كونامي رسميا للمرة الألف: MGS4 is a PlayStation 3 exclusive

[Final Fantasy]

You know, I bet Konami is getting really tired of quashing Metal Gear Solid 4 rumors at this point. The PR team would probably throw a gala event if the game were ever announced for the 360, simply to celebrate the fact that everybody would finally be shutting up about. Konami PR's Michael Shelling, who I am sure would look amazing in a tailored tux, responded to our own inquiries with the following:

For the record, Metal Gear Solid 4: Guns of the Patriots is a PlayStation 3 exclusive and there are no plans to develop an Xbox 360 version of the game.

No plans to develop an Xbox 360 version neatly dispells XboxFamily's source's claim that the game has been in development since early last year. Cue the classic game show failure music in 3...2...Wahh wahhh wahhh wahhhhhhhh.

http://kotaku.com/340097/mgs4-360-rumor-smashed-yet-again




كان يا مكان في قديم الزمان و سوالف العصر و الأوان .. كان فيه لعبة عملاقة و كبيرة اسمها MGS4 و كانت حصرية لجهاز اسمه الـ PS3 و تعتبر أحد أهم عناوين الجهاز و أكثرها جاذبية لشراء الجهاز .. و كان فيه جهاز منافس اسمه الـ XBOX360 .

و فيه أحلام وردية كانت بصدور اللعبة على الجهاز المنافس فكانوا يلعبون بين الفترة و الثانية لعبة جميلة أعجبتهم و هو اطلاق اشاعة أن اللعبة ستصدر على الجهاز المنافس و بعدئذ يتناقشون على الاشاعة و يسفكون الدماء عليها و يبنون أبراج عالية على أساسها كأنها حقيقة ... و لكن في كل مرة كانت تنتهي القصة بقتل للاشاعه و هي في مهدها الصغير تارة من الشركة الأم و تارة من مخرج اللعبة .. تسكت الاشاعه لمدة شهر أو شهرين بالكثير ثم تعاود بالظهور مجددا و يسفك الدماء عليها من جديد و تبنى الأبراج العالية لتهدم مجددا من قبل الشركة الأم أو المخرج و يدور الجميع في حلقة مغلقه لا نعلم متى تنتهي .

فهل ستكون هذه هي النهاية ؟ أم أن هناك سيزن آخر سيخرج من الزرقة :yuck:؟!

تابعوا معنا أحداث الموسم القادم من المسلسل المكسيكي المدبلج (( MGS4 راح تصدر على الـ XBOX360 )) و مسلسل مكسيكي آخر في العام القادم من نفس فريق الكتاب الناجح بعنوان (( FFXIII راح تصدر على الـ XBOX360 )) :yuck:

 

[Nintendo]

لول حلوه القصة

وايضا كان ياماكان عضو بالمنتدى يعيش بالاحلام الورديه . يحاول يضحك على نفسه باشياء وهميه والحاله كل فتره وفتره تصير منتهيه .. الله يهديه ويشفيه ويرزقه طعميه

بالنسبة للعبه فسواءا نزلت وملا مانزلت انا ماشتريت البلايستيشن3 الا عشانها . منتظرينها بالصيف او نهاية العام ان شاء الله ..

 

[Xeno]

خخخخخ أنا أتوقع من 3-5 مواضيع MGS4 360 قبل صدور اللعبة, شيء لازم تتعايش معاه.

على فكرة يقولون سبلنتر سيل كونفكشن بتروح راس براس مع ميتل جير 4, حسب علمي هذي لعبة محمود التجسسية المفضلة, مادري إذا تغير ذا الشي مع "الظروف" أو لا لول.

 

[The Shark]

و كان يا ماكان قال الشاعر الجاهلي طرفة بن عبد :
ستبدي لك الأيام ما كنت جاهلا --- و يأتيك بالأخبار من لم تزودي
و يأتيك بالأخبار من لم تبع له --- بتاتا و لم تضرب له وقت موعد

 

[Final Fantasy]

لول حلوه القصة

كنت بكتب بريفيو لقصص خيال علمي عن ألعاب الطرف الأول و الثاني .. بس ماحبيت يطول الموضوع لول

على فكرة يقولون سبلنتر سيل كونفكشن بتروح راس براس مع ميتل جير 4, حسب علمي هذي لعبة محمود التجسسية المفضلة, مادري إذا تغير ذا الشي مع "الظروف" أو لا لول.

