حتى الـPS4 راح يمنع الألعاب المستعملة على الأقل

[14/08]

كلنا نتذكر الخبر اللي يتكلم عن ترك EA للأونلاين باس فبما ان EA راح تنزل كل ألعابها على البلاي ستيشن 4 وبدون الأونلاين باس فهذا يعني انه فيه حاجة أسوأ منه وسوني عندها الحل . واللي هو براءة سوني لمنع الألعاب المستعملة ... حتى الفكرة من البراءة قريبة جدًا من فكرة مايكروسوفت .
فأتوقع ان منع الألعاب المستعملة صار واحد من متطلبات شركات الطرف الثالث واللي ممكن يكون واحد من أسباب زعل EA على ننتندو واللي لاحظناه في الآونة الأخيرة وبأكثر من مرة .
أيضًا مستحيل تكون مايكروسوفت الوحيدة في السوق واللي تمنعها مهما كان حتى مع نفي سوني للمنع أكثر من مرة !
علشان كذا أتوفع اننا راح نسمع أخبار سيئة عن البلاي ستيشن 4 بعد E3 , فاستعدوا .

 

[squall leonhart]

كنت بانزل موضوع بنفس الفكره .. مايكرو مستحيل تتهور كذا لحالها .. اكيد سوني عندها شي مشابهه بس لسى ما اعلنوا عنه

 

[M 7 L]

اذا فعلاً هالشي صار .. أحلى رد لهم هو هالرد من نفس الصفحة

" If this is all true I bet pirating and modding will become more popular next generation "

 

[HorizOn]

:laugh::

 

[AAH3:16]

هو سوني ممكن تسويها وأعتقد أنها إتفقت مع مايكروسوفت بس

يمكن نكبت بمايكرو وخلتها كبش الفداء وإذا ماطبقت سوني هالسرقة الحين فمامعناتها إنها موبتطبقه بكرا

 

[Raulioo]

كنت اعتقد كذا لكن تصريحات يوشيدا حول الموضوع خلتني اثق انهم ما بيسلكون هالطريق، واذا كان الموضوع يقتصر على العاب EA فمش مشكلة، كلها لعبة وحدة سنويا نشتريها والباقي على ستيم @@

 

[MaxPro]

سيف الحش والتسفيل مازال مسنن عندي :evil::

 

[Nasser]

^

سلامات ، تراه نقاش يالطيب
-

سوني كررت اكثر من مرة نفيها للمستعمل.

لكن فعلاً لو تفكر فيها ، EA راح تفرض المستعمل في كونسول واحد فقط ؟ مقابل انها تعطيه حصريات وتكسب منه من ورا منع المستعمل ؟

الشيء اللي متأكد منه ؟ العاب الطرف الأول والثاني و العاب الأندي ما راح تدخل في هال نقطة اللي ننقاشها.

الشركة الوحيدة اللي ما استبعد انها تسوي كذا هي EA.

 

[m5050]

يخلونها تخيس عندهم اجهزه البس4 والرسيفر
على كذا شكلها بتكون بي سي الجيل الجاي

 

[14/08]

اذا فعلاً هالشي صار .. أحلى رد لهم هو هالرد من نفس الصفحة

" If this is all true I bet pirating and modding will become more popular next generation "

أتوقع ان سوني مبسوطة من غضب اللاعبين الموجه لمايكرسوفت فراح تستغل الفرصة لجذبهم لجهازها

كنت اعتقد كذا لكن تصريحات يوشيدا حول الموضوع خلتني اثق انهم ما بيسلكون هالطريق، واذا كان الموضوع يقتصر على العاب EA فمش مشكلة، كلها لعبة وحدة سنويا نشتريها والباقي على ستيم @@

أذكر يوشيدا قال ان البلاي 4 "can play used games " فقط بدون تفصيل .

يخلونها تخيس عندهم اجهزه البس4 والرسيفر
على كذا شكلها بتكون بي سي الجيل الجاي

ولا تنسى الوي يو فالخيار مازال موجود

 

[kiryu]

هذا جواب يوشيدا على سؤال جيم انفورمر عن منع الألعاب المستعملة بعد الكشف عن البلاي 4

“Used games can play on PS4,”Worldwide Studios boss Shuhei Yoshida told Eurogamer.

