الاكس بوكس 360 اركيد -- شباب دبي

[Still Alive]

السلام عليكم

شباب قلبت دبي فوق تحت وما حصلت اكس بوكس 360 اركيد الى سعره 750 درهم :crying:

عندهم بس اكس بوكس ايليت سعره 1350 درهم وانا ما اريد اكس بوكس ايليت لأنه عندي هارديسك من الاكس بوكس الثانية وعندي كل الاكسسوارات الى تجي ويا الاكس بوكس ايليت ..

لو احد يندل محل يبيع اكس بوكس 360 اركيد في دبي يا ليت ما يبخل علي ..


كلها كم يوم وارجع الدوام اريد استمتع فيهم هالكم يوم :crying:

 

[Naif]

لوول ربيعي من فترة يدوره ما حصله عندنا في العين بعد. شكله فعلا مخلص من السوق.

انصحك تروح Geekay أي فرع و تسأل عندهم (أو تسألهم عن طريق صفحتهم في الفيسبوك) و خليهم يدورون في الكمبيوتر بيقولوك أي فرع موجود عنده الجهاز (إذا في) و أصلا عندهم أفضل ضمان فانصحك تاخذه منهم.

 

[Still Alive]

لوول ربيعي من فترة يدوره ما حصله عندنا في العين بعد. شكله فعلا مخلص من السوق.

انصحك تروح Geekay أي فرع و تسأل عندهم (أو تسألهم عن طريق صفحتهم في الفيسبوك) و خليهم يدورون في الكمبيوتر بيقولوك أي فرع موجود عنده الجهاز (إذا في) و أصلا عندهم أفضل ضمان فانصحك تاخذه منهم.

تصدق انا اليوم الصبح كنت في السفارة الكندية في بوظبي وحصلتها مجموعة منها هناك في المول الى في المبنى ..

بس قلت اخذها من دبي احسن .. ويوم رجعت دبي لفيت على المحلات كلهم يقولوا لي Out of stock :sadwalk:

تحسفت اني ما شريتها

بس توني دخلت موقع Souk وحصلت واحد يبي يبيع اكس بوكس 360 ايليت جديدة بـ 850 درهم :smug: وخبرته الاقيه في مكان وادفع له كاش واخذها منه .. والحين منتظر الرد

 

[Naif]

بس توني دخلت موقع Souk وحصلت واحد يبي يبيع اكس بوكس 360 ايليت جديدة بـ 850 درهم وخبرته الاقيه في مكان وادفع له كاش واخذها منه .. والحين منتظر الرد

اشتري من السوق أفضل لك على شان الضمان.

شراء الاكس بوكس بدون ضمان فكرة أبدا مش ذكية.

 

[Nyx]

معليش بدخل عرض في الموضوع بس سعر الإكس 360 أركيد كم سعره في السعوديه ؟

 

[Still Alive]

اشتري من السوق أفضل لك على شان الضمان.

شراء الاكس بوكس بدون ضمان فكرة أبدا مش ذكية.

هو حاط عليها ضمان .. وهي اصلاً جديدة موب مستخدمة

كاتب انه ما تفرغ لها بسبب الواجبات الأبوية :happy:

 

[Akilla]

معليش بدخل عرض في الموضوع بس سعر الإكس 360 أركيد كم سعره في السعوديه ؟

حول ال800 ريال

 

[Still Alive]

معليش بدخل عرض في الموضوع بس سعر الإكس 360 أركيد كم سعره في السعوديه ؟

المفروض يكون في حدود 7500 ريال ..

هذا السعر الرسمي في دول الخليج

 

[Yaz3D]

^
لول .. أكيد 7500 ريال؟

 

[Still Alive]

^
لول .. أكيد 7500 ريال؟

هذا السعر الرسمي في دول الخليج بدون زيادات المحلات

عاد مادري يمكن محلاتكم نصابين :razz:: بس اكثر شي تحصله بهذا السعر في كارفور والمولات الكبيرة .. ولا تنسى فرق العملة طبعاً

 

[Burdegation]

^
متأكد ؟

مو كأنه في صفر زايد :laugh::

 

[Akilla]

^

ههههههههههه :laugh::

 

[BioMario]

حتى عندنا في أبوظبي الأركيد خلص او شبه مخلص مادري ليش

 

[Yaz3D]

Still Alive..

روح دكتور نظر ..

