأخص القطارات و الصب وايز ) و أصابتني الحيرة صراحة:: ، ما أدري وشو أنسب طريقة للتنقل داخل طوكيو بالإضافة لأني ما عرفت كيف الواحد يقدر يتنقل عن طريقها ، أيضا و أنا اتصفح خريطة طوكيو ضيعت ( المخصصه للميترو ) و ما عرفت أختار المحطات الأقرب للوجهه حقتي :cold_sweat: ، فهل فيه طريقة معينة ممكن الواحد يستخدمها عشان يختار المحطات ؟
::

الميترو أفضل طريقة لتنقل داخل طوكيو وأرخصهم . وطوكيو فيها أكثر من شبكة مترو وكل شبكه لها تذكره خاصه فيها (وتكلف حدود 700 ين لليوم ) ,

جوجل ماب هو أفضل طريقه تعرف طريقك في طوكيو , بمجرد ماتحط وجهتك يعطيك خيارات كثيره من الأسرع و الأرخص وغيرهم وكل خيار يكون بالتفصيل .

ثانيا :
بالنسبة لموضوع الفلوس ،، أنا صراحة شخص يخاف يتعامل بالكريدت كارد ( أخاف من تعطلها بأي لحظة) فهل تنصحون بأني اشيل معي الفلوس بشكل كاش ؟ + تحويل العملة هل فيه هناك أماكن عشان أصرف فيها العملة + وشو أفضل عملة آخذها معي (ريال/ دولار)..
::

ما أنصحك تأخذ كاش معاك, أنا شخصيا كنت أستخدم بطاقة الراجحي وأصرف الفلوس عن طريق صرافتهم كل 4-5 أيام وغالبا الصرافات الدوليه تلقاها عند محلات 7/11 وعلى ما أتذكر عمولة الصرف كانت بحدود العشرين ريال (بس خذ معاك 100 دولار إحتياط لأي ظرف طارئ :: ) .
وبخصوص تحويل الفلوس راح تلقى مكاتب التحويل بمطار ناريتا .

ثالثا :
الأماكن اللي الواحد المفروض ما يفوتها باليابان ككل ( أنا بنزل بطوكيو و كيوتو و بنزل يوم بأوساكا و يوم بهيروشيما ) ؟؟
::

حديقة شينجوكو الوطنيه (Shinjuku Gyoen) : من أفضل وأجمل الأماكن الموجوده بطوكيو .
أكيهابارا : إذا كنت تحب الأنمي والجيمز فأكيهابارا ممكن تكون أهم مكان لك في طوكيو .
برج طوكيو : واحد من أهم وأشهر معالم طوكيو .
متحف Edo-Tokyo : من أفضل متاحف طوكيو وإذا كان عندك إهتمام بعصر الإيدو لازم تزوره .

 

[persona]

راح احاول افيدك باللي اقدر عليه

بالنسبة للمواصلات أنا شخص قريت عن أنواع المواصلات هناك ( بالأخص القطارات و الصب وايز ) و أصابتني الحيرة صراحة​

::

، ما أدري وشو أنسب طريقة للتنقل داخل طوكيو بالإضافة لأني ما عرفت كيف الواحد يقدر يتنقل عن طريقها ، أيضا و أنا اتصفح خريطة طوكيو ضيعت ( المخصصه للميترو ) و ما عرفت أختار المحطات الأقرب للوجهه حقتي ​

:cold_sweat:

، فهل فيه طريقة معينة ممكن الواحد يستخدمها عشان يختار المحطات ؟ ​

1- كل القطارات والصب بطوكيو تستعمل بطاقة Suica واغلب القطارات الموجودة تكون تابعة شركة JR = Japan Railways، وهالبطاقة تحصلها بالمطار.
أفضل طريقة للتنقل بطوكيو هي القطارات، وغالباً يكون خط يامانوت هو الاسهل للسياح.
2- بخصوص كيوتو، الطريقة الافضل انك تتنقل فيها هي الباصات...واسهل شي انك تاخذ تذكرة باص يومية(تخلص بسرعة) بسعر بسيط جداً يلف لك بالمناطق..400 ين سعرها أظن..
فيه بعض المناطق تحتاج تروحلها بالقطارات مثل فوشيمي اناري.

الاهم من هذا كله، تحجز كل تنقلاتك بشكل مسبق من اول يوم تطب فيه طوكيو(طوكيو لكيوتو، هورشيما واوساكا)

ثانيا :
بالنسبة لموضوع الفلوس ،، أنا صراحة شخص يخاف يتعامل بالكريدت كارد ( أخاف من تعطلها بأي لحظة) فهل تنصحون بأني اشيل معي الفلوس بشكل كاش ؟ + تحويل العملة هل فيه هناك أماكن عشان أصرف فيها العملة + وشو أفضل عملة آخذها معي (ريال/ دولار).. ​

استعمل فيزا في اليابان، تقدر تسحب منها ..الاهل واجهوا مشاكل مع الماستر في اليابان وماقدروت يسحبون منها (قدروا يدفعون منها لكن سحب ماكانت تمشي معاهم).
خذ دولار، وحوله هناك بالمطار ل ين.

طوكيو:

كأماكن سياحية:
-أنصحك بديزني لاند\سي وأستديو جيبلي (تحجزلهم من سفن اليفين اول ماتوصل لليابان)
- طوكيو سكاي تري
- اساسكا
- حديقة شنجكو قوين\يويوقي بارك
- حديقة الحيوانات في منطقة وينو
- ضريح ميجي
- اودايبا (المنطقة اللي فيها القاندام)


أسواق:

مناطق مثل هراجيكو، شيبويا، جانزا وشينجيكو فيها اسواق حلوة ومعظها مجمعات شبابية

كيوتو:
راح يعطونك برشور سياحي، الاماكن السياحية فيها كثيرة وراح تضيع فيها ..

-برج كيوتو
-ضريح فوشيمي اناري (العمدان البرتقالية)
-قلعة نيجو
- كانيكاجي (البيت الذهبي)
-متحف المانجا
- جايييييييييون MUST
- ومنطقة ارشياماااااااااااا (وانصحك تروح محمية القرود) اللي فيها تصعد جبل بطول برج كيوتو.

كيوتو مافيها اسواق كثر طوكيو، بجاييون راح تحصل اسواق كثيرة، ومحطة القطارات عندهم كأنها مطار والاسواق اللي فيها ممتازة.


الأهم من هذا كله، أول ماتطب مطار ناريتا، تسألهم عن قطعة الانترنت المتنقلة Mobile wifi، بتحصلها بالدور الارضي 3 شركات جمب بعض.
تأجرها بالمدة اللي راح تقعد فيها، الدفع بيكون عن طريق الكريدت كارد، المبلغ اللي تدفعه ثابت بدون رسوم اضافية.


دش هالموقع حيل فادني

www.japan-guide.com/

 

[Moody]

يعطيكم العافيه يا فارس و خالد ،، ما قصرتم :heart: