Veeto
True Gamer
انه شخصية عميقة جدا و عنده خلفية و ماضي عميق و نفسيته معقدة و متشابكة بسبب عوامل و مؤثرات متعددة، و قصته كانت إبداعية حتما
كل هالامور ما تغني عن حقيقة ان وجوده في القصة نفسها .. كان ما ليه معنى
حتى طرح التفسير نفسه لهالشيء ما كان ليه اثر .. لان كوجيما ما عطاها مساحة في القصة اصلا
المشكلة ان التقييم يجبرك انك تقارنها مع 1 .. وطريقة التقديم القصصي
في 1 .. كل الشخصيات ليها خلفية ليها ماضي .. واغلب الشخصيات يكون ليها رابط مع سوليد سنيك
وهذا اللي عاطي الشخصيات اهمية .. وهذا اللي يخليك تعيش (( اسطورية سوليد سنيك ))
لما تسمع اوسيلوت يتكلم عنه .. او لما تشوف النينجا من البداية ياخذ ويعطي وياه
تحس انك تعيش قصة اسطورة .. بعدين لما تخليني العب برايدن قدم ليي اشياء مختلفة ما عندي مانع
لكن مو تخليني العب بشخصية ما ليها معنى ما اشوف فيه حس بالتقدم بالتطور
بيج بوس مثلا في 3 .. كان مثل رايدن تقريبا كشخصية .. وكانت القصة اكثر بساطة
وشخصيات الزعماء سيئين .. لكن مع هذا كشخصية .. احس بقرب وتواصل مع بيج بوس
اشوفه يتحول من مجرد عميل سري .. الى شخصية ثانية مختلفة متطورة بعد الشيء اللي عايشه
رايدن كان فيه كل البوتينشال انه يكون اسم مميز .. لكن كلها كانت ( ويستد ) لقرارات كوجيما الغلط
انا اصلا اظن انه مقحوم غصب في اللعبة ارضاء لاذواق اليابانيين المرضى
يعني مسار الشخصيات واضح انه متعلق بسنيك .. كلام فورتشن وكلام فامب باين عليهم فيه شيء بينهم وبين سنيك
الصراع بين فورتشن وسنيك على اعتبار انها معتقدة انه السبب في قتل ابوها
احسن واروع من مجرد اقحام اسم غبي او عنصر غبي مثل رايدن بالقصة
باختصار .. كوجيما محتاج يسوي ريبوت لميتال 2 .. يحذف منه رايدن ويمحيه من ذاكرة محبي ميتال
اخر شيء .. تسوي قصة معقدة بحبكات كثيرة .. اغلبها مفتوحة .. وما تقدم ليها حل
مو فن عظيم .. الفن لما بعدين تحاول تحل هالحبكات .. وقتها تقدر تحكم على القصة كقصة كاملة
وبعد ما شفنا حلول كوجيما لهالحبكات في 4 .. اظن ان قصة 2 .. نزلت من ميه .. الى وععععع