بعد ما جابى أصابت إيرين و فصلت رأسه زيك قدر يلتقط الرأس قبل لحظات من موت إيرين ، من الناحية النظرية المفترض إن الشخص (أو الجسم) بياخد لحظات عشان يموت و مابيموتش مباشرة و بالنسبة لشخص عنده قدرة التايتن زى إيرين فممكن افتراض إنه كان لسه حى وقتها (لفترة محدودة) نتيجة قدرته
بمجرد لما زيك لمس إيرين قدرة التايتن المؤسس تم تفعيلها و الإثنين انتقلوا لل Paths أو المعابر و اللى تم شرحها فى العمل قبل كده ، المعابر المفترض إنها بتربط بين كل أفراد شعب يمير فى كل الأوقات و هى اللى بيتم إرسال أجسام التايتنز و الذكريات عن طريقها ، المعابر المفترض إنها بتلتقى عند نقطة واحدة و هى ال coordinator (التايتن المؤسس) و اللى عنده القدرة على التحكم فى باقى أفراد شعب يمير و دى النقطة اللى إيرين و زيك وصلوا عندها
زيك إفترض إن ده المكان اللى أفراد العائلة المالكة كانوا بيروحوا ليه لما يبقوا عاوزين يستخدموا قدرة التايتن المؤسس و بما إيرين و زيك كانوا عاوزين يعملوا كده (لأسباب مختلفة بالنسبة لكل واحد ) فده ممكن يفسر إنتقالهم هناك
بالرغم من الإثنين وصلوا للمعبر إلا إن إن نتيجة إصابته القاتلة إيرين خد وقت طويل جدا على ما يستعيد وعيه ، زى ما ذكرت زيك لمس إيرين قبل موته بلحظات و الإثنين انتقلوا للمعبر و هناك الوقت بيمشى بشكل مختلف و للتوضيح ده تكرار للى قلته فى بداية الرد :
زى ما أنت ذكرت المعبر مابيخضعش لقوانين الزمان و المكان ، قبل كده لما زيك تمت إصابته فى الإنفجار و يمير عالجته فى المعبر ، زيك ذكر إنه حس كأنه قضى سنين هناك بس فى نفس الوقت كأن كل الزمن اللى عدى كان لحظة
نفس الشئ بيتكرر هنا ، الشابتر اسمه Instant و كل الأحداث اللى حصلت فيه كانت فى لحظة من الزمن الحقيقى و المشاهد الثابتة فى بداية الشابتر تبقى الأحداث خلال اللحظة اللى زيك و إيرين انتقلوا فيها للمعبر بس بالنسبة لزيك و إيرين بالزمن بيمشى بشكل مختلف هناك و اللحظة دى كانت كأنها سنين أو أكثر بكثير بالنسبة لهم
إحنا ممكن نفترض إن إيرين و زيك إنتقلوا بوعيهم للمعبر و فى الوقت اللى أجسامهم فى العالم الحقيقى مازلت فى نفس اللحظة اللى شفناها فى بداية الشابتر بس هل تعافى إيرين فى المعبر ليه تأثير على جسمه فى العالم الحقيقى ؟ أظن إن ده إحتمال وارد و ممكن اللى حصل زيك يتكرر
بمجرد إستعادة إيرين لوعيه هيلاحظ وجود المؤسسة يمير و إن زيك مقيد بالسلاسل و ده اللى زيك هايشرحه ، السلاسل تبقى العهد بترك الحرب و اللى الملك كارل فريتز عملها بهدف التحكم فى أفراد العائلة المالكة و منعم من استخدام قدرات التايتن فى الحروب ، عند إنتقال قدرة التايتن المؤسس من شخص من العائلة المالكة لآخر فالشخص المتلقى بيورث ذكريات الملك كارل فريتز و أفكاره و بيتم تقييده (أو بمعنى آخر تقييد وعيه) عشان مايقدرش يستخدم قدرة التايتن المؤسس غير فى الحدود اللى حطها كارل فريتز و ده اللى حصل قبل كده مع فريدا ريس لما ورثت قدرة التايتن المؤسس و أفكار كارل فريتز اتحكمت فيها و خلتها ترفض الدفاع عن الأسوار ، بالنسبة لزيك و إيرين فالوضع مختلف
