الشابتر وضح أخيرا هدف إيرين الحقيقى و هو قتل كل البشر ماعدا الإيلديانز
من جهة الشابتر أكد على النقط اللى ذكرتها فى تحليلى لشخصية إيرين ، ميكاسا ذكرت إن إيرين ماتغيرش و إنما دى شخصيته من البداية و حتى كان فى بانل لمشهد قتله للخاطفين فى طفولته عشان يأكد ده، إيرين ماعندوش القدرة على التفاهم أو رؤية حل سلمى و إنما الشئ الوحيد اللى بيفكر فيه هو القضاء على أى شئ يعتبره العدو و بلا رحمة سواء ده كان خاطفى ميكاسا و التايتنز فى الماضى أو حتى العالم كله فى الحاضر
من جهة تانية ماكنتش متوقع إن المسألة توصل للقضاء على كل البشر
، كنت فاكر إن إيرين هايكتفى بالقضاء على قوات التحالف فقط زى ما قال أرمين بس إيرين تعدى ده بكثير و أثبت إنه مجرم حقيقى و مجنون و حتى بعد رؤيته للعالم على اتساعه و تعامله مع الناس فيه إيرين ماغيرش خطته و قرر يحصل على اللى بيعتبره الحرية من وجهة نظره بأى ثمن حتى لو ده معناه قتل الملايين من الأبرياء
أحد النقط اللى حبيتها فى الشابتر هو إنه كان من وجهة نظر ميكاسا و وضح التغير الكبير فى موقفها تجاه إيرين من الدفاع المطلق عنه للشك فيه و فى دوافعه و أخيرا لإدراكها لحقيقته و رؤيتها لتصرفاته السابقة بشكل مختلف لدرجة تساؤلها عن إيه الجانب اللى كانت بتشوفه من إيرين قبل كده
السؤال بعد كده يبقى هل هايتم إيقاف إيرين و إزاى ده ممكن يحصل ، أحد الإحتمالات يبقى اللى قاله
@MegaDrive
وبعد فترة من الحروب ميكاسا تقتله وتنتهي قدرة العمالقة بموت ارين, واهم شي ارمين يموت بطريقة شنيعة.
ده بالذات ممكن لأنها من عائلة الأكرمان و مش هتتأثر بقدرة التايتن المؤسس و هى و ليفاى فقط اللى عندهم القوة الكافية لعمل هجوم عليه بس مش متأكد إن ده الطريق اللى الكاتب هياخده ، بغض النظر عن ده أرمين فعلا يستحق إنه يموت بعد ما سلبيته المستفزة و تردده خلوه مايخدش أى تصرف من أى نوع فى أى موقف بالرغم من التضحية اللى اتعملت للإبقاء على حياته و اللى على ما يبدو كانت غلطة كبيرة
.
