الموضوع الرسمي لمنتج ابل اللوحي الجديد ... حديث العالم ... iPad

[Id]

في غيره كثيرين جالسين يصورونهم لول في كل ولاية أنواع الصور شيك Mashable

 

[SCREAMING_RAGE]

أحد عنده معلومه متى بينزل في بريطانيا ........ أوروبا ؟!

 

[Id]

أخر الشهر ..

 

[Averroes]

الiPad يدعم العربية بس للأسف مافي كيبورد عربي

 

[Gladiator]

هل بينزل في الخليج ؟ ومتى ؟

 

[Id]

موعد رسمي أخر الشهر .. بس في محلات بتجيبه بدري : )

 

[Photon]

الiPad يدعم العربية بس للأسف مافي كيبورد عربي

هل هذه قائمة الكيبوردات كلها ؟!! .. لو كان الجواب نعم فأنا سعيد جداً لأنه فيه لغة ببالي مو متوفر لها كيبورد و هذا اللي كنت أتمناه .

 

[Photon]

على العموم عدم توفر كيبورد عربي هذا سبب محبط جداً و حتى لو كنت أفكر أشتريه فبدون كيبورد عربي أعقتد خيار تأجيل الشراء محسوم .

كالعادة نستاهل اللي يجينا كعرب رغم إنه عندنا محاولات ممتازة للفت نظر العالم لأهمية لغتنا و وجودنا لكنها ما تكفي لحد الآن .. بانتظار الآيفون أو إس 4 للآي باد لعله يحل إشكالية الكيبورد العربي .

 

[Colorization]

معليش على السؤال اللي أعتقد إني عارف إجابته، بس أحب أستفسر لأنه أحد العوامل الرئيسية اللي بتأثر على شرائي للجهاز.

في نسخة فيها فتحة SIM، صح؟ هل هو SIM عادي؟ يعني، آنا عندي إنترنت من شركة Viva\KTC، قطعة يو أس بي داخلها شريحة SIM. ينفع أحط هالشريحة بالآيباد وأستخدم النت؟

لو يصير بتكون نسبة شرائي 200%، لو لأ بفكر أكثر. أحتاج شي أكثر من لابتوب للخارج. اللابتوب ما عاد عملي بالنسبة لي مع الشواحن الكبيرة. أبي شي خفيف للدوام.

 

[Tanton]

ايش تقصد؟ العبرية؟
ولا الكورية p:

 

[Photon]

ايش تقصد؟ العبرية؟
ولا الكورية p:

العبرية طبعاً .. لول إيش دخل الكورية هنا و لا إيش مصلحتي أفرح لو مالهم كيبورد بالآي باد ؟ P: .. ما بستخدمه خير شر أضافوه أو ما أضافوه P:

 

[JOE]

@ محمد : الجهاز يشغل micro SIM

لتفاصيل اكثر هنا

تعديل :

كم واحد قال لي بإمكانك تقص الجزء الفاضي من شريحتك الحالية و تستخدم جزء المعلومات كـmicro SIM ..... :whistle:

 

[Colorization]

سحقاً محقاً. هالتقنية بتوصل الخليج 2020 -.-

 

[Id]

عامر micro SIM يمديك تشغلها عندنا بطريقة أخرى بدور عليها و اكتبها هنا

عموماً التخلف وما أدراك ما التخلف

[youtube]XGUppxoJUVg[/youtube]

 

[Averroes]

معليش على السؤال اللي أعتقد إني عارف إجابته، بس أحب أستفسر لأنه أحد العوامل الرئيسية اللي بتأثر على شرائي للجهاز.

في نسخة فيها فتحة SIM، صح؟ هل هو SIM عادي؟ يعني، آنا عندي إنترنت من شركة Viva\KTC، قطعة يو أس بي داخلها شريحة SIM. ينفع أحط هالشريحة بالآيباد وأستخدم النت؟

لو يصير بتكون نسبة شرائي 200%، لو لأ بفكر أكثر. أحتاج شي أكثر من لابتوب للخارج. اللابتوب ما عاد عملي بالنسبة لي مع الشواحن الكبيرة. أبي شي خفيف للدوام.