زيك من العائلة المالكة بس ماورثش ذكريات و أفكار كارل فريتز بشكل مباشر (لأن إيرين هو صاحب القدرة) و ده خلاه مش مقيد بشكل كامل أما إيرين فبالرغم من وراثته للقدرة و الذكريات إلا إنه مش من العائلة المالكة و ماعندوش الإمكانية على استخدامها و بالتالى مافيش إمكانية إنها تتحكم فيه و للسبب ده كان حر أما بالنسبة لطبيعة السلاسل نفسها و تحرر زيك منها فده بينقلنا للنقطة التانية و هى يمير
خلال المدة اللى قضاها زيك فى انتظار استعادة إيرين لوعيه زيك قدر يعرف حاجات كثيرة عن وجود يمير فريتز ، على حسب تفسيره يمير عندها القدرة على عمل أى شئ من التربة ، قبل كده يمير عالجت زيك بإنها صنعت الأجزاء اللى فقدها من التربة و الفكرة إن ده ممكن مايكونش مقتصر على القدرة على التجدد اللى عند مستخدمى قدرة التايتن فقط، زيك ذكر إن يمير ممكن تكون هى المسئولة عن صناعة التايتن فى كل مرة حد بيطلبه أو بيحصل عليه ، الموضوع بياخد وقت طويل بس الزمن فى المعبر غير محدود و يمير عندها الوقت لده ، نفس الشئ ينطبق على السلاسل و اللى برضه يمير عملتها من التربة زى ما أمرها كارل فريتز و هنا المفاجأة فى إن يمير ماعندهاش إرادة خاصة و إنما بتطيع أفراد العائلة المالكة اللى عندهم قدرة التايتن المؤسس فقط ، ده بيطرح اسلة كثيرة بخصوص يمير بس ماظنش إن هايبقى ليها إجابة فى الوقت الحالى
زيك استغل الوقت اللى عنده مع كون إن القيد عليه مش قوى فى إنه يتعرف على طبيعة يمير و يتحكم فيها خصوصا إنه من العائلة المالكة و ده اللى خلاه يقدر يكسر القيد و يتحكم فى قدرة التايتن المؤسس ، زيك كان محتاج إيرين عشان يوصل للمعبر بس بمجرد لما وصل و اتحرر من القيد مابقاش محتاجه بس بالرغم من كده زيك انتظر إيرين لأنه أخوه و كان عاوز ينفذ خطته معاه و ده الشئ اللى رفضه إيرين زى ماهو متوقع
زيك افترض إن رفض إيرين لخطته يبقى ناتج عن فرض جريشا لأفكاره عليه و غسيل مخه زى ماحصل معاه و قرر إنه يثبت ده لإيرين عن طريق استكشاف ذكريات جريشا ، المعابر بتربط كل أفراد شعب يمير أيا كان الزمن و قبل كده شفنا كروجر هو بيتلقى ذكريات من المستقبل عن أرمين و ميكاسا أثناء كلامه مع جريشا و بما إن زيك بقى يقدر يستخدم قدرة التايتن المؤسس و يتحرك فى المعابر فإنتقاله لذكريات جريشا مش غريب
خلال استكشافهم للذكريات زيك هيلاحظ التعامل المختلف لجريشا مع إيرين و إزاى إنه ابتدى يفضل اسرته على أهدافه و خطته على عكس المتوقع ، زيك افترض إن جريشا نسى عائلته الأولى و ابنه الأول و عاش حياة جديدة بدون إهتمام بس اكتشف فى الآخر إن جريشا ماقدرش ينساه و إنه عرف إنه أخطأ فى حقه و على الأغلب زيك هايغير أفكاره و ياخد طريق مختلف فى الشابتر الجاى
*
و كل شيء يمشي حسب مخططه
) فمافيه اي استغراب الحين لما تحط المعلومات الحالية بعين الاعتبار.