بما ان العاب فروم سوفت نمط حياة، كيف بتلعب الدن رنج؟

[Raulioo]

السلام عليكم
طبعا مثل ما هو واضح ان هذا اول موضوع عن الدن رنج بتي جي..والتغطية ضعيفة جدا لها هنا ففكرنا ندعم اللعبة @@
بس جديا ينتابني تساؤل حول الطريقة اللي تي جي يلعب فيها العاب ميازاكي عموما والدن رنج خصوصا.
يعني...هل تستعين بجايد من البداية عشان ما يفوتك شي؟ هل تسأل الاشخاص اللي حولك بعد كل مايل ستون عشان ترجع تجمع الاشياء النادرة او تدخل المناطق السرية (خاصة مع ضخامة عالم الدن رنج)
وايضا هل تسول لك نفسك تستخدم الكواب ضد اي زعيم باول ختمة؟ واذا لا وخسرت قدامه ٥٠ مرة متتالية، لدرجة انك ضيعت اجازة اكثر من يوم بالدوام..ايش الحل اللي بتتخذه؟
او انك تكون ببلاك اوت كامل من بداية اللعبة لنهايتها عن كل ما حولك وما تستخدم اي كواب او تسأل عن استراتيجية اي زعيم مهما حصل لك لا لاصحابك ولا النت عموما..وتهرب من الانطباعات بتي جي والواتساب..يعني تكون واصل رانك "المازوخي"
حاس اول رد بيكون "بالجيتار" كجواب على سؤال العنوان @@

 

[aboooood]

بستغرب من الناس اللي داخلة على الالعاب فروم سوفت وتستعين بجايد او تستخدم الكواب ضد زعيم الخ

هي الالعاب صممت من اجلنا احنا "الهاردكور" التحدي وخوض غمار المغامرة هو اساس حياتنا في عالم الفيديو جيم

 

[MH MD]

بستغرب من الناس اللي داخلة على الالعاب فروم سوفت وتستعين بجايد او تستخدم الكواب ضد زعيم الخ

هي الالعاب صممت من اجلنا احنا "الهاردكور" التحدي وخوض غمار المغامرة هو اساس حياتنا في عالم الفيديو جيم

جميل، متى تلعب اول سولز؟

 

[Valtr]

بشكل عام احاول العبهم بدون ما اطالع النت وبدون مساعدات، استمر على ذا الشيء لين احس خلاص في أشياء ما راح اقدر اعرفهم لين اشوف النت مثل النهايات السرية.

ايلدين رينق ناوي معها نفس الشيء، في الواقع ذي المره ناوي أخذ راحتي معها بزيادة واتمعن في كل شيء في البيئة وأحاول اقرأ الأشياء وافهم كل شيء اقدر عليه قبل لا أشوف الأنترنت.

 

[Raulioo]

بستغرب من الناس اللي داخلة على الالعاب فروم سوفت وتستعين بجايد او تستخدم الكواب ضد زعيم الخ

هي الالعاب صممت من اجلنا احنا "الهاردكور" التحدي وخوض غمار المغامرة هو اساس حياتنا في عالم الفيديو جيم

الاغراءات بالعاب فروم سوفت تجر للمعصية @@
يعني تشوف سلاح فخم بgif عشوائي بتويتر...تبي تعرف من وين تجيبه، ولما تبحث بالنت، يطلع ان في منطقة كاملة انت ما عندك خبر عنها هو فيها، تبحث اكثر و تدخل المنطقة لتكتشف ان في npc ما تعرفت عليه، وله كويست لاين خاص فيه تفتح الجايد عشان ما تفوت احداثه..وبنهايته..........تحصل silkstone @@
شي بسيطة ممكن يجعلك تكتشف جزء كبير من اللعبة كنت بتتجاهله بختمتك العمياء..ومنكر جرك لمنكرات متتالية p=

 

[MH MD]