أسلوب تجسس سبلنتر سيل 1 و 2 و 3 بالنسبة لي >>> أسلوب تجسس ميتل جير سوليد 1 و 2 و 3

و مافيه أي شي ممكن يغير رأيي

 

[MALDINI]

لول .. خيالك واسع ماشالله <tgman> .. كلنا انشالله راح نلعبها وقت نزولها عالـ PS3 .
***

 

[Yaser]

كله كوم والطعميه كوم ثاني :laugh:

 

[persona]

المفروض على كل هالكلام والضجه يحطون تنبيه كونامي بكل العابهم قبل لا تبدأ اللعب بهالصيغه .لول..

هالخبر هو السادس او السابع اللي اقراه عن "احتماليه صدور ميتل قير في الـ360"

<.<..وهاتولي طعميه..

 

[Khalid-S]

محمود .. بليز لا تفهم المسئلة خطأ وتدخل التعصب فيها .. والله انا كنت كذا سابقاَ مثلك تماماَ ايام سلسلة RE وحصريتها مع نينتيندو ..

كنت احلف في المنتدى انها ما بتنزل غير على ال Cube وتصريحات الدنيا انها حصريه .. والناس تختلق اشاعات وتكون ان العقد بيبقى فيه مدري كم شهر وحوسه طويله عريضه .. والجواب كان ان الفلوس هي الي تمشي كل شي.

غيرها الي ما نزل على اي جهاز آخر زمان (يعني ما نزل على Xbox الاول) راح للاكس بوكس الآن وصار مولتي ... ليش ميتل جير الي نزلت اول عليه بعد بكم شهر او كم سنه من النسخه الاصليه؟ .... كوجيما حلف وقال انها ما بتنزل على غير الجهاز؟ ... اصلا له كلمه هو في هذا الامر؟ هو بيقول رغبته ورايه .. ما يبي يخسر جمهوره ملاك البلاي ستيشن جميعاَ ويقول لهم انها بتنزل على جهاز آخر ... ونفس الوضع عند الشركه تبي تشوف المبيعات ..

رجاء رجاء لا تقولي ان الفلوس مو مهمه عند كونامي ومهمه عند كابكوم .. هذا كلام مع احترامي كلام اطفال وكلام ينقال في منتديات اخرى. المبيعات ثم المبيعات ثم المبيعات.

في دخل منها .. في فلوس .. هل اللعبه غطت تكاليف الانتاجيه؟ اذا نعم ... فاحتمال كبير جداَ انها ما تنزل على جهاز آخر عشان ما تضيع جمهور السلسله.

لكن اذا كان الجواب "لا" ... ايش تتوقع؟ .. كونامي تمشيها ؟؟ ههههه مافي امل .. تخسر على خاطر السوني فانز؟ عشان ما تزعلهم او ما تزعل سوني ... تنزل نسخه بعد سنه وتحط اسم اضافي لها وتنزلها في السوق.

لا تقولي الديسك فورمات وووالخ ... بيحلونها بيحلونها .. تنزل على ثلاث ديسكات او اربع .. مو مهم .. اهم شي تنزل ..

الفرق بين كونامي وكابكوم هي السياسة .. كابكوم ما يهمها الفانز ولا الشركات الي سوت معهم عقد. حسب ذاكرتي ان بمجرد ما انتهى العقد .. قبل اصدار اللعبه بالاسواق اعلنت عن نسخة البلاي ستيشن 2. والاعلان هذا اثر على مبيعات نسخة الكيوب طبعاَ.

كونامي ما بتجازف وتقع في الحفره الي وقعت فيها كابكوم .. شافت الامثله ... هي بتنتظر .. اذا اللعبه ما دخلت فلوس الانتاجيه .. توقيع واحد من رئيس الشركه الي طبعا ما يهمه مشاعر الفانز (لول) ..

لا تاخذ الامر بتعصب .. انا كنت مثلك مع RE (الي كنت ولازلت اعشقها وبقوه) عشان كذا كنت ادافع عنها .. بس احنا وين .. وسياسة الشركات وين.

 

[Humam]

ايش الجديد.. معروف ان MGS4 حصرية... بس بتنزل بعدين لل 360 ( سبستنس وخلافه ).

