بغض النظر انهم شركات طرف ثالث كبيرة، لكن كم تعتقد عملية ال porting تكلف؟ الامر الآن اسهل بكثير من ازمان سبقت لان المعمارية موحدة بين الجهازين وبيسكلي هم عبارة عن PC مصغر وكستم
مافيه شركة بتوافق على الحصر الا اذا كانت تشوف المبلغ اللي بتستلمه اكبر من تكلفة الport والايرادات المتوقعة من المنصات اللي مابينزل عليها، بالاضافة للعلاقات والدعم اللي بتحصله
لكن هذا يظل منظور short term، واتفق معاك ان العملية صايره مكلفة وفيها مخاطرة كبيرة لدرجة الشركات تلعب على هذا المنظور القصير
لكن بنفس الوقت مايمنع انه يطلع قرارات سيئة، او انه ماياخذ بالحسبان عوامل غير معروفة مثل بناء قاعدة وجمهور، عندنا امثلة حديثة لشركات ندمت انها مادعمت السويتش من بدري بينما شركات اخرى دخلت وحصلت ارقام طيبة، فقرارات الشركات مش بالضرورة عقلانية
لو تلاحظ ماحد يعترض على حصريات الطرف الاول او يطلب من استديوهات بنتها مايكروسوفت وسوني ونينتندو تنزل العابها على باقي المنصات، اكيد لازم تميز منصتك
الكلام هنا عن التعامل مع الطرف الثالث
وبخصوص المستهلك، المستهلك يعتقد ان الاحتكار عبارة عن monopoly بس وشركة وحدة، بينما صناعة الكونسلز باختصار عبارة عن duoply ولو بنحط نينتندو تعتبر oligopoly
هل تعتقد انه هذا نموذج منافسة صحي ويخدم المنافس؟ لول لا والشركات هذي لقلة عددها يحصل بينها اتفاقات ضد المستهلك، كمثال ستاندرد ال 70$ او ستاندرد اشتراك عشان تلعب اونلاين!
وكل واحد منهم عنده ميزات كفاية تخليه يتعامل مع base المستهلكين حقته بشكل احتكاري، بل حتى ال barriers to entry ترتفع كثير بشكل يصعب دخول اي لاعب لل"منافسة" الصغيرة هذه
بس طالما ماهي شركة وحدة فالمستهلك مبسوط وراضي ويحسبهم يدورون رضاه
