كونامي رسميا للمرة الألف: MGS4 is a PlayStation 3 exclusive

[cobra]

تماما زي فريق تيم ننجا لما و قف مشروع لعبة ننجا جايدن على الps2 و و اشتغلوا على ال xbob بس عشان تظهر اللعبة بافضل صورة ليش مثلا ما فكروا زيكم و قالوا خلينا نسويها على ال ps2 او نسوي له بورت عشان الارباح تكون اكث [/QUOTE ]
هذا كان بmoney hat ثقيل جدا, من يترك يوزر بيس البلاي 2 ويسوي لعبة للاكس بوكس بس عشان يطلع شكلها أفضل؟ لول.

ما ادري اذا الشغلة فعلا صارت عشان الفلوس بس اتذكر من مراجعات اللعبة ان الفريق كان فعلا يبغاها بافضل صورة ممكنة خخخ خلاص ليش ما يصير نفس الشي مع mgs4 و سوني تعطيهم الل فيه النصيب و تفتك

 

[Xeno]

^

الكلام هذا للاستهلاك, أنت ارجع واقرأ مقابلات تومونوبو اتاجاكي بتعرف إذا جاته حقائب من رزم الدنانير ولا لأ, ولا زالت تأتيه.

 

[cobra]

^

الكلام هذا للاستهلاك, أنت ارجع واقرأ مقابلات تومونوبو اتاجاكي بتعرف إذا جاته حقائب من رزم الدنانير ولا لأ, ولا زالت تأتيه.

خخخ على كذا انا كنت مخدوع بالمراجعات و الكلام الفاضي واضح فعلا انهم اشغلوا على ال xbox عشان مبلغ و قدره من جاهم من بيل جيتس

 

[Zero]

إذا كان للـPS3 لعبة تعتبر سيستم سيلر فهي ما راح تخرج عن MGS4 أو FFXIII ، نهاية القصة .

 

[Emirates]

محمود من الحين بذكرك

بيكون فيه موضوع للمره الالف وواحد ههههه

لان الكلام ما بيخلص عن الحصريه وفكها في ضوء المعطيات الحاليه

 

[ShinShadi]

بصراحة أنا ما يهمني أبدا اللعبة رح تنزل على أي جهاز .. أنا رح ألعبها وين ما تروح إن شاء الله لو على الجوالات حتى !!
أنا الكلام إلى أبغى أقوله موجود في رد خالد .. و طبعا كل شي ممكن و قد حصلت زمان ..
عشان كذا أتمنى من ( سوني فانز ) يعملوا إعتبار لنقطة هذي ..

 

[Purple Rain]

الظاهر راح آخذ ال PS3 عشان هاللعبة بس !!

 

[Double T]

ردا على الي يقول ليش تتمنون العبة حصريه و انت لاعبها لاعبها ... انا اتمنى اللعبة تكون حصريه مو نكاله في ال360 بس عشان الجهاز يبيع و يقوم على رجوله .. لو حصل ذا الشي ما عندي اي مشاكل بنسخة لل360 بعد فترة ( و هو الشي المتوقع ) ..

بخصوص الربح و ال360 يوفر ربح لكونامي .. هذا الشي صحيح لو ما سوني تعطي كونامي $$$$$ على حصرية اللعبة .. و اتوقع سوني مستعده تعطي كونامي اي شي عشان لعبة زي متل جير الي ما تتكرر

 

[Final Fantasy]

خالد :

محمود .. بليز لا تفهم المسئلة خطأ وتدخل التعصب فيها .. والله انا كنت كذا سابقاَ مثلك تماماَ ايام سلسلة RE وحصريتها مع نينتيندو ..

كنت احلف في المنتدى انها ما بتنزل غير على ال Cube وتصريحات الدنيا انها حصريه .. والناس تختلق اشاعات وتكون ان العقد بيبقى فيه مدري كم شهر وحوسه طويله عريضه .. والجواب كان ان الفلوس هي الي تمشي كل شي.

غيرها الي ما نزل على اي جهاز آخر زمان (يعني ما نزل على Xbox الاول) راح للاكس بوكس الآن وصار مولتي ... ليش ميتل جير الي نزلت اول عليه بعد بكم شهر او كم سنه من النسخه الاصليه؟ .... كوجيما حلف وقال انها ما بتنزل على غير الجهاز؟ ... اصلا له كلمه هو في هذا الامر؟ هو بيقول رغبته ورايه .. ما يبي يخسر جمهوره ملاك البلاي ستيشن جميعاَ ويقول لهم انها بتنزل على جهاز آخر ... ونفس الوضع عند الشركه تبي تشوف المبيعات ..