الipad يستخدم شريحة جديدة أسمها micro sim

بس يقولو يمديك تقص القديم ويشتغل عادي

 

[JOE]

عن نفسي ما همني موديل الـ3G إذا توفر عندنا مودم MiFi العبقري ..... تفضلوا

 

[Photon]

^
تخلف و ربي !! ..

لول أحلى شي آبل مو خسرانة شي لأنهم دفعوا قيمته فلو يكسروه و لا يحرقوه أو يفجروه بكيفهم P:

 

[i7asan]

^

ممم سمعت انك تقدر تقص الشريحة العادية وبتعديل خفيف وتشتغل!
مادري الكلام صحيح او لا

 

[Colorization]

والله يا ليت فيه طريقة لأنه بعد فترة بسيطة راح ينقلوننا مكان جديد، وهالمكان الجديد مافيه إنترنت حقي -_- بس حق اللي gradeـهم 12 وطالع، وآنا 9. مشوار لو أجيب لابتوبي، الآيباد أخففففففففففففف!

 

[haMod07]

اممممم ..الآيباد .. أفكر أشتريه بس مافي أي شي يدفعني لشرائه .. هو مجرد آي بود تتش كبير مع زيادة بعض التطبيقات .. اللغة العربية مو موجودة ! شكله مو عملي يعني ادا بشتغل عليه لازم احط رجول على رجول !!
مثل ماقال بعض الاخوان .. الي متكيسل يفتح اللابتوب وينتظر..يشتري له الآي باد أسرع وهذا الشي الوحيد الي يخليني اشتريه ..يعني تصور انك جاي من الدوام تعبان تبي تشتغل على الكمبيوتر تتصفح الانترنت مايحتاج تفتح اللابتوب وتتنظر الى مايفتح ! الاي باد يخدمك هنا ..
لكن اللغة العربية مهمة جداً بالنسبة لي .. كيف أقدر ادردش مع الناس !؟ اتوقع آبل راح تدعم اللغة العربية عما قريب ..

باختصار :
الايجابيات :
1- شكله مميز وجداب..
2-قوة نظامة وقوة البطارية (بالنسبة لي )
3- طريقة عرض الأفلام والصور ابداااااع :rockon:

السلبيات :
1- السعر ,, يعتبر غالي جداً بالنسبة للشي الي بسويه !
2-شكله مو عملي أبد !
3- عدم دعم اللغة العربية في الكيبورد !!
4-عدم وجود فتحة الـUSB !!
5-مساحته ! 16 و 32 و 64 جيجا ! ايش تسوي هذي المساحات بالضبط ؟!
6- عدم وجود ملتي تاسكينج !!! أكبر عيب موجود فيه

عموماً العيوب أكثر من الايجابيات .. ومثال ماقال بعض الاخوان : الايباد يقتصر للناس الي تشتغل في الكمبيوتر بس تصفح وماسنجر .. أفكر أشتريه بس السعر ما يساعد أبد بالنسبة لمواصفاته .!

 

[itachi]

بالنسبه للعربية لا تخافو آبديت ويضيف اللغه العربيه مثل ما عملو مع الآيفون
بالنسبه لشكله مو عملي ...مستخدمي الآيفون يعرفون شنو يعني عملي ولو أنه مافيه جوال وفارق ميزة كبر حجم الشاشه ...أنا متأكد أنه بيكون مناسب جدا مو متخيل البرامج التعليمه اللي بيكون الانترفيس حقها أفضل من الآيفون
أنا متحمس للجهاز لكن بصبر عليه حاليا ...
أرجو انه ما يتحول الموضوع عن ذكر عيوب وكل واحد يجيب رايه ..الموضوع عن الآيباد وبرامجه وأخباره

 

[JOE]

للمعلومية الجهاز نزل امريكا فقط الآن و حيصدر اوروبا في آخر الشهر او نصف العام و وقتها نطالب بكيبورد عربي بما اننا ضمن الريجن الاوروبي .... و حيضيفوه فبلاش تكبروا الهرجة .

