انا ما حفظت اسماؤهم فعشان كده بستخدم هالقاموس
الشقرا: البطلة (البنت الذكية القيمر)
البطل: البطل -_-
نورمان: نورمي وانابي (ذاك الا ترك حياة الجيمنج وصار اجتماعي (نورمي(نورمال)))
اسكريم: بنت ام شعر وردي صديقة نورمان
فو فايتر: البنت الا تلعب جلتي جير في النادي
كود: الا يعلب كاونتر سترايك في النادي (الشوتر ابو نظارة)
كونان: ذاك الا يحب يلعب العاب الالغاز
من الحلقة الاولى يتوضح لينا ان البطل ما خجول وما يعرف يتعامل مع الناس، لما شاف الشقرا في محل الالعاب ما عرف يتعامل معاها ويكلمها. حتى ابسط الاشياء مثل السلام بالايد كان يحسسك انه شيء مو عادي، بطريقة ثانية يحسسك ان اول مرة يسلم باليد بشكل او باخر
ايضا، بين كل فترة وفترة يكتبوا بعض الاشياء الا بتصير عشان يحمسونا ويخلونا نتطلع ليها. بعضها كان واضح مثل ان نورمان بيجلس زيادة مع البطل، ممكن هذا بس انا بس احس انهم عاطينا اياها كاش لانها واضحة بالاساس (ما بيعطوا شخصية سكرين تايم ما ليها علاقة بالقصة)
عادة في باقي الانميات يكون الوضع كده: احنا ذاك النادي الا يحتاج عضو واحد، وانت البطل الا اكتشفنا موهبتك (او مو لازم يكون عندك موهبة) الوحيد الا يقدر ينقذه. ويدخل البطل النادي... وبعدين اما احداث متوقعة او شغل تمطيط
انا ما اقول ان هذا ما يمكن يصير هنا او انه ما بصير، بس كمية الاشياء الا شفناها في البداية كانت شوي بعيدة عن المعتاد
البطل ما يعرف يكلم ويتعامل مع الناس لانه مش اجتماعي (ناس يحاولوا يسووا زي هالشخصية بس مش الكل يضبطها)، كون البطل ما عجبه نادي الجيمرز لانه اساسا الالعاب الا يلعبوها مختلفة، احيانا كون الشخص جيمر ما يعني انه بصير عليك سهل بتصادقه
البعض يسمي نفسه قيمر وهو بس يلعب مصارعة و فيفا. بمعنى اخر، يتطلب الوضع ان تكون اهتماماتكم متقاربة اكثر عشان تقدروا تتكلموا حولها.
توقعت نهاية الحلقة انه يقبل يصير مع النادي لانه نادي "جيمرز"
بس لانه اهتماماتهم مختلفة كليا في الالعاب رفض، هو يحب يلعب ار بي جي وفجوال نوفل ، فو فايتر تعلب العاب قتال، كود يعلب كول اوف ديوتي و كاونتر سترايك، كونان يحب ايس اتورني و بروفيسور لينتون، الشقرا نسيت ويش تحب.
كلهم اهتماماتهم بعيدة عن بعض، وهو ما يعرف يلعب هذه الالعاب فما عجبه الوضع، عشان كده رفض دعوة البنت الشقرا.
نورمان من الحلقة الاولى علاقته مع اسكريم ما تحسها علاقة حب، او مجرد علاقة حب من طرف واحد. في البداية فكرته من نوعية الاولاد المشاهير البلاي بويز الا كل شوي يطلع مع وحدة او انه يقعد اياها الين ما يحصل وحدة احلى منها.
الحلقة الثانية توضح علاقته به وليش هو كان عنده اهتمام بالبطل، نورمان كان جيمر بس ما كان مرة شغوف بالالعاب وكان يشوفها عائق امام تكوين اصدقاء و تكوين حياة اجتماعية، عشان كده اتخلى عنهم.
كان يشوف نفسه في البطل عشان كده كان عنده اهتمام فيه، بس بعدين اكتشف انه كان عنده شغف اكثر بالالعاب وانه ما يشوفها عائق عشان يكون اصدقاء، العائق هو الشخص نفسه.
ايضا توضحت اكثر علاقة اسكريم بنورمان، نورمان كان يفكر ان اسكريم كانت تقعد معاه لانه شافت الجانب الكوول منه وانها لو تعرف حقيقته ما كانت بتقعد معاه. الحقيقة كانت مفاجأة لي (ولو اني اشوفها ما تتصدق بس مش مهم).
مثل ما قال
@Ruvik الانمي فيه افكار حلوة، لو يتركز عليها بشكل اكثر يكون احسن، مشكلة بعض الافكار صعب انك تتعامل معاها، لان احيانا تركيزك عليها واجد ما يخليها تطلع حلوة وممكن تخلي العمل ينقلب دراما كوين ما ليها داعي
ممكن خلطه مع الكوميديا هو الحل في هذه الحالة
اتمنى بس يحافظ على نفس المستوى وما يعرض لينا اشياء مثل الا ذكرتها