رجاء رجاء لا تقولي ان الفلوس مو مهمه عند كونامي ومهمه عند كابكوم .. هذا كلام مع احترامي كلام اطفال وكلام ينقال في منتديات اخرى. المبيعات ثم المبيعات ثم المبيعات.

في دخل منها .. في فلوس .. هل اللعبه غطت تكاليف الانتاجيه؟ اذا نعم ... فاحتمال كبير جداَ انها ما تنزل على جهاز آخر عشان ما تضيع جمهور السلسله.

لكن اذا كان الجواب "لا" ... ايش تتوقع؟ .. كونامي تمشيها ؟؟ ههههه مافي امل .. تخسر على خاطر السوني فانز؟ عشان ما تزعلهم او ما تزعل سوني ... تنزل نسخه بعد سنه وتحط اسم اضافي لها وتنزلها في السوق.

لا تقولي الديسك فورمات وووالخ ... بيحلونها بيحلونها .. تنزل على ثلاث ديسكات او اربع .. مو مهم .. اهم شي تنزل ..

الفرق بين كونامي وكابكوم هي السياسة .. كابكوم ما يهمها الفانز ولا الشركات الي سوت معهم عقد. حسب ذاكرتي ان بمجرد ما انتهى العقد .. قبل اصدار اللعبه بالاسواق اعلنت عن نسخة البلاي ستيشن 2. والاعلان هذا اثر على مبيعات نسخة الكيوب طبعاَ.

كونامي ما بتجازف وتقع في الحفره الي وقعت فيها كابكوم .. شافت الامثله ... هي بتنتظر .. اذا اللعبه ما دخلت فلوس الانتاجيه .. توقيع واحد من رئيس الشركه الي طبعا ما يهمه مشاعر الفانز (لول) ..

لا تاخذ الامر بتعصب .. انا كنت مثلك مع RE (الي كنت ولازلت اعشقها وبقوه) عشان كذا كنت ادافع عنها .. بس احنا وين .. وسياسة الشركات وين.

خالد أكيد ما يحتاج أنك تقول هالشي ... لأن هالشغله معروفة تماما

كأنك تقول لواحد متعصب للقمر أن (( القمر يستنفذ اضائته من الشمس )) هل راح تلقاه يعاند و يفهم السالفة غلط و راح يصرخ و يقول (( ايش قصدك أن القمر ما منه فايده يا عمي روح اسري بعيد القمر و بس و الباقي خس )) :yuck:!؟

يعني كلامك واضح 100% و هي حقيقة ثابته مافيه شي يغيرها ... بس أنا أقول أن MGS4 راح تبيع على الـ PS3 باذن الله لأنها لحتى الآن تعتبر السيستم سيلرز الأكثر أهمية للجهاز في الفترة القادمة يعني أمانة كم واحد نعرفه ما امتلك الـ PS3 لحتى الآن و يقول أنه راح ياخذه مع MGS4 ؟؟

هالكلام أيضا أوجهه حق الي يقول أن اللعبة مو سيستم سيليرز و راح تبيع لليوزر بيس الحالي فقط .. لو كان هالكلام صحيح كان ما سمعنا مليون واحد و واحد بكل مكان ما اشترى الـ PS3 و دائما يردد أنه راح ياخذه مع صدور هاللعبة !! أيضا اللعبة مبسطين تحكمها و حاطين فيها بلاوي زرقة و بيضة و صفره حتى تجذب الكاجوالز و حتى الغير متابعين للسلسلة حتى يدخلون للعبة بسهولة و يسر

و ثانيا ما أظن أن سوني تفرط بحصرية MGS4 أكيد راح نشوف موني هات منها محترم لكونامي خاصة بعد ماشافت الضجة الحين حوالين اللعبة و شلون الطرف المنافس يبغاها بشده .. هل يدش العقل أن سوني راح تفرط بحصريتها و تخليها تطير منها !؟

أظن أن كلامي هذا واضح .