 

[Mazinxci]

[YOUTUBE]http://www.youtube.com/watch?v=TKUnSGKhzzw&playnext_from=TL&videos=DgEHAkL4HT8&feature=sub[/YOUTUBE]

مدري اذا العرض شغل او لا

بس هنا Unboxing

 

[Gladiator]

تطرح شركة أبل -عملاق التكنولوجيا الأميركية- حاسوبها اللوحي آي باد اليوم السبت في أسواق الولايات المتحدة.

ولجأ عشرات الآلاف من عشاق أبل إلى حجز جهازهم الجديد عبر شبكة الإنترنت بدلا من الاصطفاف في طوابير طويلة.

ويتوقع المحللون أن تراوح مبيعات أبل بين مائتي ألف وثلاثمائة ألف جهاز من نوع آي باد في الأسبوع الأول من عرضه. وأن تبلغ المبيعات الإجمالية للعام الجاري سبعة ملايين وحدة بسبب اندفاع المستخدمين الأوائل ومستخدمين آخرين لاقتناء الجهاز الذي تعمل واجهته باللمس.

وكان قد كشف عن الجهاز في يناير/كانون الثاني الماضي واستطاع كثيرون حجزه على الإنترنت في منتصف الشهر الماضي.

وراهنت أبل على الكثير من سمعتها بطرحها الجهاز الذي يعتبر ثورة جديدة في عالم التكنولوجيا. فهو جهاز حاسوب متنقل خفيف الوزن يجمع بين أفضل مميزات الهاتف الخلوي والحاسوب المحمول.

ويعتبر آي باد أهم جهاز أنتجته أبل منذ بدأت في تسويق جهاز آي فون الذي وصل عدد الوحدات التي بيعت منه في أول 74 يوما من بدء تسويقه مليون جهاز.

ويقول محللون إن الشركة تلقت مئات الآلاف من الطلبات التي سبقت طرحه بالسوق ويتوقع أن تبيع الشركة ما بين أربعة وسبعة ملايين جهاز في السنة الأولى.

ومن مميزات آي باد احتواؤه على شاشة يبلغ قطرها 24.6 سنتيمترا مقارنة بـ8.9 سنتيمترات لشاشة آي فون. ويبدأ سعره بـ499 دولارا للطراز المستقبل لإشارات قصيرة المدى للإنترنت ويصل سعر الجهاز المستقبل السرعة العالية إلى ثمانمائة دولار.

ويستطيع الجهاز استخدام جميع وسائل التكنولوجيا الحديثة مثل الألعاب والفيديو والكتب والمجلات الإلكترونية.

المصدر

 

[m7tram]

واو وصل مبجر !

 

[JOE]

^^ شوف لي الاسعار كيف بليز

 

[Painkiller Q8]

والله شكله بيسونله JailBreak قريبا :laugh::..
عن نفسي ماراح اخذه الحين .. عل اقل خل تصدر ليه العاب وبرامج كافيه .. ووبعدين افكر فيه + ان سعره راح يكون مبالغ فيه في الكويت !!!

apple FTW

بس غريبه ان ينزل شي كبير بعد الصغير ... يعني متعودين ان تنزل اشياء وبعدين يسوون منها مصغره مثل الموبايلات واكونسل .. وال بس شي

هل مره ابل عكس الناس من صغير لي كبير ... صج فكره وابداع يستحق التقدير !

 

[NextGGamer]

واو وصل مبجر !

الاجهزة معروضة بالغانم للعرض فقط يعني اللي يبي يجرب الجهاز يروح لهم
يبتدى الحجز الساعة 7 اليوم من فرع الافنيوز
تدفع 50 دينار و بعد اسبوع اعتقد تستلم جهازك بس السعر نصب 16 GB ب 299 دينار
يعني تقريبا $1040

المصدر :
http://www.248am.com/mark/kuwait/first-ipad-in-kuwait/

 

[The Doctor]

Just got the new iPad. This amazing device has already revolutionized the way I use a calculator.

:laugh::

 

[JOE]

^^ ايباد 16 جيجا = 299 دينار كويتي = 3865 ريال سعودي !!!

اسعار I Weaver المتوقعة :

16GB = 2590
32GB = 3150
64GB = 3590

اذا الاسعار صحيحة و الله عندنا ارحم بكثير !