الموضوع الرسمي لمنتج ابل اللوحي الجديد ... حديث العالم ... iPad

[JOE]

بشكل متوقع منتج ابل الجديد مزلزل الإنترنت و كل وسائل الميديا ...... تيبيكال ابل فحبيت نتشارك كل الهايب في موضوع واحد عن هذا المنتج الواعد .

iPad

نوع الجهاز

الايباد يعتبر جهاز كمبيوتر لوحي يوافق بين بساطة إستخدام الايفون و فعالية و إحترافية الماكبوك حيث انه يتفوق على كل منهم في امور محددة فهو افضل من الايفون في الديسبلاي و الإمكانيات و البساطة و افضل من الماكبوك في التصفح و الملتي ميديا ، لا نستطيع إطلاق مسمى Tablet عليه لانها عرفت كونها لابتوبات بتكلفة رخيصة ... و ليس هذا هو توجه ابل مع هذا المنتج .

المواصفات

المعالج : A4 المطور داخلياً في ابل .
حجم الشاشة : 9.7 إنش
نظام التشغيل : iPhone OS 3.2

بقية المواصفات بالتفصيل هنا

انواعه

يتوفر الايباد بنوعين الاول يدعم إتصال الـWiFi بينما الثاني يدعم شرائح Mini SIM و دعم شبكات الـ3G ، حيث سيتوفر موديل الواي فاي بتاريخ 3 ابريل بينما موديل الـ3G تم تأخيره إلى آخر ابريل و يعود ذلك لمشاكل ابل مع هيئة الإتصالات و غيره من الاسباب .

يتوفر الايباد زي الايبود تتش بثلاثة مساحات مختلفة و هي 16GB - 32GB - 64GB و اسعارها في هذا الجدول :

موعد صدوره

غداً الساعة 9 صباحاً في امريكا لموديل الـWiFi بالثلاثة موديلات المختلفة .

عرض إستعراض الجهاز


[video=youtube;y2Hz8dhQw8Q]http://www.youtube.com/watch?v=y2Hz8dhQw8Q&hd=1[/video]

دعايته الرسمية التي عرضت لاول مرة في حفل جوائز اوسكار 2010


[video=youtube;R41NNPBqRCk]http://www.youtube.com/watch?v=R41NNPBqRCk&hd=1[/video]


بقية العروض تلقوها في قناة ابل عاليوتيوب

المراجعات

طبعاً الجهاز الريدي وصل لايدي الكثير من المحررين و منهم والت موزبيرج و ديفيد بووج ..... اسيبكم مع جدول الإنطباعات الملخص هذا








Ohh !! And One More Thing


[video=youtube;EqwI-Myg9Bo]http://www.youtube.com/watch?v=EqwI-Myg9Bo&hd=1[/video]

:laugh::


و الله الجهاز يستاهل موضوع افضل بس انا مستعجل (و الريدي متأخر عالدوام ) فسامحونا + ياليت نشوف كل ما يخص الجهاز في هذا الموضوع

عن نفسي : DAY ONE !!!​

 

[G7Ga7]

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيفون كبير ناقص التلفون؟ خاصة انه سعره مهب بسيط بعد.

 

[Jonas]

ديفد لترمان :laugh::

 

[nbnt]

ليش اشتري الآيباد

لأن ستيف يقول انه ثوره.

 

[Niessu7]

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيفون كبير ناقص التلفون؟ خاصة انه سعره مهب بسيط بعد.

نفس السبب الي يخليك تشتري الـ DSi XL + لازم تصير كول وتشتري كل منتجات ابل !

 

[ShinShadi]

Marvel Comics iPad App

[YOUTUBE]dKynwgUOZJo[/YOUTUBE]

كمان لو شفت شيء مشابه من DC + Shonen Jump تكمل الشغلة و أشتري حبة !!​

 

[Jonas]

الاي باد ما يختلف عن الآيفون ؟ حمدالله بس !

بس طالعوا الصورة الأولى و شوفوا كيف انه راح يكون Reading devise للي يحبون الجرايد أو للأفلام الخ..