نقطة ثانية فيه شباب يقول (( شنو فيها لو اللعبة انفكت حصريتها و نزلت لجهاز ثاني شنو خسرانين و مافيها شي اذا أصحاب الجهاز الثاني كانوا يبون اللعبة على جهازهم )) ... خلوني أقول شي أغلب الناس الي تبي اللعبة تنفك حصريتها مو حبا و لا عشقا لها لا يا قلبي و روحي يبونها تنفك عنادا في سوني و السوني فانز و لا هم ترى مو ذاك الاهتمام باللعبة و الا جان ما شفنا ناس في موضوع الاشاعه السابق تقول (( راح ألعبها / أنطرها على 360 )) و في هالموضوع يطلع أنه مو فان للسلسلة أصلا و لا لاعبها و لا مهتم فيها .. لذلك بلا تصنع البرائة للبعض ترى هالحركات قديمة و معروفة و شبعنا منها

ثانيا سلسلة Solid بدأت على البلاي ستيشن و استمرت على البلاي ستيشن و جميع جمهورها متعودين أنها لعبة و واجهه لأهم ألعاب البلاي ستيشن .. لذلك من حقنا أننا نطمع بأن تكون اللعبة حصرية لنا و تظل حصرية لنا حالنا حال فانز أي جزء أخير من سلسلة ثانية نزلت بشكل أساسي على جهاز معين و استمرت عليه و جمهورها هم أصحاب الجهاز المعين .. يعني تبون تقنعوني أن لو كان مكانا في الكرسي جمهور جهاز آخر كان ما اتخذو نفس موقفنا ؟!


هذا كل الي عندي اياه حاليا .

 

[Humam]

انا اتمنى اللعبة تكون حصريه مو نكاله في ال360 بس عشان الجهاز يبيع و يقوم على رجوله

الحقيقة كلام سليم.. مع الأسف أحس في ناس تتمنى اللعبة ما تبيع بس علشان تنزل لل 360.. وفي النهاية ماراح يلعبوها..

ميتل جير 2 مبيعاتها كانت ممتازة ومع ذلك سبستانس صدرت على الاكس بوكس.. لا وكانت تايم اكسكلوسف كمان ( شهر مدري شهرين :cooool: ).

بس انا ما احب المثالية الزائدة, مافي شي اسمه عادي العبها على اي جهاز.. في نسخة Elite وفي نسخة Core هعععععععععععع.

 

[hussien-11]

ثانيا سلسلة Solid بدأت على البلاي ستيشن و استمرت على البلاي ستيشن و جميع جمهورها متعودين أنها لعبة و واجهه لأهم ألعاب البلاي ستيشن .. لذلك من حقنا أننا نطمع بأن تكون اللعبة حصرية لنا و تظل حصرية لنا حالنا حال فانز أي جزء أخير من سلسلة ثانية نزلت بشكل أساسي على جهاز معين و استمرت عليه و جمهورها هم أصحاب الجهاز المعين .. يعني تبون تقنعوني أن لو كان مكانا في الكرسي جمهور جهاز آخر كان ما اتخذو نفس موقفنا ؟!

كلام سليم تماما ، جمهور بلاي سيتشن الهم كل الحق بتمني اللعبة حصرية على اجهزتهم ، و أكيد لو فانز أي جهاز مكانهم ، بيتخذوا نفس الموقف .. شي طبيعي

بس أنا أقول أن MGS4 راح تبيع على الـ PS3 باذن الله

ان شاء الله ، بس هل بتبيع للدرجة الي ترضي كونامي ؟ أو بالأصح بالشكل المتوقع منها .. أنا أقول صعب لكن هذا الشي بعلم الغيب ، الوقت وحده رح يجاوب .
​

 

[Sneaking King]

عن نفسي كنت متوقع إن اللعبة من ماراح تحقق هدف كونامي اللي تبغى اللعبة تبيع مليون في أول يوم
ولكن من بعد ما أعلنوا إن MGS4 وMGO راح ينزلوا في باكج واحد, تغيرت وجهت نظري
لإن ممكن البعض ماتهمه اللعبة, لكن لما يسمع عن الملتي بلاير, ممكن ياخذ اللعبة عشانها.



لكن أشوف في النهاية اللعبة راح تصدر على ال360 بعد سنة أو سنتين أو ممكن أكثر
وهذا الشيء راح يكون من صالح مبيعات اللعبة.