“That’s the general expectation by consumers. They purchase physical form, they want to use it everywhere, right? So that’s my expectation,” he added

 

[Veeto]

بما ان الموضوع مجرد تخمينات .. فخلني احط اعتقاداتي عن ان هالتخمينات ما بتكون صحيحة
سوني عكس مايكرو .. السوق الياباني مهم ليها .. وانا اعتقد ان السوق الياباني بشقيه - كمبيعات وكشركات تطوير - بيكون الحصان الرابح بهالجيل الجديد
السوق الياباني متمحور حوالي المستعمل .. مستحيل سوني تنحر نفسها بنفسها من خلال الغاء المستعمل

مايكرو واضح انها مركزة بعنف على اكبر سوق عالمي السوق الامريكي .. وتوجهاته وافكاره لههالسبب ما استبعد خيار الاون لاين الدائم و منع المستعمل
مايكرو مجهزة الاكس بوكس كمنافس للتلفزيون الذكي لأبل .. اكثر منه منافس الى البلاي 4

وآخر نقطة .. هذي مو اول مرة يصير مثل هالتناقض بالصناعة .. في ايام البلاي 1 .. محد كان يصدق ان نينتندو بتتتجه الى الكاتريدج ابو 8 ميجا
وبتترك السيدي ابو 650 ميجا ! في عهد البلاي 2 .. سوني محورت جهازها كارخص مشغل دي في دي .. منافسيها ما سووا هالحركة
واخر مرة الجيل اللي فات .. نينتندو نزلت الموشن والمنافسين قلدوها بعد مدة من نزول الجهاز

 

[The Last Lombax]

So that’s my expectation

جملته بأمانة تخوف. توقعه هو شي والواقع شي أخر تماما، لكن حتى الآن كل اللي نعرفه أنه لا ما في منع للمستعمل.

 

[Super Shadow]

^

فيتو كلامك منطقي ، ما أعتقد سوني بها الغباء بعد ما شافت الضجة الي صارت حول الاكس بوكس ون و تمشي على خطاهم

 

[gears of war]

فأتوقع ان منع الألعاب المستعملة صار واحد من متطلبات شركات الطرف الثالث

وا ازيد عليه مايكو و سوني راح يطبقوا نظام مشابه والي يزايدون من فانز سوني راح يضحكوا على انفسهم بالنهاية

- و بنسبة لكلام يوشيدا فماهو واضح لان حتي مايكرو تقول الاكس1 يشغل مستعمل لكن كيف هنا مربط الفرس او المختصر كم اضيف عشان اللعب مسخدم :surprised:

 

[king zell]

ننتيندو بتنقذنا

 

[Nin_Fan]

^
بهاردوير عفى عليه الزمن

 

[MaxPro]

قرأت في المصدر :

This is just a patent application, and may never make it into the real world. Therefore, we're not getting irritated about the erosion of rights ... yet.

واربطها مع تصريح يوشيدا والضجة ضد مايكروسوفت وتحليل فيتو قبل كم رد .. اقدر اتوقع ان المستعمل مدعوم في الـPS4

ولو كان غير مدعوم فبعدين سحقا لهم وماراح ارحمهم ابدا، وخلي EA تنفعهم.

 

[The Last Lombax]

ننتيندو بتنقذنا

بألعاب من الجيل الماضي، نعم (&)

 

[ASWD]

اما لو تسويها سوني وتقرر تخلي الاجهزة اليابانية هي فقط اللي تشغل المستعمل جان اول طيارة وقوطي البنزين في ايدي :\

لا بس جد اذا عملتها فعلا بنقول خلاص مع السلامة كونسلز.اتوقع العاب الشركة بتكون تشتغل حتى لو مستعمل لكن العاب الطرف الثالث لا.وتطيح بعدها في راس هالشركات لول

 

[Suzuki Yu]

أنا أقول أنهم حيسلكوا نفس المسلك اللي سلكته مايكرو لكن التفاصيل قد تختلف حول الآلية برمتها واللي هي أيضا غير واضحة المعالم تماما بالنسبة لمايكرو.

مرة ثانية أقولها شخصيا أدعم هذا المسلك ولكن بشكل وبضوابط معقولة. مربط الفرس انهم لازم يضمنوا عائد للمنتج بشكل او آخر من كل يوزر محتمل.
وانا قلت سابقا انه اغلب الظن انهم حيتعاملوا مع الالعاب انها "رخصة لعب".

 

[Veeto]

أنا أقول أنهم حيسلكوا نفس المسلك اللي سلكته مايكرو لكن التفاصيل قد تختلف حول الآلية برمتها واللي هي أيضا غير واضحة المعالم تماما بالنسبة لمايكرو.

مرة ثانية أقولها شخصيا أدعم هذا المسلك ولكن بشكل وبضوابط معقولة. مربط الفرس انهم لازم يضمنوا عائد للمنتج بشكل او آخر من كل يوزر محتمل.
وانا قلت سابقا انه اغلب الظن انهم حيتعاملوا مع الالعاب انها "رخصة لعب".