 

[Jonas]

Marvel Comics iPad App

[YOUTUBE]dKynwgUOZJo[/YOUTUBE]

كمان لو شفت شيء مشابه من DC + Shonen Jump تكمل الشغلة و أشتري حبة !!​

هذا الشي الي كنت اتكلم عنه و بعد هالفديو بديت افكر جدياً بالجهاز

بعدين عندك مارفل ... ايش تبغى بـDC ? :smug:

 

[Photon]

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيفون كبير ناقص التلفون؟ خاصة انه سعره مهب بسيط بعد.

لأن ستيف يقول انه ثوره.

نفس السبب الي يخليك تشتري الـ DSi XL + لازم تصير كول وتشتري كل منتجات ابل !

الآي باد مو آيفون كبير مثل ما الكل يعتقد .. الآي باد يستهدف شريحة الناس اللي تشتري نتبوكس رخيصة و خردة بمعنى أدق بجهاز أخف و أصغر حجماً و تطبيقاته المتعددة من تصفح الإنترنت ( اللي هو هدف النتبوكس اللي أُنتجت عشانه ) و كجهاز ترفيه و ملتي ميديا متكامل من أغاني و أفلام و غيره + سوق الكتب و المجلات و الكوميكس الجديد اللي تستهدفه حالياً و بتوسعه أكثر مما عمل كندل أمازون ..

الآن Hulu و Netflix عندهم تطبيقات عليه و كلها تدعم الـ HTML5 ( تقنية المستقبل البديلة للفلاش ) ..

الجهاز ثوري من كل النواحي و اللي يفكر إنه هايب آبل معطيه كل الإهتمام هذا فأنصحه يرجع يقرأ عن الجهاز من جديد ..

أنا هنا ما أدافع عن آبل لكن حاب أذكركم كيف الناس ضحكت على ستيف جوبز لما قال الآيبود بيغير وجه سوق الأغاني للأبد و وصفوه بمجرد " مشغل إم بي ثري آخر " و الحين صار الآيبود هو الستاندرد اللي يمشي عليه السوق و بلا منافس قريب .. كمان أذكركم لما ضحكوا على الآيفون و قالوا كيف جهاز مافيه ثري جي و ما يدعم MMS و لا فيه بلوتوث حتى بيغير سوق الهواتف المحمولة و نحنا نشوف الآن الناس تتهافت عليه ..

الآي باد لو نظرت له من كل الزوايا بتعرف إنه أكبر خطوة عملتها آبل بتاريخها و سوق النتبوكس الرخيصة و الخردة راح يختفي للأبد بعدها .. يكفي سعره الممتاز و المقارب لأي جهاز نتبوك موجود بالسوق عشان أعرف بنظرة واحدة لو عندي نية أشتري نتبوك فخياري بيكون الآي باد

 

[Def-yusuf]

عندي سؤال واحد بس :

ليش فيه 16 جيجا .. ألحين مو المفروض يكون ملتيميديا ويعرض مسلسلات وأفلام HD على كذا ما أقدر أحط نص موسم

يعني المفروض يكون فيه 32 و 64 و 128 وبنفس السعر الحالي

 

[Majeed]

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيبود تتش كبير ؟ خاصة انه سعره مهب بسيط بعد.

تم التزبيط :}

 

[Snake-87]

سؤالي التالي جدي, وما أقصد اكون ترول في الموضوع هذا:

ليش اشتري الآيباد,

علشان تصير كول وعندك آخر gadget بالماركت .

الآي باد مو آيفون كبير مثل ما الكل يعتقد .. الآي باد يستهدف شريحة الناس اللي تشتري نتبوكس رخيصة و خردة

قول لي شيئ واحد النوت بوك العادي ما يقدر يسويه بالنسبة للآيباد ما عدى اللمس ؟ وعلامة آبل .

 

[Da S.O.S]

الآي باد لو نظرت له من كل الزوايا بتعرف إنه أكبر خطوة عملتها آبل بتاريخها و سوق النتبوكس الرخيصة و الخردة راح يختفي للأبد بعدها .. يكفي سعره الممتاز و المقارب لأي جهاز نتبوك موجود بالسوق عشان أعرف بنظرة واحدة لو عندي نية أشتري نتبوك فخياري بيكون الآي باد

هالكلام ينقال لمن يكون الجهاز عباره عن ماك صغير .. مو آيبود كبير.