 

[hamad 11]

وايضا كان ياماكان عضو بالمنتدى يعيش بالاحلام الورديه . يحاول يضحك على نفسه باشياء وهميه والحاله كل فتره وفتره تصير منتهيه .. الله يهديه ويشفيه ويرزقه طعميه

و كان يا ماكان قال الشاعر الجاهلي طرفة بن عبد :
ستبدي لك الأيام ما كنت جاهلا --- و يأتيك بالأخبار من لم تزودي
و يأتيك بالأخبار من لم تبع له --- بتاتا و لم تضرب له وقت موعد

يقول لك عنتره:
الخيل والليل والبيداء تعرفني --- والسيف والرمح والقرطاس والقلم << خاش غلط خخخ


انا مستغرب من الـPS3 Fans ليش خايفين تنفك حصرية اللعبة, يعني في الحالتين رح تلعبوها, ليش ما تخلوا الفانز الثانيين يلعبوها معاكم


على فكرة محمود.. لا تعتمد على التصريحات كثير, Business is Business, هي كلها مسألة مبيعات.. إذا اللعبة باعت صح على الـPS3 مبروكة عليهم حصريتها, وإذا ما باعت اراهنك إذا ما اعلنوا نسخة الـX360 في اليوم الثاني..

وانتبه لشي مهم, Konami تعبت ودفعت فلوس صح على اللعبة, يعني لو ما باعت مستحيل تفوتها, ولازم تعوض الخسائر بأي طريقة..

 

[Mr.3B]

حتى لو اللعبة غطت تكاليفها بمبيعات نسخة البلي 3 وحدها هذا ما يمنع اننا نشوف نسخة 360 .. يا شيخ حتى لو جابت أرباح وأرباح مهبولة .. وأرقام مهولة .. بالنهاية بنشوف نسخة للـ360 .. أكاد أجزم نسخة الـ360 بتبيع أكثر وبتدخل أضعاف نسخة الـPS3 .. مين يقول لأ لملايين الملايين بمشروع شبه كوبي بيست

 

[M 7 L]

بالنسبة لي كـ Sony Fan أكيد أبي اللعبة تكون حصريّة وطبعاً هالشي ماهو " كره " أو تعصّب " لأصحاب الأجهزة الثانية " كثر ماهو شغلة أبيها تكون رابحة لسوني وللجهاز بشكل عام . . .


وأنا أبداً ما راح أكون مستغرب لمّا أسمع خبر صدور MGS4 على الإكس 360 وما بضيف شي زيادة على كلام خالد , أصلا أهو إذا كانت مبيعات البلاي 3 تغطّي التكلفة ( ما أعتقد )وراح تكون في نسبه احتمال تصدر على الإكس عشان زيادة الأرباح أجل كيف لو تتخيّل إن المبيعات ما بتغطّي ( هذا المتوقّع ) . . .

بالنسبة لي أنا مرتاح مع البلاي 3 ومستمتع فيه لأبعد درجة ولا أبي أعكّر مزاجي في مثل هالخزعبلات P:

 

[Arsene Lupin]

هي اذا ما فيها Money hat خرافي.. فراح تنزل على ال Xbox 360

Period.

 

[m7tram]

كلام خالد بالموضوع > كل الكلام .

اتفق معاك بكل شي .

 

[itachi]

بعد ما تنزل اللعبه بنعرف هل بتنزل ولا لا .....وبعد كونامي ما تشوف ال$$$$$ حزتها نشوف ردة فعلها

 

[Justice]

لووووووول ترى كوجيما سوني فان يعني مافي امل لل360 بس من جد زهقة من هذي الاشاعات
الي ماتودي ولاتجيب

 

[Strife]

خخخ احسن شيء.. سواء الموضوع كان اشاعة لميتل جير 4 او نفي رسمي.. لازم الردود في الموضوعين تتشابه..

وبالمناسبة اقول للي مسوي روحه حزين انه يبي يفرح باللعبة وان عشاق البلاي ستيشن3 مايبون يخلون احد يفرح، اقول له هذا حال الكونسولز من زمااان..

الاجهزة عمرها ماتحصل كل الالعاب .. لازم العاب حصرية او لا.. والفان او الجيمر الحقيقي.. اذا شاف لعبة من الالعاب اللي يحبها تنزل على جهاز ثاني ماعنده يروح ويشتري الجهاز.. ماينتظر اشهر وسنين.. ويمكن يلعبها ويمكن لا.. ::

 

[ryo hazuki]

الحمد لله
لان جد فيه ناس ماخذه الموضوع بشكل شخصي جدا

بنشوف منو الي بيشتريها و هل بتبيع بالشكل المطلوب ؟


عني انا ماتهمني لاني اصلا ماالعبها

 

[Monster]

ما تفرق معاي اهم شي العب اللعبه هذي.