بالنسبة للموضوع.... اللعب بالعادة يكون مباشر بنفسي لما اتقدم فيها، باستكشف كل اللي اقدر عليه بطريقي، بس بحال كان في ضياع بطريقة التقدم او وش المفروض المنطقة الثانية اللي اروحلها، او بحال ختمتها مثلا لكن يطلع انه فاتتني مناطق وزعماء جانبيين، اروح ابحث عنها بدون حرج، لأنها غالبا ما تعتمد على مهارة فعلية وتكون مجرد تضييع وقت لو تبغى تجرب تفتش من اول لآخر اللعبة، وقد يكون لها شروط محددة اصلا مش ظاهرة وواضحة باللعبة نفسها، تكون هي مصممة بحيث انك تسأل الناس اصلا، فاروح ابحث عنها عادي واوفر وقت

 

[aboooood]

جميل، متى تلعب اول سولز؟

ولو بعجبك ،ختمت بلودبورن اوكي استخدمت قلتش مصاري ولكن ما استخدمت اساليب الكاجوال ب الكواب وغيرها عشان متعة الالعاب فروم بالتحدي

 

[Invader Zim]

.
.

لكن من جد بدخل اللعبة اعمى (بستثناء القفزة العبيطة ذيك الي ضاع عليها موضوع كامل)

 

[Zhuge Liang]

العب مع اونلاين walk-through بدارك سولز ٣ جنبا الي جنب او أكمل الفديو و اسوي و مثله لكن بعد ما اعتدت على اللعبه كملت مناطق بنفسي لكن ارجع للفيديو لات في أمور مخفية و item و جدران خفية ما اعتقد اقدر ألقاها بنفسي و بعض فديوات افضل الأسلحة

و فديوهات npc و بعض المهمات فيها تفاصيل من السهل تفوت على الشخص

اما سكيرو فلعبتها بنفسي فقط لم اواجهه مشكله بقتال معين ارجع اشوف فديو و مواضيع الخيارات او النهايات اشوف الوكي في أمور دقيقة

 

[Pineapple]

بما ان العاب فروم سوفت نمط حياة

 

[I B R A]

متحمس ل الدن رينج ؟

كيف بتلعب الدن رينج ؟

تغطيتكم رهيبة (&)

—

ما استعنت بجايد نهائيا في بلودبورن وندمت لاني فوت كثير من الزعماء
استعنت بجايد في دارك سولز 3 وندمت لاني حرقت على نفسي اشكال الزعماء

مادري وش القرار الافضل .. لاني مو من عادتي اختم الالعاب اكثر من مره

 

[Tia]

مكيف جنرال اعلى اعداد فوق راسي وعصير ليمون بالنعناع وحب شمسي والاضاءة مسكرة في الظلام وجالس في كرسي هزاز

تحديث:

بلاك اوت بدون اي كواب ولا مشاهدة فيديوهات على عماي اضيع في اللعبة واشوف كل شيء لأول مرة ولا ايش الفايدة؟

 

[MH MD]

ولو بعجبك ،ختمت بلودبورن اوكي استخدمت قلتش مصاري ولكن ما استخدمت اساليب الكاجوال ب الكواب وغيرها عشان متعة الالعاب فروم بالتحدي

جلتشات؟

 

[MD3]

يعني تشوف سلاح فخم بgif عشوائي بتويتر...تبي تعرف من وين تجيبه

هذا اللي سويته لما لعبت دارك سولز ريمساتر مؤخرًا. استدليت على سلاح محترم أعطاني دفعة محترمة في بدايات اللعبة.

محتوى مخفي: ...

السيف اللي يطيح من ذنب التنين في منطقة الأنديد بيرغ على الجسر.

جزء من متعة السولز البحث الحذر طبعًا، داخل وخارج اللعبة!

 

[S30D1999]

اخذت اجازة وقت صدورها ….. بدون Guide بدون اي حرق بكون اسعد لاعب وقتها اذا ماسافرت وقتها يعني


السولز في اقصى متعتها لما تكون داخل ماتعرف شيء

 

[Eye]

اييييييه لولا الطفرة ولا كان جاك الجيتار منحق

لا واضح المنوبة من نوعية التفكير والله

شالفايدة تتبع ورا جايد وتطبق كانك تلميذة طبخ!

ووش الفايدة غيرك يخش ويلعب عنك!