 

[SCREAMING_RAGE]

يعني نقدر نقول انه نوتبكس, لكن بنظرة ابل !!

همممم, بأنتظر سعره في الـ UK , واذا شفته مناسب يمكن اشتريه

 

[JOE]

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيفون كبير ناقص التلفون؟ خاصة انه سعره مهب بسيط بعد.

سؤال جدي بس اجوبة الشباب لا للاسف .

اكبر سؤال يطرح هو : ليش احتاج الايباد ؟

الايفون يعتبر "ثورة" في مجاله فالهواتف الذكية الي كانت لفترة طويلة محكورة بالـGeeks بس و الآن تشوفها في يد كل شخص و الي ينكر تأثيره عالسوق (شوفوا القضايا الي رافعتها ابل عالعالم كفاية) فهو يضحك على نفسه ، الايباد للآن ما اشوفه و محد شافه "ثورة" للامانة حتى لو ابل إدعت ذلك في وصفها له ، ابل بالايفون دخلت سوق الريدي موجود بجهاز ضروري لاي شخص بينما بالايباد ودها تنشئ سوق جديد تماماً ، الايباد مش تابليت و مش نيتبوك بل هو : ايباد .

شفت لما يكون ودك تتصفح الإنترنت ببساطة الايفون و حجم شاشة اكبر و اسهل ؟ ما تجيك لحظات تبغى تستعرض مقطع فيديو لاصحابك بس متكاسل تطلع لابتوبك (إذا شلته معاك اصلاً) و الي بطبيعة إستهلاكه بطاريته ما حتخارج ؟ و في المقابل السمارتفونز بشاشاتها الصغيرة ؟ ما تجيك لحظات ودك تقرا كتاب و ودك تقفز من عتبة "زحمة اللابتوبات" و بطاريتها و ببساطة "تقرأ" ؟؟ حتى مشكلة الشاشة و غياب الـE Ink ممكن تنحل إذا الكتب دعمت الالوان السلبية (في الايفون تنفع) يا سيدي تبغى تلعب العابك (و خصوصاً الـTower Defence منها) بشاشة اكبر ؟؟ ما اتخيل كيف حالعب Fieldrunners او Plants vs Zombies بشاشة بهذا الوضوح الخارق !!! و غيره من الاستخدامات الكثيرة ..... الاب ستور و برامجه هذا باب تاني .

يمكن كل الي قلته اعلاه يفرق معي و ما يفرق كثير مع غيري .... و تظل مسألة رأي في النهاية بس انا متأكد انه اللحظة الي حاجرب فيها الايباد و احط يدي عليه (تخيل شاشة الايفوت الافضل في اللمس في السوق بحجم 9,7" !!!) .... حتتغير معايير كثيرة عندي .

بالنسبة لثوريته ،،،،، فاذكركم انه كلنا ما شفنا اي ثورية في الايفون إلا لما شفنا المطورين إيش قدموا عليه و كيف إستغلوا الإمكانيات الي ابل سخرتها لهم ..... بلاش نتسرع و ننتظر ايش حيعمل الايباد << احنا شايفين تأثيره في قطاعات كثييييرة من قبل ما يصدر الريدي فيه جامعات اعتمدته ... الشئ الي ما شفناه في الايفون على وقته فمرة تانية .. بلاش نتسرع .

و اسيبكم مع مقالة بقلم بندر رفة عن الايباد و البوتينشال الي فيه بعنوان : iPad جهاز الاحلام

 

[i7asan]

ريفيو PC magazine للأي باد

[YOUTUBE]Luj263H_56A[/YOUTUBE]

في الريفيو نلاحظ فروقات برامج الاي بود عن والاي باد

سؤالي التالي جدي, وما أقصد اكون ترول في الموضوع هذا:

ليش اشتري الآيباد, وهو -من الي انا شايفه- عبارة عن آيفون كبير ناقص التلفون؟ خاصة انه سعره مهب بسيط بعد.

لأن ستيف يقول انه ثوره.

نفس السبب الي يخليك تشتري الـ DSi XL + لازم تصير كول وتشتري كل منتجات ابل !

