محتار بين Galaxy Note أو Galaxy S3 , ساعدوني!

[Superx]

السلام عليكم ورحمة الله وبركاته

ناوي اشتري تلفون يديد , وأول مرة بدخل عالم الأندرويد (تلفوني الحالي بلاك بيري تورج) , وابى مساعدتكم في الاختيار بين هالتلفونين Galaxy Note و Galaxy S3 مع العلم اني ادري انهم راح ينزلون Note يديد في شهر أكتوبر القادم..

ياليت لو حد عنده خبرة يقدر يفيديني أو يتكلم لي عن التلفونين بشكل مفيد ومختصر , مابى اتوه في زحمة قوقل , ودورت بعد مراجعة لـ جالاكسي نوت في الكتروني بس ماحصلت.. وطبعاً شفت مراجعة محمد البسيمي لجالاكسي اس3.

أترياكم , احتمال كبير آخذه اليوم

مشكورين

 

[Sir Guts]

و عليكم السلام و رحمة الله و بركاته

مايبيلها وهقه حبيب قلبي توكل على الله و خذ الـS3 .. انا ربعي عندهم الـNote و في مشاكل في البطارية و الجهاز يعلّق كثير!

و ثانيا الـNote حجمه مبالغ فيه يعني انت مستعد تشيل تابلت في جيبك؟ ماعتقد .. الـS3 من خذته قبل اسبوعين الى يومك PERFECT!

 

[Output No. 3]

توكل على الله ولا تحتار وخذ بنصيحة مشاري، افضل جوال بالسوق إلى الان.

 

[Unknown]

اس 3 مايبيلها اي تفكير حتى .. الا اذا بتصبر لأكتوبر بينزل النوت 2
بيكون نفس مواصفات الاس 3 تقريبا وحجم الشاشه 5.5 بوصه

 

[Solay]

مثل ما قال انون,اذا بتنتظر لإعلان النوت الجديد وتشوف فيه فرق فعلي والا لا موب مشكله..

بس اذا حاليا الجالاكسي اس 3 افضل جوال بالسوق بكلام الكثير,ومن تجربتي الشخصيه من أفضل ما جربت ومااتوقع اني ابتخلى عنه لخاطر أي جهاز ثاني.

 

[Talal kinenju]

دام عندك بلا بيري فS3 وانت مغمض وlفتح :laugh::

 

[Superx]

مشكووورين شباب , خلاص راح اييب الـS3 ان شاء الله..

واحط الصورة اليوم ان شاء الله

ماتوقعت ردود كثيرة وبسرعة , شكله الكل فان للجالكسي هني

 

[Output No. 3]

^
عالبركة مقدماً، ولا هي مو مسألة فان للجالكسي.. هي مسألة انه مستحيل شخص جرب الجالكسي اس3 وما يعتقد بكل قواه العقلية بإنه افضل جهاز في السوف حالياً، صدقني انه جهاز الاحلام p:

 

[DOOM1800]

هو على حسب نظرتك الشخصية لمتطلبات جوالك الجديد فالان انت محتار بين الاس 3 و النوت طيب انت وش الي تبيه من الجوالين هذولي ؟

مثلا بطارية نقول الاس 3 بحكم ان النوت شاشته الكبيرة تاخذ عالبطارية و خويي اشوفه يشتكي منها بس مو لدرجة عالية بس يعني تبقى مشكلة بالنسبة له

تبي جهاز مهجن (لوحي - جوال) خذ النوت لان التطبيقات بشكل عام و الالعاب بالاخص ممتازة عليه بالطبع بسبب حجم الشاشة و خويي مركب برنامج محاكي لالعاب النينتيندو 64 و البلاي1 و بصراحة شيء حلو و ممتع وخاصة لك كقيمر

فهكذا لو انت عالاقل تعطيني نقاط الي تهمك بالجوال الي تبيه ابقدر اساعدك بالاختيار بين الجهازين و اتوقع انت بس لو تجيب ورقة و قلم و تكتب الي تبي بتوصل للجوال الي تبيه و مبروك مقدما ً .

 

[Raulioo]

المفروض تكون محتار بين الون اكس والاس3 ... يالله مبروك عليك مقدما بكل الاحوال

 

[Output No. 3]

^
اقسم بالله .. اني لما شفتك اسمك قلت اكييييييد 100% صادق راح يتكلم عن الون إكس XD

 

[alruqeishy]

صادق ذلنا في كل مكان عن الون اكس XD

 

[Superx]

هدية من الوالد :happy:​

 

[Raulioo]

مبروك ماجد

^
اقسم بالله .. اني لما شفتك اسمك قلت اكييييييد 100% صادق راح يتكلم عن الون إكس XD

ياخي جوهرة مظلومة اعلاميا...تتذكر لما تتكلم عن امنيجيا ومحد يعطيك وجه ، نفس الشي هنا

 

[Output No. 3]

انت على الاقل عندك احمد بن محفوظ تقدرون تفصفصون الجهاز مع بعض.. انا ماعندي احد يا حسرة بديت اتكلم مع حالي

عالبركة اخوي سوبر إكس وتتهنى فيه.....

 

[قناص]

مبروك ماجد

ياخي جوهرة مظلومة اعلاميا...تتذكر لما تتكلم عن امنيجيا ومحد يعطيك وجه ، نفس الشي هنا

الون أكس أفضل بنظري من الأس 3 لكن البطارية عيبه
سمعت كثيرين يشتكون من بطارية الون أكس التعيسة

 

[Emirates]

مبروك ماجد وانا داخل اقولك اس 3 وزين خذته

 

[Kaze]

في كلام ان في اب جريد للرام مع الاصدارات الجديدة من الاس ثري راح تنزل مع الجلي بين و بكون ٢ GB ... حالياً ال١ GB ما تسوي شيء مع نظام تشغيل عسكريم سندويج