FANTASTIC DREAM
sugar man, colors to my dreams
اللُعبه لا تُصدق على جِهاز مِثل الNES، أقدر أحتس مِنها النقله من ماريو بروس الأولى، خصوصاً في كيف تتنقل في المراحل، و الوعي الأكبر في كيفية تصميم المراحل من المِطورين.
العالم الأول فقط حصل تنوع عظيم بين المراحل، يمكن اللي يميز ماريو هذي والأولى، إن المراحل تمزج بين البيئات و ما تلتزم بثيم مُعين واحد حتى في العالم الاول.
و بعدين لما تجي لمحتوى المراحل، المرحله اللي تدزك فيها الكاميرا و الخشب اللي يطح فيك أول ما تطأ عليه، و الخوف اللي ينتباك في ذيك المرحله و كيف تختبر "القفزه" عِندك بتحدي عالي...
هذي المرحله.. مموربل بالنسبه لي. إلين مرحلة القصر الأولى اللي كانت أكثر مُتعه و تشالنج، عِلقت كثير فيها عِند السقف اللي يطيح عليك وإنت لازم تتحرك بسرعه إلى النهايه.
ما زِلت خلصت العالم الأول، لكنها لُعبه مُمتعه جِداً و بشكل مُفاجئ خالده إلى الأن، وأقدر أحبها برغم كل شيء. مياماتو شد حيله فيها
في صديق لي يقول إن أفضل لعبة ماريو لِه كانت ماريو وورلد على السوبر ننتندو، اللي فيها يوشي(أنا بحب اللون الأزرق مِنه)، أتمنى يوم من الأيام ألقى الواحد اللي يلعب معي بيوشي اللون الأصفر