:laugh:


بالنسبة لي ما احتاج الاي باد لأن اعرف ماراح استفيد منه مع وجود اي فون عندي ويكون طول الوقت في جيبي وفيه كل احتياجاتي

 

[ForMaher]

العالم ما راح تعرف الفرق بين الآيباد و الآيفون إلا لمن تحط يدها عالجهاز

الجهاز بكره الصباح راح يكون في يد الجمهور و أتوقع نجاح للجهاز أكثر من الآيفون

ليش تشتري الآيباد ؟ حسب إحتياجاتك .. أنا عندي آيفون و في كل شي أحتاجه

لكن في حاجات بالآيباد راح تفرق معايا كتير أولها الشاشة الكبيرة و البطارية إللي تجلس عشرة ساعات

الشاشة الكبيرة راح تعطيني تجربة أفضل للتصفح و لمشاهدة الفيديو إللي أبداً ما كنت أعتمد على الآيفون من هالناحية

أنا أطلع دوامي بباص الشركة لمدة ساعة و نصف ذهاباً و ساعة و نصف إياباً .. إيش تتوقع الجهاز المناسب لحمله معايا بالرحلة كل يوم

الآيفون مو مقصر لكن البطارية ما تجمل و الشاشة ما تساعد إن أشوف فيلم أو مسلسل

و طبعاً أكيد حاجة مو مريحة إني أشيل لابتوبي معايا لأنو ثقيل

و إذا تسأل ليش ما تشتري نت بوك و تشتري آيباد ؟

لأن النت بوك صناعتها رديئة و عن تجربة و ما تتحمل الأوبريتنق سيستم و تصير بطيئة و ما توصل لسرعة إستجابة الآيباد

و أكيد ما راح تكون بسهولة الآيباد في قراءة الكتب الإلكترونية

 

[ForMaher]

لو تم إنتاج هذا الشي بيكون شي خورافي

http://www.intomobile.com/2010/04/0...ed&utm_campaign=Feed:+IntoMobile+(IntoMobile)

 

[Gladiator]

انا أختلف مع الناس اللي يقولون انه ايفون او ايبود تش كبير
اذا أنت ما بتشتريه لا تخرب على غيرك واتقول عنه معلومات خاطئة!!!

الايباد جهاز خفيف مخصص للقراءة والتصفح بشكل مميز
مش كل الناس تحب تاخذ معاها النوتبوك كل مكان تروحه
واظن انه فكرة غبية لو خلو فيه تلفون!!!

وفي الاخير اختراع من ابل اللي عملت ثروة في عالم التكنولوجيا هذي كفاية
باي اذا تقدر طبعا على السعر...

 

[JOE]

واظن انه فكرة غبية لو خلو فيه تلفون!!!

موديل الـ3G توقع تشوف امكانية اتصال فيه بشكل رسمي او جيلبريك :laugh::

 

[Monsteropolis]

واو Apple ايش سويتي. كل منتج جديد لازم ناس تتناحر الي يخليه شي ثوري والي يقعد يتباكى ويقول منتج زبالة.

اخ ليفربول اذا شفت سعره في بريطانيا حطه, لأن ممكن يكون أقل بما أن الباوند مرة نازل؟

 

[JOKER MASK]

انا بنصح فقط الي مستعجل عليه ومحتاجه جد ( يعني مهب الي متحمس له بس ماله حاجه له ) نقول مبروك عليك وتتهنائى فيه ..

بس الي ماله حاجه فيه ومتحمسله انا بنصحه نصيحه ينتظر مايكروسوفت و الشركات الثانيه الي بتعون معهم واذا ما عجبه شي من مايكروسوفت وشركائها ينتظر نسخه اي باد الثانيه والي اكيد بيغطون عيوب كثيييرة جدا بنسخه الاولى كعاده ابل

 

[JOE]

^^ الايباد الي بعده حيحتوي كاميرا امامية (مكانها في البودي جاهز اصلاً لول و جربوها) و يمكن خلفية ... ما اتوقع مدخل USB .