 

[cobra]

الخلاصة كونامي تبغى تدعم سوني بلعبتها و عندها ولاء لشركة سوني و ما اعتقد ان اللعبة بتنفك حصريتها سبحان الله ما كنا نسمع الكلام هذا الجيل الماضي و ما قد احد قال يا ريت اللعبة الفلانية تنفك حصريتها من ال xbox عشان اليوزر بيس اقل من خمس يوزر ال ps2

 

[hamad 11]

نقطة ثانية فيه شباب يقول (( شنو فيها لو اللعبة انفكت حصريتها و نزلت لجهاز ثاني شنو خسرانين و مافيها شي اذا أصحاب الجهاز الثاني كانوا يبون اللعبة على جهازهم )) ... خلوني أقول شي أغلب الناس الي تبي اللعبة تنفك حصريتها مو حبا و لا عشقا لها لا يا قلبي و روحي يبونها تنفك عنادا في سوني و السوني فانز و لا هم ترى مو ذاك الاهتمام باللعبة و الا جان ما شفنا ناس في موضوع الاشاعه السابق تقول (( راح ألعبها / أنطرها على 360 )) و في هالموضوع يطلع أنه مو فان للسلسلة أصلا و لا لاعبها و لا مهتم فيها .. لذلك بلا تصنع البرائة للبعض ترى هالحركات قديمة و معروفة و شبعنا منها

ههه.. محمود بما اني الوحيد الى سالت هالسؤال واضح انك موجه الكلام لي, لكن صدقني ما يهمني العناد في سوني ولا العناد في بطيخ, وشي ثاني معروف اني MGS Fan.

اما في الجملة الأخيرة مدري من تقصد بالضبط اتضح في هالموضوع مو فان للسلسلة ولا لاعبها او مهتم فيها, لكن الشي الأكيد انه موب انا. ::

ثانيا سلسلة Solid بدأت على البلاي ستيشن و استمرت على البلاي ستيشن و جميع جمهورها متعودين أنها لعبة و واجهه لأهم ألعاب البلاي ستيشن .. لذلك من حقنا أننا نطمع بأن تكون اللعبة حصرية لنا و تظل حصرية لنا حالنا حال فانز أي جزء أخير من سلسلة ثانية نزلت بشكل أساسي على جهاز معين و استمرت عليه و جمهورها هم أصحاب الجهاز المعين .. يعني تبون تقنعوني أن لو كان مكانا في الكرسي جمهور جهاز آخر كان ما اتخذو نفس موقفنا ؟!

لول, الجهاز بحريقة.. شدخلني في الجهاز
شاري عند الشركة أسهم على غفلة ولا ايش؟

إن شاء الله ينتهي مكانها في الـDS ما عندي أي مشكلة إطلاقاً, لكن تصدر على الجهاز يكون جهاز قوي يخدم اللعبة ويوفر لها إمكانية التطور مع الإحتفاظ بنفس أسلوبها وشكلها.

المهم اني العب اللعبة بغض النظر عن الجهاز, مع ضرورة أنها تكون بنفس الأسلوب وبنفس التطور الى يبونه فانز اللعبة, عاد تاريخ وجماهير وبطيخ, ما يهمني.

 

[Final Fantasy]

حمد للمعلومة أنت أبدا ما خطرت على بالي لما كتبت ردي .. ليش ماخذها بطريقة شخصية و أنها موجهه لك ؟!


على فكرة مبيعات اللعبة ما عليه خوف مثل ما متصورين .. الى أن تصدر اليوزر بيس للبلاي ستيشن 3 راح يكون موصل لرقم حلو و بعدين كلنا شفنا مبيعات ألعاب الطرف الثالث جم باعت في أمريكا عالجهاز (( كول 4 و أساسين )) فهالمرة مابالكم بلعبة مثل MGS4 تعتبر أكثر لعبة منتظرة و مطلع لها عالجهاز بالفترة القادمة و من أهم أسباب شراءه للكثيرين ؟


و هم بعد لا تنسون أنها راح تصدر عالميا بيوم واحد يعني معقولة ماراح توصل لمبيعات ترضي كونامي ؟!


حتى """"لو""" ما وصلت .. راح يجيلها موني هات محترم من سوني لأنه من الغباء التفريط بحصرية لعبة مثل هذه و لا أظن سوني راح تتخلى عن هالورقة بسهولة .

 

[hamad 11]

حمد للمعلومة أنت أبدا ما خطرت على بالي لما كتبت ردي .. ليش ماخذها بطريقة شخصية و أنها موجهه لك ؟!

لا تخاف ما اخذت أي شي بشكل شخصي, اصلاً مافي شي شخصي بيني وبينك ::

لكن بس اوضح لك وجهة نظري وأسبابي الخاصة , لأني صرحت السؤال الى انت علقت عليه

حتى """"لو""" ما وصلت .. راح يجيلها موني هات محترم من سوني لأنه من الغباء التفريط بحصرية لعبة مثل هذه و لا أظن سوني راح تتخلى عن هالورقة بسهولة .