 

[q8 spy]

الحمد لله
لان جد فيه ناس ماخذه الموضوع بشكل شخصي جدا

بنشوف منو الي بيشتريها و هل بتبيع بالشكل المطلوب ؟


عني انا ماتهمني لاني اصلا ماالعبها

نفــسي بالضبط

 

[Humam]

بنشوف منو الي بيشتريها و هل بتبيع بالشكل المطلوب ؟

لا تخاف راح تبيع مثل الكعك الساخن وفي ناس راح تشتري الجهاز علشانها

 

[MR1]

لا تخاف راح تبيع مثل الكعك الساخن وفي ناس راح تشتري الجهاز علشانها

أنا أنتظر البندل
PS3 مع MGS4 و MG online

 

[Mario2]

انا واحد مثلا ممكن اخذ الجهاز عشانها اذا فكرت فيه ( هو طبعا راح يكون الصيف الياي ان شالله ) بس اللعبه ما اتوقع تكون سيستم سيلر للجهاز يعني اشوف انها ممكن تبيع تبعا لليوزر بيس والارقام الجديده للميتل جير فانز اللي ما اشتروا الجهاز بعدهم .. يعني لو تفكرها من هالناحيه وانها ما حققت ارقام مرضيه لهم راح يتجهون في النهايه ولو كان ذا ضد موضوع الى جهاز ثاني وما شالله خالد جاب كل شي ..بس ما فيه ارهب من رد عمر :yuck: ..

 

[Agent47]

ميتل جير بتكون حصرية للبي اس 3 لفترة زمنية وبعدين تنزل على ال360 , واتفق مع الأعضاء اللي ذكرو ان السالفة فلوس بفلوس, اذا تدخل مية مليون ايش يمنع انهم ينزلونه على ال360 ويدبلون الأرباح؟
السالفة كلها تعتمد على $$$

ننتظر ونشوف

 

[Sky Walker]

الـ $$ اهي اللي تحكم كل شي ... يعني لاتستغربون اذا نزلت مستقبلاً :slant:

 

[cobra]

شباب الشغلة ترى مهي شغلة فلوس و بس صحيح ان كل شركة تبغى الفلوس بس اعتقد ان فيه شي اسمه ولاء للمنتج الوطني و اعتقد ان كونامي و هيدو كوجيما عندهم هذا الولاء و ولاء لشركة سوني ايضا و يبغوا يدعموا ال ps3 و بعدين كوجيما يبغى يطلع اخر جزء بافضل صورة على ال ps3 تماما زي فريق تيم ننجا لما و قف مشروع لعبة ننجا جايدن على الps2 و و اشتغلوا على ال xbob بس عشان تظهر اللعبة بافضل صورة ليش مثلا ما فكروا زيكم و قالوا خلينا نسويها على ال ps2 او نسوي له بورت عشان الارباح تكون اكثر .
ما ادري ليش البعض يبغى اللعبة تنفك حصريتها بس نكاية في سوني بس الحمد لله ان كونامي صرحت و سكتت بعض الاصوات الحاقدة على سوني و اللي يبغى اللعبة فعلا يعرف و ين يحصلها

 

[The X Man]

خلاص يا أهل ال360 ما فيه أمل تنفك حصرية اللعبه

 

[Xeno]

تماما زي فريق تيم ننجا لما و قف مشروع لعبة ننجا جايدن على الps2 و و اشتغلوا على ال xbob بس عشان تظهر اللعبة بافضل صورة ليش مثلا ما فكروا زيكم و قالوا خلينا نسويها على ال ps2 او نسوي له بورت عشان الارباح تكون اكث

هذا كان بmoney hat ثقيل جدا, من يترك يوزر بيس البلاي 2 ويسوي لعبة للاكس بوكس بس عشان يطلع شكلها أفضل؟ لول.

 

[Super Mario]

انا مستغرب من الـPS3 Fans ليش خايفين تنفك حصرية اللعبة, يعني في الحالتين رح تلعبوها, ليش ما تخلوا الفانز الثانيين يلعبوها معاكم


على فكرة محمود.. لا تعتمد على التصريحات كثير, Business is Business, هي كلها مسألة مبيعات.. إذا اللعبة باعت صح على الـPS3 مبروكة عليهم حصريتها, وإذا ما باعت اراهنك إذا ما اعلنوا نسخة الـX360 في اليوم الثاني..

وانتبه لشي مهم, Konami تعبت ودفعت فلوس صح على اللعبة, يعني لو ما باعت مستحيل تفوتها, ولازم تعوض الخسائر بأي طريقة..

كلام من ذهب الصراحه

وأرجو من Fans (السني 3)الإجابه على سؤال الأخ حمد