اتوقع في اسوء الاحوال .. سوني بتترك الموضوع للناشرين نفسهم .. ووقتها ما بتقدر تفرض على زبائنها شي ولا راح تخسر من الطرف الثالث
القصة ليها جانبين .. جانب اتفق فيها وياك .. لازم المطور ياخذ عائد من المستعمل .. لكن بالمقابل لما اشوف وضع سوق الالعاب باليابان
اقدر اقول فيه طريقة ثانية لتنمية السوق نفسه .. مع البلاي 3 .. انا شخصيا قدرت نسبيا اربح بعض الصفقات مثلا
اشتري لعبة بسرعة انهيها وابيعها .. احيانا انا اشتري لعبة واحد منهنها بسرعة بالنسبة ليه هو .. اللعبة مضيعة وقت وانهائها مرة كفاية
بالنسبة ليي بضاعة ثمينة تستحق الاقتناء .. وهكذا .. انا شخصيا اخذت اركام اسايلم .. بـ 4 دينار .. سيتي اشتريتها تقريبا لما انخفض سعر الريتيل نسبيا الى 15 دينار
وميتال وجراند 4 .. مثلا .. كلهم داي 1 .. فيه حلول للموضوع بعيدة عن منع المستعمل كليا

 

[M 7 L]

والله اذا الوضع بيتحوّل لهذا المسار والمنتج بيكون مدفوع القيمة لكن هو فعليّاً مو لنا ولا حتى نقدر نلعب فيه في جهاز ثاني أو نبيعة

أفضل حل، يسوون الألعاب مثل الأفلام الي تَشاهد بمبلغ رمزي (استعارة اونلاين) ونكون خالصين من هالسالفة!

مو معقول اني ادفع مبلغ وقدرة على منتج وفي النهاية حتى ماقدر ابيعه أو حتى اني اشغلة في جهاز ثاني.

طبعاً هذا من منطلق ( رخصة اللعب ) مثل ما قال فايز

وانا قلت سابقا انه اغلب الظن انهم حيتعاملوا مع الالعاب انها "رخصة لعب"​

 

[XORO]

كل شي جايز ليش لا ؟

لكن شخصيا اتمنى ان سوني ما تطبقها سواء بشكل كامل او على حسب مزاج الناشر

وقتها بعتزل الجيل القادم وبرجع اطلع الـ PS2 من الكبت واحمل عليه العاب ما لعبتها من قبل وعلى الدنيا السلام

 

[HorizOn]

من بعد ماشفت Pass Online أتوقع كل شي من سوني :laugh::

 

[Fahad Al-Shareef]

شي عجيب، تشوف الشركات تحارب القرصنة لسنوات طويلة .. وتجي بعد كل هالجهد وتضغط عالمستهلك وتجبره يتجه لهالشي مره ثانية. غباء.

لو يسوونها أنا أعلنها وبكل اريحية اني راح ارجع للقرصنة. بلعب كل الالعاب اللي تحاول أنها تمنع المستعمل بطرق ملتوية، حتى لو وصلت إني اشتري جهازين. وبدون أدنى شعور بالذنب.

أنا أستغرب، اذا EA ومثيلاتها هم اللي يطالبون بمنع المستعمل، ليش ماينمعونه لالعابهم المخيسة بس ويريحونا من تذمرهم؟ أصلاً العاب مثل كود وباتل فيلد وفيفا (وباقي اللسته) غالباً ماتكون فيه نسخة منها عند أكثر اللاعبين، ومو هي الالعاب اللي الناس يبونها مستعمل.

 

[XORO]

من بعد ماشفت Pass Online أتوقع كل شي من سوني :laugh::

ايه والله تخيل Pass Offline :confuse:

 

[HorizOn]

على فكرة ياجماعة اليوم رحت فيرجن وشفت ان مسوين فكرة انك تبيع الالعاب مستعملة عليهم كل من الـ Xbox 360 و الـ PS3 ويعطونك مبلغ في حسابك في الكريدت :laugh::

 

[SCREAMING_RAGE]

انا احط اللوم على ستيم............... هو اللي قتل " المستعمل " بالنسبة لألعاب الـ PC............... اذا شريت لعبه, خلاص ما تقدر تبيعها مره ثانيه !
و بنظري الشخصي, اشوف ان النظام هذا بيطبق في الجيل القادم لا محاله,

 

[Emirates]

انا اخاف لسوني كانت حاطه في بالها هالشي وتوهقت من ردة الفعل والحش اللي صار في مايكرو

ماندري كم تكاليف التطوير على الجيل الجديد وما ندري تسعيرة الالعاب ..

عالعموم يوشيد قال انه البلاي 4 يشغل المستعمل وينقص التحديد اللي بيبين خلال E3