 

[ASWD]

هالدلائل كلها تمهيدا لكنسلة هذ الموديل واحلال الإليت مكانه.لبرايس كت جاي بالطريق ياجماعة افهموها عاد:lebb:

 

[Still Alive]

حتى عندنا في أبوظبي الأركيد خلص او شبه مخلص مادري ليش

روح ابوظبي مول واطلع اخر طابق في المول بتحصل هناك محل يبيعون (باقي 4 حبات تقريباً)

^
متأكد ؟

مو كأنه في صفر زايد :laugh::

Still Alive..

روح دكتور نظر ..

O_O

 

[Still Alive]

هالدلائل كلها تمهيدا لكنسلة هذ الموديل واحلال الإليت مكانه.لبرايس كت جاي بالطريق ياجماعة افهموها عاد:lebb:

بس مش مفروض يكنسلوا الموديل .. لأنه فيه فرق كبير بينه وبين الإليت

الاول فيه هارديسك 60 جيجا والثاني مافيه هارديسك خير شر !! وفرق السعر مش شوية (حوالي 5000 درهم)

 

[Tanton]

صفر زيادة مرة ثانية !؟

 

[Nyx]

الريال نزل سعره ولا إيش :razz::
تسلم ستيل ألايف بس أتوقع إنك مخربط بين الريال السعودي واليمني ,إذاما تصلح اللي عندي الله يعيني أوصي على واحد لأن أسعار الأردن موصله السحب بسبب الضريبه والجمرك المرتفع .

 

[Solay]

حتى انا درت الدنيا بالرياض مالقيت اركيد إلا عند بعض المحلات وزايدين سعره..

 

[Nyx]

^طيب كارفور وإكسترا والشله ذي موجود عندهم ؟

 

[ASWD]

بس مش مفروض يكنسلوا الموديل .. لأنه فيه فرق كبير بينه وبين الإليت

الاول فيه هارديسك 60 جيجا والثاني مافيه هارديسك خير شر !! وفرق السعر مش شوية (حوالي 5000 درهم)

الإليت 120 جيجا

راح يعملو برايس كت للإليت ولبريميوم على ما اظن ويخلونه بدل الاركيد*المعوق* والإليت بدل لبريميوم.من فترة ظهرت اخبار وصور توضح انه الإليت نزل سعره ما اتذكر بالظبط كم كان السعر في الصور المسربة.شخصيا اشوفه احسن اذا الغو الاركيد وخلو لبريميوم بسعر الاركيد

 

[Tomb raider]

نفس الكلام ويايه دورت كل مكان ما حصلت ! * كنت ما خذنها هديه حق واحد من الربع*

بس

البارحه حصلت آخر حبه في محل في سبينس في فريجنا واخذتها خخخخ !

 

[Still Alive]

البارحه حصلت آخر حبه في محل في سبينس في فريجنا واخذتها خخخخ !

اللعنة :confident:


وهذا ما رد علي للحين .. خلاص ما قادر اتحمل :crying:

 

[Still Alive]

شباب سؤال اخير الله يرضى عليكم


كيف اعرف نظام الجهاز؟ يعني وين مكتوب NTSC او PAL في الكرتون؟

 

[Zero]

شباب سؤال اخير الله يرضى عليكم


كيف اعرف نظام الجهاز؟ يعني وين مكتوب NTSC او PAL في الكرتون؟

مادري نسيت ، بس اعتقد من هذا الستيكر ويفضل تسأل المحل للتأكد ولا تنسى أن الPAL المفروض عليه ضمان.

 

[ryo hazuki]

هوه انا مستغرب , الفتره الاخيره ابدا ماقمت اشوف الاركيد

ممكن يكون فيه تغيير للبندلات على حسب الاشاعات

 

[Akilla]

شباب سؤال اخير الله يرضى عليكم


كيف اعرف نظام الجهاز؟ يعني وين مكتوب NTSC او PAL في الكرتون؟

http://www.engadget.com/photos/xbox-360-arcade-unboxed/440333

اذا تقدر تشوفها من فوق .. على يمين الكرتون من ورا .. بيطلع لك PAL او NTSC

تعديل/

الصوره ماطلعت بالموضوع ^^ موجود رابط

 

[ASWD]

اللي وده يشتري جهاز جديد انصحه ينتظر حتى اكتوبر.بذاك الوقت مؤكد انه بيتضح كل شي على مسالة لبرايس كت والموديلات اللي اتكنسلت الخ

 

[Nyx]

^ وكاله سوني في الشرق الأوسط أفضل من وكاله مايكروسوفت , أعتقد بسبب الخبره الأكبر .