 

[JOE]

ستيف جوبز على غلاف مجلة TIME الشهيرة

 

[Aoks]

شفت لما يكون ودك تتصفح الإنترنت ببساطة الايفون و حجم شاشة اكبر و اسهل ؟ ما تجيك لحظات تبغى تستعرض مقطع فيديو لاصحابك بس متكاسل تطلع لابتوبك (إذا شلته معاك اصلاً) و الي بطبيعة إستهلاكه بطاريته ما حتخارج ؟ و في المقابل السمارتفونز بشاشاتها الصغيرة ؟ ما تجيك لحظات ودك تقرا كتاب و ودك تقفز من عتبة "زحمة اللابتوبات" و بطاريتها و ببساطة "تقرأ" ؟؟ حتى مشكلة الشاشة و غياب الـE Ink ممكن تنحل إذا الكتب دعمت الالوان السلبية (في الايفون تنفع) يا سيدي تبغى تلعب العابك (و خصوصاً الـTower Defence منها) بشاشة اكبر ؟؟ ما اتخيل كيف حالعب Fieldrunners او Plants vs Zombies بشاشة بهذا الوضوح الخارق !!! و غيره من الاستخدامات الكثيرة ..... الاب ستور و برامجه هذا باب تاني .

شكرا . تأكدت اني مااحتاج ال iPad​

 

[Nintendo]

المشكلة الاشياء اللي ماحطوها بالجهاز هي نفسها اللي اشتكي منها مع الايفون والايبود توتش (المولتي تاسك) وغياب فتحتات اليو اس بي وغيره تخلي الجهاز لجمهور محدود جدا حاليا خصوصا مع سعره..

للاسف مش لي ومنتظر اشوف الايفون الجديد.

 

[SPIRIT X360]

أحبك ياديفد لترمان :laugh::.
موديل 16 قيقز بواي فاي اشوفه مناسب جدا حتى سعره موش غالي لكن شباب الي ناوي على واحد أنصحه ينتظر انطباعات الناس مو انطباعات المواقع والمجلات

صراحه 829دولار اشوفها غاليه مره على جهاز واي فاي + جيل ثالث لو قارناها مثلا بسعر وحش بقوه alienware m11x وبسعر 799 دولار .

تحرير : فيه ميزه وحده بس تخلي الاي باد يكون متطلب اساسي . أكثر الناس وبالاخص الي عملهم ميداني تلاحضون انه معهم لابتوب بتش سكريين هذا غير انه ثقيل والبطاريه ماتجلس أكثر من اربع ساعات حسب النوع , راح يكون الاي باد هو الحل الامثل في مثل هذي الظروف

 

[SAM]

معليش بس مافهمت .. هذا لاب توب تتش صغير ولا كيف ؟
لا هو الي يدخل في جيبي عشان لو اطلع برى استخدمه ولو بستخدمه في البيت معي الاب توب اصرف منه بالف مره ..

مافهمت وش المقصد ؟ يعني عشان جاي من ابل عليه ضجه !؟ لانه فكره فاشله صراحه وابي احد يثبتلي العكس

 

[Photon]

شكراً ياسيرفر ترو جيمنج .. كتبت رد طويل عريض و بالنهاية الرد كله راح ، ماني كاتب أي رد هنا خلاص -___-

 

[Zero]

معليش بس مافهمت .. هذا لاب توب تتش صغير ولا كيف ؟
لا هو الي يدخل في جيبي عشان لو اطلع برى استخدمه ولو بستخدمه في البيت معي الاب توب اصرف منه بالف مره ..

مافهمت وش المقصد ؟ يعني عشان جاي من ابل عليه ضجه !؟ لانه فكره فاشله صراحه وابي احد يثبتلي العكس

ما حد يقدر يثبت لك العكس لأن كل شخص عنده رأيه الشخصي وما حد يقدر يغير رأيك الشخصي ما دامك مقتنع به، عن نفسي الجهاز ما يناسبني وزي ما ذكر عمر ما فيه الأشياء اللي تخليه ستاندرد للكل بل بيكون ستاندرد لمستخدمين آبل.

على العموم الأسباب اللي ذكرها عمر تكفي بالنسبة لي، هذا غير أني أكره نقل الملفات في أجهزة آبل.