محمود سوني لو رح توزع موني هاتس كان وزعتهم من زمن جدتي, كان وزعتهم على شركات الألعاب القوية والحصرية على الجهاز حتى الآن عشان تضمن إستمرار حصرية الألعاب وانه الشركات ما تعلن الألعاب ملتي وهي قاعدة تشوف وضع الجهاز السيء.

 

[Strife]

حتى """"لو""" ما وصلت .. راح يجيلها موني هات محترم من سوني لأنه من الغباء التفريط بحصرية لعبة مثل هذه و لا أظن سوني راح تتخلى عن هالورقة بسهولة .

انا شبه متأكد ان الموني هات وصل.. ومن زمااان..

 

[squall leonhart]

احلي شي ان كل واحد يصرف من عنده و بعدين يصدق الصرفه .. مافي شي مؤكد عن حصرية ميتل 4 هل بستمر على طول و لا تايم اكسكلوسف .. فما ادري ليش الي يعتقد و يجزم انها بتنزل على ال 360 ما يعطي الفرصه لشباب الي مؤمنين انها بتضل حصريه و يصير كانه غبي و يحلم و ما ادري ايش .. الاحتمالين متساوين عندي لكن لعبة زي ميتل جير بتاخذ وقت طويل حتى لو كان بورت خصوصا لو اخذنا بالاعتبار الفروقات بين الجهازين .. فلو كونانمي ناويه تنزل نسخة 360 فانا اجزم انه قيد التطوير الان .. مو معقوله ان ميتل جير تنزل بعد اكثر من سنه على ال 360 وقتها بتكون outdated و الهايب بيكون صفر ..

 

[Final Fantasy]

حمد : و منو قال أن ممكن الموني هات ما وصل لهم للحين .. عيل ليش الاصرار من كونامي أن اللعبة حصرية ؟

 

[hamad 11]

حمد : و منو قال أن ممكن الموني هات ما وصل لهم للحين .. عيل ليش الاصرار من كونامي أن اللعبة حصرية ؟

يصير خير محمود
الأيام الجاية تحكم ونشوف قوة الموني هات السحرية :cooool:

 

[Strife]

احلي شي ان كل واحد يصرف من عنده و بعدين يصدق الصرفه .. مافي شي مؤكد عن حصرية ميتل 4 هل بستمر على طول و لا تايم اكسكلوسف .. فما ادري ليش الي يعتقد و يجزم انها بتنزل على ال 360 ما يعطي الفرصه لشباب الي مؤمنين انها بتضل حصريه و يصير كانه غبي و يحلم و ما ادري ايش .. الاحتمالين متساوين عندي لكن لعبة زي ميتل جير بتاخذ وقت طويل حتى لو كان بورت خصوصا لو اخذنا بالاعتبار الفروقات بين الجهازين .. فلو كونانمي ناويه تنزل نسخة 360 فانا اجزم انه قيد التطوير الان .. مو معقوله ان ميتل جير تنزل بعد اكثر من سنه على ال 360 وقتها بتكون outdated و الهايب بيكون صفر ..

اتفق مع هذا الرد :laugh:

 

[Xeno]

لو كان في نسخة تحت العمل للـ360, شي طبيعي مايعلنون عنها قبل صدور نسخة البلاي 3 عشان الهايب, إلا لو كانوا بغباء كابكوم مثل ماقال خالد فرد سابق. (يعني على الأقل مئات الآلاف كنسلوا شراء الكيوب بعد خبر بورت رزدنت 4 للبلاي 2)

أيضا أعتقد سوني سبق أن دفعت موني هات للتكتم على الأخبار. (يوم يوبيسوفت ماكنت تجيب طاري الـ360 مع أساسنز كريد لفترة)

 

[Super Shadow]

أهم شي اللعبة

مب مهم تصدر على أي جهاز

 

[Humam]

خخخخ والله جابها الكازا.,, بس في شي مضحك.. الظاهر في ناس تحسب اذا اللعبة نزلت على جهاز ثاني بعد 6 شهور معناته حصريتها " انفكت ".. خخخخ.. عجيب.