باصفق كل جدار واغامر عشان كل ايتم ، وبافرش كل وحش وnpc ، اذا فيه اشياء ما دريت عنها لما اخلص اللعبة ، هو كذا كذا بعيدها اكثر من مرة انيواي

 

[Vintage]

الخطة : بدون دليل - بدون بحث بالانترنت - بدون كو اب

الواقع : بتفشل الخطة وبسوي كل اللي فوق

 

[abdullah-kh]

راح انتظر @شيطون يخلص اللعبة بعدين امتحنه بالرسائل الخاصة ويكون جايد لي.

 

[I B R A]

راح انتظر @شيطون يخلص اللعبة بعدين امتحنه بالرسائل الخاصة ويكون جايد لي.

@Solay كويس بالاشياء ذي .. ماشي بمبدا " علمه الصيد ولا تعطه سمكة " .. مادري ايش دخل بس هو يقول كذا (&)

 

[AzureFlame]

أدخل عمياني لا Guide ولا شي وأحلل كل زاوية فيها تحليل واستمتعت بالموت لأن الموت في ألعاب فرومسفوتر جدا ممتع!

 

[MH MD]

لأن الموت في ألعاب فرومسفوتر جدا ممتع!

 

[abdullah-kh]

خخخخخ هذا الذي كنا نسمع عنه زمان وما نصدقه "غسيل مخ" (@).

 

[m7tram]

العب عمياني لين احس اني خلاص عند نهاية اللعبه .. احاول اتذكر الاماكن الي ماقدرت اروح لها او كان في وحش قوي او او .. الخ .. اذا خلاص حسيت اني سويت كل شي اقدر عليه .. اهني اسوي بحث بالنت عن المراحل/الوحوش الجانبيين .. واكتشف طبعا ان طايفني كم مرحله ووحش.

 

[FCB-Kratos]

كالعادة أول مرة بدون جايد و بدون كوأب، وبعد ما أخلص القصة و الأشياء الإختيارية اللي قدرت عليها بشوف جايد وش بقى لي
و لو الأونلاين ما مطلوب لـ 100% على الأغلب ما بجربه

 

[game for new]

التختيمة الأولى عمياني

التختيمة الثانية والثالثة والرابعة بجايد عشان تلحق الأشياء الي طافتك في التختيمة العميانية الأولى.

 

[Golden_Sun]

بتكون هذه اول تجربة لي مع العابهم، ومتحمس لها كثير
اتمنى ما تكون صعبه حيل، واتوقع اني راح استخدم الكو اب لقتال الزعماء كثير

 

[lightq8]

دائما الزعيم الاخير بالعاب السولز يعجزني خاصة سكيرو مانهيت اللعبة بسببه ماعاد فيني طاقة للاعادة

 

[Nostalgic]

طبعا مثل ما هو واضح ان هذا اول موضوع عن الدن رنج بتي جي..والتغطية ضعيفة جدا لها هنا ففكرنا ندعم اللعبة @@

اللعبة هذي لو فلبت في المراجعات بتحصل عملية تهجير جماعي من المنتدى بسبب شماتة الكارهين المش مهتمين. (&)

بالنسبة لطقوسي، أمتنع عن قراءة أو مشاهدة أي شيء يخص اللعبة في فترة قبل إصدارها (شهرين أو 3 شهور على حسب التغطية الإعلامية). ألعب التختيمة الأولى بدون الاعتماد على أي دليل أو مساعدة أونلاين إلا إذا وصلت لطريق مسدود مع منطقة أو زعيم مثلًا أروح أسأل أو أبحث عن أي تلميح يساعد على تجاوز العقبة، ثم في التختيمة الثانية أدور لو في شيء فاتني من مناطق وزعماء وأخلص منهم.

ما أستهدف الإنجازات أو التروفيز إلا إذا كانت منطقية وتفتحها بطريقك زي بلودبورن.

 

[Sami1996]

بما انها اول لعبة سولز العبها اتوقع وغالبا اني بغش اللعبة كلها من اليوتيوب .

 

[Eye]

يعيال وش ذا! منتديات المحترفين واخرتها طلعتوا نوبيات؟

اللي يدور مساعدات يلزمه باند