 

[F - ZERO]

يمكن يكون كلام فاينل فانتسي صحيح لأن اللعبة حتى الآن حصرية على البلاي ستيشن 3 والمخرج يقول ان اللعبة حصرية يعني هل تتوقعون أن المخرج راح يلعب على الناس ><"

لكن الي مستغرب منه يا فاينل ليه كل هذا الانزعاج الواضح في الموضوع يا أخي خل الناس تحلم بميتل جير على الاكس بوكس ولا هذا حرام::

 

[Nintendo]

والمخرج يقول ان اللعبة حصرية يعني هل تتوقعون أن المخرج راح يلعب على الناس ><"

شينجي مكامي يسلم عليك بس المشكلة قطعوا راسه

 

[mohamed]

إذا كانت المسألة موني هات فلا أعتقد أن المسألة صعبة على بيل جيتس انه يمطر كونامي بالدولارات بس عشان يحصل له نسخة من ميتجل جير4 !!
لهذا السبب الشركات تخطط على المدى البعييييييييييييييييييييييييييييييييييييييييييييييييييد...

أما مسألة ان اللعبة ماراح تبيع فأنا أتفق تماماً مع محمود أن مسألة بتيع مسألة شبه منتهية , راح تبيع وراح تجعل مبيعات البلاي3 تضرب السماء , لأنها وبكل بساطة أضخم مشروع على الجهاز وأهمها حتى الآن وملايين أجلوا شراء الجهاز بس عشان هذي اللعبة .
وعلى فكرة , ترى مو شرط ان اللعبة إذا باعت بشكل خرافي يعني ماراح تصدر على الجهاز الثاني!!
أكبر مثال جراند ثيفت أوتو سان أندرياس , تتذكرون وش عملت في أمريكا؟؟ أكلت العالم وضاعفت من مبيعات البلاي2 ( على فكرة , جراند ثيفت أوتو سان أندرياس أكثر لعبة باعت على البلاي 2!!) , ومع ذلك شفنا بعد فترة اللعبة طلعت على الاكس بوكس!! بس عشان زيادة $$$.

العائق الوحيد بنظري لصدور اللعبة على ال360 هو نقل اللعبة من البلو راي للديفيدي , يعني الفريق أكدوا أكثر من مرة انهم جالسين يستغلون مساحة البلو راي إلى أقصى حد ممكن , فكيف لو تم التحويل من 50 جيجا إلى 12 جيجا؟؟؟ لازم يحذفون أشياء كثيرة ويمكن بعد يضعفون من قوة الجرافيكس والمؤثرات بس عشان الديسك يشيل اللعبة , أو الحل الأصعب وهو 4 أقراص وهذا الشيء مكلف ...

شينجي مكامي يسلم عليك بس المشكلة قطعوا راسه

بس لاحظ أن ريزدنت ايفل 4 نزلت بعد حوالي سنة , يعني الناس وخصوصاً الفانز ماراح يصبرون كل هالفترة فلعبوا اللعبة على الكيوب , لو المدة 4 أشهر مثلاً نقول ممكن يصبرون...
بس البلاي3 وضعه مختلف , لأن الكيوب كان جهاز رخيص عكس البلاي3 عشان كذا ما أظن أحد من ملاك ال360 راح يشتري البلاي3 عشان ميتل جير لو كانت اللعبة بتصدر على ال360...

 

[Xeno]

أو الحل الأصعب وهو 4 أقراص وهذا الشيء مكلف ...

الديفيدي مكلف؟

العائق الوحيد بنظري لصدور اللعبة على ال360 هو نقل اللعبة من البلو راي للديفيدي , يعني الفريق أكدوا أكثر من مرة انهم جالسين يستغلون مساحة البلو راي إلى أقصى حد ممكن , فكيف لو تم التحويل من 50 جيجا إلى 12 جيجا؟؟؟

أغلب ملفات ميتل جير 4 loseless وممكن ضغطها بشكل كبير, في ألعاب على الـ360 بنفس حجم الـcontent اللي فميتل جير 4 وأكثر.

 

[mohamed]

الديفيدي مكلف؟

أغلب ملفات ميتل جير 4 loseless وممكن ضغطها بشكل كبير, في ألعاب على الـ360 بنفس حجم الـcontent اللي فميتل جير 4 وأكثر.

قصدي مكلف على الناس اللي بتشتري اللعبة!


إذا كان الوضع كذا أجل أسحب كلامي , مشكور على المعلومة المهمة

 

[Xeno]

اللعبة تباع بنفس السعر حتى لو أكثر من ديفيدي, لأن هالشيء غير مكلف أصلا بالنسبة للشركة.

على الـ360, عندك بلو دراجون على 3 اسطوانات, ولوست أوديسي على 4.